الرب يسوع المسيح يريد أن يشفيك فهل أنت مستعد ...

[skipy]

الرب يسوع المسيح يريد أن يشفيك فهل أنت مستعد ...


الأمراض تتكاثر بسرعة كبيرة هذه الأيام و عيادات الأطباء مزدحمة و الكل يتذمر من أن
كثيراً من الاطباء لا يقدر حتى على تشخيص المرض او معرفته رغم التقدم العلمي و رغم
التحاليل و الصور على أنواعها ، المرض قد يكون بسبب الخطايا أو بسبب الابتعاد عن الله
ربنا قال لمشلول بركة حسدا : " إذهب و لا تخطئ لئلا يكون لك أشر "
و هو القائل : " صلوا و لا تملوا كي لا تدخلوا في تجربة " ، ليس علينا أن ننتظر وقت المحنة او العاصفة حتى نطلب مساعدة الله ، الله حاضر ليشفينا و الرب مكتوب أنه عندما صلب لم يأخذ آثامنا و حسب بل أيضاً أوجاعنا ..
أشعياء 53-4 لكن احزاننا حملها واوجاعنا تحملها ونحن حسبناه مصابا مضروبا من الله ومذلولا
كل من آمن بالمسيح أحس أن أطناناً من الاوجاع و الهموم قد زالت عن كاهله ، و هو وحده ملأ الفراغ الروحي في قلبه ..
كلنا يعرف أن الرب يسوع المسيح هو الشافي الأعظم في تاريخ البشرية و ما من
أحد قدم إليه بالإيمان حتى و لو كان أممياً و ملحداً طالباً الشفاء إلا و حصل عليه ، و كلمة الله تقول أن المسيح هو هو أمس و اليوم و إلى الأبد
يروي الكتاب المقدس قصة قائد في الجيش الروماني يسمى قائد المئة أي 100 جندي ..
مرض خادم له و كان يحبه فتوجه لعند الرب يسوع و قال له غلامي مطروح و هو مفلوج يتعذب فقال الرب : أنا آتي و أشفيه ..
(( ما أعظمك يا رب )) و لكن قائد المئة الوثني قال يا سيد لست مستحقا ان تدخل تحت سقفي.لكن قل كلمة فقط فيبرأ غلامي
تصور مدى إيمانه فأجابه الرب و قال أمام الجموع :

10 فلما سمع يسوع تعجب وقال للذين يتبعون.الحق اقول لكم لم اجد ولا في اسرائيل ايمانا بمقدار هذا.
11 واقول لكم ان كثيرين سيأتون من المشارق والمغارب ويتكئون مع ابراهيم واسحق ويعقوب في ملكوت السموات.
12 واما بنو الملكوت فيطرحون الى الظلمة الخارجية.هناك يكون البكاء وصرير الاسنان.
13 ثم قال يسوع لقائد المئة اذهب وكما آمنت ليكن لك.فبرأ غلامه في تلك الساعة

الرب لم يجد من بني اسرائيل الذين اتى لبشراهم إيماناً مثل هذا القائد الاممي الذي آمن بل و كانت ثقته بالرب كبيرة و أظهر تواضعاً إذا قال له :
لست مستحقاً أن تدخل تحت سقفي !!!
لكن قل كلمة فيبرأ غلامي ...و كان له ما أراد ..
إن كانت لك الثقة بالرب و تواضعت و طلبت منه فتأكد و ثق أنه سيشفيك ..
كن مؤمناً ، اهم علامة هي الإيمان ، دائماً كان ربنا يقول : إيمانك شفاك
إيمانك خلصك ، تأكد أن ما من مرض ( لا جسدي و لا روحي ) يصمد أمام دم المسيح
و حضوره ، صلي هذه الصلاة ثم اشكر الرب ..الرب يريدنا شاكرين له - تذكر ذلك
شاكرين في كل شيء ..
أيها الرب يسوع المسيح آتي إليك فاشف نفسي و روحي من كل أمراضها و املأني
بروحك ، غسلني بدمك الطاهر ، ضع يدك على رأسي و أمر بشفائي يا رب في الحال ..و لك كل الشكر إلى الأبد آمين ...
(( مهما كنت تأكد أن الرب يسوع يريد شفائك - صلي و ابدأ بالشكر على شفائك
من دون أن تتوقف لحظة واحدة , اشكره أيضاً على ثباتك بالشفاء ))
و سريعاً ستشعر بتحسن كبير ، سر مع الرب و الله يباركك . آمي

