أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > على الطــــــاير

إضافة موضوع جديد  إضافة رد
 
أدوات الموضوع
قديم 06/06/2009   #1
صبيّة و ست الصبايا lilianne
عضو
 
الصورة الرمزية لـ lilianne
lilianne is offline
 
نورنا ب:
Nov 2008
المطرح:
Abu Dhabi
مشاركات:
760

Lightbulb الخطبة في حلب .. أعقد من أعقد اختراع


" الخطبة " في حلب ..أعقد من أعقد اختراع !!!

الأم : من بيت شئاع لبيت رئاع .. ولا بيعجبها العجب ولا الصيام برجب !!!
الشب والبنت : بين مطرقة " العادات " وسندان " الانتظار"

لكل بلد أو منطقة أو مدينة عادات وتقاليد تميزه عن غيره، وهذا هو الحال في عادات " الخطبة والجازة " ، لكن حلب تتميز خصوصاًُ بعادات وتقاليد للخطبة ليس لها مثيل في باقي المحافظات السورية، وهذه العادات أوجدها
التطور المتسارع وخصوصية حلب كمدينة تعج بالتجار ورؤوس الأموال ، مما جعل الحصول على فتاة في حلب للخطبة من أعقد الأمور، وهذا التعقيد يزداد يوماً بعد يوم ، والمتضرر الوحيد هم الشباب والفتيات، و في السطور الآتية سأسرد لكم غيض من فيض مما يحدث في واقع المجتمع الحلبي .


المرحلة الأولى : موافقة الشب على فكرة الخطبة..
تبدأ عادة حكايا الخطبة في حلب من حديث بين الشاب وأمه كالآتي :
الأم : لك ابني حاجة بقى فهمنا ، بكفي بقى نطوطة من بنت لبنت، اركز بقى وخليني أخطبلك .
الابن ( بعد سنوات قضاها يطبق هالبنت ويترك التانية ويروح للتالتة ) : هيك بدك يعني يوم ، خلص توكلي على الله وخطبيلنا ، بس ما برضى غير ببنت شقرة عيون خضر (زرق معلي) طويلة رفيعة ، متل القمر ( طلبات تعجيزية مستحيل يلاقيهم ) .
الأم : إي ها هلأ فرحتني ، ولك والله والله لأدرلك حلب يمين وشمال وشرق وغرب وآخدلك أكوس وحدة، خلص لا تاكل هم .


المرحلة الثانية : إخبار العائلة بموضوع الخطبة لبدأ عملية البحث..!!
وهنا تبدأ همة الأم وتتصل ببناتها المجوزات : لك بنتي دي قوام هيروا حالكم بدنا نخطبلو لأخوكم .
البنات: لك يوم ما بكير عليه؟؟ لسا عمروا 25 سنة .
الأم : لك بنتي لبين ما نلاقيلو بنت الحلال والله يوفقنا ما بنعرف شقد بصير عمره.
وهيك القصة تبدأ بنسج خطوطها في رحلة البحث عن تلك الأميرة شريكة المستقبل للابن الملك، وهنا طبعاً الأم لا ترضى بأن تكون العروس إلا أحلى وأجمل من كل (عرايس الحارة وخاصة كنة سلفتها )، وتبدأ الأم بمسيرة البحث وصولاتها وجولاتها في رحلة قد لا تنتهي لسنوات، ومن بيت لبيت ، ومن سوق لسوق ، ومن تلفون لموبايل ومن......إلى .......


