المشرف الغير مثالي الموضوع الرئيسي 2008

[ِAbu Alzooz]

وانا عم اكتسح التصويت

ام الريم هدول مخربطين مفكرين هون التصويت للمشرف المثالي

[MaTyA]

رمروش ومن الحب ما قتل

على قد المحبة بتزيد الاصوات

قويّة بنت العم قويّة

[Reemi]

ههههههههه
هوي انا دايما بكون فايته بقوه ...

[بنفسجة]

كاتب النص الأصلي : Reemi

ههههههههه
هوي انا دايما بكون فايته بقوه ...

اي دائما على طول
احلى ريمي
قوية على كافة الصعد

[MaTyA]

انّو انا بس بدّي احكي قصة صغيرة ... بحسها "من وجهة نظري" انها بتنطبق كتير على اللي عم يصير هون
ومن منطلق انّي بعرف جهود ريمي ومرسيل بالمنتدى .. رح قولها وقول :::

انّو مرّة كان في بعوضة صغيرة على شجرة متينة وضخمة ومتجذرة بالارض...
قالتلها هالبعوضة انّو يا شجرة استمسكي وتشبثي بالارض لانّي بدّ طير عنّك..
ردت عليها الشجرة بـ تهكم وقالتلها : يا بعوضة ، انا ما حسّيت بوقوفك عليي حتى حس بطيرانك..

مغزى القصة::: انّو البعوضة بعمرها ما بتأثر على الشجرة .. بعمرها واللي بيقول غير هيك بيكون ما بيعرف شي..
البعوضة مسكينة مفكرة انّها بتقدر تهز شجرة لما بدها تطير مع انها بواقع الامر ما بتقدر تهز ورقة من ورقة الشجرة..
واللي كانت غشيمة عنّو هالبعوضة انو الشجرة ما بتهتز لطيران "بعوضة "...

رأيي هيك...وبرأيي انّو مرسيل وريم هنّي متل الاشجار المتينة، المتشبثة بالارض والمتجذرة فيها..
اعمالهن ونشاطهن بيدل عليهن..وشايفة انا انّو الموضوع انقلب لتجريح واهانة اكتر من نقد اخلاقي...

وتقبُّل رأيي .. واجب..

[ooopss]

كاتب النص الأصلي : butterfly

كنت بتمنى أعرف الأصوات اللي اجتني من مين

أنا صوتلك
مع أني ماكتير بعرفك..
بس بعرفك منيح من خلال كتاباتك وشغلك..
صوتلك مع أني مابعرفك-كشخص- بعرفك كموهبة
لأن مستحيل أي حدا يدخل عأخوية وما يلاحظ مجهودك وثقافتك واحترامك للناس...
أنا ما بحب ادخل بمواضيع شخصية بالمنتدى وصوتلك بدون تعليق لهالسبب
بس بما أنك بتحتاجي الدعم حبيت قلك هالكلمتين
ولا تسألي حالك ليش أو اذا شغلك قليل أو اذا الموضوع شخصي أو لا
وأكيد كل المشرفين بيستاهلوا تصويت لأنن بيشتغلوا وبيتعبو
والموضوع مالو داعي
وبهديك هالقصيدة


تهم-نازك الملائكة

أعبّر عمّا تحسّ حياتي وارسم إحساس روحي الغريب
فأبكي إذا صدمتني السنين بخنجرها الأبديّ الرهيب
وأضحك مما قضاه الزمان على الهيكل الأدميّ العجيب
وأغضب حين يداس الشعور ويسخر من فوران اللهيب
أعبّر عن كلّ حسّ أعيه

وأبكي الحياة ولا أنكر

وأضحك من كلّ ما تحتويه

وأغضب لكنّني أشعر

يقولون شاعرة في السحاب تحلّق خلف سراب النجوم
أنانيّة لا تحسّ الوجود وإن صرعته جبال الغموم
خياليّة تمقت الكائنات وتخلق عالمها في الغيوم
خريفيّة تكره الضاحكين لتدفن جبهتها في الهموم
أنانيّة وأحب البشر

خياليّة وحياتي تسير

خريفيّة وأناجي الزهر

وعاطفتي لهب من شعور

يقولون:عاشقة للظلام تحبّ الدياجي وتهوى السكون
وتنشد أشعارها للجبال وترسم أحلامها للعيون
تحبّ الحياة ولكنّها تعكّرها بخيال المنون
ترى جوّها غيهبا حالكا يضيق بآثامه الملهمون
أحبّ الظلام ولكنني