[suryoyo]

شكرا على الموضوع


على العموم كل الردود هي خارج الموضوع الاساسي


و الرب يشفي بكل الطرق

لانه هو الشافي الوحيد

[توت توت توت]

تم حذف كل المشاركات الخارجة عن الموضوع ...

وياريت ما ننسى انو هون اللاهوت المسيحي مو حوار الأديان ..

[Lord Of Dark]

الظاهر ما انتبهت للملاحظة من قبل المشرف


تم حذف كل المشاركات الخارجة عن الموضوع ...

وياريت ما ننسى انو هون اللاهوت المسيحي مو حوار الأديان

[كل مره بزعل وبفل]

ما فهمت وا مين مع مين
طي انتو كاتبين انو بدو يشفينا
طيب من شوووووووو ؟؟؟؟؟؟؟؟؟
اسرد الامراض يا للي يتم الشفاء منها

[Lord Of Dark]

كاتب النص الأصلي : كل مره بزعل وبفل

ما فهمت وا مين مع مين
طي انتو كاتبين انو بدو يشفينا
طيب من شوووووووو ؟؟؟؟؟؟؟؟؟
اسرد الامراض يا للي يتم الشفاء منها

1 = أنت
2 = من كلشي
3 = إقرأ الموضوع أولاً

>>>>

[كل مره بزعل وبفل]

كاتب النص الأصلي : Lord Of Dark

1 = أنت
2 = من كلشي
3 = إقرأ الموضوع أولاً

>>>>

طيب وازا ما بشوف شو بعمال
كرمال هيك يا عمي طلبنا منك تفهمنا وين نحجز وئت بالعياده بعدين
منك حاطط متى موعد الغدى
بالعياده بتاعك لورد
تحياتي

[Lord Of Dark]

كاتب النص الأصلي : كل مره بزعل وبفل

طيب وازا ما بشوف شو بعمال
في عندك حلول كتيرة تبدأ بالنظارة الطبية وتنتهي بعمليات الليزر

كرمال هيك يا عمي طلبنا منك تفهمنا وين نحجز وئت بالعياده بعدين
بعتقد سؤالك لم يكن موجه لي هذا إن كان سؤال وكان ردي تفسير لكي تتفهم طرحك فقط

منك حاطط متى موعد الغدى
بالنسبة للغدى برأي يجب أت تتناول طعاما روحيا فأنت بأول الطريق " دنيا "

بالعياده بتاعك لورد
بس نسيت خبرك دكتور بيطري هاللورد

تحياتي

الحارة

[mikooo]

لو فعلا اللى بيؤمن بيسوع مفيش اى حاجه بتاثر فيه حتى لو شرب سم فياريت تشرب سم وتجرب تخليه يشفيك
وبعدين لما واحده راحت له وقالت له يشفى ابنها قالها لم ابعث الا لخراف بيت اسرائيل الضاله فلو انت اسرائيلى ممكن

[RAND2]

يخزي العين عليك با ميلكو ... هلاء انت هيك فهمت الموضوع
مابينحكى معك شي لآنو واضح هالنظرة الراقية لدين من اديان الله
وادمكم الله

[اممي]

كاتب النص الأصلي : skipy

الرب يسوع المسيح يريد أن يشفيك فهل أنت مستعد ...