المرحلة الثالثة : اتصال هاتفي بين أم العريس والأم يلي عندها بنات للخطبة..
طبعاً وقبل ما تروح لبيت العروس ( الهدف ) لازم تتصل بالرقم يلي جابته من بنت احمى أخوها ، أو من جارتها يلي شافتلها عروس لقطة وهي عبتتسوق وأخدت رقم بيتهم، أو من بنتها يلي شافت رفيقة رفيقتها وقت كانوا بالجامعة عبتمشوا، ويدور حديث كالآتي :
الأم : مرحبا أم محمد ، دلونا عليكم قال عندكم بنات للخطبة .
أم محمد : أهلين لك خيتو ، ميت السلامة .
الأم : لك خيتو أم محمد والله تعبنا ، قلت منشان هيك قبل ما نجي قليلي اش أوصافها بنتكم ، يعني والله نحنا فتلنا كتير وما عجبنا حدا ، لك تقولي الكويسات نفقوا بهالأيام .
أم محمد : انتو اتفضلوا وانشالله بتلاقوا طلبكم، بس انتو من بيت مين ، و اش بيشتغل ابنكم ؟
الأم : نحنا من بيت ( فلان ) ، وابنا اسمالله بيدير شركةأبوه
وعندو بيت وسيارة يعني ما ناقصوا شي غير بنت حلال كويسة شقرة بيضا عيون خضر أو زرق عطلبو .
أم محمد : وصلتوا .. انشالله بتلاقو طلبكم عنا، اتفضلوا يوم الخميس إلّي جي ،لأنو بكرا وبعد بكرا ، في جماعة قبلكم جيين يشوفوا البنت ( مع أنو ما بكون لا حدا جي ولا شي بس مشان تفرجيهم انو بنتها كويسة وهيك الخطابين عليها ).
الأم : اي أكيد الله ما بكتب غير النصيب ، بس ما بصحلكم متل ابنّا ها..
أم محمد : ايه اهلا وسهلا فيكن .
مو رايحة غير عالبنت ..
"حديث خاص " بين الأم وبنتها
هون بقى أم العروس بتبلش بتشد على ايد بنتها مشان تحضرها ليشوفوها الخطابين
أم العروس : لك بنتي قومي ، صارت الساعة وحدة الضهر ولسا ما فقتي ، قومي هيريلي حالك ، وحاج كسل، اش بدك الخلق يقولوا علينا؟ يجوا يشوفوا عيونك منفخة، قريضة بنات ، قومي هلأ اتصلوا جماعة بدهن يجوا يشوفوكي يوم الخميس الجي .
البنت : لك يوم ما خلصنا من الخطابين ، لسا جماعة ريحين وجماعة ريجعيين ،
والله تعبت ارحموني ، يعني كل يوم بدي أقوم أحضر حالي وأتغاوا (اتمكيج) وألف شعري و...و... ،
الأم ( مقاطعة ) : ايه اش لكان بدي أكبسك جنبي مخلل .
البنت ( تكمل ) : والله مليت ، طيب ماما على الأقل خليني خلص هالجامعة
وبعدا ابقي استقبلي خطابين قد ما بدك.
الأم : لك لحقانة لك بنتي ، تخلصي الجامعة ولبين ما تخلصي منجوزك ، اش ما في عندي غيرك بنات !!! خليني دبرلك ابن الحلال يلي بدو يستتك ، ويعيشك عيشة حلوة ، وأنا ما برضالك غير أحلى من عيشتي ، لا تخافي لك بنتي أنا ما بعطيكي لمين ما كان إلا يكون ابن عيلة وابن نعمة ، وديرس ومتعلم وأحوالو منيحة ويكون ... ويكون ...
البنت ( بينها وبين نفسها ) : ايه يكون ويكون ، أنا يلي بعرف أمي لا بيعجبها العجب ولا الصيام برجب ، وأنا ما بقبل غير برفيقي حمودة يقبش عضامي.. ما يعرف انو جيينا خطابين لينجلط .


المرحلة الرابعة : أم الشب في سلسلة زياراتها لبيت العروس..
بعد خمس سنوات بحث عن عروس أوكلت المهمة لابنتها !!!
وهون لازم الأم تزور بيت البنت يلي بدها تخطبها عدة مرات ، مرة واحدة لاتكفي ، وكل ما بتدخل لبيت شي عروس بتكون سيحبة وراها بناتها أو خواتها ،في أول زيارة لها، وفي حال عجبتها البنت ، يترجع تاني يوم جيبة معها جارتها أم عبدو وأختها التانية يلي كانت أول يوم مو فاضية ، وتالت يوم بتجيب معها كنتها ووو .. والزيارة الرابعة ( بجوز تكون بعد كم شهر من الزيارة الأولى لأنو بتكون زارت كم بيت تانيين ورجع قلب عقلها ) وهون بتجيب معها صديقات خبيرات ، وبيفحصوا البنت من فوق لتحت وكأنهن طبيبات
وهون بنذكر قصة حلوة صارت بحلب وفيكم تستخلصوها من الحوار الهاتفي :
* آلو مرحبا ..
أم البنت : أهلين ..
* ما تواخذينا خيتو منشان الله ، أنا عبتصل لأنو عنا أرقام كتير منشان الخطبة وهالرقم ما عبعرفو لمين ، حضرتكم بيت مين ؟.
أم البنت : ولايهمك نحنا بيت ( فلان ).
* ايه تشرفنا ، صبيتكم شقد عمرا ؟
أم البنت : عمرا 19 سنة ، ليش ابنكم شقد عمروا ؟
* الله يخليلكم ياها ويحرسلكم ياها ، ابني عمروا تسعا عشرين سنة، وبدو بنت تكون كويسة حسن وجمال ..
أم البنت : و اش بيشتغل ؟
* بيشتغل بتجارة العبي ( العبي تعني العبايات التي ترتديها النساء ) ،عيونو خضر هالقد بوشو.
أم البنت : في عندو بيت ؟
* ايه اكيد عندو بيت بجمعية قرطبة كامل مكمل من العفش للجمجاية (الكبجاية) .
أم البنت : لك مو انتو من بيت ( فلان ) وجيتو لعنا من شي شهرين ونص ومامشي الحال لأنو ابنكم كبير عبنتنا .
* ليش انتو يلي بيتكم بشارع .... ، وبنتكم هي البيضا الشقرة الطويلة، ووقتا ما قبلتو لأنو ما بترضوا تطببوها على وشا ؟ ... (يعني تضع الخمار على وجهها )
أم البنت : ايه صح ، وكمان ابنكم كبير عبنتنا يعني في شي عشر سنين بيناتهم
* والله هو بدو وحدة حسن وجمال وتطب على وشا ،يعني والله العظيم البنت أحلى الشي فيها وشها تروح تدلقو عالشارع ، والله ما بيرضى هيك .. طيب ما تواخذيني مشان الله ، وأنا اختو للشب مو أمو لأنو الماما وكلتني بهالمهمة بعد ما تعبت من هون لهون ومن هنيك لهون وما عبتلاقي بنت الحلال يلي عطلبنا وصرلها أربع خمس سنين ع هالحالة وما اندلينا عنصيبنا.كرمال
الله ما تواخذيينا لأنو ما كنت عيرفة هالرقم لمين .
أم البنت : عادي ..الله يدلكم على نصيبكم .
أخت الشب: حسب الموانة دخيلك والله يجبر بخاطرك ، إذا في حواليكي بنات كويسات دقيلي وعطيني رقمهم ، رقمي صار عندك .
أم البنت : اي انشالله تكرم عينك .