أثور على كلّ أحلامكم

أحبّ الحياة على أنني

أحقر موكب أيامكم

يقولون: جامدة الحسّ تحيا مع الأمس في حلم جامد
يقولون: صوفيّة فالحياة تنوح على حسّها الخامد
عواطفها جمدت كالنجوم كتهويمة القمر البارد
وتحليقها كان ثم امّحى على صدر إحساسها الراكد
يقولون لكنّني تائهه

ألوذ بصمتي الخفيّ الغريب

أعيش حياتي كالآلهه

وقلبي شعور وروحي لهيب

يقولون دعهم غدا يعلمون ودعني أنا للشّذى والجمال
أحبّ الحياة بقلبي العميق وأمزج واقعها بالخيال
أحبّ الطبيعة حبّ جنون أحبّ النخيل أحبّ الجبال
وأعشق ذاتي ففي عمقها خيال وجود عميق الظلال
وأهتف يا نار قلبي الغريب

وموج أحاسيسي الثائره

إذا اتّهموا فلماذا أجيب
بغير ابتسامتي الساخره ؟

[yass]

كاتب النص الأصلي : Reemi

ههههههههه
هوي انا دايما بكون فايته بقوه ...

قوية بشكل ما ترضى تفوت باستفتاء الا تفوزو... شو ما كان موضوعو

[yass]

كاتب النص الأصلي : طفوله

سؤال صغير محمد






شو شعوركـ وئت علئو البشر مع بعضها؟

سؤال حلو

هو سألنا مراسلينا... فـ كان في عدة آراء

ناس يقولو شعورو هيك

و ناس يقولو لأ هيك

و كمان في ناس بيقولو هيك

و كمان في رأي بيقول هيك

فـ كل واحد ع حسب اتجاه الريح عندو يقرر اللي بدو ياه

[Reemi]

كاتب النص الأصلي : matya

مغزى القصة::: انّو البعوضة بعمرها ما بتأثر على الشجرة .. بعمرها واللي بيقول غير هيك بيكون ما بيعرف شي..
البعوضة مسكينة مفكرة انّها بتقدر تهز شجرة لما بدها تطير مع انها بواقع الامر ما بتقدر تهز ورقة من ورقة الشجرة..
واللي كانت غشيمة عنّو هالبعوضة انو الشجرة ما بتهتز لطيران "بعوضة "...

رأيي هيك...وبرأيي انّو مرسيل وريم هنّي متل الاشجار المتينة، المتشبثة بالارض والمتجذرة فيها..
اعمالهن ونشاطهن بيدل عليهن..وشايفة انا انّو الموضوع انقلب لتجريح واهانة اكتر من نقد اخلاقي...

الحمد لله انو في عالم بتعطيك دافع انو اضل عم تعطي...واضل عم تشتغل .. في عالم بتحسسك انو خيي رووح الله معك ...

يسلمو دياتك ماتيا .... وبوعدك مني ومن ميمو نضل شجرات واقفه ..راسخه ..

[الحاج متولي]

كاتب النص الأصلي : Reemi

وشكرا للكل ... يلي بيحبنا ويلي ما بيحبنا ..

وانا عم اكتسح التصويت ...

أقسم بالله إني هادا أفضل جواب شفتوا بالموضوع كلوا ..... مع إحترامي و تقديري لمرسيل (فراشة المنتدى ) يلي كتبت كلام بتمنى من كتير أعضاء تفهموا وبعتقد إني أي إنسانة بتكتب هيك كلام ما بتستاهل إلا إني نوقف بكل إحترام قدامها و نبصم إلها بجبينا على إني هي و ريمي يكادوا أن يكونوا المشرفات الاروع و الابدع على مستوى المنتديات العربية
وبحب إعترفلكن بشغلة إني أنا و كتير ناس بعرفهن حق المعرفة هون بالمنتدى وصلت معنا إني نترك المنتدى إلى مالا عودة وذلك لبعض المواضيع و بعض التعاملات ....بس في الحقيقة كمية الحشيش يلي عم ناخدها هون بتنمي مخنا و بتخلينا ننفد من صعاب حياتنا إلى عالم مكشوف هي السبب بإدمانا على أخوية وحبنا لأخوية
ومافيني غير قول بالنهاية
وصدقاً يا ريمي و يا مرسيل
إلى الأمام إلى الأمام
و الحقيقة أنا بحسدكن
بالإشراف المثالي و بالإشراف الغير مثالي الأوائل إشوا هاد و الله ضربت معلم
و بحب إنهي كلامي أنا وقول إني العالم مقسوم بالنص عالم بتفهم و عالم ما بتفهم و إنتوا إجاكن التصويت من الطرفين من الناس الصح
و بهيك بتكون النتيجة لصالحكن 100 %
و في النهاية
و متل ما بيقول المتل : طب الجرة على تمها ....بيني و بينك المحاكم
(مو مشكلة هادا من تأثير الحشيش)
تحياتي
الحاج متولي

