تدجين المواطن وثقافة القطيع

[أبو النسيم]

الشاهد المقنع أو هسام طاهر هسام
هل أنطبق المثل الشعبي عليه و أنقلب السحر على الساحر لفترة غير بعيده كان الشاهد المقنع مجرد خيال ولعبة وسخة أطلقها أعداء الوطن لنيل من موقف سوريا ولتوريط النظام السوري بجريمة اغتيل الحريري هذا كلام النظام

ومن فتره من أسبوع أتحفتنا محطة NEWTV بتصريحات وشهادات وسبق صحفي رهيب حيث أنها كشفت هوية الشاهد المقنع و أطلعتنا على بعض التسجيلات التي قدمها للمحطة وقالت أنها على استعداد لوضع الأدلة والبراهين تحت يد المحقق الدولي مليس وبعد أن أقام للبنانيون الدنيا ولم يقعدوها على هذا الأنجاز التاريخي الذي سوف يساهم بمعرفة الحكيكة التي فقدت والتي حزن عليها جماعة الأوف والميجنة المطبلين بدنه المزمرين بآخرة والتي وحدد جميع السياسيين اللبنانيين الذين فسدت أدمغتهم والذين انتهت مده صلحيه فكرهم العفن الذي جر للبنان إلى حرب .
المهم
اليوم ينقلب السحر على الساحر يظهر الشاهد المقنع ولكن في دمشق وليس في بيروت ويدلي بشهادة لا لون لها ولا رائحة شهادة مفزلكة ليس لها مضمون أو معنى سوى اتهام اللبنانيين بالكذب والتضليل والتعذيب والتآمر على سوريا ونظامها الديمقراطي الشعبي المنيع الحصين الذي يدافع عن شرف الأمة العربية ببسالة وكرامة ويصف رجال المخابرات السورية بأنهم حملان وديعة لا حول لهم ولا قوة أناس شرفاء مخلصون بعمله ساهرون على راحة الوطن والمواطن ويصف النظام السوري بكل الأوصاف المنمقة
هذا الوصف الشاعري وهذه الحكاية المقرفة جعلتني أستفرغ كل ما في جوفي على هذا النظام البائد وعلى هذه الجنة الدولية التافهة وعلى الأبطال للبنانيون الذين كانوا ساهرين يصوتون لمس ليبانون2005 .

سؤال
هل سياسية التذاكي على المجتمع الدولي وعلى العالم والشعب هي الحل برئي النظام
لماذا باعنا هذا الشاهد كل هذه الوطنيات والمشاعر المشلخة التي لم تعد تجدي نفعا
هل يعتقد النظام أن هذه لعبة سياسية ذكية لقلب الطاولة على مليس
هل الحقيقة جلت والأمور انتهت بظهور هذا الشاهد الذي أنقذ الوطن من العقوبات والظلم
متى تنتهي سياسة القطيع الذي يسوقه النظام
متى يستفيق المواطن المدجن الذي ليس له دخل والذي يصفق لهذه المسرحيات الهزلية التي يمثلها هذا النظام العفن .

[Majood]

انا بعرف يــــا
خليها لربك يا مواطن ...
اول مرة بقرف من انسان ... سمعت حديث هالمخلوق بقرف شديد ... xxxxxxxxxxxxxxxxxxx هيك سبيت عليه

[MR.SAMO]

كاتب النص الأصلي : أبو النسيم

سؤال
هل سياسية التذاكي على المجتمع الدولي وعلى العالم والشعب هي الحل برئي النظام
لماذا باعنا هذا الشاهد كل هذه الوطنيات والمشاعر المشلخة التي لم تعد تجدي نفعا
هل يعتقد النظام أن هذه لعبة سياسية ذكية لقلب الطاولة على مليس
هل الحقيقة جلت والأمور انتهت بظهور هذا الشاهد الذي أنقذ الوطن من العقوبات والظلم
متى تنتهي سياسة القطيع الذي يسوقه النظام
متى يستفيق المواطن المدجن الذي ليس له دخل والذي يصفق لهذه المسرحيات الهزلية التي يمثلها هذا النظام العفن .

يسلم تمك المصيبة نظامنا معتبر الشعب كله بلا فهم وهيدا من كتر وطنية المسؤولين وحبهن لشعبن
وصدقني كل حكي الشاهد لعبة بلعبة
النظام عنا بمرحلة صحوة الموت

[krimbow]

معكم حق ...

يعني باع وطنيات لشبع ... و ع شوي كان مو ناقص غير يطالب بتمثال دهب من كتر مانو وطنجي

و متلكم كلكم انتوا و كاتب الموضوع قرفت من شكلو و من حديثو

بس الواقع بيبقى واقع ...

