حزورة

[Gazita]

كاتب النص الأصلي : sezar

عندما تبدأ بتقييم معتقدات الآخر و الحكم عليه بالغباء او عدمه تكون قد انضممت لتلك القافلة التي تحاول الحكم عليها ..

Parfait

[النهر العاشق]

كاتب النص الأصلي : TheLight

انا برأيي الغبي هو يللي بيقيم الناس ع اساس تدينهم وع اساس ايمانهم او عدم ايمانهم

هاد برأيي هو الغبي الحقيقي وبجدارة

لانو ما حدا بيحقلو يقيم انسان الا ع اساس اعمالو وافعالو مع الاخرين

,

[handsome]

هوي بالعادي انا ما بحب هيك اسالة . ولو كنت عرفان انو القصة شغلة اديان ما كنت فتت .. بس حزورة ..... يا زلمة هلق هاي طلعت معك حزورة .. بس يالله بسيطة باعتبار اني صرت هون رح جواب من وجهة نظري ..

الذي يؤمن بالله ولا يعبده
ام الذي لا يؤمن بالله

طب انتي ليش هيك حطيت مثلا ... انو يعني ليش بس هدول .. انا رح ضيف من عندي اسا:
الذي يؤمن بالله ويعبده
الذي لا يؤمن بالله ويعبده

