أسلوب مبتكر في الفش الامتحاني

[rowaf]

و الله يا شباب كنت عم اقرأ بأحد صحفنا اليومية و إذ بصادفني هادا الخبر الذي اعجبني و حبيت حطو بالمنتدى هون
و أحداث الخبر صايرة بمدارسنا الثانوية حيث عنا الطلاب ابتكروا طريقة قانونية للغش بالامتحان
فمنشوف طالبين من طلاب المدرسة الثانوية يلجأان الى طريقة المهرب الذي تتحدث عنه النكتة بأنه كان يأتي الى الحدود على دراجة نارية فكان مفتشو الجمارك يشكون بأمره و يفتشونه بالكامل فلا يجدون شيئاً و تتكرر حوادث العبور هذه الى أن يكتشفوا و أخيراً الجمارك انو الأخ عم يهرب دراجات نارية
بس ما هون القصة القصة عند هالشابين الذين كانا يجلسان في الامتحان ثم يطلب كل واحد منهما ورقة امتحان اضافية قيأخذانها فعلاً و هي رسمية و مختومة بالخاتم الرسمي و بس هنن بالحقيقة ما كانو عم ياخدوها ليكتبوا عليها بل يخبئانها في جيوبهم الى اليوم التالي و يأتيان بتلك الورقة و مكتوب علبها ما يحتاجانه لمادة الامتحان القادمة أي أنو هالأوراق الامتحانية حولوها لروشيتات الشباب و الله ذكاء و الحلو أنو وقت كانوا يحطوها امامهم على طاولة الامتحان ما حدا من المراقبين بيشتلء (بشك) أنو هي روشيتات إينما بيعتقدوا انها ورقة مسودة رسمية و خاصةً انو مكتوب عليها محتويات المادة نفسها التي عم يقدموها و هيك الشباب بينسخو منا الإجابات عينك عينك و على مرأى من كل المراقبين .... و هيك بياخدوا أوراق جديدة للمادة القادمة و ضلوا هالشباب على هالحالة بس و الله كل هالدهاء من هالطالبين بس طلع عنا مراقبين أذكى منن و في واحد من المراقبين اكتشف الأمر يا حرام...
بس و الله يا شباب طريقة بستاهل التجريب و خاصة عنا بالمدرسة إيه شي تسااالي جد لأنو عنا المراقبين شي فرجة
بس أكيد عوضنا على الله هلء خلصنا امتحانات و خلص كلشي

[mhmary]

والله حرام هيك تنين أذكيا ما ينجحو

[nana]

ممكن اعرف ليش لهلا لخطر ببالك تحط هالفكرة و انا باقيلي مادتين

[Mr.com]

طيب نحن بالجامعة ممنوع تطلب ورقة زيادة، يعني إذا انتهى دفترك الامتحاني والذي هو بحجم النملة فهذه مشكلتك ولن يعطوك أي دفتر أو ورقة زيادة

شو منعمل بهالحالة....

[Hus]

بسيطة هاي .. يا سيدي بيكون عندك مادة وعرفان حالك راسب هيك هيك
بتاخد ورقة وما بتكتب عليها شي .. وما بتقدمها اصلا ..
وبتخبيها للامتحان الي بعدو
وهيك بتكون امننت نجاح الامتحان الي بعدو ..

فكرة مفتكسة مو

[dimozi]

يعني إذا انتهى دفترك الامتحاني والذي هو بحجم النملة فهذه مشكلتك

شكلك بتعبي كل الاوراق يا حبيب ........................... دريييييييييييييييسسس



انا عطول بتسائل , ليش بيحطوا 7 ورقات مع انو ما بنستخدم غير تنتين باخسن الاحوال ؟؟؟؟؟؟

كنت اعتبر الموضوع هدر بالورق

طلع في ناس ما عم تكفيها الاوراق




و اسلموا




ديموزي

[Mr.com]

بتاخد ورقة وما بتكتب عليها شي .. وما بتقدمها اصلا

إي بعلقوا مشنقتك يا بي بي، بيحرموك دورتين من تقديم كل المواد إذا ما قدمت دفترك.... شو مفكرنا بمصر!!!!!