ازا هاد هوي الشاهد المقنع تبع ميليس معناها جماعة 14 اذار اكلوا هوا رسمي ... هنن و ميليس و اميركا و فرنسا

و ما عاد في اي اثبات على تورط سوريا

يعني بقيان بهالملف تبع ميليس المستر اكس و بس .. و ما بظن انو كافي

شكلها ضاعت الحكيكا يا شباب

[MR.SAMO]

كاتب النص الأصلي : krimbow

معكم حق ...

يعني باع وطنيات لشبع ... و ع شوي كان مو ناقص غير يطالب بتمثال دهب من كتر مانو وطنجي

و متلكم كلكم انتوا و كاتب الموضوع قرفت من شكلو و من حديثو

بس الواقع بيبقى واقع ...

ازا هاد هوي الشاهد المقنع تبع ميليس معناها جماعة 14 اذار اكلوا هوا رسمي ... هنن و ميليس و اميركا و فرنسا

و ما عاد في اي اثبات على تورط سوريا

يعني بقيان بهالملف تبع ميليس المستر اكس و بس .. و ما بظن انو كافي

شكلها ضاعت الحكيكا يا شباب

يعني جابت دولتنا الدب على كرما متل مابيقول المتل
اللجنة اعترفت انه سمعت شهادته بس نكرت انو تكون غرته او اجبرته على قول شي
تاني شي بين من حكيه انه هوي اللي كان عم يحقق اذا حسب حكيه ماضل سفير وما شافه
بس ميكون مفكر حاله هيفاء وهبي
على كل حال ميليس ذكائه من نوع ذكاء الثعالب دايما بيضل مخبي مفاجئات
وحسب الاخبار اللي عم نسمعها راح يحجز على رستم غزالة وجامع جامع
لأنه ياباشا المتهمين اللبنا نيين اعترفوا بكل شي واعترفوا على الضباط السوريين كمان

[صياد الطيور]

بس الضباط اللبنانيين ما اعترفوا بأي شي ..
وهادا كان حديث لبقضلء اللبناني مبارح ..

وشو متوقع ميليس يعني أنو يجي لعندو الشاهد المقنع ووراه سعد الحريري وماسكين مسدس وحاطينوا على راسو ويا بتقول الي قلنالك ياه يا منقوصك
طبعاً رح يجي لوحدو ويقول على اساس بمحض إرداتو
لأنو الضغط مسبق عليه ... ومجبر أنو يحكي وما حدا رح يخليه لميليس يحس بشي ..


وكمان بعتقد أنو هسام ( المقنع ) مانو هالرجال الوطني ولا المخلص
هو كان ماشي باللعبة متل ما متفقين عليها ..وآخد منهم بلاوي ...بس وقت عرف أنو الشاهد الي قال أنو باع خطوط لرستم غزالة ( وهو شاهد زور طبعاً ) قتلوه بعد ما خلصوا منو ...حس أنو رح ياكل الضرب متلو ... وأنو مصيروا الموت بعد ما ينتهي التحقيق ..رح غير الخطة وهرب على سوريا
أنا هيك رأيي

[أبو النسيم]

هلق أذا بدنا نحكي يلي ألنا ويلي علينة بحيادية

أنو ميلس علاك وزلمة مانو فهمان راسو من دك البستان أذا كان هسام أو الشاهد المقنع هو الورقة يلي عم يراهن عليها ميلس بتقريرو وبدو يحرج الظباط السورين بشهادوا الزور أو الشهادة الملفقة بقى يضرب هو وهيك لجنة ويلي حطوا فيها صرلو 6 شهور قاعد بلبنان و عم يسرح شوكان عم يساوي هو ولجنة يقطع عمرو

بعدين هلق أذا مليس كذب الكذبة بنقوم نحنا بنسدقها وبنجيب زلمة وبنقول أنو هاد هو الشاهد الزفت المقنع وبيقعد بيبض حكي وبيحكي قصة مالها علاقة بي بعضها شلون هي صارت بوس أيدكون فهموني ما عم يركب شي معي ميلس والنظام فوتونا بلحيط لا يا ريت قلبو الحيط على راسنا

أنا من وجهت نظري أنو هل الزلمة زرعتوا المخابرات السورية بلجنة وعلمتو شو يحكي وكان هو بدو يعمل عميل مزدوج لميلس وللنظام ما زبطت معو

أو هاد هو الجوكر يلي عم يلعب النظام فيه مشان يحرج مليس واللجنة


وعلى الحالتين أكلنا هو يا شباب


ودمتم للنضال

المواطن الباحث عن الحرية أبو الزفت أبو البطيخ أبو.................. النسيم

يلعن الحرية وأبوها لحت تخرب بيتي الحرية

ياريتني مدجن متل هل99.99% من الشعب

[السورية المشتاقة]

شكرا اخي عالموضوع و خبرنا عن جديدك........