شو بتختار؟

[majd88]

هذا الموضوع يشغل تفكير الكثير من الأشخاص في فترة من حياتهم واختيارهم ضروري لحياتهم فيشكل منعطفاً من كافة النواحي. اختاروا بصراحة أذكروا سبب الاختيار

[Hus]

ما قدرت اختار اي من هال الإختيارات .. المجال ضيق
ان كنت بفضل يكون في خيار اسمو السعادة
كنت حختارو بغد النظر عن اي شي تاني
بس بحكم هذا الخيار غير موجود ما بعرف عاد شو من هال الاشياء الي فوق قادر يحققلي السعادي رح اختارو واعملو

[HashtNasht]

هلق بصراحة وبدون فلسفات ومقدمات و وطنيات
أنا بختار المال
عن جد والله

[majd88]

الحقيقة يا Dr_Hus: السعادة نسبية.
وهي نتيجة انتقاء الخيار الذي تقتنع به بملء ارادتك دون أن تفرض الظروف عليك شيئأ

[Hus]

اي مان بس انتا ليش بدك المال !!
شو بتعملك المصاري ؟؟
بتخليك تعمل الي بدك ياه تشتري الي بدك ,, تروح لوين ما بدك,, تاكل وتلبس وتشرب كيف ما بدك ,, تخطب وتصاحب الي بدك ,,
وهيك ,, وكل هدول شو هدفون انك اتكون مبسوط ..
يعني المال باختصار هوي مصدر بسط وسعادة بمعنى اشمل
طيب لو كان فيك تعمل كل فيك تعمل كل هدول بدون ما كون معك مصاري بتقول لاء !!
المصاري هي احد اسباب السعادة البسط وهيك
بس السعادة ككلمة بتشمل المال والصحة وخلافو .. بعتقد هيك احسن
يكون طموح الشخص هوي السعادة وليس المال
فاذا كان المال ضروري لحتى اتكون سعيد بيصير من طموحاتك واهدافك
وهيك

[majd88]

بس انت بدك تحط هدف بحياتك من الأول.
ومتل ما بقولو ما فيك تحمل بطيخنين (جبستين بيد وحدي)
السعي للسعادة هو المهم وبدون مصاري هالأيام ما فيك تعمل شي.
أما المثاليات بتعيشك طول عمرك فقير

[HashtNasht]

والله يا حكيم القصة ما قصة سعادة
بس أنو من شو بتشكي المصاري يعني؟؟؟
إذا ما نفعت ما بتضر
يعني شو بعرفني شو بدي قلك ما بعرف
بس بدي المصاري و إذا فيك تبعتن هلق ما بقول لاء
بلاقيلن 100 طريق ولا يهمك بعجبك أنا

[Hus]

بالعكس بالعكس ..
لو كان الهدف هوي السعادة .. انتا بتكون اقوى ومرن تجاه معطياة الحياة
يعني لو المثاليات بتعيشك سعيد اي عيش بالمثاليات
لو المصاري بتعيشك سعيد عيش دور على المصاري
وهيك ..
يعني كلمة سعادة ما مثاليات اطلاقا هوي الكلمة او الهدف الي وراء اي اختيار بيختارو اي انسان
كل منا بداخلو كل تصرفاتو بوعي وبغير وعي بحثا عن السعادة
الي عم يشتغل ويجمع مصاري هوي بدو سعادة .. هوي بدو امان لانو المصاري بتامنلو الأمان والامان بيأمنلو سعادة
واي عم يعمل ريجيم وداير بالو على صحتو
وحتى الي عم يلعب قمار و الي عم بيحشش ولي وقف براص الحارة عم بيطبق ..
كلو من غير ما يحس عم بيدور على السعادة ... لو كلو عرف حالو انو هوي هدفو السعادة بتختلف المعايير كتير وبيصير متل ما قلت مسبقا طريقة تعاطيه مع معطياة الحياة مرنة وديناميكية اكتر
وبالتالي بيصير فعلا اقرب من تحقيق هدفو او اقرب من العيش بطريقة او باخرة بشئ من السعادة

[HashtNasht]

طيب مبدئياً بعتلي المصاري و بعدين بشوف كيف بدي لاقي السعادة
ما بتعرف بجوز لاقيها مع بنت الحلااااااااااااااااااااا ااااااااااااااااااااااااا ااااااال

[Hus]

ماهو لو لقيت بنت الحلال الي بيتمناها قلبك بدون مصاري كتير يعني الحد العادي وكان عندك اكتفاء هيك وخلص كنت فعلا بمنتهى السعادة حيبطل عندك حاجة للمصاري*

