بابا/ ماما... كيف بيجو الولاد؟

[بنفسجة]

قالولي انون اتشروني من بياع ولاد بالسوق

[التقرير الجوال]

جد الموضوع رح يكونلو بعد بمخيّله الطفل و واقعيتو .. تذكرت فلم لشوارتزينيجر و هوي بيمثل دور شرطي متخفي بيدرس بحضانه أطفال .. بلا طول سيره .. في ولد زغير عمرو شي سنتين رد على سؤال سألويا و قال : الولاد عندهن Penises و البنات عندهن Vagainas . جد من دون ضحك .. بيجوز هيك بينشأ الطفل بمخيّله واقعيه و ما بيتأثر باي قصه من قصصه الـ Mythology و الخرافات و هيك اشيا .. هيك بيصير تحرير للعقل عن الاعتقاد بأمورخارقه و أسطوريه .. من هون البدايه الصح .. بس الأسلوب يجب ان يكون تعليمي منهجي و بيتاخد خطوة خطوه .. يعني غلى قدر استيعاب الطفل .
هلأ نحن تفكيرنا غير و بيشوبو قصص و شو يّه خرافات و اعتقادات .. برأيكن شو هوي السبب ؟ أنا بظن من كتر ما سمعنا هيك قصصه .. قصص خرافيه ما بتمت للحقيقه .. هاد بدورو رح يلعب بالشخصيه يللي أصلاً بطور النشوء و التبلور .
برأيي أنا رح خلّيها مكشوفه بس بأسلوب مدروس .
شايفين الولد الزغير بالفلم يللي ما بيوعى لشو البنات عندن شي و الولاد عندن غير شي .. فقط للمعرفه و التأهيل لاستيعاب أمور يجب عليه التعرف عليها .

[Abu ToNi]

ياسين موضوعك مخالف الرجاء الحذف





لا لا عبمزح معك بس من جهة مخالف مخالف للتقاليد مع انه متوافق مع القسم ، التقاليد او القوانين " الغير مكتوبة "بيفرض عليك تحط بمشاركاتك كلمة مثل " حشيش " ومشتقاته واذا بتقدر تجيب سيرة الورق والمتى بكون عظيمة يعني هي قوانين ما حطها الحكيم حطيناها نحن المحششين .

من ناحية الموضوع هوي فكرته كتير منطقية وكل انسان بمر فيها وفي كتير عالم من محيطي لحد اللحظة بيرفض فكرة وجود علاقة بين والديه .
بشكل عام ما حدا بحب يحكي بالقصة هي ما بعرف ليش وكان بحز بنفسه شي غريب .

بس المشكلة لا بل المصيبة بتكون عند الاهل اكتر من عند الاولاد فهنن لا بيقدروا يشرحوا للولد الفكرة بشكل عقلاني باتعبار انه ما بكون عقلاني خصوصا اذا كان بفترة المراهقة اما اذا كان بفترة الطفولة بتكون المصيبة اكبر باعتبار انه ممكن يصير عقدة عند الولد .

ومن ناحية تانية ما بيقدروا الاهل يكذبوا على الولد بشكل او بىخر لان بالاخير بدها تنكشف الكذبة وممكن تتغير نظرة الولد لاهله اذا اكتشف انهم عبيكذبوا عليهم .

احسن شي واحد ما يجيب ولاد .

[ousama_sh]

كاتب النص الأصلي : Raw

يوم اللي بدنا نجيب ولد
كنا نرش سكر تحت السجادة بالليل
و بس نفيئ الصبح نلائي الولد تحتها



®

بس بكرة بتلاقي ابنك اجاه صرصور من تحت السجادة
عم نمزخ

[ousama_sh]

كاتب النص الأصلي : بنفسجة

قالولي انون اتشروني من بياع ولاد بالسوق

يا ترى في منك كتير بالسوق... مو من شان شي ... بس فضول!!!

[يمان Rooooonaldo]

وفي كتير عالم من محيطي لحد اللحظة بيرفض فكرة وجود علاقة بين والديه .

كيف يعني

ومن ناحية تانية ما بيقدروا الاهل يكذبوا على الولد بشكل او بىخر لان بالاخير بدها تنكشف الكذبة وممكن تتغير نظرة الولد لاهله اذا اكتشف انهم عبيكذبوا عليهم

القصة ما قصة انك تكزب او لا .. بس وقت بتجي .. وبدك تعد تشرح لولد .. كيف بيصير الانجاب .. وهيك ..

ما لح يفهم عليك لزلك بدك تبسطلو الامور .. يعني هي الاغلبية مننا .. انكش عليهم نفس الكشات اوك ..