فقط في حلب ..أحدث طريقة لعرض الفتيات أمام الخطابات !!!
من كتر ما بيلاقوا صعوبة بعض العائلات وخاصة يلي بكونوا بناتهم مو حلوات انو لازم يظبطو بناتهم على آخر طراز ويتمكيجوا ويتغندروا ولازم تطلع بنتهم ملكة أمام الخطابات فهذا مجهود تطفر منه بعض البنات
فسمعت بقصة ظريفة ابتكرتها إحدى الأمهات لعرض بناتها أمام
الخطابات ، صوّرتهم بكاميرا فيديو وهنن متمكيجين ومتغندرين ومجهزين حالهم على آخر طراز وفتّلتهم قدام الكاميرا ، وصارت كل ما يجي حدا بدو يخطب من بناتها تشغل الفيديو سي دي ..!!! ( صدقوا هي قصة حقيقية جرت بحلب) ... شايفين التطور وصل لهون ، والتكنولوجيا صار فيكم تستخدموها حتى في الخطبة ...!!!
طبعاً وبعد هالمسيرة الطويلة ، ممكن يلاقو طلبهم وممكن لا التيسير من الله ، وإذا راحوا على بيت شي وحدة ورفضوهم ، بيرجعوا بقولوا ( البنت ماعجبتنا ... هي ما حلوة عيونها صغار) .. والتانية ( لك ما شفتوا شلون مشيتها؟ ) ..و التالتة ( قصيرة و مكبسة و يمكن حيطة عدسات يبلاها بقتلها )
.. والرابعة ( في شي غلط بجسمها ..) .. والخامسة ( ما شفتوا شلون امها شييفة حالها؟؟ .ما باخدا لو بيعطوني فوقها ملايين ) والتسع و تسعين ( ابني ما هيك طلبه ) !!!! .
وأم البنت كمان إذا ما بدها تعطيهم البنت بتصير بتطالع الف عذر وعذر (على هادا مو ديرس )، والتاني أحواله مي منيحة ، والتالت ( اصلع ما في براسو غير كم شعرة )، والرابع ( سمعنا انو من بنت فلان لبنت علان ) والخامس (أسمر..ييي بدك ولاد بنتي يطلعوا سمران أو سود ) ، والتسع وتسعين ... بدنا نسأل عنكم !!!
وفي حال عجبهم الشب ، بيقولولهم بالشرع والسنة لازم نسأل عنكم ، وهااد حقهم طبعاً يسألوا ويسألوا ، وهون كمان تبدأ مسيرة جديدة وبحث عن تفاصيل مشان يسألوا عن عيلة الشب بركي طلعوا مو كويسين ، ومن سؤال لسؤال ، من الجيران لحتى رفيقه يلي كان يدرس معه بالابتدائي ، ويا ويلو إذا طلع مزعوج منو لأنو مخسرو شي مرة بلعبة شدة أو مازح معو شي مزحة ...
وتحقيق طويل عريض أصعب من تحقيقات المباحث الجنائية .
وبنفس الوقت أهل الشب بكونوا عبيسألوا عن أهل البنت ، وسمعة البنت لازم تكون صافية متل ليرة الدهب ، وإذا سمعوا شي كلمة غلط ، شالو الفكرة من أساسها ، وهون ببلش لت وعجن النسوان ( معليشن إن كيدهن عظيم ) ... وفي
حال ما مشي الحال بيرجعوا ببلشوا من المرحلة الأولى ...