[محمد ابراهيم]

كاتب النص الأصلي : butterfly

الجواب .. منطقي جدا
لأنو الموضوع فاقد المصداقية .. هالموضوع اللي بيخدش " اكتر من بيخدش بكتير " صحبتي مع محمد
يهدف للضرب بالمشرفين.. ولا يهدف للنقد الموضوعي

لما يكون محمد ابراهيم هو نفسو اللي كاتب الك
قبل ما ينزل هالموضوع هون : كاتب هالحكي الك انتي وما الى حد غيرك ، مش لاسير ومش لجاد ومش لياس ومش للحكيم ومش لمسطول ومش لريتا ومش لهاني ومش لريم ومش لسارة ومش لنفسو ومش لنفسو (ما كتبت هالحكي لنفسي )
شو كتبت انا

كاتب النص الأصلي : محمد ابراهيم

مبروك عالاخوية ميمو

شهادتي فيكي مقتولة (الجرح ادى الى قتل )

انتي لحالك شغلة بالاخوية والاخوية الباقية شغلة وطبعا ما محتاجة تعرفي اهميتك عندي

ببارك للاخوية عوجودك
وبخبرك ان انتي لحالك شغلة بالاخوية والاخوية الباقية شغلة وبقول انك ما بحاجة تعرفي أهميتك عندي
هالحكي ياميمو ما كان لجاد ولا لريم ولا اسير ولا لهاني ولا لريتا ولا لسارة ولا لاي حد .
هالحكي هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

من 3 ايام مباشرة قبل نزول هالموضوع .

وبالمناسبة انا نفس الشخص يللي كتب بهالموضوع (نفس الموضوع) هاد
- (مرسيل عجنب صديقة مقربة جدا جدا جدا من هون لبكرا شهادتي فيها مجروحة)
لما كنت بحكي عن الموجودين بالتصويت .
أنا نفس الشخص اللي من 8 شهور تقريبا بموضوع المنسق المثالي كتب هالحكي عنك انتي وريم

انا بختار ريمي وبترفلاي

والسبب هو ان صار عنا مكتبه عظيمه الفضل الكبير يرجع لبترفلاي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الها

وكمان ريمى

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

عملت شغل كبير ومجهود هايل بقسم مهم جدا اسمو علوم وتكنولوجيا

هون بتلاقي الرد يمكن تقدّري اللي عملتو معك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وهاد باول رد بالموضوع قبل مايصير اي تصويت (وكان النتيجة انو اعلى اصوات كانت الك ولريم )

ياريت تقولي لهالعالم كم مرة كنت تخبريني انو بدك تتركي اخوية او خلص انك قررتي تتركيها وانا كنت اهون عليكي واخبرك انو انتي متسرعة ومافي داعي للتسرع فكري واهدي ورح تاخدي القرار المناسب .

كيف اقدر اقتنع هلاء بحكيك عني وانا حاكي عنك بهالطريقة !!!!
كيف أقتنع انو بدي اضربك بهالموضوع وانا اصلا ماصوت ضدك !!!
كيف اقتنع انو بدي اضربك بهالموضوع وانا اصلا ما شجعت حد انو يصوت ضدك !!!!!
وجاية هلاء تقولي بدك التصويت يكون مفتوح وتعرفي مين صوت !!!
كان بدك تعرفي انو انا صوتّ ضدك او لاء !! بدك تعرفي سكيبي وسيكيولار صوتو ضدك او لاء !!!
عاساس سيكيبي وسيكولار عندون مشكلة مع ذكر اسم المشرف!!! اذا صوتو ضدو
(روحي شوفي مواضيعون بالبريد ضد المشرفين لتعرفي مدى مراعاتهم لمشاعر المشرفين ) اذا كان سبو كهربجي ونبيل وياس وغيرون ، ماصعب على هالاشكال انو تيجي هون وتكتب ضدك علني انو صوتو ضدك .

