|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
16/02/2008
|
#1477 | ||||||
|
مشرف
|
شخص رائع .. بجد رح فكر بشي خمسين سؤال .. وارجع 
انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
16/02/2008
|
#1478 | ||||||
|
عضو
-- مستشــــــــــار --
|
ويللا كما جولة مع الاغاني
لمين بتهدي هالاغاني خدني معك بعدك على بالي ضمني على صدرك سلامتك من الاه انا بعشقك الأماكن مستني مني ايه الحب والوفاء أناديكم كن صديقي أين ستهربون اغضب نصيحة بتوجهها للتالية اسماؤهم بلاك بترفلاي هاني بريف هارت سيريان غاي جاد محمد ابراهيم طارق ذا لايت بارليب ياس امرأة من ورق حكومة_غوفرمنت_ سويت بيبي ريمي ووشوم اكتر كلمة بتحب تحكيها اكتر كلمة بتحتاج تسمعها اكتر كلمة بتكرهها اكتر كلمة بتنرفزك اكتر كلمة بتحسها سامية شو بتعنيلك كلمة ندل بتعرف ترقص بتحب الفلفل الحار شو بتكره تاكل شو مشروبك المفضل شو اكتر منظر بتحبو؟ عمرك حسيت بانو الدنيا ضيقة وحابب تغادرها؟متى وليش؟ الغروب والشروق شو وفعهم على نفسك؟ بتحب تكتب؟عمرك جربت تكتب؟ وشو صار؟ ليش دوم معصب وما بتطلع من المنبر؟ الحب الو معاني كتير ارقاها حب الام...كلمة بتوجهها لامك...ولابوك... تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟ شو وصيتك بالحياة؟؟؟ كلمة بتوجهها للحكام مع حصار غزة التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟ اذا النت ما عادلو وجود بالحياة شو معناه بالنسبة الك؟ مين اهم النت والا الكتب؟؟ شو يتشعر لما تسمعها... الأطلال أغدا ألقاك سيرة الحب قارئة الفنجان رسالة من تحت الماء زي الهوى أحن تحية طيبة يا والدي الطيب كان في طفل صغير عم يلعب بالحارة انا وليلى فوق النخل كلمات يا رايح صوب بلادي وطني(سامي كلارك) عصفور طل من الشباك عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان وا>ا هي ظاهرة شو رايك فيها التســـول الاغتصاب الإرهاب غلاء الاسعار الإدمان عالمخدرات التعارف عن طريق النت الحب عن طريق النت الهجرة اللجوء الواسطة الانتحار المتاجرة باعضاء الانسان الفن الهابط
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
16/02/2008
|
#1479 | ||||||
|
عضو
-- مستشــــــــــار --
|
برضو بدي رأيك بهالشخصيات
جورج بوش الابن الخميني فلاديمير بوتن الق>افي كونداليزارايس شارون هتلر السلطلان عبدالحميد الثاني بلفور عمر المختار جيفارا فارس عودة عزمي بشارة رفيق الحريري جمال عبد الناصر انور السادات حسن نصر الله وبهالحركتين كمان بدي رايك حركة أمل حزب الله غادة السمان... حنا مينا واسيني الاعرج ميخائيل نعيمة جبران خليل جبران المنفلوطي احلام مستغانمي باولو كويلهو شو رأيك فيهم وشو انتقاداتك الهم...بتحبهم ..يا اخي احكيلي عنهم واسفة على الغلبة |
||||||
|
16/02/2008
|
#1480 | ||||||
|
مشرف متقاعد
|
ديموزيييييييي