هلق انتي مطرحك للجوابين الي محددين معناتا انتي غبي وما بتطلع عالموضوع الا من وجهة نظرك (ولا تاخذني على كلمة غبي بس انتي الي استخدمت هاي الكلمة )
المهم انو انتي شلون قررت انو ما ممكن يكون الغبي الي امن بالله ... لا تقلي لانو الله قال هيك وترجع تفوتني بدورة مغلقة ما الا لا اول ولا اخر ..
خلينا نجاوب على حزيرتك بحكي منطقي .. مع اني بعرف انو المؤمنين رح ينزلو ضرب فيي بالشحاطة .. بس معليش ..
انتي مؤمن بالله ومانك حاسس حالك غبي ! غريب القصة .. مع اني اسا ما بعرف ولا غبي بالعالم كلو بيقول عن حالو انو غبي .. واصلا انو هاي شغلة الغباء كلا على بعضا شغلة نسبية ... يعني انا اذا حطيت حالي جنب انشتاين بطون اكتر من غبي .. بس اذا حطيت حالي جنب ..... بطلع زكي .. وهلم جرا ....
فانتي هلق مانك حاسس حالك غبي (على فرض اني رح اعتبر انك انتي من النوع التالت بعد الاضافتين الي ضفتون .. يعني انتي يتامن بالله وتبعبدو) .. انتي حاسس حالك انك عما تساوي الشي الصح .. عما تقول انو في الله هوي الي خلق الدني كلا والمجرات والحيوانات والانسان وخلانا نصير نخلوقاتوا ( لالله ) المفضلة.. وانتي عما تامن فيه وعما تصليلو كل يوم وعما تقوم بالواجبات الي عليك وما عما تساوي الشغلات الممنوعة .... بعتقد لهلق كلا سليم وما فيو شي غلط ...
انتي ليش عما تامن بهادا الالله . يعني انتي كيف قررت انو هوي الله . مثلا ما في احتمال يكون هادا الي مسمي انتي الله هوي عبارة عن شي قدر يطور حالو وبتطور مع الوقت وقدر يوصل الارض لهالمرحلة .. طب بلا ما نسمي شي . خلينا نسمي الطبيعة ( ما يعني البستان والبحر والجبل , الطبيعة الي فيا كلشي بالحياة ) الطبيعة هي الي خلق الانسان اول الشي بلش على شكل احادي الخلية . ,بلش بعدة يتطور يتطور .. مر بمرحلة الديناصورات(( صحي على سيرة الديناصورات شو موقف الاسلام منون , اما هني بيعتبرون خرافات )) اي وبعدين راحو الديناصورات .. ورجعت الارض فاضي مرة تاني .. وبعدين رجعو وحيدات الخلية يطورو حالو شوي شوي .. ويبكرو بعضون .. وبلشو يتوزعو الكائنات بمجموعات . وكل مجموعة رجعت تطورت لحالة .. وبلش يتميز شي عن شي . متل مثلا الاسد ملك الغابة .. واسا كمان كتير هيك شغلات .. وفي منون كان الانسان .. هادا الانسان الي نحن لاننا انسان منعتبرو الافضل المخلوقات .. هلق بجوز صار مع الوقت ققوى من باقي الحيوانات والنباتات .. بس اسا في كتير شلا ناقصتو وبحياتو الانسان ما بيصير كامل ( انتي بالنسبة الك يعني بيصير كامل متل الله استخفر الله العظيم ) وانا بالنسبي الي انو يكون معد في شي بيهددو ) نحنا لهلق اساتنا عايشين بمتل غابة كبيري وفي الا قوانين .. ومع انو نحنا الي سنينا هالقوانين . بس اسا لهلق ما قدرنا نصير القوى الاقوة .. الانسان ما فينو يساوي شي ضد البركان او ضد الزلزال او اعصار .. او حايلة كارثة من هدول الكوارث الضخمة ...
منرجع لعند الله .. انتي بتعتبر كل هدول الشغلات الي حكيتا انا . الله الي ساواها ... ونحنا كلشي عما يصير معنا الله مخططلو من ابل .. يعني انا بس روح اكل بوظة .. وبدال ما اخد بالفانيليا الي بحبا باخد بالصدفة بطعمة الفريز .. هاي بيكون الله كمان بيعرفا .. وبيعرف وقتا انو الفريز بيدوب اسرع وبيصير يشرشر عليي بقوم معد انتبه عالطريق وبتجي سيارة وبتفعسني وبموت .. هاي كلا بيكون الله محططلا من زمان لاني عما احكي هالحكي عليه واخد موقف مني هلق ...
هلق انا بدال ما اشكر الله وصليلو انا بيني وبين حالي بحكي مع القوة الي نحنا ما منعرف وانتي سمعت كلام فلاسفة بيعرفو يحكو حلو وصرت تقول هاي القوة اسما الله وانا لازم اعبدا هيك . بس انا عندي غير وجهة نظر .. انا بحس انو في اسا شغلات ما منعرفة .. وفي اسا كتير شغلات غيرا ما منعرف منين جاي ولا كيف صارت .. بس هالشغلات كلا عما تقل كتير كتير .. يعني العلم كل مالو عما يتطور ويبرهن الشغلات الي صارت على الارض وعما يكتشف كيف عما تصير الشغلات الي ما منقدر نتحكم فيا وعما نواجهة كمان ..فانا ما بعتبر حالي مطر اعبد هالشي الي خلقني .. انا بعترف فيه بس بدون ما سمي الله والي اسا في كتير عالم للاسف وعلى اختلاف الدينات عندون اساه البعبوع الله .. الي بيبطلو يساو الشغلات الحرام بس لانو البعبع هيك قال ما لانو هني بيحسو انو هدول الشغلات غلط .. يعني هيي كلمة حرام لحالة انا بكره السما تبعا ..
انا بعتبر انو جواتي في صوت لهاي الطبيعة هوي الي بيخليني ما ققتل واحد ماشي بالطرق حكاني كلمة غلط .. ما لانو الله هوي الي قايل هيك ..
هلق حكيت كتير حكي وبعتقد انو كلو عما يروح بنفس المنحى .
وهلق انا عندي سال الك .. بس بكرا تموت .. ( لازم قول بعيد الشر طبعا باعتبار الموت الي لهلق اسا ما حدي ادر يقاوموا صار يعتبر شر ) .. ووقت بتكون بس متت .. يعني وقتا متت وما طلعت عالجنة الموعد فيا.. لانو وقتا تفاجئت انو طلع ما في هيك شي ... طلعت نظرية للفلاسفة الي انتي عما تعبد واحد منون .. وطلعت بالاخير نظرية غلط .. شو بيكون موقفك وقتا .. انتي بتعتبر وقتا عشت حياتك بشكل كويس .. انتي معد اكلت خنزير لانو دينك هيك قايلك .. ما في احتمال انتي تكون روحت من عمرك كلو اكلة طيبة ... اما الخمر ... هادا الخمر المسكر الي الله لعن كلشي مقرب عليه .. هاي بكرا بس تخلص حياتك ما رح تقول انك ضيعت متعة الشرب .. وما قصدي الشرب لوقت ما الواحد يصير ما عرفان وين الله حاطو ولا عرفان شو عما يساوي .. عما احكي عن فترة الاستمتاع بالخمر وقت بتحس النشوة عما تمشي بدمك .. اما انك ما زنيت .. اخي هاي لحالة قصة مشربكة بلا ما احكي فيا هلق .. بس انو انتي كيف بتعتبر بس تمارس الجنس مع وحدي بتحبا مثلا بيوم بيكون زنا .. وباليوم البعدو على فرض انك تجوزتة صار حلال والله مسامحك ...