والله يوفّق لنسفّــــق

لا تظن أن الليث إذا كشر عن انيابه يبتسم ........... :)
  رد مع اقتباس
قديم 06/06/2009   #2
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


والله الواحد مو عارف يضحك او يبكي طول ما عنا هيك افكار رح انتم بمزبلة التاريخ

انا لما انخطبت عارف اهم سؤال سألتو انو مين دل هالشب علي وبعد المسكين ما اكدلي انو شافني بصدفه وانو امو واختو وجارتو ما الهم دخل بالموضوع توكلت ع الله وقلت هاد نصيبي

*هنا يرقد جبر من بطن امو للقبر

*بحب اللي بحبو المنسف
  رد مع اقتباس
قديم 06/06/2009   #3
صبيّة و ست الصبايا lilianne
عضو
 
الصورة الرمزية لـ lilianne
lilianne is offline
 
نورنا ب:
Nov 2008
المطرح:
Abu Dhabi
مشاركات:
760

افتراضي


ya setti nshallah alf alf alf mabrouk 5etebtek
w nshallah 3a 2bel elfar7a elkbeer ya rab
  رد مع اقتباس
قديم 06/06/2009   #4
صبيّة و ست الصبايا lilianne
عضو
 
الصورة الرمزية لـ lilianne
lilianne is offline
 
نورنا ب:
Nov 2008
المطرح:
Abu Dhabi
مشاركات:
760

افتراضي


ya setti nshallah alf alf alf mabrouk 5etebtek
w nshallah 3a 2bel elfar7a elkbeere ya rab
  رد مع اقتباس
قديم 06/06/2009   #5
شب و شيخ الشباب Abu Jnkez
مسجّل
-- اخ حرٍك --
 
الصورة الرمزية لـ Abu Jnkez
Abu Jnkez is offline
 
نورنا ب:
May 2009
المطرح:
كنت ساكن هون
مشاركات:
18

افتراضي


أذا حلب مليانة بالتجار و رؤوس أموال في مدن كتير بهل العالم فيا أكتر من حلب بكتير ولا لأنو فيا تجار كتير
صارو الأولاد بضاعة كمان
وأذا ما كانت حلوة فا ما بمشي سوقا ولي مو حلوة بس فهمانة ما بمشي حالة ولا صاير على مبدأ زباين كرتونة
لك صرنا بالقرن 21 خلاص لازم تخلص من هيك شغلات وهيك تخلف لانو مو بس هاد الموضوع الوحيد يلي مجمد عقولنا بكفي ................................................
  رد مع اقتباس
قديم 06/06/2009   #6
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : Abu Jnkez عرض المشاركة
أذا حلب مليانة بالتجار و رؤوس أموال في مدن كتير بهل العالم فيا أكتر من حلب بكتير ولا لأنو فيا تجار كتير
صارو الأولاد بضاعة كمان
وأذا ما كانت حلوة فا ما بمشي سوقا ولي مو حلوة بس فهمانة ما بمشي حالة ولا صاير على مبدأ زباين كرتونة
لك صرنا بالقرن 21 خلاص لازم تخلص من هيك شغلات وهيك تخلف لانو مو بس هاد الموضوع الوحيد يلي مجمد عقولنا بكفي ................................................
كلمة مو حلوة للمرأة كلمة كتير بشعة وبتحط من انسانيتها
  رد مع اقتباس
قديم 06/06/2009   #7
صبيّة و ست الصبايا sweet angle
عضو
-- زعيـــــــم --
 
الصورة الرمزية لـ sweet angle
sweet angle is offline
 
نورنا ب:
Oct 2008
المطرح:
انا ولبنان والقمر سوا
مشاركات:
921

إرسال خطاب MSN إلى sweet angle
افتراضي


شو مشان كتير حلوة عجبتني يسلمون

الله زد من يحبني جنونا بي ومن لا يحبني لا تمنحه نعمة العقل ابداااااااااااااااااااااا
علمتني الحياة انا السعي للنجاح افضل من 100 نجاح فالحياة امل
  رد مع اقتباس
قديم 06/06/2009   #8
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


للصراحة ما كملتها .. لانو جد وجعني راسي
بس انو لهدرجة معقدة ؟؟
ما كنت متوقعة هيك .خاصة بعرف انو الحلبية بيتزوجو بعمر صغير

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 06/06/2009   #9
شب و شيخ الشباب محتار
شبه عضو
-- اخ حرٍك --
 
الصورة الرمزية لـ محتار
محتار is offline
 
نورنا ب:
May 2008
المطرح:
هنييييييك
مشاركات:
44

افتراضي


تعقيد بتعقيد من أين جائو بهذه العادات اللي رجعت الحياة الى ما قبل التاريخ

و الكل بدو يعيش الحياة الأرستوقراطية

و على أوليت الحلبية ( وبا )
  رد مع اقتباس
قديم 07/06/2009   #10
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


الحمد لله عنا بحمص الوضع احسن من هيك بكتير

خصوصا عنا بالضيعة يعني الشب و البنت بيحبو بعضون شي سنتين تلاتة لحتى يدخلة الاهل و يطلبو


بس ليش كل هالموضوع الطويل العريض يعني ضروري نعرف كل كلمة قالتها الام و الاخت و الجارة وما بعرف مين كمان ......