كتير كنت حابة انك تنزت هدول الاسئلة اللي دايما بسالون... وفي كم سؤال برجع بحطلك ياهون.... عمرك؟ مهنتك؟ حالتك الاجتماعية؟ بتدخن؟ ازا اي من ايمت؟ اي يلا كم سيجارة بتدخن بالنهار؟؟؟ شو نوع الدخان اللي بتدخنه؟ بتشرب؟ ازا اي من ايمت واديش؟ وشو اكتر نوع بتحبه انت ليش هيك؟؟؟ شو اكتر غنية بتحبا؟؟ وليش؟؟؟ مين مطربك المفضل؟؟ .شو المواضيع اللي تقراها بالمنتدى شو الصفات اللي بتكرهها بالانسان والصفات اللي بتحبها شو حكمتك بالحياة شو هيي صفات امراة احلامك اذا ربحت مليون دولار, شو بتعمل فيها؟؟ انت سعيد بحياتك وليش اذا لاء كمان ليش؟ .اذا فشلت بتحقيق حلمك شو رح تكون ردت فعلك؟ وشو هي اكتر مادة بتكرها و كمان ليش؟ هل بتامن بالابراج ؟ و علل جوابك هل بتامن بالقدر؟ علل جوابك هل بتامن بالسحر و المشعوذين؟ علل جوابك عرفلي البيروقراطية والديكتاتورية شو اكتر شي بيعصبك؟ شو اكتر شي بيفرحك؟ شو رايك بقضية الشرق الاوسط؟ شلون تعرفت على أخوية ..؟ شو هدفك بالحياة ...؟ مين أكتر أعضاء بتقارلون بالأخوية .. كم اخ و اخت عندك؟ مين من اخواتك هوي المفضل عندك وليش؟ شو هوي فيلمك المفضل وليش؟ مين ممثلك المفضل وليش؟ شو اكتر شي بتحبو بالحياة وليش؟ شو امنيتك بالحياة؟ شو ناوي تدرس؟ شو أكتر معادلة كيمياء حفظتها بحياتك؟ شو أحلى قصيدة مرقت معك؟ شو درس العلوم المفضل يلي حفظتو؟ شو حدود سوريا الجغرافية؟ شو طبيعة لبسك : سبور -فنكي -رسمي ؟ شو اكتر موقف محرج صار معك؟ بتعتبر حالك ن الناس ياللي بيحكو كتير؟ شو اكتر اسم بتحب للشب وللبنت؟ مين قضوتك بالحياة ؟ شو رأيك بالطفولة و الولاد ؟ مين أعز شخص على قلبك و ليش ؟ إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ شو أحلا أيام حياتك؟ شو الحياه بالنسبه إليك؟ شو بنظرك بياثر اكتر دموع الفرح أم بسمة الفرح؟ شوالشي الذي تتمنى أن يرجع؟ موقف صار لك ولا تقدر تنساه؟ شو أفضل لديك بمراحل النمو هل هو الطفوله ام المراهقه ام الشباب أم الشيب؟ زيت المقلاية عم يحرقك شي؟ ازا اضطريت انو تختار بين تتين من رفقاتك شو بتعمل الاجوبة لازم تكون مختصرة بمالايقل عن ست اسطر  وبالتوفيق
قالت سفيرتي للنجوم الكذبة مش خطية
الصفر اكبر من اي عدد اصغر منو أنـا لـحـبـيـبـي وحـبـيـبـي إلـي، فـيـا عـوازل فـلـفـلـو... لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي بكرا التغيير جاي على ايدنا نحنا جايي... Baby!! you are like my own personal brand of heroin |
||||||
|
17/02/2008
|
#1481 | ||||||
|
مشرف متقاعد
|
ديموزي؟؟؟؟؟؟؟
ضربة معلم والله ...بحيييك  شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
17/02/2008
|
#1482 | ||||||
|
عضو
-- مستشــــــــــار --
|
كنت ناوي اسئل
بس انو بخو بخ الشباب الطيبة بقا منستنى على الدور انا لو محلو ل ديموزي بنفود بريشي و ما بصوب نواحي الصالون
*** لنصير مزبلة و بدون تاريخ ***
"محمد الماغوط " حطم سيفك , تناول فأسك , و اتبعني و ازرع السلام و المحبة في كبد الأرض "رسالة الرب بعل إلى شعبه السوري " عالوعد يا كمون أخوية ... أبو وليام على طول الدرب |
||||||
|
17/02/2008
|
#1483 | ||||||
|
عضو
-- مستشــــــــــار --
  |
انوووو شو مشان مو مبين السيد ديموزي مشان يبلش اجوبة...ماشالله صارو كتار الاسئلة الله يعينو
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف بيع القلب واشتري رغيف ايامنا صارت صعبة والدنيا منها لعبــــة |
||||||
|
17/02/2008
|
#1485 | |||||||
|
عضو
-- قبضاي --
|
اقتباس:
وليي أول شي ابن العم بتصور عطيتني كتير أكتر من حقي  بس يعني بما أنو من العيلة, فبتصور مسموح تمدحني زيادة مهيك......... منشان سمعة العيلةكمان مقوي النار تحتي عا الآخر ايه لنبلش  بالأول يا سيدي لما قطعت عن الأخوية, كان في شوية مشاكل ما كلها بتنحكى و كان في أكتر من عامل خلوني وقف كتابة بالأخوية, يعني بهداك الوقت كانت في شوية شغلات معقدة و في ظروف أساتها مستمرة لهلاء , فما مناسب أحكي عن الموضوع كتير. غبت و كنت أرجع فوت كل فترة لسبب, أنو ما كان بدي الناس تعرف أنو أنا زعلان من شي, و ما كان ما بدي تركتي تسبب أي أزمة بالأخوية منشان هيك كانت الفوتات المتقطعة أنو أنا هون, كمان كان في كتير من الأصدقاء وقتا عم يطلبو أنو أرجع, فكنت فوت كل فترة و فترة منشان ما حدا يزعل هلاء اي كان في شي دايقني, و دايقني كتير كمان, بس الفترة اللي كانت عم تمر فيها الأخوية كانت فترة قاسية كتير, كانت فترة مشاكل بين الأعضاء و خلافات محتدمة بشكل رهيب, كانت الأخوية بصراحة مقسومة على بعضا, و الأعضاء عم تخبص شروي غروي, و المشاكل مع الإدارة شغالة عا الـ 24 , ها الوضع اللي دخلت فيه الأخوية خلاني حط المشكلة اللي صارت معي ورا ضهري و ما أحكي عننا, لأنو أي شي كنت رح ساويه كان رح يشعل مشاكل زيادة و يزيد الهوة بين الطرفين اللي كانو عم يتقاتلو , بينما أنا بنفس الوقت و عا السكت كنت عم حاول هدي الأمور بين الشباب, و لحسن الحظ بتصور قدرت أعمل شي منشان خفف ها المشاكل, يمكن ما حدا بيعرف شو صار بس المهم أنو المشاكل أنحلت بالآخر , و بما أنو مشكلتي حطيتا ورا ضهري بلحظة من اللحظات فهي دايما رح تضل ورا ضهري. هلاء بهداك الوقت كان في تقريبا شي أربعين عضو فعال بالأخوية, وكانت الأخوية متل الحارة الصغيرة اللي كتير حميمة و كل الناس فيها بتحب بعض, متعودين عا بعض, و عم تتفاعل مع بعضا بطريقة كتير حلوة و حضارية, كانت الأخوية تخلو من المهاترات بالمواضيع, و المشاكل فيها كانت معدومة من ناحية الاختلافات الفكرية, يعني الكل كان يطرح وجهة نظرو برواق مهما كانت و الكل يتقبل وجهة نظر التاني حتى ولو ما كان يتبناها هلاء الأخوية كبرت كتير, توسعت بكل الاتجاهات, يعني انا هلاء بضيع فيها كل شي بها الحياة لازم يتقدم لقدام , اللي بيضل بمحلو بيموت, و أنو تكبر الأخوية كان الشي الطبيعي, بس ها الشي إجا عا حساب النوعية, يعني الوضع الحالي بالأخوية أنو ما حدا عم يسمع لحدا, كلو عم يعيط بصوت عالي كتير , و ما حدا عم يسمع غير حالو, يعني مستوى الحوار بالأخوية تراجع كتير, بس كمان تنوع كتير و ها الشي مافينا ننكرو, مع الوقت بتصور الأمور للأحسن, اذا الأعضاء شوي بتروق , و بتقدر تتقبل الفكر المضاد. أكيد بحن للأخوية القديمة, بس ما بتخيل بتمنى أنو ترجع , بدي الأخوية تضل تكبر و ترتقي, أكيد 40 عضو ما رح يقدرو يعملو أي شي يأثر عا مجتمعنا اللي هدف الأخوية أصلا أنو ترتقي فيه و تغيرو للأفضل. بصراحة ما بعرف شو رجعني عا الأخوية, يمكن ياس أو يمكن حنيت للأخوية , في شي بالأخوية الجديدة عم يشدني, و بتخيل أنا مشتاق أرجع أكتب, يعني بصراحة ما فيني كون أكيدعلى راسي ابن العم مرة تانية و آسف عا الإطالة
يا عبد متى رأيتني في الضدين رؤية واحدة, اصطفيتك لنفسي.