* بصراحة انا مذهول من ردك انتي وانتي تحديدا ضدي وما كنت متوقعو ولا متخيل انو نوصل لهون .
انا راجع اكيد راجع لحتى اوضح كل اتهام منك (كل اتهاماتك اللي بلا دليل ) ومشكورة جدا على كل اتهام .

-اذا كان بيهمك انتي وكل العالم اللي طلبو انو التصويت يكون مفتوح (انو يعرفو مين انا اخترت)
انا اخترت انسانة ما كنت متوقع منها شغلة معينة (اشرافية) نقطة من بين 10 نقاط موضوعين باول الموضوع
الفكرة انو ما اتخذت الموضوع لتجييش العالم ضدا ولا حتى قلت لمخلوق واحد مين صوتت ضدو مابدي حد يتأثر ويصوت ضدا او يقلي ليش صوت ضدا وهاد يأثر عالتصويت ضدا (التصويت مغلق حتى ما حد يتأثر بصوت حد)،
- هي مش المشرف الغير مثالي لانو بصراحة مافي حد منكون احسن منها (مع التحفظ على نقطة انو مافي حد مثالي اصلا وهاد معناه انو كلكون غير مثاليين ) لكن بنفس الوقت ببعض المواقف بيكون المشرف جيد وبعضها بيكون سيئ لانو مافي ملايكة بين البشر والكل بيغلط اذا بدكون موضوعية (هاي قمة الموضوعية ) الكل بيغلط اعضاء ومشرفين (لانو الاعضاء بشر والمشرفين بشر) اذاً في مواقف بيكون المشرف جيد وإن كانت كثيرة وبمواقف اخرى بيكون المشرف سيئ وإن كانت قليلة وبناءاً عليه طبيعي يكون مشرف اسوأ -
ولكن انا لمراعاة مشاعر المشرفين اصدقائنا وزمايلنا ما كتبت المشرف الاسوأ (اللي متاكد انو مصطلح افضل للوصف) وكتبت بدل منو مصطلح المشرف غير المثالي (اللي اصلا واثق انو بعيد عن الوصف) .
- نرجع لاختياري انا اختارت سارة وانا الاختيار الوحيد الا وهاد ما كان اقرار مني بانها المشرف الغير مثالي او الاسوأ ، لكن سارة تحديدا كنت متوقع منها رقي واداء مرتفع جدا جدا وهاد ما خيالي لاء كان بناء على معرفة شخصية فيها ، هي تقدر تكون افضل بكتير جدا اكتر من اي حد بس هاد ما صار بالاضافة الى اني حسيت بتغير في تفكيرا واسلوبا .
طبعا لو هذا كان موضوع شخصي متخذو للطعن بالاشراف .
كنت بلشت بكوستا "نبيل" اكتر شخص عصبني بتاريخ الاخوية لما سكر موضوعي عن كريم (هالموضوع يللي نقلو 9 مواقع سورية وعربية .
كنت بلشت بكهربجي "علاء" غير المنبر وقلبو رأسا على عقب وخرج اكتر من موضوع الي من المنبر وحذف اهم موضوع الي " الالحاد 2"
كنت بلشت بنيرفانا ،حصل مشكلة بيني وبينها بخصوص قانون جديد صار بالمنبر .
يامن وفي مشكلة بالبريد عموضوع لساتو معلق للان وما حُسم امر الموضوع .

لكن صوتي ماراح لحد منون وما شجعت حد عانو يصوت ضدون "الشغلة مانها ضرب بالاشراف " وانا ما استغليت الموضوع اطلاقا ضد الاشراف .
والا كان اولى استغل الموضوع ضد عالم صار بيني وبينون مواقف او مشاكل .