بصراحة ما كملت الموضوع بس عندي فكرة عن التفاصيل يلي بتصير
  رد مع اقتباس
قديم 07/06/2009   #11
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


اقتباس:
كاتب النص الأصلي : mhsen77 عرض المشاركة
الحمد لله عنا بحمص الوضع احسن من هيك بكتير

خصوصا عنا بالضيعة يعني الشب و البنت بيحبو بعضون شي سنتين تلاتة لحتى يدخلة الاهل و يطلبو


بس ليش كل هالموضوع الطويل العريض يعني ضروري نعرف كل كلمة قالتها الام و الاخت و الجارة وما بعرف مين كمان ......

بصراحة ما كملت الموضوع بس عندي فكرة عن التفاصيل يلي بتصير

هلا بشرفك عم تقارن حومص الابية بحلب؟؟
انو شو جاب لجاب؟؟
هي حوومص لوك خااااي

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

  رد مع اقتباس
قديم 07/06/2009   #12
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : sweetbaby عرض المشاركة
هلا بشرفك عم تقارن حومص الابية بحلب؟؟
انو شو جاب لجاب؟؟
هي حوومص لوك خااااي
سوري بس كنت عم نتغالظ عالحلبية خيتو
بلكي بيصيرو حماصنة
  رد مع اقتباس
قديم 07/06/2009   #13
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي


اقتباس:
كاتب النص الأصلي : lilianne عرض المشاركة
" الخطبة " في حلب ..أعقد من أعقد اختراع !!!

الأم : من بيت شئاع لبيت رئاع .. ولا بيعجبها العجب ولا الصيام برجب !!!
الشب والبنت : بين مطرقة " العادات " وسندان " الانتظار"

لكل بلد أو منطقة أو مدينة عادات وتقاليد تميزه عن غيره، وهذا هو الحال في عادات " الخطبة والجازة " ، لكن حلب تتميز خصوصاًُ بعادات وتقاليد للخطبة ليس لها مثيل في باقي المحافظات السورية، وهذه العادات أوجدها
التطور المتسارع وخصوصية حلب كمدينة تعج بالتجار ورؤوس الأموال ، مما جعل الحصول على فتاة في حلب للخطبة من أعقد الأمور، وهذا التعقيد يزداد يوماً بعد يوم ، والمتضرر الوحيد هم الشباب والفتيات، و في السطور الآتية سأسرد لكم غيض من فيض مما يحدث في واقع المجتمع الحلبي .


المرحلة الأولى : موافقة الشب على فكرة الخطبة..
تبدأ عادة حكايا الخطبة في حلب من حديث بين الشاب وأمه كالآتي :
الأم : لك ابني حاجة بقى فهمنا ، بكفي بقى نطوطة من بنت لبنت، اركز بقى وخليني أخطبلك .
الابن ( بعد سنوات قضاها يطبق هالبنت ويترك التانية ويروح للتالتة ) : هيك بدك يعني يوم ، خلص توكلي على الله وخطبيلنا ، بس ما برضى غير ببنت شقرة عيون خضر (زرق معلي) طويلة رفيعة ، متل القمر ( طلبات تعجيزية مستحيل يلاقيهم ) .
الأم : إي ها هلأ فرحتني ، ولك والله والله لأدرلك حلب يمين وشمال وشرق وغرب وآخدلك أكوس وحدة، خلص لا تاكل هم .


المرحلة الثانية : إخبار العائلة بموضوع الخطبة لبدأ عملية البحث..!!
وهنا تبدأ همة الأم وتتصل ببناتها المجوزات : لك بنتي دي قوام هيروا حالكم بدنا نخطبلو لأخوكم .
البنات: لك يوم ما بكير عليه؟؟ لسا عمروا 25 سنة .
الأم : لك بنتي لبين ما نلاقيلو بنت الحلال والله يوفقنا ما بنعرف شقد بصير عمره.
وهيك القصة تبدأ بنسج خطوطها في رحلة البحث عن تلك الأميرة شريكة المستقبل للابن الملك، وهنا طبعاً الأم لا ترضى بأن تكون العروس إلا أحلى وأجمل من كل (عرايس الحارة وخاصة كنة سلفتها )، وتبدأ الأم بمسيرة البحث وصولاتها وجولاتها في رحلة قد لا تنتهي لسنوات، ومن بيت لبيت ، ومن سوق لسوق ، ومن تلفون لموبايل ومن......إلى .......


