القبيسيات من هم؟

[BL@CK]

كبار القوم وصغار القوم ازا بتحب هيك تسميهون وكبار القوم أكتر لحتى يصير في دعم مادي

بتترّكز دعوة القبيسين عندي بحلب رح أعطيك مثال , بمناطق "الفرقان , حلب الجديدة , الشهباء , الموكامبو , الميرديان , شارع النيل , جمعية المهندسين" و لأخذ العلم المناطق هاي من أغلى المناطق بحلب .. يعني معظم تجار حلب و أصحاب رؤوس الأموال ساكنين بهالمناطق , بينما بيخف نشاط القبيسيّات بمنطقة متل "سيف الدولة" ..

معظم الآنسات الكبار و اللي حاب يعرف أسمائون يراسلني عالخاص لأنوّرو .. من أغنى أغنياء حلب ..

أول شي موضوع شعر الإبط لازم تنتفو لأنو بالدين بيربطوا بموضوع النضافة لهيك إجباري مو على كيفها
موضوع الحواجب فهاد الشي حرام بالدين الإسلامي
وموضوع الشوارب فهي راجعة للمخلوقة نفسها

يتوّجب على المرأة صاحبة الحواجب الثخينة في الإسلام في حال طلب منها زوجها تنتف حواجبا مراعاة ً لطلبو .. و أنا على علم و كنت شاهد على قصة طلاق "قبيسيّة" من زوجا و السبب السخيف أنو زوجا طلب منها تعمل حواجبا فا رفضت بناءا ً عل رغبة آنستا .. و أطلّقت المخلوقة لأني سمعت كلام الآنسة العظيمة ..

وفي كتير منهون متجوزين وعندهون ولاد وعايشين حياة طبيعية وفي منهون مالهون متجوزين أصلا واتجهو للدين لحتى يملو وقتون

و في نسبة 70 - 80 % من اللي فاتو عالحركة و هني عزابيّة ما أتجوّزو .. و فيك تروح على جامع أبو النور بالشام و جامع أهل بدر بحلب و تعمل إحصائيّة و بعدين تجي تقلي كلامك غلط

ومين الي قلك انها بتلبس 150 كلسون شفت شي بيعينك

هود كلاسين روحانيّة من الآنسة .. يعني الآنسة بتضل بتوّز في راس المريدة لبين ما تفهمّا أنو شباب هالزمن هني إبليس بزاتو ..

كمان محدا بيجبر حدا على شي مابدو ياه ومتل ماقلتلك في كتير من النسوان الي بتحضر معهون مو محجبين بالمرة

الإجبار لا يعني الإجبار بمعنى كلمة أنو يا عمي يا بتتحجبّي يا و إما رح أدبحك لأ ..

الإجبار لما طفلة صغير عم تاخد دروس بالجامع بهود "معاهد الأسد الصيّفيّة" ما بتكون محجبّة بتنط آنستا القبيّسيّة بتقلا يا بتتحجبي يا و إما ألله بيحرقك بالنار .. و يا بطلّنا نطالعك بالرحلة .. و يا رفقاتا لا بقا تحكو معها لأني كافرة ..

ألله مانو بسطار عسكري بإيد الآنسة .. و الترهيب لإقناع الطفلة بإرتداء الحجاب مانو شيء مقبول لا إجتماعيا ً و لا منطقياً ..

مابعرف على شو باني كلامك

وبالنهاية ياريت يكون بردودك في احترام لإلي يعني طول ما انا محترمك انت بدك تحترمني وخلينا بعاد عن المسخرة والمهزئة
واذا حابب نمزح سوا فخبرني بنروح عالسقيفة بنضحك وبنمزح للصبح

لما بتفنّد كلامي بكلمة "يا عمي كلامك غلط" و بدون أي دليل فأنت عم تقلل إحترام لإلي لما بتقول كل شي حكيتو أنت غلط و بتسكت إنت عم تقلل إحترام للشخص اللي مقابيلك على الأأقل عطيني أدلة تثبت إني كلامي غلط ..

و أبداً ماني حاب أمزح و لا ألعب لأني ماني فاضي لهالقصص .. يعني تارك شغلي و عم رد عليك حاليا ..

و لأحطك بالصورة أنا كل حرف عم أحكيه فوق أنا شايفو بعيني و ما بدي أقلّك مختلط مع عينة كبيرة منوّن لأني شيء مقرف بصراحة ..