واسا في كتير شغلات الي انا متاكد انك انتي ما عما تساوية بس لانو هيك سمعت .. او هيك الانبيا والرسل قايلين ما لانك انتي الي قررت هالشي ..
انا ما بقتل .. وماني عما ازني . وكحول بشرب بس يجي عبالي .. بس انا ماني عما ققتل لاني باعتبر انو الشغلة غلط وما بيصير انهي حياة واحد لاني ما حبيتو .. وماني عما ازني .. هاي شغلة خاصة فيي انا الي بقرر ايمت ازم اطلع مع بنت او لا .. وهي بتكون غير الحالة ما الواحد بيكون عايش بمحل ما بيقدر فيه يوصل لمرحلة انو يمارس الجنس ويقرر انو معد بدو .. يعني في فرق بين انو الواحد ما يطلع بايدو وانو الواحد هوي ما بدو .. والسرقة كمان نفس الشي ..
يعني انا هلق نظريا انا مؤمن شوي بهادا الي انتي عما تسمي الله .. بس بالحقيقة انا بامن بالطبيعة .. وبسمع صوت الطبيعة الي جواتي هوي الي بيخليني اعمل الصح وبعد عن الخطاء .. وبساوي كل هدول الشغلات بقناعة شخصية ما لانو هيك وصلني الحكي ...

فبالنهاي انا بعتقد الغبي هوي الشخص الي بيامن بشي ما بيعرفو .. وانتي مثلا هلق مامن بالله . بس ما انتي الي قررت هالشي . انتي خلق على انك مؤمن .. وعشت وكبرت وصرت هلق هيك .. بس لو انك عايش بغير محل . لو انك خلقان مثلا بمختبر ابحاث وما كنت سمعان بشي عن الله .. وقتا ما رح تدافع عنو .. ولو انو الف واحد حاكينلك الحكي الي انتي بتامن فيه هلق ما كنت رح تسدقون .. بس انتي هلق اصلا بتخاف انك تفكر بدينك لانو حرام ... مشان هيك تاكد انو في فرق كتير كبير بين انو الواحد بيامن بشي وبين انو الواحد بيامن بالله ..
انا باعتبر حالي مؤمن .. بس ما دخلي بالله شي ...

ملاحظة : بتمنى اذا حدا قرا هالحكي كلو وزعجو شوي . وحس انو في كتير شغلات ما بتنطبق على عقليتو وتفكيرو .. يجاوبني بشي حكي منطقي زبدون ما يجبلي 100 اية وحديث ومن هالحكي .. يعني اذا حدي عزب حالو وقرا هالحكي كلو ..واجا عبالو يرد عليي .. يعزب حالو شوي تاني وما يجبلي حكي غير حدي ..

سلام اخواتي .. والله يهديني ويهديكون اجمعين ...