المرحلة الثالثة : اتصال هاتفي بين أم العريس والأم يلي عندها بنات للخطبة..
طبعاً وقبل ما تروح لبيت العروس ( الهدف ) لازم تتصل بالرقم يلي جابته من بنت احمى أخوها ، أو من جارتها يلي شافتلها عروس لقطة وهي عبتتسوق وأخدت رقم بيتهم، أو من بنتها يلي شافت رفيقة رفيقتها وقت كانوا بالجامعة عبتمشوا، ويدور حديث كالآتي :
الأم : مرحبا أم محمد ، دلونا عليكم قال عندكم بنات للخطبة .
أم محمد : أهلين لك خيتو ، ميت السلامة .
الأم : لك خيتو أم محمد والله تعبنا ، قلت منشان هيك قبل ما نجي قليلي اش أوصافها بنتكم ، يعني والله نحنا فتلنا كتير وما عجبنا حدا ، لك تقولي الكويسات نفقوا بهالأيام .
أم محمد : انتو اتفضلوا وانشالله بتلاقوا طلبكم، بس انتو من بيت مين ، و اش بيشتغل ابنكم ؟
الأم : نحنا من بيت ( فلان ) ، وابنا اسمالله بيدير شركةأبوه
وعندو بيت وسيارة يعني ما ناقصوا شي غير بنت حلال كويسة شقرة بيضا عيون خضر أو زرق عطلبو .
أم محمد : وصلتوا .. انشالله بتلاقو طلبكم عنا، اتفضلوا يوم الخميس إلّي جي ،لأنو بكرا وبعد بكرا ، في جماعة قبلكم جيين يشوفوا البنت ( مع أنو ما بكون لا حدا جي ولا شي بس مشان تفرجيهم انو بنتها كويسة وهيك الخطابين عليها ).
الأم : اي أكيد الله ما بكتب غير النصيب ، بس ما بصحلكم متل ابنّا ها..
أم محمد : ايه اهلا وسهلا فيكن .
مو رايحة غير عالبنت ..
"حديث خاص " بين الأم وبنتها
هون بقى أم العروس بتبلش بتشد على ايد بنتها مشان تحضرها ليشوفوها الخطابين
أم العروس : لك بنتي قومي ، صارت الساعة وحدة الضهر ولسا ما فقتي ، قومي هيريلي حالك ، وحاج كسل، اش بدك الخلق يقولوا علينا؟ يجوا يشوفوا عيونك منفخة، قريضة بنات ، قومي هلأ اتصلوا جماعة بدهن يجوا يشوفوكي يوم الخميس الجي .
البنت : لك يوم ما خلصنا من الخطابين ، لسا جماعة ريحين وجماعة ريجعيين ،
والله تعبت ارحموني ، يعني كل يوم بدي أقوم أحضر حالي وأتغاوا (اتمكيج) وألف شعري و...و... ،
الأم ( مقاطعة ) : ايه اش لكان بدي أكبسك جنبي مخلل .
البنت ( تكمل ) : والله مليت ، طيب ماما على الأقل خليني خلص هالجامعة
وبعدا ابقي استقبلي خطابين قد ما بدك.
الأم : لك لحقانة لك بنتي ، تخلصي الجامعة ولبين ما تخلصي منجوزك ، اش ما في عندي غيرك بنات !!! خليني دبرلك ابن الحلال يلي بدو يستتك ، ويعيشك عيشة حلوة ، وأنا ما برضالك غير أحلى من عيشتي ، لا تخافي لك بنتي أنا ما بعطيكي لمين ما كان إلا يكون ابن عيلة وابن نعمة ، وديرس ومتعلم وأحوالو منيحة ويكون ... ويكون ...
البنت ( بينها وبين نفسها ) : ايه يكون ويكون ، أنا يلي بعرف أمي لا بيعجبها العجب ولا الصيام برجب ، وأنا ما بقبل غير برفيقي حمودة يقبش عضامي.. ما يعرف انو جيينا خطابين لينجلط .