الأمراض تتكاثر بسرعة كبيرة هذه الأيام و عيادات الأطباء مزدحمة و الكل يتذمر من أن
كثيراً من الاطباء لا يقدر حتى على تشخيص المرض او معرفته رغم التقدم العلمي و رغم
التحاليل و الصور على أنواعها ، المرض قد يكون بسبب الخطايا أو بسبب الابتعاد عن الله
#ي

يعني الله يديم التخلف...
ستين الف مرة قلنا خلو هالناس بقصص الروح يعني شو دخل الايمان بالامراض الجسدية
يعني بالفعل شعبنا شعب مفلس
شي بيومن بالتداوي بالايات وشي بيومن بالصلاة للشفاء ...
اليوم كان عنا فحص عن الحركية العضوية وتاثيرها عالجسم البشري يعني شي بالفعل معقد وراقي بنفس الوقت
الناس عم يفكروا ,ينتجوا ويعالج بنفس الوقت ومابيحملوا القوي الغيبية الي مابطعمي خبز اوجاعهن
فيقوااااا

[المحارب العتيق]

مدري ليش منئرا هيك موضوع ومنطلع أذا كان مو عاجبنا أو مو من ضمن معتقدنا . لأنو معتقد ناس تانيين مقتنعين فيه ولأنو ماعم يهاجم معتقدنا .
فوينون يلي بيهاجموا كلمة مسلم بموضوع متل موضوع (فضيحة بل كارثة أدخل وشوف). ليش لما بيفوتوا على هيك مواضيع مابيئولوا هاد كلام أو موضوع طائفي

[باشق مجروح]

القسم كلو طائفي وعلى اساس تمت ازالتو..
وانا بتمنى ازالتو من كل قلبي كمان..
بغض النظر عن الموضوع الي فيو استخفاف للعقل متل كتير مواضيع دينية.
انا بتمنى ازالة هالقسم كاملاً.

[المحارب العتيق]

كاتب النص الأصلي : باشق مجروح

القسم كلو طائفي وعلى اساس تمت ازالتو..
وانا بتمنى ازالتو من كل قلبي كمان..
بغض النظر عن الموضوع الي فيو استخفاف للعقل متل كتير مواضيع دينية.
انا بتمنى ازالة هالقسم كاملاً.

أولا ياحوينتك ليش رديت ؟ . لو مارديت كنا قلنا يمكن ماقراه . وهيك حنبرر للبقايا
تانيا ليش لينزال شي ماعم يهاجم معتقدك أو يلغيه

[باشق مجروح]

كاتب النص الأصلي : المحارب العتيق

أولا ياحوينتك ليش رديت ؟ . لو مارديت كنا قلنا يمكن ماقراه . وهيك حنبرر للبقايا
تانيا ليش لينزال شي ماعم يهاجم معتقدك أو يلغيه

أولاً : أنا رديت لأنو شفت الموضوع وحبيت رد . يعني لازم ابعتلك برايفت استاذنك بالرد.
ثانياً : الغاء القسم لأنو بيعطي منحى طائفي أو ديني لمنتدى أخوية الي بيسير نحو العلمانية المعتدلة والي بيتبنى هالنهج.
وهيك قسم بتحسو طائفي و وجودو غير مبرر.
ووجودو يقود للتسائل ليش ما في قسم اسمو العقيدة الاسلامية مثلاً.
ورح يتحول المنتدى لحرب وغزوات.
لذلك الحل متل ما قلت بتحييد الدين جانباً.
والغاء هالقسم الطائفي.

[المحارب العتيق]

كاتب النص الأصلي : باشق مجروح

أولاً : أنا رديت لأنو شفت الموضوع وحبيت رد . يعني لازم ابعتلك برايفت استاذنك بالرد.
ثانياً : الغاء القسم لأنو بيعطي منحى طائفي أو ديني لمنتدى أخوية الي بيسير نحو العلمانية المعتدلة والي بيتبنى هالنهج.
وهيك قسم بتحسو طائفي و وجودو غير مبرر.
ووجودو يقود للتسائل ليش ما في قسم اسمو العقيدة الاسلامية مثلاً.
ورح يتحول المنتدى لحرب وغزوات.
لذلك الحل متل ما قلت بتحييد الدين جانباً.