و أهلين ..

[مالي خايف]

كاتب النص الأصلي : BL@CK

و أبداً ماني حاب أمزح و لا ألعب لأني ماني فاضي لهالقصص .. يعني تارك شغلي و عم رد عليك حاليا ..

و لأحطك بالصورة أنا كل حرف عم أحكيه فوق أنا شايفو بعيني و ما بدي أقلّك مختلط مع عينة كبيرة منوّن لأني شيء مقرف بصراحة ..

و أهلين ..

وأنا بأول رد إلي عالموضوع مانفيت انو في منهون كتير حاملين السلم بالعرض

وبالمناسبة يعني مابتعرف الفرحة الي غامرتني لأنك رديت عليي لا توصف صراحة

وكمان أهلا وسهلا

[Ms. J.A]

كاتب النص الأصلي : M.E.e.R.O

لئا ... اقنعتني والله !!


يعني النامصين حلال ؟.

من أفتى بغير علم فقد كفر !
هاد علمو عند الله..
وبعدين انا من جماعة النامصات ما بيطلعلي أحكي !
بس دايما المتدينات ما بيشيلو شعر الحواجب لأنو معروف بينهم انو حرام

[شب الكوبة]

متابعة ...
موضوع غامض ... بتمنى من الأخوة يللي عندن تجربة أو معايشين الوضع يعطو أجوبة واضحة ... لأنو في كتير تناقض بيناتن .. ما بقى اعرف أي معلومات بدي صدقها
سلام

[ayhamm26]

انا ما ني عرفان ليش دائما النقاش باي موضوع الو علاقة بالدين او اي خبر عن عادة اجتماعية بالية منتشرة بسوريا او باي دولة عربية تانية لازم ياخد منحى واحد , وهو تجريم اتباع مذهب واحد بالتخلف والجهل والتطرف

هلق يعني عم تعيبو على القبيسيات انو بيحطو الانسة بمكان الله طيب بس يعني

مافي ناس بسوريا بتعتبر علي بن ابي طالب هو الله بذاتو هدا تخلف ولا مو تخلف؟؟
ما في ناس بسوريا بتعتبر سليمان المرشد واولادو من بعدو الهه هدا شو اسمو؟
مافي ناس يتعتبر كريم اغا خان اله وبتعاملو على هالاساس هدا شو بتسمو؟؟

انا ما بدي دافع عن القبيسيات او غيرن لانو يمكن معلوماتي عنن هي من الانترنت وخلال فترة وجودي بسوريا ما كنت سمعان عنن حتى , بس بدي قول انو التخلف موجود عند جميع الملل والطوائف ومو محصور بفئة واحدة حتى يتم التهجم عليها على الطالعة والنازلة

[BL@CK]

كاتب النص الأصلي : مالي خايف

وأنا بأول رد إلي عالموضوع مانفيت انو في منهون كتير حاملين السلم بالعرض

وبالمناسبة يعني مابتعرف الفرحة الي غامرتني لأنك رديت عليي لا توصف صراحة

وكمان أهلا وسهلا

يعني بس لأحطك بالصورة إنت بردي الأول قلت عن كلامي كلو خطأ بعد ما تعزبّت و كتبتلك رد بيأثبت كلامي نقطة نقطة .. حضرتك جيت و بكلمتين و قلت "ما نفيت أنو منهون كتير حاملين السلم بالعرض" ..

يعني دام منهون كتير (خطين تحت كلمة كتير ) يعني منهون قليل مابون شي ..

يعني كلامي جاب راس الأكترية , معناها كلامي صح .. ما فهمت ليش قلت بالأول خطأ و بعدين قلت صح ؟!

كاتب النص الأصلي : ayhamm26

انا ما ني عرفان ليش دائما النقاش باي موضوع الو علاقة بالدين او اي خبر عن عادة اجتماعية بالية منتشرة بسوريا او باي دولة عربية تانية لازم ياخد منحى واحد , وهو تجريم اتباع مذهب واحد بالتخلف والجهل والتطرف

هلق يعني عم تعيبو على القبيسيات انو بيحطو الانسة بمكان الله طيب بس يعني

مافي ناس بسوريا بتعتبر علي بن ابي طالب هو الله بذاتو هدا تخلف ولا مو تخلف؟؟
ما في ناس بسوريا بتعتبر سليمان المرشد واولادو من بعدو الهه هدا شو اسمو؟
مافي ناس يتعتبر كريم اغا خان اله وبتعاملو على هالاساس هدا شو بتسمو؟؟