بس ولا انو نظرت لاهلي نظرة غريبة او شي ؟ ما فهمت هالنقطة كمان

[Government]

والله ازا سالني ابني .. شلون بجو الولاد .. بقلو والله يا ابن مننزل ع السوق بكونو حاطين دزينت ولاد ع البسطة وحاطينن للعرض منقيلنا كم ولد ومنمشي


او بأسوء الاحوال ازا طلع بندوء وماصدق بقلو والله يا ابني الواحد بيشرب دوا بصير عندو ولاد
بسيطة

[يمان Rooooonaldo]

او بأسوء الاحوال ازا طلع بندوء وماصدق بقلو والله يا ابني الواحد بيشرب دوا بصير عندو ولاد
بسيطة

اي اي .. ببشرك ما لح تتطر ... ما في ريحة بندقة بنوب

[Government]

كتير عالم من محيطي لحد اللحظة بيرفض فكرة وجود علاقة بين والديه

مزبوط هالحكي .. يعني بعرف بعض الناس كانو يحتقرو امن لما كانوا صغار لانو عبتعمل علاقة مع ابون ويعتبروة مي منيحة
بس لما كبروا فهمو الطبخة كلا

[يمان Rooooonaldo]

مزبوط هالحكي .. يعني بعرف بعض الناس كانو يحتقرو امن لما كانوا صغار لانو عبتعمل علاقة مع ابون ويعتبروة مي منيحة
بس لما كبروا فهمو الطبخة كلا

[Government]

كاتب النص الأصلي : يمان Rooooonaldo

اي اي .. ببشرك ما لح تتطر ... ما في ريحة بندقة بنوب

بدي اشوف انت لما رح يسالك ابنك شو رح تجابو .. بدي اقص ايدي ازا ماطلع ابنك عاهة من عاهات الوطن بس لانو انت ابو

اش عبصير معك ؟

[saman]

انا كانوا يقلولي ...لما الواحد بيتجوز وحدة بيتفقو انو يجيبو ولاد ..بعدين انا طنشت ...بس صرت استغرب من جارتنا الختيارة وجارنا الختيار انو كيف لهلأ ما اجاهن ولاد معقول لسا ما اتجوزو !!!!!!

[shymaa]

كاتب النص الأصلي : بنفسجة

قالولي انون اتشروني من بياع ولاد بالسوق

انا كمان قالولى كده

[Donald Duck]

كاتب النص الأصلي : shymaa

انا كمان قالولى كده

الظاهر انك من نفس الدكانة يلي اشترو منها بنفسجة ..

[Syrian Gay]

مزبوط هالحكي .. يعني بعرف بعض الناس كانو يحتقرو امن لما كانوا صغار لانو عبتعمل علاقة مع ابون ويعتبروة مي منيحة
بس لما كبروا فهمو الطبخة كلا

مزبوط .. أنا صارت معي
تقاتلت مع أمي وقتا .. لمّا لقطت وضع حساس

أما أمي فلما سألتا .. فقالتلي انو بنقول أنا وأبوك لبعض "بحبك" وبننام .. بقوم بصير حاملة

أما شو رح قول لولادي .. فبظن ما رح أقدر قول لولادي أنا .. بأعتبار ما رح يصير عندي ولاد من لحمي ودمي
لو تبنّيت رح قوللو أنو متبنّيك تبنّي ..
أنا أسهل شي أصلن

[Government]

كاتب النص الأصلي : Syrian Gay

مزبوط .. أنا صارت معي
تقاتلت مع أمي وقتا .. لمّا لقطت وضع حساس

أما أمي فلما سألتا .. فقالتلي انو بنقول أنا وأبوك لبعض "بحبك" وبننام .. بقوم بصير حاملة

أما شو رح قول لولادي .. فبظن ما رح أقدر قول لولادي أنا
أو بكل الأحوال رح قوللو أنو متبنّيك تبنّي ..
أنا أسهل شي أصلن

صحي والله مافكرنا بمشكلتك انت مشكلتك عويصة ..
لك المشكلة ازا قلتلو متبنيك تبني رح يقلك حل من عنا تلحس بعضك وبتركلك البيت وبمشي لانو يعني ماكتير رح يعنيلو شي او مارح يعتبرك ابو عن حق
يعني انا مثلا لو ابوي بقلي انا متبنيك تبني مثلا بقلو شو حبيبي ..؟
وبضب غراضي وبتركلو البيت وبمشي رأسا وبدور ع ابوي وامي الحقيقيين
بدك تفكر بشغلة تانية غير التبني من هلأ لوقتا مشان ماتتفشل قدام ابنك وتكبر القصة

[Syrian Gay]

كاتب النص الأصلي : GOVERMENT

بدك تفكر بشغلة تانية غير التبني من هلأ لوقتا مشان ماتتفشل قدام ابنك وتكبر القصة

بربّيه ع أنو التبني شغلة كتير عادية
وبكل الأحوال 50% من الاطفال المتبنايين بيعرفوا انهون متبنايين .. بس انو وضع اهلون ما كان يسمح
وبيعاملو اهلون يلي ربوهون كـ اهل حقيقيين .. وحتى ولو عرفوا اهلون الحقيقيين فما رح يحنّولهون أبداً او انو يتمنّوا يعيشوا معون ..

هاي عن دراسة عم بحكي انا

[butterfly]

هلق إذا كانت بنت
بعمر ال 3 - 6 سنين رح قلا أنو وقت تنين كتير كتير كتير بيحبو بعضن بيروحو عالبحر .. وبيجيبو ولد وبيرجعو
بعمر ال 6- 12 سنة رح قلن أنو متل ما منزرع شجرة بيزرعو الولد
من 12 - 17 الحقيقة مع شوية وعظات ونصائح
18- ----> رح أسألا أنا انو تحكيلي

إذا كان صبي يصطفل منو لأبوه