|
|||||||
|
17/02/2008
|
#1486 | ||||||
|
عضو
-- قبضاي --
|
هلا و غلا بفينيكس بيرد
مع ام ضد 1- المساكنة قبل الزواج مع اذا كان الطرفين على درجة من الوعي, و التفاهم 2- انفصال الاولاد عن اهلون عال18 سنة مع كمان, لازم كل انسان يعتمد على حالو, و يحاول يشق طريقو بنفسو. 3- عمليات التجميل كلنا منتجمل بطريقة أو بأخرى, يعني لما الصبية تحط مكياج أو الشب يحلق دقنو , لما منهتم بمظهرنا بأي ناحية من النواحي نحنا ببساطة عم نحاول نعمل شي يخلينا نرتاح لمظهرنا أكتر, و ها الشي رح يحسسنا بالرضى, فإذا عملية التجميل رح تحسس أي حدا بالرضى عن نفسو فما بلاقي في أي مشكلة. 4- ان تشن سوريا حرب على اسرائيل لاسترجاع الجولان مع , القوة وسيلة من الوسائل المشروعة لنرجع حقوقنا, بصراحة أنا بالظروف اللي مرت فيها منطقتنا, و تاريخ صراعنا مع ها العدو بلاقي أنو القوة هيي الوسيلة الوحيدة للتعامل مع العدو, مع أنو ما بتمنى الحرب و بفضل الديبلوماسية لحل أي صراع 5- حظر موقع الفيس بوك ضد حظر أي موقع شو ما كان توجهو, محتواه, أو أعضاءو 6- منع هيفا من الغناء في سوريا ليش مين منعا,ههههههه أكيد ضد, اذا إلها جمهور بسوريا , فليش يحرموهن 7- خصخصة قطاعات حكومية مع, و اذا السؤال عن سوريا تحديدا , فلازم الدولة تتخلص من المنشآت عديمة الربحية اللي عم تشكل ضغط كبير عا الميزانية العامة و ما عم تقدم الخدمات ولا الأرباح المطلوبة منها. 8- الزواج المدني مع للعضم 9- قيام المحكمة الدولية مع , نحنا بدنا الحقيقة كمان, لأنو فلقونا 10- ولا قلك بلاها مع , بغض النظر سؤال ثاني كلمة ميت خسة اللي بتختم فيها لشو بتعني الخسة يا سيدي تقوم مقام الوردة, بس الخسة أفضل بكتير , و الخسة كانت شعار كتائب الشهيد ديموزي الجناح المسلح للحزب الأخوي القومي الأممي الحمصي للمصطفلين بالأرض , أول حزب وقف بوجه حزب المشرفين الملكي و حزب الناعمات العميل  سؤال ثالث من فترة حضرتك كتبت موضوع بالمنبر عن الاخر برايك هل تعتقد ان ما قامت به عدد من الصحف في اوربا في نشر كاريكترز عن النبي محمد ينتج الى عدم تقبل الاخر ؟ لاء, بتخيل انشرت ها الكاريكاتيرات بسياق عادي جدا, و لما صارت كل ها المشاكل عليهن, إعادة النشر كانت " من وجهة نظر اللي عملوها " تأكيد على حق التعبير اللي لازم يكون مقدس اليوم الكل يتحدث عن قبول الاخر طيب هل ترى ان الجيل الشباب السوري الحالي متقبل للاخر ؟ للأسف لنوصل لمرحلة تقبل الآخر, لازم نتعرف عا الآخر بالأول, نحنا لسا ما منعرف مين الآخر, وبتخيل ما منعرف مين نحنا كمان  بغض النظر عن مين الاخر ( ريف مدينة دين رجل وامراة اتجاه فكري او سياسي او الخخخخخخخخخخخ) مالخطوات التي تراها ملائمة برايك لقيام حرية اعلام في سوريا لنحكي عن حرية إعلام لازم نحكي عن حرية بالأول, مهيك  سؤالي الاخير لو تركتكلك هالمساحة فاضية وقلتلك احكيلي احكيلي شو بتحكيلي بتركا فاضية والله, جايني كتير حكي عا الطريق |
||||||
|
17/02/2008
|
#1487 | ||||||
|
عضو
-- قبضاي --
|
هلا بالأخت ماتيا