انا ما بدي دافع عن القبيسيات او غيرن لانو يمكن معلوماتي عنن هي من الانترنت وخلال فترة وجودي بسوريا ما كنت سمعان عنن حتى , بس بدي قول انو التخلف موجود عند جميع الملل والطوائف ومو محصور بفئة واحدة حتى يتم التهجم عليها على الطالعة والنازلة

أخي لأخذ العلم نقد جماعة متل "القبيسيّن" سلبا ً أو إيجابا ً مانو لازم يعتبر تهجم عا الإسلام .. ما لازم هيك ينفهم ..

الناس اللي بيعتبرو علي الإنسان الكامل هني غلطانين , و الناس اللي بيعتبرو المرشدي هوي الكامل هني غلطانين .. و كل شي على شاكلتون غلط ..

نقد هالناس سلبا ً ما معناتو تهجم عالإسلام هاي نقطة كتير مهمة .. لازم الكل يتفهمّا ..

[MadMax]

كاتب النص الأصلي : ayhamm26

انا ما ني عرفان ليش دائما النقاش باي موضوع الو علاقة بالدين او اي خبر عن عادة اجتماعية بالية منتشرة بسوريا او باي دولة عربية تانية لازم ياخد منحى واحد , وهو تجريم اتباع مذهب واحد بالتخلف والجهل والتطرف

هلق يعني عم تعيبو على القبيسيات انو بيحطو الانسة بمكان الله طيب بس يعني

مافي ناس بسوريا بتعتبر علي بن ابي طالب هو الله بذاتو هدا تخلف ولا مو تخلف؟؟
ما في ناس بسوريا بتعتبر سليمان المرشد واولادو من بعدو الهه هدا شو اسمو؟
مافي ناس يتعتبر كريم اغا خان اله وبتعاملو على هالاساس هدا شو بتسمو؟؟

انا ما بدي دافع عن القبيسيات او غيرن لانو يمكن معلوماتي عنن هي من الانترنت وخلال فترة وجودي بسوريا ما كنت سمعان عنن حتى , بس بدي قول انو التخلف موجود عند جميع الملل والطوائف ومو محصور بفئة واحدة حتى يتم التهجم عليها على الطالعة والنازلة

بغض النظر عن مدى صحة كلامك ...

و مشان ما حدا يناقشك فيه ....و يصير الموضوع طائفي



نحنا حكينا أنو

على هامش هالنقاش
هالجماعة ما بمثلوا غير أنفسهم
بقى يا ريت ما حدا يتحسس من الموضوع و ياخدو بشكل شخصي
أو يأوّل تأويلات بلا طعمة
ما حدا عم يناقش دينهون
عم نحكي عن أفكارهون يللي عم يحاولو يخلطوها بالدين .... لاضفاء القدسية عليها

خللي الطائفية على جنب .... جرب تناقش بعقلانية و منطق

[VivaSyria]

محور الموضوع القبيسيات ياجماعه ماتفوتونا بمتاهات ونقض الأديان والمذاهب... الدفاع بطريقة تغليط الأخر لنثبت انو غلطنا صح أسلوب غير مجدي بالنقاش...

[شب الكوبة]

كاتب النص الأصلي : ayhamm26

انا ما ني عرفان ليش دائما النقاش باي موضوع الو علاقة بالدين او اي خبر عن عادة اجتماعية بالية منتشرة بسوريا او باي دولة عربية تانية لازم ياخد منحى واحد , وهو تجريم اتباع مذهب واحد بالتخلف والجهل والتطرف

هلق يعني عم تعيبو على القبيسيات انو بيحطو الانسة بمكان الله طيب بس يعني

مافي ناس بسوريا بتعتبر علي بن ابي طالب هو الله بذاتو هدا تخلف ولا مو تخلف؟؟
ما في ناس بسوريا بتعتبر سليمان المرشد واولادو من بعدو الهه هدا شو اسمو؟
مافي ناس يتعتبر كريم اغا خان اله وبتعاملو على هالاساس هدا شو بتسمو؟؟