والغاء هالقسم الطائفي.

أممممممممممممممممممممم قلتلي

[حمصي بكل فخر]

أخي باشق مجروح بدك اتطول بالك شوي أنت والأخ المحارب العتيق
لأن المطالبي بإلغاء هالقسم فيها شوية إحراج للأسباب التاليةك
1- لما تأسس هالمنتدى تأسس على أساس مسيحي مشان هيك الشعار تبع المنتدى مايزال مسيحي واللي هوي : أنتم ملح الأرض ولكن إذا فسد الملح فبأي شئ يملح
2- أسمو مسيحي "أخوية" لان كل المجموعات بالكنايس بتجتمع تحت اسم أخويات
3- أنا اتسجلت بهالمنتدى على هالأساس وإذا بتشوف إيمت اتسجلت بتعرف إنو من هداك الوقت كان هيك المنتدى . "صح أنا ما بشارك كتير بس أنا على أطلاع على طول على المواضيع"
4- متل ما إنو أصابع إيديك ما بشبهو بعضهم مشان هيك ما راح تشوف كل المواضيع بتشبه بعضها ...يعني ممكن يكون في بهالقسم مواضيع مهمي وممكن يكون في مواضيع بايخة.
ومتل ما جاوب توت توت توت إنو هون قسم اللاهوت المسيحي مو قسم الحوار ... مشان هيك ما حدي مجبور يفوت لهون إذا ما بهمو الموضوع.
وفكرة انو هالقسم طائفي هاي شوي صعبي لان ساعتها راح يكون كل المنتدى طائفي لان هالقسم متل ما قلت سابقا انو من اساسيات المنتدى لان هالشي قاله مؤسسي المنتدى لما التقيت بهم في حمص. وبما انو المنتدى فاتح المجال أمام الجميع إنو يعبّرو عن آرائهم معناتها المنتدى مو طائفي وبالتالي أقسامه مو طائفية
فمع كل محبتي وأحترامي بقول إنو هالقسم أساسي، بس ما نحكم عليه بالإعدام إذا شي شخص كتب فيه موضوع بايخ.
والله يبارك الجميع

[حلبي]

كاتب النص الأصلي : باشق مجروح

أولاً : أنا رديت لأنو شفت الموضوع وحبيت رد . يعني لازم ابعتلك برايفت استاذنك بالرد.
ثانياً : الغاء القسم لأنو بيعطي منحى طائفي أو ديني لمنتدى أخوية الي بيسير نحو العلمانية المعتدلة والي بيتبنى هالنهج.
وهيك قسم بتحسو طائفي و وجودو غير مبرر.
ووجودو يقود للتسائل ليش ما في قسم اسمو العقيدة الاسلامية مثلاً.
ورح يتحول المنتدى لحرب وغزوات.
لذلك الحل متل ما قلت بتحييد الدين جانباً.

والغاء هالقسم الطائفي.

من حق المسيحي أن ينشر تعاليم دينه و من حق المسلم كذالك

حتى العلمانية تعتبر ( دين ) لدى البعض فبهذا الأقصاء يكون العدل ناقص

يمكن الأتفاق على عدم مهاجمت الأديان

أما أعتبار أن العلمانية يجب أن تتبع و إلغاء كل شيئ يمت بصلة الى الدين

أذا نحن في عصر الألحاد

يجب عينا أن نتقبل بعضنا البعض

و الحضارة تتكون من أديان و معتقدات مختلفة

و هنا الأمتحان في التعايش بين مختلف الناس على مختلف عقائدها و مشاربها الفكرية في التعايش السلمي

هذا ما أعتقد

أخوية نموزج عن الحياة السورية

و من ناحيتي لا أستصيع أن أرى سوريا بدون جامع أو كنيسة

تقبلو حبي و تحياتي

أخوكم حلبي