*اقصد بكلمة مصاري يعني كتير مصاري ما رح نتناول بالحديث مستلزمات الحياة الاساسية

[HashtNasht]

كاتب النص الأصلي : Dr_HUS

ماهو لو لقيت بنت الحلال الي بيتمناها قلبك بدون مصاري كتير يعني الحد العادي وكان عندك اكتفاء هيك وخلص كنت فعلا بمنتهى السعادة حيبطل عندك حاجة للمصاري*

*اقصد بكلمة مصاري يعني كتير مصاري ما رح نتناول بالحديث مستلزمات الحياة الاساسية

ماهي هون القصة
شو هيي مستلزمات الحياة الأساسية؟؟؟؟؟؟؟؟؟؟؟؟؟؟؟؟؟ ؟؟؟؟؟
سؤال كبير بالرغم من أنو ببين بسيط

[Joe]

بصراحة صعب شوي الجواب و ما قدرت جاوب

يعني شو بستفيد اذا معي مصاري بس مافي حياة اجتماعية او صفر ثقافة
او يا فرحتي مثقف بس بدون مصاري او حياة اجتماعية
او عامل مختار ضيعة بس مفلس و ما بفهم كلمتين ع بعضون

انا هدول بلاقيون شغلة وحدة.. و انا مع Dr HUS بموضوع السعادة... يعني مثلا... هل انت مستعد تختار المال او المركز او العلم حتى لو كانت ضد سعادتك؟؟

ما عم بقدر قدم اي وحدة على التانين.. بس لو مضطر مضطر اختار اي وحدة وقتها بختار المصاري...

[majd88]

بعرف أنو الاختيار صعب. بس القصة مفاضلة يعني تختار الشي المفضل عندك حتى لو كنت بحاجة للعناصر التانية
بعدين إذا عجزت عن الاختيار فلا تصوت.................بس المهم تفكر بهالموضوع

[architecturer]

يا جماعة انا ماني مادي ابدا

بس عندي قناعة انو المصاري بتعمل كل شي

[mhmary]

كاتب النص الأصلي : Dr_HUS

ما قدرت اختار اي من هال الإختيارات .. المجال ضيق
ان كنت بفضل يكون في خيار اسمو السعادة
كنت حختارو بغد النظر عن اي شي تاني
بس بحكم هذا الخيار غير موجود ما بعرف عاد شو من هال الاشياء الي فوق قادر يحققلي السعادي رح اختارو واعملو

أنت أخترت السعادة يا هشام بس من وين فكرك السعادة بتجي أ نا برأي من الحياة الأجتماعية ولي أ نا شخصيا بختاره
و بالنسبة للعالم ألي أختارو المال أختاروا لأنهم متمتعين بالحياة الأجتماعية و عم يدورو عالشغلات الأناقصتن بس أذا فقدوا رح يحسو بقيمتا
لا نعرف قيمة الشيْ ألا عندما نفقده وأنا متأكد أنو كل واحد بفوت عاهل الموقع و بيحبو مستحيل يتخلا عن احياة الأجتماعية في سبيل المال

[Joe]

المشكلة انو نحنا لساتنا شباب يعني لساتنا بمرحلة بناء انفسنا.. يعني لساتنا عم نبني حياتنا اجتماعيا و ماليا و ثقافيا و علميا... بقى لسا ناقصنا من جميع المجالات و صعب نختار

بينما يمكن اذا كان السؤال موجه لاشخاص تعدوا هاي المرحلة رح يكون الجواب اسهل بكتير

[drhas]

انا ااسف انا هناك من اختار المال طبعا اختار الثقافة والعلم لانهم هم الذين يجلبون الناس لعندي وبيلون يحبوني وهون صار في حياة اجتماعيي وهني من خلال اخترعاتيي او عملي بيخلوني جيب المصاري وهادا الحكي الصحيح والي بدو مصاري اديش هوي ماعندو ثقة بحالو انو من العلم بيقدر ايجيب المصاري
ومتل ماذكرت انو العلم جابة الحياة الاجتماعيي والمال فتشكلت عندنا السعادة

[عبير]

الواحد بيسعى للتلاتة وبالفعل ما فينا نختار شي محدد لأنو هدول العناصر التلاتة المال والحياة الاجتماعية والثقافة مرتبطين ببعضون بس بعتقد اه معنصر وأخطر عنصر هو الحياة الاجتماعية بعتقد انا ضمن المجتمع عم حقق سعادة مؤقتة بس حلوي بكل لحظة