* حتى من باب اولى كنت شجعت العالم تصوت ضد سارة (منو اوصل الا صوتي بقوة واحرجا) بس الشغلة مانا شخصية، ومابدي ازعجا واحرجا بموضوعي ، بانو لاني صوت ضدا لازم احفز العالم تصوت ضدا !!!!
لا انا هيك ولا تفكيري هيك وانتي ياميمو اخر وحدة كنت اتصور تظن فيي هيك
مشكورة
ورح ارجع ارد وادافع عن اتهاماتك الي بكل ود
لكن مارح اكدب عليكي ،قلبي اتاثر وحصل جرح كبير ,لانو انا هيك كنت معك وانتي هيك معي !!!

[محمد ابراهيم]

باي مكان في عالم منصفة ومثقفة وواعية
ممكن يطلعو من هالموضوع شو ؟؟
شخصنة ؟ حقد ؟ كراهية ؟ اثارة مشاكل ؟ شو

بدي اجابة يا اهل الاجابة
ماتتعبو حالكون وترجعو للصفحة الاولى لحتى تقرو الموضوع

انا جيبتو لهون منشان تقرو

كاتب النص الأصلي : محمد ابراهيم

بصراحة ماحبيت كلمة المشرف الاسوأ ، يعني تخيل مشرف بيقول عنك العضو الاسوأ فهاد اكيد شيئ ما بيرضيك
ولما كان القاعدة هي الاحترام المتبادل للمشاعر فلذلك افضل قرار هو المشرف الغير مثالي ولا تنسو انو كلنا هون اصدقاء او زملاء يعني نحنا ما اعداء حتى وان كان في تحفظات او مشاكل فهاي موجودة بكل مكان عمل ودراسة ونادي وشارع وكل مكان .

ولما كان مصطلح المشرف المثالي مصطلح فضفاض وواسع جدا فلذلك كان القرار الافضل هو فك المصطلح الواسع لمجموعة اقل اتساعا هي كالتالي:-
المشرف الغير حيادي (بينحاز لقضايا وافكار وطوائف واشخاص ومواضيع هكذا.....)
المشرف الغير عادل (بين الاعضاء تلاقي المشرف غير عادل )
المشرف العدواني (يهاجم افكار واشخاص وطوائف وافكار بطريقة عدوانية )
المشرف كثير المجاملة لاصدقائه على حسابك
المشرف قليل الخبرة والغير مجيد للتعامل مع المواقف في قسمه
المشرف الاقل مسئولية (يعني من افعالو تلاحظ انو مافارقة معو اي شيء بالقسم يعني يخرب بتراجع )
المشرف اللي شايف حالو عليك وبيتعامل معك بفوقية وانو اعلى منك او افضل
المشرف اللي دايما يحط حواجز بينك وبينو وما بيخليك تقدر تتناقش معو بقضايا تخص مصلحة القسم او غيرو .
المشرف اللي بيعطي تنبيهات ومخالفات كتير بمناسبة وغير مناسبة وبيسكر مواضيع كتير بدون اسباب واقعية او مقنعة
المشرف اللي ما بيتعامل معك باحترام

----*****----
هاي كانت قاعدة اساسية للانطلاق عن طريقها في التفكير منشان يكون في اسلوب علمي في التفكير مش مجرد عشوائية .

طبعا وارد جدا انو مصطلح المشرف غير المثالي يمكن فكو بمجموعة اكبر او اني اكون ما حطيت اشياء كان يجب احطها .
على كل حال بنترك بند للعضو يحط اي نقاط انا اغفلتها
بس في كم شغلة بدنا نتفق عليون من هلق وقبل المشاركة
1.المشرف صديق و زميل او زميل بس على اسوأ الاحتمالات(يعني غير مقبول التجريح او الاهانة هون جملة وتفصيلا)
2.الامور والاعتبارات الشخصية بين العضو والمشرف ليس لها مكان هون (اي حد بدو يصفي حساب ما يستخدم هالموضوع)
3. غير مقبول مخاطبة الاشراف بالفاظ وعبارات غير لائقة او غير محترمة (مثلا المشرفين مش خدم عند الاعضاء )

* في كم شغلة بدنا نتفق عليون مع المشرف
1- النقد غير شخصي (يعني ما منشان شخص هاني داغر مثلا كل هالشغلة قايمة او الانتقاد مارح يكون في شخص هاني داغر وانما تصرفات هاني (بالمناسبة هاني مشرف متقاعد يعني ماالو دخل بهالشغلةوانما ضرب اسمو كان مثال فقط) )
2-المشرف لازم ياخود هالموضوع بروح رياضية (هو تعبير من الاعضاء ومش هجوم ) يعني منفذ للتعبير بحرية مسئولة )
3-منعا للحساسيات الزائدة من حق اي مشرف عدم الاهتمام بالموضوع او تحمل عناء الرد اصلا (اعتبرو شغلى تنفيس عن الاعضاء )

*التصويت مغلق وسري منشان منع الحساسيات من ورا التصويت ومنشان يكون في حرية اكبر وعدم مجاملة .