انا ما بدي دافع عن القبيسيات او غيرن لانو يمكن معلوماتي عنن هي من الانترنت وخلال فترة وجودي بسوريا ما كنت سمعان عنن حتى , بس بدي قول انو التخلف موجود عند جميع الملل والطوائف ومو محصور بفئة واحدة حتى يتم التهجم عليها على الطالعة والنازلة

مع احترامي الك ... أنا بشوف أنو هاد مو بس تخلف ... هاد هوي الكفر المحض بعينو ...
سبحان الذي لاتدركه الأبصار و لا الأوهام

أنت تقول أنو القبيسيات متخلفات متل ما هوي واضح من كلامك ... مع أنك لا شفتن و لا سمعت عنن و لا بتعرف عنن شي الا من خلال الأنترنت .. و أشك في ان هكذا كلام هو التخلف بعينه

[ayhamm26]

كاتب النص الأصلي : BL@CK

أخي لأخذ العلم نقد جماعة متل "القبيسيّن" سلبا ً أو إيجابا ً مانو لازم يعتبر تهجم عا الإسلام .. ما لازم هيك ينفهم ..

الناس اللي بيعتبرو علي الإنسان الكامل هني غلطانين , و الناس اللي بيعتبرو المرشدي هوي الكامل هني غلطانين .. و كل شي على شاكلتون غلط ..

نقد هالناس سلبا ً ما معناتو تهجم عالإسلام هاي نقطة كتير مهمة .. لازم الكل يتفهمّا ..

وانا ما اعترضت على نقد اي شخص , لانو ما في حدا برايي بهالدنيا فوق النقد , بس للاسف في ناس بتحب توجه النقاش من نقاش ظاهرة اجتماعية معينة الى نقاش حول الدين نفسو

[BL@CK]

كاتب النص الأصلي : ayhamm26

وانا ما اعترضت على نقد اي شخص , لانو ما في حدا برايي بهالدنيا فوق النقد , بس للاسف في ناس بتحب توجه النقاش من نقاش ظاهرة اجتماعية معينة الى نقاش حول الدين نفسو

تفضل قلّي وين بهالموضوع تحوّل النقاش لنقاش حول الدين ؟!

[VivaSyria]

كاتب النص الأصلي : ayhamm26

وانا ما اعترضت على نقد اي شخص , لانو ما في حدا برايي بهالدنيا فوق النقد , بس للاسف في ناس بتحب توجه النقاش من نقاش ظاهرة اجتماعية معينة الى نقاش حول الدين نفسو

أيهم مع احترامي إلك ماشفت حدا نقد القرأن أو محمد أو أي من مرتكزات الدين الاسلامي..

إلا اذا بتعتبر نقض تطرف فئة من مجوعة هو نقض للمجموعة كلها...




هل بتعبر النقاش حول هند القبيسي وجماعتها نقد للإسلام؟؟؟

لأنو بصراحة أنا ماشفت ولا رد ناقش بمبادئ الدين الاسلامي...


تحياتي

[ayhamm26]

كاتب النص الأصلي : BL@CK

تفضل قلّي وين بهالموضوع تحوّل النقاش لنقاش حول الدين ؟!

اي الشباب هون عم يناقشو صارو قضية الحجاب, والحواجب و شغلات خاصة بمذهب معين تحديدا ما بعرف شو دخلها بالقصة اصلا

وهالشغلة ما بتنطبق بس على هدا الموضوع , شوف المواضيع التانية , موضوع عن سعودي اهبل اتجوز بنت عمرها 8 سنين , بيدخل احد الاعضاء وبقلك التاريخ يعيد نفسه

وقيس على هالشي بمواضيع تانية

[ayhamm26]

كاتب النص الأصلي : VivaSyria

أيهم مع احترامي إلك ماشفت حدا نقد القرأن أو محمد أو أي من مرتكزات الدين الاسلامي..

إلا اذا بتعتبر نقض تطرف فئة من مجوعة هو نقض للمجموعة كلها...




هل بتعبر النقاش حول هند القبيسي وجماعتها نقد للإسلام؟؟؟

لأنو بصراحة أنا ماشفت ولا رد ناقش بمبادئ الدين الاسلامي...


