عطفا وردا على موضوع (تصويت هل أنت مسلم أم مسيحي؟)

خريف دمشق · 31/01/2006

السلام على من اتبع الهدى..
أولا فتحت هالموضوع لأنو موضوعي هداك أغلق للأسف بسبب الجو (الغير أخوي) اللي ساد الموضوع مع أنو نحنا بمنتدى (أخوية)!!!!

أول شي أنا قلت السلام على من اتبع الهدى لأنو نسبة كبيرة من رواد هالمنتدى مسيحيين ونحنا كمسلمين مأمورين أنو ما نبدأ السلام على غير المسلمين لحتى هنن يسلمو علينا فمنرد عليهن السلام وللتوضيح أنا ما فيني قول السلام عليكم لأنو ( السلام بشارة والمعنى أن المسلمين يبشر بعضهم بعضاً بالسلامة من الشرور وحصول الخير .

ومن المعلوم أنالتحية والسلام من خصائص الأمم والشعوب، فلكل أمة تحيتها القولية والفعلية، وهذهتحية المسلمين وهي جزء من هويتهم ومزيتهم التي يفترقون بها عن غيرهم .)

وبالنسبةللسلام مع غير المسلمين فهناك حالات :
الأولى : ابتداء المسلم بالسلام،وهذا وردالنهي عنه في حديث أبي هريرة – رضي الله عنه - عن النبي - صلى الله عليه وسلم – قال : ( لا تبدأوا اليهود والنصارى بالسلام ) رواه مسلم .

والثانية : رد السلام إذاكان الابتداء من غير المسلم الذيتقتضيه الأدلة الشرعية وقواعد الشريعة أن يقال له وعليك السلام ؛ فإن هذا من بابالعدل والله يأمر بالعدل والإحسان ، وقد قال تعالى :{ وإذا حييتم بتحية فحيوا بأحسنمنها أو ردوها } فندب إلى الفضل وأوجب العدل ولا ينافي هذا شيئاً من الأحاديث ؛ فالعدل في التحية يقتضي أن يرد عليه نظير سلامه "

بينما عبارة (السلام على من اتبع الهدى) فأنتوا يا مسيحين اذا بتعتبروا حالكن متبعين الهدى فليش ما اعتبرتوني عم سلم عليكن؟
--------------------
هاد بالنسبة لموضوع السلام أما بالنسبة لاستمراري في المنتدى فحسب التصويت لقيت أنو النسبة متقاربة مع أنو الظاهر عكس هيك بس مع هيك قررت تابع بالمنتدى للرد على أي شخص قد يهزء بديني أو برسولي.

تحية

Willi · 01/02/2006

مع احترامي الك

كلام وموضوع سخيف

**zen** · 01/02/2006

اقتباس:

لا تبدأوا اليهود والنصارى بالسلام

هلق هيك الرسول قااااااااااال

لا اله الا الله
والله بدي افهم شو حدفك علينا ناقصنا مصيبة
ما بتعرف انو في شي بالاسلام اسمو مراعاة العرف
يعني اذا فتت على محل وبدك تستري منو وصاحبو مسيحي
ما بتسلم

يا عيب الشوم على المتأسلمين الي بيخربوا صورة دينون
تفوووووووووووووووووووو

السورية المشتاقة · 01/02/2006

لك الرسول كان يتعامل مع اليهود والمسيحيين بكل اخوية وطيبة وكان يتاجر معهن بس المشكلة انتو اللي بتقولو عنه كلام باطل ..لهيك عنجد صرت لا الوم الدنمارك عاللي عملته
لانو السبب نحنا ...

اخي تركني من الرسول خلينا بالقران شو رايك بهالاية ؟؟

ولتجدنّ اقربهم مودّة للذين آمنوا الذين قالوا انا نصارى ذلك بأنّ منهم قسّيسين و رهباناً وانهم لا يستكبرون. (سورة المائدة,آية 82 )

شو رايك ؟؟لكان قلتلي الاسلام قلك لا تود ولا تحب المسيحيين ؟؟

الاسلام برئ من هالحكي ...

toocoolfriend · 01/02/2006

اقتباس:

كاتب النص الأصلي : خريف دمشق

الأولى : ابتداء المسلم بالسلام،وهذا وردالنهي عنه في حديث أبي هريرة – رضي الله عنه - عن النبي - صلى الله عليه وسلم – قال : ( لا تبدأوا اليهود والنصارى بالسلام ) رواه مسلم .

لا سمحلي فيها هيدا دينك انتا وأبو هريرة مش دين الاسلام
أنا مسلم ورح جبلك الدليل من القرآن انو في الواحد لا بل مستحب أن يسلم حتى على الوثني. قال النبي ابراهيم لأبيه الوثني: "سلام عليك سأستغفر لك ربي"

هيدا الوثني فكيف أهل الكتاب اللي يؤمنون بالله واللي الله قلنا "قل يا أهل الكتاب تعالوا الى كلمة سواء بيننا وبينكم"

سمحلي قلك انك انسان سخيف ومش مرحب فيك من المسلمين قبل المسيحيين لانك عم تشوه صورة الاسلام والمسلمين باسم الاسلام. ويا ريت ما بتكفي معنا بأخوية عشان مش ناقصنا متخلفين.

toocoolfriend · 01/02/2006

قال أراغب أنت عن آلهتي يا إبراهيم لئن لم تنته لأرجمنك واهجرني مليا. قال سلام عليك سأستغفر لك ربي إنه كان بي حفيا (مريم 46-47)

here i am · 01/02/2006

شباب الموضوع بيتعلق بالدين رح يتم نقلو ع حورا الأديان يعني لمكانو المناسب فبعتذر من الشباب يلي ماعندو صلاحية الكتابة بحوار الأديان
و سلام

soryaya · 05/02/2006

خريف دمشق
اعتقد لو اسميت نفسك خريف سعودية كان ينطبق اكثر على التعصب الديني اللي يسيل من موضوعك وحتى لو كان الاسلام يقول هيك كان المفروض تستحي من ذكر هذا الموضوع اللي يشوه سمعة دينك يا ذكي