وشكرا جميعا
من اجل مصلحة الاخوية (اعضاء ومشرفين)

المخلص للجميع محمد ابراهيم

[ooopss]

كاتب النص الأصلي : ooopss

أنا صوتلك

مو بهاد الموضوع قصدي بالمشرف الأفضل
والكل بيستاهل الصوت الأفضل ...ريمي وياس والكل...
وبرأيي الشخصي مافي داعي لتخلو الموضوع ياخد أهمية مابيستاهلها بأنو تناقشو

[محمد ابراهيم]

انا رجعت اقتبست الموضوع وحطيتو بالرد السابق
ومن الموضوع يقدر اي حد يقرا ويستخرج منو اي شيء بدو
تصويت يا جماعة الاشراف (مجرد تصويت )
ليش اخدتو موضوعي بحساسية مفرطة ؟؟

هلاء سؤال عليه جايزة مني (جايزة كبيرة وضخمة ) السؤال موجه للمشرفين .

المشرف اللي شايف حالو ملاك يتفضل يكتب اسمو هون حالا
المشرف اللي شايف حالو مستحيل يغلط يكتب اسمو هون حالا

والجايزة مش لشخص الجايزة لكل شخص رح يجاوب
السؤال للاشراف فقط

[الحاج متولي]

في ردي السابق فاتني ضيق شغلة كتير مهمة وبالتأكيد أيا إنسان ناجح بيعرفها و حلوة على قلبوا

بحب قلك يا مرسيل و يا ريمي

إني الشجرة لما بتعطي ثمارا بتعطيها لنفس الناس يلي بالموسم السابق كانوا عم يضربوها بالحجر من شان ياخدوا منها الثمر
ومع ذلك و رغم الألم يلي ما حدا من هالبشر عم بيحس فيوا
عم تفضل تعطي و تعطي و يمكن تعطي أكتر .....مو من شان إشي ....بس من شان لإنها مؤمنة بعطائها و حبها للحياة و ثقتها بنفسها غالية
ومن شان هيك بنشوف دائماً إني الأعشاب الضارة ما بتنموا إلا من حولها لهالشجرة من شان تاخد من غذائها و من مائها ...و أرجوا بكلامي هادا و بكلام كتير ناس موجودين هون من يلي بيعرفوا قيمة هالشجرة إني تكون إيدينا هي الآيد يلي بتعتني بالشجرة و بتزيل من حواليها كل الضرر ....... ومع ذلك شو ما عملنا بنكون مقصرين
تحياتي
الحاج متولي

[محمد ابراهيم]

سبحان الله ، هلاء راجعت ردودي هون كلا
قلت يمكن الموضوع تمام بس الردود هي اللي فيها المشكلة ناحية بعض المشرفين بالتصويت او كل يللي بالتصويت .
بصراحة مالاقيت بس وعد رح ارجع تاني اقرا بتركيز منشان (لازم يكون الحق علي) لانو انا صاحب الموضوع فلازم اذا ما في شيء بالموضوع او الردود (اتصرف واخترع )
انا بوعدكون لو ما قدرت اخترع من ردودي هون
رح انجح بردود جديدة بموضوعات جديدة (لازم يكون الحق علي) وهاي مشكلتي .

[Reemi]

يسلمو حج متولي


وما تزال ريمي تتقدم GO Reemi GO

[was616im]

كاتب النص الأصلي : Reemi

يسلمو حج متولي


وما تزال ريمي تتقدم GO Reemi GO

وينك ام الريم...خيتو...اللي عجبو عجبو و اللي ما عجبو ينطح راسو بالحيط
بالفعل ...شبكن يا جماعة....؟؟
ليش قلبتوا الموضوع اخد بالتار و انتقامات؟؟
على اساس كلو صحبة مع بعضو و عين الله عليكن...هلق وقت الحزة و اللزة الكل بين ع حقيقتو و كشر عن انيابو و قعد يفش خلاقو بغيرو؟؟