1)شو رايك بـ (الزواج بالبريد المضمون)؟! والله خدمات الـ DHL عم تتطور بشكل كبير, وحصتا السوقية عم تتضاعف كمان, فإذا عم يوصلو العروس أو العريس عباب البيت , فياريت دخلك بتعرفي أديش بتكلف العروس, لأنو بعرف أنو ها النوع من البريد بيحسبوها عا الكيلو  2)صف ذوي هذه العقلية(عقلية الزواج بالبريد المضمون)؟ ناس بتحب تنقي عا الكاتالوج, تركّب اللعبة بعدين عكيفا متل الليجو , و اذا ما حبوها بيكبوا و بيجيبو غيرا, عقيلة تجارية بحتة 3)حسب رايك ما هي تداعيات هذه الخطوة؟! أنو رح تكبر سوق اللعب من جهة, و يكبر سوق البريد المضمون من جهة تانية, و الاقتصاد الوطني أكيد المستفيد النهائي  4)ما هي اسباب هذا التصرف؟!! والله بتخيل توسع خدمات ما بعد البيع, الضمانات المصرفيه و تطور الصناعة المحلية, و لا ننسى التحسين الواضح للبنية التحتية لشبكة المواصلات بالبلد, لهيك صار البريد مضمون عا الـ 24 5)بالنسبة لتقمص شخصية الاخر .. برايك من اين ينبع ,.. من جهل..الخ..؟! سؤال ديني هاد *تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية. وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا.. شكلو كان لازم أقرا التعريف بالأول تكملة الاسئلة :: 6)برأيك هل يستطيع القلب استيعاب اكثر من حب في نفس الوقت ؟ لاء أكيد. 7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ... هو العقل رح يستوعب حب واحد بالأول ؟؟؟ كان لاء 8 ) برايك : هل الحب الاول لا يـُـنتسى؟؟! ما في شي بينتسى, اللي بينتسى مو حب , بس أكيد مرحلة و بيتجاوزا الإنسان, وإذا ما تجاوزا بيكون زايدها حبتين  9)الحب عبر الانترنت.. الى اي مدى تؤمن بـ وجود هذا الحب؟!! بحكي عن حالي, ما بتخيل أنو فيني حب حدا ماني شايفو و لا بعرفو , بحكي عن حالي بس 10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟! ان كان جوابك نعم فـ لماذا.. وان كان لا.. ايضاً لماذا؟!!  أكيد كل حالة بتتناقش لوحدا, ما فيني أعطي رأي, كمان السلوك الإنساني عشوائي ولا يمكن تنميطو 11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!! بالآخر لازم أرجع للعلامة أبو نهلا الزمخشري حفظه الله لما قال بلا حب بلا بطيخ, لولا المصالح ما حيياك إنسان  12) شو هو الزهد بمفهومك؟! مو تجي تقلي صفة حلوة ومنيحة والخ... لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟! يعني في ناس بتفكّر انو هو بـ انك تاكل اكل بسيط وتلبس لباس بسيط وتتشحتف بس هيدا غلط..بقا انت شو بتعرف عنّو؟ واذا بدك شرح اكتر لـ هالسؤال انا مستعدة.. بحسب معجم لسان العرب  زهد بالشيء تركه و ملّ منه فشو قصدك الزهد بالحياة؟؟؟13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟! بشكل عام ما بيعنيلي أي نقاش بيزنطي, يعني اذا ما شايف انو في غاية من الحوار ما بفوت فيه. اما اذا الأطراف عندا قابلية لتغير شي من أفكارا بعد الحوار فليش ما شارك. 14) لمين بتقول من المنتدى او برا المنتدى الاقوال التالية، (يعني كأنك بحوار مع شخص بتقوم بدك توصفه فبتقلو قول من هالاقوال) :: أ- "وما خاطبتُ جاهلاً الا وغلبني". لشي جاهل ب- " ولا خير في ودّ امرئ متملق حلو اللسان وقلبه يتلهبُ". لشي متملق جـ-"ولا خير في ودّ امرئ متلون اذا الريح مالت مال حيث تميلُ". لشي متلون د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا". لشي خاين 15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف  ):كلمة وحدة بس؟؟ أ- فيروز. عشقي  ب- اصالة. زمور , كنت بدي حط الخطر بس سامحين بكلمة وحدة ج-ميادة الحناوي. صوت حلو مو أكتر د- ميادة بسيلس. أداء سيء بس فيه شي بيجذب هـ- لينا شاماميان. ممتازة 16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!! ذوي المصالح: لتخلص مصلحتي معو ذوي الافكار السطحية والساذجة: بتعامل معو بالحد الأدنى , لأنو أعصابي ما كتير بتحمل ذوي الاقنعة والوجوهـ المتلونة ( بالعامية "اللعب على الحبلين"): يعني طالما مضطر اتعامل معو, فما في خيار غير انو حاول ما يضرني امرئ حلو اللسان وقلبه يتلهب: متل اللي فوقا الحاسد : كمان الحاقد : كمان تانية المنافق والكاذب والمخادع: كمان تالتة الغدّار: كمان رابعة الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك: يعني أصعب شي الجاهل, بقلو أي مزبوط حبيبي معك حق طبعا أكيد فهمان عليك, حبيبي, حبيبي مرة تانية وقلي اذا صار وتعاملت معهم او مع بعضهم قلي مين ؟ واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر  أنا حر معناتا 17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول: وقد سقط ما تبقى من ورقة توت لم يعد دونها شئ مستور، على مين بتحس انها بتنطبق: على اللي سقطت عنو ورقة التوت وُلِدتَ فاشل وما زلت فاشل ورح تبقى فاشل: لشي فاشل الكذب عندك صنعة: لشي كذاب  18 ) يـُـقال ان قوة المرء في كظم غيظه لا بـ ان يرد بالمثل ومن هنا ::: أ)هل انت ممّن يكظمون غيظهم أَم ممّن يجيبون بالمثل ؟؟؟! بحاول ما رد بالمثل لحد معين, بس اذا زاد الشي عن حد معين فبرد بأقسى ب)اذا كنت من كاظمي الغيظ الى اي مدى تستطيع كظم غيظك يعني في شي مقياس ؟؟؟ ريختر مثلا لا تواخذونا مية خسة |
||||||
|
17/02/2008
|
#1488 | ||||||
|
مشرف
|
هلا فيك معلم ديموزي ..
وبمعيتك رأيك بهالكم عضو ع الماشي رأيك بهالاعضاء Gazita Reemi marioma alghzayala hanny dagher Willi layla sezar sweetbaby الحاج متولي maged-syrian butterfly وشم الجمال Syrian__Angel أبو شريك, Hashtnasht ASH ٍٍٍSyrian Gay Fares Geeny yass كهربجي راديا SABE HUS Barleb باشق مجروح the light سرسورة محمد ابراهيم GOVERMENT صياد الطيور اسير التشرد phoenixbird the morrning COSTA handsome abosleman LiOnHeArT (سابقا) betty_palestine yamen_h BL@CK MadMax وائل76 مسطول ع طول شامي من طوكيو أمرأة من ورق Roaa مايا* لبندا fofo besset syria Abu Guzef الموسيقار, فاوست ظل جيفارا ملاك السعودية محمد السعودي التقرير الجوال secular سابقا Nirvana Raw طفوله Marwa يمان was616im وماتيا Sandra cuty
اللــي طــــالع الجحش ع المأدنة .. بنزلـــو
|
||||||
|
17/02/2008
|
#1489 | ||||||
|
مشرف
|
مين بتحب اكتر ؟ (بتجاوب وبتختار واحد بس وممنوع عدم الاجابة )
حومص ولا حلب ؟ طرطوس ولا اللادقية ؟ الدير ولا الرقة ؟ الاتحاد ولا الكرامة ؟ سيزار ولا واسير التشرد ؟ مايا ولا ليندا ؟ اب سليمان ولا وائل 76 ؟ فوفو ولا ريمي؟ يمان ولا رؤى؟ جاد ولا هاني؟ ميمو ولا مورنينغ ؟ محمد ابراهيم ولا مسطول ع طول ؟ كهربجي ولا كوستا ؟ سرسورة ولا نيرفانا ؟ الحكيم ولا كريم ؟ بلاك ولا برليب؟ انا ولا حسن ؟ حسن ولا انا ؟ ليلى ولا ريتا (سويت بيبي)؟ غزلان ولا راديا ؟ ياس ولا فاوست؟ مريومة غزالية ولا يامن ؟ ظل جيفارا ولا مادماكس ؟ اب جوزيف ولا اب وليم ؟ كيوتي ولا ساندرا ؟ طفولة ولا مروى ؟ ماجد سيريا ولا سيريا غاي (رامي)؟ ابوكي ولا امك ؟ بتحب الوحدة ولا الزحمة والناس ؟ مين اذكى الحماصنة ولا الكراد ؟ مين عقلو حيط اكتر الكراد ولا الحلبية ؟ مين بتشجع من المنتخبات ؟ عالمية ؟ عربية ؟ من الاندية ؟ الاجنبية ؟ السورية ؟ العربية ؟ مين اكتر لاعب بتحبو (سوري او ماسوري مامشكلة) ؟ اكتر ممثل / ممثلةسوري ؟ اكتر مغني /مغنية سوري ؟ وحدة في الاخوية انت معجب فيا من زمان وماعبتقد تقول ؟  واحد بالاخوية معجب في من زمان ومستحي تقول ؟ مين بتحب اكتر الشي من المشرفين او المشرفات وبتحسو قريب عليك كتير ؟ عضو/عضوة كنت ماتطيقو بس بعدين تبينلك انو كتير حباب وعكس اللي كان ؟ عضو/عضوة كنت مفكرو حباب ومنيح واكابر وطلع عكس المتوقع ؟ عضو تقاتلت معو ؟ عضوة تقاتلت معا ؟ عضو ماهضمتو ؟ عضوة ماهضمتا ؟ بتحب المحشي مخبوص ولا مفلفل؟ بتحب البيبسي ولا الكوكاكولا ؟ مين من الاعضاء جاي عبالك تشوفن ؟ بتحب البطاطا لحالا ولا مع كاتشب ؟ اكتر كلمة بتحب تسمعا ؟ اكتر موقف ضايقك بالاخوية ؟ |
||||||
|
17/02/2008
|
#1490 | ||||||
|
عضو
-- قبضاي --
|
هلأ مرحبا ]ديموزي ويللا بس لاسليك كمان مو اكتر يعني والك الحق باي دعوة علي
 أهلين و سهلين فيكي اول شي شو اسم كاتبكـ المفضل؟ المفضل المفضل عبد الرحمن منيف بتحب الشعر ؟؟ لمين بتقرا؟؟ بحب الشعر يا ستي, بقراه بس ما بيعلق براسي غير الوزن و القافية و باقي القصيدة بتطير و بحب الماغوط لأنو لا وزن ولا قافيه , بتضل الفكرة أحلى من السكرة شو رأيك بالحب؟؟؟ بلا حب بلا بطيخ, لولا المصالح ما حيياك إنسان " شكلي رح عيدا كتير عن أبو نهلة " شو رأيك بالسلام؟؟؟ بين مين و مين؟؟؟ عمرك حسيت بالظلم؟؟؟ وشو الموقف؟؟ أي أكيد لما شخص كتير غالي عا قلبك بيفهمك غلط, وبيتصرف عا ها الأساس, بتصور هاد ظلم كبير شو طموحكـ في الحياة؟ أنو عيش سعيد شو بتعنيلك السياسة؟؟ شر لا بد منه شو اسم الشب و البنت المفضل عندكـ؟ ديموزي للشب و ديموزاية للبنت بشو بتوصف علاقتك بالاخوية؟؟؟ متل علاقتي بالأخوية بفرد شكل هل بتعتبر الوضع بالبلدان العربية حاليا على شفا جرف هار؟؟؟ لاء, بقعر الوادي من زمان الاغتصاب ... شو الشعور اللي بتخلقو هاي الكلمة بأعماقك؟؟؟ بالقرف هل تؤمن بالسلام ؟ مع مين؟؟؟ وشو حل القضية الفلسطينية برأيك؟؟؟ قصدك الحل العادل؟؟ يرجعو الاسرائيلين عا بلادن شو قمة الصدمة عندك؟؟؟ أوقع بباص بنات و أجي بحضن الشوفير شو موقع ديموزي من الإعراب يعني انت وين وصلت ولوين بدك توصل ؟؟؟ هلاء ماني شاطر بالإعراب منوب, بس بالجملة اللي فوق هاي بتصور مضاف إليه لموقع أنو عا الطريق بتصور شو الشي اللي ما فيك تستغني عنو؟؟؟أساسي بحياتك؟؟؟ والله عندي قلم أزرق و ضفدع أخضر بلاستيك أسمو ألفريد و قرد بلاستيك كمان أسمو كبه و محاية كلون بيجيبو الحظ بلاهن بروح فيها جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟ أي والله للأسف تعرضت للخيانة, الخيانة هي لما الشخص ما بيكون أهل للثقة اللي معطية إلو يعني لما بيكسرها بقصد الإساءة. شو لونك المفضل ... غنيتك المفضلة؟؟؟ الأزرق لون الكرامة , لا تسأليني ليش عم أكتب بالأحمر غنيتي المفضلة؟؟؟ وقف يا أسمر لفيروز بلد نفسك تزورها؟؟ العالم كلو حدا باخوية نفسك تقلو شي معين... ما في شي والله مين العضو يللي اعجبك كتير تفكيرو ونقاشو yass , Joe أكتر تنين بيفكرو بطريقة مشابهة لألي اكتر عضو حبيتو حبيتو بمعنى شو ؟؟؟؟؟ شو بيعنيلك الشهيد؟؟؟تعريف يعني؟؟ الشهيد هو اللي بيموت دفاعاً عن الوطن, فقط لا غير, و الشهادة ما بتعنيلي غير أنو واجب عا الكل لما الوطن بيكون بخطر. لما تشوف الوضع والحصار بغزة شو بتقول بنفسك؟ بقرف من التمسك بالسلطة بأي ثمن فلسطين احكيلي عنها بسطر. بلد محتلة جنوب سوريا يحيى عياش ... شو بيعنيلك؟؟؟ بصراحة ربنا ما سمعان عنو شو رأيك بنزار قباني... مظفر النواب... محمود درويش... فدوى طوقان... نزار: يلعن أبوه ما أحلاه......... مظفر: ما كتير محتك فيه..... درويش : بينزعا بالآخر.... أنو ما بفهم ليش هيك طوقان : قوية, قوية جدا , بس تقليدية كتير كمان بتقرا شعر جاهلي.... جدا و جزيلا على قولة ياسو ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟ ما رح قول لبنت أنو بحبا اذا ما بعرف مية المية أنو في قبول من طرفا , فما عندي تعليق شو أبشع منظر شفتو بالانتفاضة ... يعني اسرائيلي ... شفت أطفال فلسطينيين مقتولين بأبشع طرق, و شفت كمان طفلة اسرائيلية عمرا سنة ميتة بطلقة بصدرا ها الشغلتين متل بعض, لازم تحييد المدنيين بأي طريقة شو أبعد شي ممكن يوصلو خيالك؟ عا اللا نهاية بتحب القهوة؟؟؟ بلا سكر عمرك كتبت شي خاطرة ادبية؟ أنو ما بعرف شو بدي قلك, أي بتحب الادب؟ نعم شو نقطة ضعفك؟ الذرة شو نقطة قوتك؟ طول البال كلمة بتوجهها لكريم للأسف ما لحقت أتعرف عليه , بتصور كننا اتفقنا بشغلات كتيرة شو رأيك بهالعبارات... عقب عليها يعني.... 1-ايها المارون بين الكلمات العابرة كالغبار المر مروا اينما شئتم ولكن لا تمروا بيننا كالحشرات الطائرة خلنا في ارضنا ما نعمل و لنا قمح نربيه و نسقيه ندى اجسادنا :و لنا ما ليس يرضيكم هنا حجر.. او خجل فخذوا الماضي،اذا شئتم الىسوق التحف و اعيدوا الهيكل العظمي للهدهد، ان شئتم على صحن خزف لناما ليس يرضيكم ،لنا المستقبل ولنا في ارضنا ما نعمل بتمنى يتحقق ها الشي, أنو يكون المستقبل إلون 2-من أقاصي اليأس يولد دائما منتهى الأمل. و يأست مما قد شغفت به............ منها ولا يسليك كاليأس إسمك سألتي عن الشعر الجاهلي 3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب... مين العرب؟؟ 4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء. مين قال ها الحكي؟؟ أنو شوي غلط حسبة بسيطة سعر كيس الدم بالبلد 3000 ليرة سعة كيس الدم تقريبا نص ليتر سعة البرميل 200 لتر ضربي القصة ببعضا بيطلع معك برميل الدم بـ 120 ألف ليرة يعني تقريبا 2400 دولار و سعر برميل النفط حاليا بين 88 و 90 دولار 5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد مين أنا, يا عمري أنا واحد حمصي على قدي , يعني ارحميني  |
||||||
|
17/02/2008
|
#1492 | ||||||||
|
مشرف متقاعد
|
اقتباس:
ما بدي رد عنو بس بتذكر أول موضوع الي بأخوية كان اسمو "ماهو الوطن" كان رد ديموزي هو التالي اقتباس:
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||||
|
17/02/2008
|
#1494 | |||||
|
مسجّل
-- اخ طازة --
|
اقتباس:
تحياتي |
|||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 00:41 (بحسب عمك غرينتش الكبير +3)