المرحلة الرابعة : أم الشب في سلسلة زياراتها لبيت العروس..
بعد خمس سنوات بحث عن عروس أوكلت المهمة لابنتها !!!
وهون لازم الأم تزور بيت البنت يلي بدها تخطبها عدة مرات ، مرة واحدة لاتكفي ، وكل ما بتدخل لبيت شي عروس بتكون سيحبة وراها بناتها أو خواتها ،في أول زيارة لها، وفي حال عجبتها البنت ، يترجع تاني يوم جيبة معها جارتها أم عبدو وأختها التانية يلي كانت أول يوم مو فاضية ، وتالت يوم بتجيب معها كنتها ووو .. والزيارة الرابعة ( بجوز تكون بعد كم شهر من الزيارة الأولى لأنو بتكون زارت كم بيت تانيين ورجع قلب عقلها ) وهون بتجيب معها صديقات خبيرات ، وبيفحصوا البنت من فوق لتحت وكأنهن طبيبات
وهون بنذكر قصة حلوة صارت بحلب وفيكم تستخلصوها من الحوار الهاتفي :
* آلو مرحبا ..
أم البنت : أهلين ..
* ما تواخذينا خيتو منشان الله ، أنا عبتصل لأنو عنا أرقام كتير منشان الخطبة وهالرقم ما عبعرفو لمين ، حضرتكم بيت مين ؟.
أم البنت : ولايهمك نحنا بيت ( فلان ).
* ايه تشرفنا ، صبيتكم شقد عمرا ؟
أم البنت : عمرا 19 سنة ، ليش ابنكم شقد عمروا ؟
* الله يخليلكم ياها ويحرسلكم ياها ، ابني عمروا تسعا عشرين سنة، وبدو بنت تكون كويسة حسن وجمال ..
أم البنت : و اش بيشتغل ؟
* بيشتغل بتجارة العبي ( العبي تعني العبايات التي ترتديها النساء ) ،عيونو خضر هالقد بوشو.
أم البنت : في عندو بيت ؟
* ايه اكيد عندو بيت بجمعية قرطبة كامل مكمل من العفش للجمجاية (الكبجاية) .
أم البنت : لك مو انتو من بيت ( فلان ) وجيتو لعنا من شي شهرين ونص ومامشي الحال لأنو ابنكم كبير عبنتنا .
* ليش انتو يلي بيتكم بشارع .... ، وبنتكم هي البيضا الشقرة الطويلة، ووقتا ما قبلتو لأنو ما بترضوا تطببوها على وشا ؟ ... (يعني تضع الخمار على وجهها )
أم البنت : ايه صح ، وكمان ابنكم كبير عبنتنا يعني في شي عشر سنين بيناتهم
* والله هو بدو وحدة حسن وجمال وتطب على وشا ،يعني والله العظيم البنت أحلى الشي فيها وشها تروح تدلقو عالشارع ، والله ما بيرضى هيك .. طيب ما تواخذيني مشان الله ، وأنا اختو للشب مو أمو لأنو الماما وكلتني بهالمهمة بعد ما تعبت من هون لهون ومن هنيك لهون وما عبتلاقي بنت الحلال يلي عطلبنا وصرلها أربع خمس سنين ع هالحالة وما اندلينا عنصيبنا.كرمال
الله ما تواخذيينا لأنو ما كنت عيرفة هالرقم لمين .
أم البنت : عادي ..الله يدلكم على نصيبكم .
أخت الشب: حسب الموانة دخيلك والله يجبر بخاطرك ، إذا في حواليكي بنات كويسات دقيلي وعطيني رقمهم ، رقمي صار عندك .
أم البنت : اي انشالله تكرم عينك .

فقط في حلب ..أحدث طريقة لعرض الفتيات أمام الخطابات !!!
من كتر ما بيلاقوا صعوبة بعض العائلات وخاصة يلي بكونوا بناتهم مو حلوات انو لازم يظبطو بناتهم على آخر طراز ويتمكيجوا ويتغندروا ولازم تطلع بنتهم ملكة أمام الخطابات فهذا مجهود تطفر منه بعض البنات
فسمعت بقصة ظريفة ابتكرتها إحدى الأمهات لعرض بناتها أمام
الخطابات ، صوّرتهم بكاميرا فيديو وهنن متمكيجين ومتغندرين ومجهزين حالهم على آخر طراز وفتّلتهم قدام الكاميرا ، وصارت كل ما يجي حدا بدو يخطب من بناتها تشغل الفيديو سي دي ..!!! ( صدقوا هي قصة حقيقية جرت بحلب) ... شايفين التطور وصل لهون ، والتكنولوجيا صار فيكم تستخدموها حتى في الخطبة ...!!!
طبعاً وبعد هالمسيرة الطويلة ، ممكن يلاقو طلبهم وممكن لا التيسير من الله ، وإذا راحوا على بيت شي وحدة ورفضوهم ، بيرجعوا بقولوا ( البنت ماعجبتنا ... هي ما حلوة عيونها صغار) .. والتانية ( لك ما شفتوا شلون مشيتها؟ ) ..و التالتة ( قصيرة و مكبسة و يمكن حيطة عدسات يبلاها بقتلها )
.. والرابعة ( في شي غلط بجسمها ..) .. والخامسة ( ما شفتوا شلون امها شييفة حالها؟؟ .ما باخدا لو بيعطوني فوقها ملايين ) والتسع و تسعين ( ابني ما هيك طلبه ) !!!! .
وأم البنت كمان إذا ما بدها تعطيهم البنت بتصير بتطالع الف عذر وعذر (على هادا مو ديرس )، والتاني أحواله مي منيحة ، والتالت ( اصلع ما في براسو غير كم شعرة )، والرابع ( سمعنا انو من بنت فلان لبنت علان ) والخامس (أسمر..ييي بدك ولاد بنتي يطلعوا سمران أو سود ) ، والتسع وتسعين ... بدنا نسأل عنكم !!!
وفي حال عجبهم الشب ، بيقولولهم بالشرع والسنة لازم نسأل عنكم ، وهااد حقهم طبعاً يسألوا ويسألوا ، وهون كمان تبدأ مسيرة جديدة وبحث عن تفاصيل مشان يسألوا عن عيلة الشب بركي طلعوا مو كويسين ، ومن سؤال لسؤال ، من الجيران لحتى رفيقه يلي كان يدرس معه بالابتدائي ، ويا ويلو إذا طلع مزعوج منو لأنو مخسرو شي مرة بلعبة شدة أو مازح معو شي مزحة ...
وتحقيق طويل عريض أصعب من تحقيقات المباحث الجنائية .
وبنفس الوقت أهل الشب بكونوا عبيسألوا عن أهل البنت ، وسمعة البنت لازم تكون صافية متل ليرة الدهب ، وإذا سمعوا شي كلمة غلط ، شالو الفكرة من أساسها ، وهون ببلش لت وعجن النسوان ( معليشن إن كيدهن عظيم ) ... وفي
حال ما مشي الحال بيرجعوا ببلشوا من المرحلة الأولى ...