تحياتي

لا طبعا ما بعتبر نقد اي شخص ممكن يمس فئة وانا قلت ما عم دافع عن القبيسيات

صدقني بحاول قد ما بقدر اتجنب النقاش باي موضوع الو طابع ديني بس في ناس استفزازن وطريقتن بالنقاش والسخرية لا تطاق

[VivaSyria]

كاتب النص الأصلي : ayhamm26

لا طبعا ما بعتبر نقد اي شخص ممكن يمس فئة وانا قلت ما عم دافع عن القبيسيات

صدقني بحاول قد ما بقدر اتجنب النقاش باي موضوع الو طابع ديني بس في ناس استفزازن وطريقتن بالنقاش والسخرية لا تطاق

طيب خيو كانت ضايعة ولقيناها.. "الاستفزازات" بغير مواضيع مناقشها بمكانها مشان تكون الصورة واضحة ونقيم الوضع صح... بس هون أيهم ماحدا استفز حدا ولا حد سخر من شي غير ترهات القبيسيات..


بكل الأحوال حصل خير

[MadMax]

كاتب النص الأصلي : ayhamm26

والحواجب و شغلات خاصة بمذهب معين تحديدا

هلأ الحواجب صار ت خاصة بمذهب معين ..؟؟


مو مشان شي .. بس مشان نطالب بضمها لتابوهات المنتدى

ما بعرف شو دخلها بالقصة اصلا

هي جزء اساسي من القصة
يعني هالجماعة عم يرسمو صورة كتير تافهة و متخلفة و مشوهة عن الاسلام
و واجب كل مسلم يعلن أنو هني ما بمثلوه

[VivaSyria]

كاتب النص الأصلي : MadMax

يعني هالجماعة عم يرسمو صورة كتير تافهة و متخلفة و مشوهة عن الاسلام
و واجب كل مسلم يعلن أنو هني ما بمثلوه

أنا بأيد هالكلام وبشدة...

[شب الكوبة]

فتوى اللجنة الدائمة حول القبيسات
فتوى رقم ( 16011) وتاريخ : 18/5/ 1414هـ .

