الذهب العتيق قال كلمته مع الكرامة وميلان

[fady juventus]

ألف مبروك الفوزين الرائعين للناديين الكبيرين في آسيا وأوروبا
ميلان الإيطالي
والكرامة السوري
اليوم كانت مباراة مدربين وخبرة بنفس الوقت
المدربين أغنياء عن التعريف إن كان أبشاكر أو أنشيلوتي
بس الكلمة الفصل كانت للذهب العتيق بيبو إنزاغي و إياد مندو واللي سجلوا الهدفين اللي فازوا فيهن الفريقين العظيمين

بالنسبة إلي هالليلة كانت للذكرى و تاريخ 23/5/2007 رح يضل بالبال لمدة طويلة
لأنو بهاليوم الكرامة أكد إنو مانو طفرة ولا متطفل على كبار آسيا ، وإنما هوي كبير بين الكبار و ستحسب لمباراة حمص مع أي فريق كان ألف حساب
لأنو غالباً جاي ع حمص ليخسر قدام 40 ألف كرماوي وسوري لابسين الأزرق و حاملين العلم الكرماوي و عم يشجعوا النسور المحلقة في سماء حمص و آسيا

و من جهة تانية الميلان ... السفير فوق العادة لإيطاليا في أوروبا عم يحسم الزعامة الأوروبية(وبالتالي العالمية) لصالح الطليان
لأنو بهالفوز بيكون للطليان /11/ بطولة بدوري الأبطال بالتساوي مع الإسبان و بيتجمد رصيد الإنكليز عند /9/ بطولات.
ألف مبروك لكل مين شجع عمالقة آسيا و أوروبا
و حظ أوفر للبقية.

[tiger]

المباراة كانت عادية جدا لكن لمسة كاكا و اينزاغي كانت رائعة بالنهاية ....
الف مبروك للروسونيري .....
وللكرامة ...

[Fares]

أنا بعد ما شفت الكرامة ما عاد شفت قدامي لا ميلان ولا ليفربول ولا حدا

أبو شاكر فعلاً أحسن مدرب بالمنطقة!!

[BL@CK]

و من جهة تانية الميلان ... السفير فوق العادة لإيطاليا في أوروبا عم يحسم الزعامة الأوروبية(وبالتالي العالمية) لصالح الطليان

يا عمي الكرامة مين أدو

بس بدك الصراحة المباراة الأوروبية أحلا

يا أخي لعبو ..

بس حيو انزاغي .. اليوم كان عظيم بشكل

و أحلا أيطاليا ..

[MadMax]

على طول المباريات النهائية ... بتقل فيها المتعة
أما مباراة الكرامة فكانت ممتعة و عنوانها الفرص الضايعة
*
مبروك للميلان
و مبروك للكرامة

[علاء.]

الكرامة أبدع بس المسة الأخيرة ضايعة

والسنغالي ضاع


والأسي مافي متلو


ومبروووووووووووووووووووووووك

[dot]

مبروك للكرامة وهارد لك ل ليفربول

[Willi]

اكتر الشي عجبني بكلشي.
هو الخازوق اللي طعماه فريق الكرامة لاحمد جبّان
اذا فيه شرف بيتنحى عن منصبو

قال الكرامة اتأهل بالحظ وهالسنة ما رح يتأهل قال

[Fares]

كاتب النص الأصلي : Willi

اكتر الشي عجبني بكلشي.
هو الخازوق اللي طعماه فريق الكرامة لاحمد جبّان
اذا فيه شرف بيتنحى عن منصبو

قال الكرامة اتأهل بالحظ وهالسنة ما رح يتأهل قال

يا سيدي خلي الجبان يبلط البحر...

الكرامة تأهل السنة الماضية بالحظ، ووصل للمباراة النهائية بالحظ، والسنة كمان تأهلنا بالحظ ع الدور الثاني...
لااااء لسا ما خلصنا... وهذه السنة أخد الكرامة بطولة الدوري بالحظ، لك وبالصدفة كمان السنة الماضية كمان أخد بطولة الدوري ، والسنتين يلي قبلون يخرب بيتو شو محظوظ طلع تاني بعد الاتحاد وبعد الوحدة!!!

يعني ما بعرف كيف هالحظ راكب الكرامة ركب هالأربع سنين!!!!!

لك عيييييييييييييييب هادا الكرامة الوحيد يلي شرف الرياضة السورية ورد للرياضة السورية كرامتها..

[Government]

مبرووووووووووك للكرامة اللي عبرف راس الكرة سورية يوم عن يوم ..
وان شاء الله يستمر بهالمسيرة في المباريات الجاي لانو رح تكون صعبة وصعبة كتير ...









وهادرلك لليفربول الخسارة اللي ماكنا منتمناها ..(والله يخليلنا احسن كردي اللي خلانا نشوف المباراة)
وكمان هاردلك للأهلي على الوضع السئ اللي عايشين في ...



وعلى امل انو الكرامة يكمل المشوار



ومبروك للحماصني .. وللسورين كلن

[Government]

كاتب النص الأصلي : madmax

على طول المباريات النهائية ... بتقل فيها المتعة
أما مباراة الكرامة فكانت ممتعة و عنوانها الفرص الضايعة
*
مبروك للميلان
و مبروك للكرامة

بالله ماكانت خلصت شي 4 او 5 لو ماالفرص اللي ضاعت


بعدين سانغو اليوم كتير اكل هوا بالفرص ماكان مفوق كتير
بقص ايدي اذا هالسانغو مابتعاطى شي (لانو يوم بصير بيليه ويوم بصير مدري شلون)

بس يلا المهم فازوا ومشي الحال المهم اسم الكرة السورية