والله يوفّق لنسفّــــق
هالاحداث مو خاصة بحلب...هيك بيصير بكثيير مناطق من العالم...وسببه تراجع المستوى الانساني امام المستوى المادي وهي احدى محاولات بعض الاهل من الهيمنة على خيارات ابناءهم..
شكــرا على الموضوع..

ان الله قريب من قلبي
ما التأنيث لأسم الشمس عيب..ولا التذكير فخر للهلال
  رد مع اقتباس
قديم 07/06/2009   #14
شب و شيخ الشباب Abu Jnkez
مسجّل
-- اخ حرٍك --
 
الصورة الرمزية لـ Abu Jnkez
Abu Jnkez is offline
 
نورنا ب:
May 2009
المطرح:
كنت ساكن هون
مشاركات:
18

افتراضي


اقتباس:
كاتب النص الأصلي : nour333 عرض المشاركة
كلمة مو حلوة للمرأة كلمة كتير بشعة وبتحط من انسانيتها

أنا قصدي المعاير الخطبة مافيا عدالة وفيا تميز وأنو لازم نهتم بالجوهر مو بالظاهر بس
والموضوع مو بس موضوع جمال وبس
يعني أذا الشب بدو يتزوج في معاير كتير غير موضوع الجمال
وأهم شي أنا براي هو طريقة التفكير وفهم المجتمع
مو قصدي حط من أنسانية أي شخص مين ماكان يكون
أنا قصدي بالعكس لازم يكون في معاير أنسانية
  رد مع اقتباس
قديم 07/06/2009   #15
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : sweetbaby عرض المشاركة
هلا بشرفك عم تقارن حومص الابية بحلب؟؟

انو شو جاب لجاب؟؟
هي حوومص لوك خااااي
شلون شلون .....
مين اللي عمبيجيب سيرتنا .......

القبضاي منكن يقرب......ايوا

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 07/06/2009   #16
صبيّة و ست الصبايا Genifer
عضو
-- أخ لهلوب --
 
الصورة الرمزية لـ Genifer
Genifer is offline
 
نورنا ب:
Aug 2007
مشاركات:
222

افتراضي


شو معناتها:

قومي هيريلي حالك

من العفش للجمجاية (الكبجاية)

كيفك قال عم يقولوا صار عندك ولاد
انا والله كنت مفكرتك برات البلاد

أنت أخي.. لماذا أخاصمك ؟؟ (جبران خليل جبران)
  رد مع اقتباس
قديم 07/06/2009   #17
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


ايـــه ذكرتونا لما شرح خير الدين الأسدي بـ "موسوعة حلب المقارنة" عن الزواج بحلب وكيف عيلة العريس بتدور على عروس لأبنها ولما بيرجعو عالبيت بيعطوه تقرير الزيارات
هنيك الحكي المدوزن

اقتباس:
كاتب النص الأصلي : Genifer عرض المشاركة
شو معناتها:

قومي هيريلي حالك

من العفش للجمجاية (الكبجاية)
هلا هيريلي هي ما فهمتا
بس العفش يعني فرش البيت ولا تقوليلي ما بتعرفي شو يعني فرش
الجمجاية ... هي معلقة السكب الكبيرة بس بتكون كتير مقعرة ... من مفردات جدي

اقتباس:
كاتب النص الأصلي : ابو نجبو عرض المشاركة
شلون شلون .....
مين اللي عمبيجيب سيرتنا .......

القبضاي منكن يقرب......ايوا

// وأنّ حضورك في دمي مسكُ الختام //
  رد مع اقتباس
قديم 08/06/2009   #18
شب و شيخ الشباب أإأبو العبد
عضو
-- زعيـــــــم --
 
الصورة الرمزية لـ أإأبو العبد
أإأبو العبد is offline
 
نورنا ب:
Dec 2008
المطرح:
بعيــــــــــــــــد..........
مشاركات:
1,904

افتراضي


اقتباس:
كاتب النص الأصلي : sandra عرض المشاركة
هلا هيريلي هي ما فهمتا
هيري يعني جهزي او بمقولة اخرى (بضم الالف) حضري حالك مابتسمعي بالمتل الي بيقول زكور الديب وهير القضيب (العصاية يعني بعرف في ناس تفكيرا مو منيح)
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 08:48 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.21150 seconds with 14 queries