الحمد لله وحده والصلاة والسلام على من لانبي بعده .... وبعد : فقد اطلعت اللجنة الدائمة للبحوث العلمية والافتاء على ما ورد إلى سماحة المفتي العام من مستفتي من الكويت والمحال إلى اللجنة من الأمانة العامة لهيئة كبار العلـماء برقم (11-16) وتاريخ ( 18/5/1414) وقد سأل المستفتي سؤلا هذا نصه : ( بشأن جماعة من النساء في الكويت يقمن بنشر الدعوة الصوفية على الطريقة النقشبندية ، وهن يعملن تحت إطار رسمي " جمعية نسائية " ولكنهن يمارسن هذه الدعوة في الخفاء ويظهرن ما لا يبطن وقد حصل أن اطلعنا عى كتاباتهن وبعض كتبهن واعتراف بعضهن ممن كن في هذا التنظيم . وذلك يتمثل بعضه بالآتي :
يقولون من لا شيخ له فشيخه الشيطان ، ومن لم ينفعه أدب المربي لم ينفعه كتاب ولا سنة ومن قال لشيخه لم ، لم يفلح أبداً ويقولون بالوصل ويقومون بعملية الذكر الصوفي مستحضرين صورة شيختهن أثناء الذكر ويقبلون يد شيختهن والتى يطلقون عليها لقب الآنسة وهي من بلد عربي من خارج الجزيزة ، ويتبركن بشرب ما تبقى في إنائها من الماء ومن كتاباتهن لأدعية خاصة واني وجدتها بعد ذلك مقتبسة من كتاب الؤلؤ والمرجان في تسخير ملوك الجان ، ويقومون بتأسيس المدارس الخاصة بهم لاحتواء الأطفال على طريقتهن ويعملن في مجال التدريس مما يعطيهن مجال لنشر هذه الدعوة في صفوف بنات المدارس الحكومية المتوسطة والثانوية . وقد فارقت بعض من هؤلاء النسوة أزواجهن وطلبوا الطلاق عن طريق المحاكم عندما أمرهن هؤلاء الأزواج بالابتعاد عن هذا الطريق الضال .
السؤال : ( 1 ) ماهو الحكم الشرعي في عقيدة هؤلاء النسوة مع إصرارهن على هذه الطريق ؟
( 2 ) هل يجوز الزواج منهن ؟
(3) ما حكم عقد النكاح القائم بأحداهن الآن ؟
(4) النصيحة لهن وترهيبهن من هذا الطريق . وجزاكم الله عنا كل خير .
وبعد دراسة اللجنة له أجابت : الطرق الصوفية ، ومنها النقشبندية ، كلها طرق مبتدعة مخالفة للكتاب والسنة ، وقد قال صلى الله عليه و سلم " إياكم ومحدثات الأمور فإن كل محدثة بدعة وكل بدعة ضلالة " بل إن الطرق الصوفية لم تقتصر على كونها بدعة مع ما في البدعة من الضلال ولكن داخلها كثير من الشرك الأكبر وذلك بالغلو في مشائخ الطرق والاستغاثة بهم من دون الله واعتقاد أن لهم تصرفاً في الكون ، وقبول أقوالهم من غير نظر فيها ، وعرضها على الكتاب والسنة ، ومن ذلك ما ورد في السؤال من قولهم : من لا شيخ له فشيخه الشيطان . ومن لم ينفعه أدب المربي لم ينفعه كتاب ولا سنة . ومن قال لشيخه : لم لم يفلح أبدًا . وهذه كلها أقوال باطلة مخالفة للكتاب والسنة ، لأن الذي يقبل قوله مطلقاً بدون مناقشة ولا معارضة هو رسول الله صلى الله عليه وسلم لقول الله تعالى : ( وما آتاكم الرسول فخذوه وما نهاكم عنه فانتهوا ) . وقوله تعالى : ( وما ينطق عن الهوى إن هو إلا وحي يوحى ) .
أما غيره من البشر مهما بلغ من العلم فإنه لا يقبل قوله إلاإذا وافق الكتاب والسنة ، ومن زعم أن أحدًا تجب طاعته بعينه مطلقاً غير رسول الله صلى الله عليه وسلم فقد ارتد عن الإسلام ، وذلك لقوله تعالى : ( اتخذوا أحبارهم ورهبانهم أرباباً من دون الله والمسيح بن مريم وما أمروا إلا ليعبدوا إلهاً واحدًا لا إله إلا هو سبحانه عما يشركون ) .
وقد فسر العلماء هذه الآية بأن معنى اتخاذهم أرباباً من دون الله : طاعتهم في تحليل الحرام وتحريم الحلال كما روي ذلك في حديث عدي بن حاتم رضي الله عنه . فالواجب الحذر من الصوفية رجالاً ونساءً ومن توليهم التدريس والتربية ودخولهم في الجمعيات النسائية وغيرها لئلا يفسدوا عقائد المسلمين . والواجب على الرجل منع موليته من الدخول في تلك الجمعيات أو المدارس التي يتولاها الصوفية أو يدرسون فيها حفاظا على عقائدهن وحفاظاً على الأسر من التفكك وإفساد الزوجات على أزواجهن ومن اعتنق مذهب الصوفية فقد فارق مذهب أهل السنة والجماعة ، وإذا اعتقد في شيوخ الصوفية أنهم يمنحون البركة ، أو ينفعون أو يضرون فيما لا يقدر عليه إلا الله من شفاء الأمراض وجلب الأرزاق ، ودفع الأضرار أو أنهم تجب طاعتهم في كل ما يقولون ولو خالفوا الكتاب والسنة . من اعتقد ذلك فقد أشرك بالله الشرك الأكبر المخرج من الملة .، لا تجوز موالاته ولا مناكحته لقوله تعالى : ( ولا تنكحوا المشركات حتى يؤمن ) . إلى قوله : ( ولا تنكحوا المشركين حتى يؤمنوا ) . والمرأة التي تأثرت بالتصوف إلى حد الاعتقاد المذكور لا ينبغي التزوج بها ابتداء ولا إمساكها ممن تزوجها إلا بعد مناصحتها وتوبتها إلى الله والذي ننصح به النسوة المذكورات هو التوبة إلى الله والرجوع إلى الحق وترك هذا المذهب الباطل والحذر من دعاة السوء والتمسك بمذهب أهل السنة والجماعة ، وقراءة الكتب النافعة التي قام بإعدادها العلماء المستقيمون على العقيدة الصحيحة والاستماع للدروس والمحاضرات ، والبرامج المفيدة التي يقوم بإعدادها العلماء المستقيمون على المنهج الصحيح . كما ننصح لهن بطاعة أزواجهن وأولياء أمورهن في المعروف .. والله الموفق .
وصلى الله على نبينا محمد وآله وصحبه وسلم .. ، ، ،
اللجنة الدائمة للبحوث والافتاء
المملكة العربية السعودية </B>