شكلك بتعبي كل الاوراق يا حبيب ........................... دريييييييييييييييسسس

يعني صارت معي وعبيت الدفتر كاملاً بشي مادة أو مادتين، بس يعني أنا كنت عم وضح فكرة أننا لا نستطيع الحصول على دفتر تاني

[Hus]

إي بعلقوا مشنقتك يا بي بي، بيحرموك دورتين من تقديم كل المواد إذا ما قدمت دفترك.... شو مفكرنا بمصر!!!!!

الحقيقة ما عندي فكرة كنو مسموح اخد الورقة معي ولا لاء .. لانو الصراحة انا بحتاج هيك شغلات يعني اي امتحان حتى لو ما دارسو عادي .. بالبديهة فيك تجاوب .. ههههههههههههههههههههه :P

[الكبير]

mhmary
كتب

والله حرام هيك تنين أذكيا ما ينجحو

انا معو بها الشغلة لأنو اللي بيستعمل الطاقة الفكرية اللي عندو ولو بالغش وبينجح يعني ذكي يعني بدو توجيه ميشان يستعملها صح
ما احباط وفصل من المدرسة او الجامعة ميشان يتخرج البهيمة - حيشا السامعين - اللي بيحفظ الكتب وبينساها بعد لحظات من الامتحان
وبيعلق 2314234 شهادة على الحيط والحيط افهم منو بكتير

[Anmar]

لك آآآآآآآآآآآآآآآآآآآآىىخ لا تزكرني بالحيط وبالتبصيم مشان الله لأنو عم يصير معنا أفلام شي ما بيتسدق وهدول سؤالين متل ما كتبن الدكتور بالحرف والإجابة المطلوبة على كل واحد إما Yes أو No :

27- The Java Virtual Machine continues to execute threads until either of the following occurs
a)- Yes
b)- No
28- You can restart a dead thread, but you can access its state and behavior
a)- Yes
b)- No


فشو رأيكن ؟؟؟؟؟؟؟ وانا من جهتي بقول لا تعليق

[Hus]

27- The Java Virtual Machine continues to execute threads until either of the following occurs
a)- Yes
b)- No
28- You can restart a dead thread, but you can access its state and behavior
a)- Yes
b)- No

السوال الاول بيدل على بهمني شخصي .. بهمني للصبح يعني
اما التاني بعتقد واقع حرف ال t بالغلط هوي لازم you can't
والجواب No

بس الحقيقة الله يعينكون
اي ما استاز يغلطلو هيك غلطة عنا منعمل اعتصام شي اسبوعين ومن اضرب هاي اذا ما رفعنا دعوى على الجامعة
نحنا فاضينلو

[الكبير]

اي صح بيطلع الحق عالحيط
كان في واحد متل هادا الدكتور بكلية اله---ة الم------ة ولازال طبعاً
كان يجيب سؤال تحتاج الاجابة عليه الى كرتونة ابعادها 24طول و 16 متر عرض
ومن كتر شكاوي الطلاب - حوالي 4000 شكوى خلال 4 سنوات -
زاق على دمو وجاب السؤال تحتاج الاجابة عليه إلى كرتونة 12 متر
وطلع الحق عالطليان

[الكبير]

يعني يمكن يطلع الحق على الانكليز
لأنن اخترعوا yes و no

[Hus]

يعني يمكن يطلع الحق على الانكليز
لأنن اخترعوا yes و no

[Anmar]

يعني يمكن يطلع الحق على الانكليز
لأنن اخترعوا yes و no

والله مافي غير هيك لأنو ما الها تفسير غير هيك ...

على كل حال يا شباي النهفات اللي بتصير عنا بالكلية بدها موقع كامل لحتى نقدر نعطيها جزء من حقا ....

[Joe]

شو عم تدرس Anmar?

[Joe]

شكرا لقيت الجواب
بس كم سنة المعلوماتية بسوريا؟

[Anmar]

نظريا المعلوماتية 5 سنين بس بعد ما بتسجل بالجامعة بتكتشف انو العدد هوي ؟؟؟ سنة ....