ثلاث اسئلة ما لقيت جوابها....شو هيا؟؟

[جان بن جاك الروسوي]

1- شو رح يصير بعد ما نروح عالجنة ؟
2- شو ممكن يصير لو حطينا وتر تاسع للعود؟
3-شو رح نستفاد من كل هالأسئلة؟

[ظل جيفارا]

كاتب النص الأصلي : جان بن جاك الروسوي

1- شو رح يصير بعد ما نروح عالجنة ؟

رح يصير شغلات .......
شو بيعرفني انا من جهتي رح اشعر بالملل
واطالب بجمع الجنة والنار مشان ما يكون في تمييز طبقي فوق بالسما
تحياتي الحارة
ظل جيفارا

[suryoyo]

ليش الناس تكره الغراب في حين طير الزاغ من نفس الفصيلة و كله اسود
بس الناس ما تجيب سيرتو ؟!


ليش الناس تخفي امور بسيطة على انها top secret ... ؟؟
مع انها ما تستحق الذكر اساسا!


بعدين نكمل

[بـحــر]

بخصوص التوب سيكرت ..
انا بعتقد أنو مو بالضرورة يكون السر عظيم لحتى يتخبى في اسرار بسيطة بس شخصية ... بعدين ممكن انو يكون الها تاثير او نتائج على الشخص مشان هيك بيعتبرها اسرار كل واحد بيشوف الأسرار من وجهة نظر مختلفة ..



ليش أحياناً تجري الرياح بما لا تشتهي السفن ...!! و ليش لما السفن بتغير وجهتا لتمشي مع الريح بتقوم الريح بترجع بتقلب وبتمشي بغير طريق ..!؟

[suryoyo]

كاتب النص الأصلي : جان بن جاك الروسوي

2- شو ممكن يصير لو حطينا وتر تاسع للعود؟

يصير العود ثقيل و صعب العزف بس صوته احلى

3-شو رح نستفاد من كل هالأسئلة؟

نساعد بعض حتى تمشي الحياة ...

[راديا]

ليش ما عندي حظ؟اول سؤال
تاني سؤال بيقولو الانسان مو كامل و الكمال لله شو شال مني الله لصرت مش كاملة محتارة ؟
3-ليش حبيت اللي بحبو و ليش هوي حبني ؟؟؟او بطريقة اصح كيف ؟

[MadMax]

كاتب النص الأصلي : ABU WILLIAM

سؤال مطلوب مني استوعبون انا هدول اب سمرا ولا لا

انت مو مطلوب منك شي ....

بس حوّلي ياهون من عندك لعند حسون

[عطر البرتقال]

كاتب النص الأصلي : ظل جيفارا

رح يصير شغلات .......
شو بيعرفني انا من جهتي رح اشعر بالملل
واطالب بجمع الجنة والنار مشان ما يكون في تمييز طبقي فوق بالسما
تحياتي الحارة
ظل جيفارا

لا عمو جيفارا..................
الحياة رح تكون كاملة في الاخرة............والجنة مكان السعادة الابدي حيث ان الانسان لن يشعر باي من انواع الحزن والكابة والاحباط..........فلا تقول انك رح تشعر بملل بمكان انت ما دخلته.....وما اعرف اذا انت بجواتك حاب تدخله.....((فيها ما لا عين رات ولا اذن سمعت ولا خطر على قلب بشر))

شكرا للمرور

[عطر البرتقال]

كاتب النص الأصلي : بـحــر

بخصوص التوب سيكرت ..
انا بعتقد أنو مو بالضرورة يكون السر عظيم لحتى يتخبى في اسرار بسيطة بس شخصية ... بعدين ممكن انو يكون الها تاثير او نتائج على الشخص مشان هيك بيعتبرها اسرار كل واحد بيشوف الأسرار من وجهة نظر مختلفة ..



ليش أحياناً تجري الرياح بما لا تشتهي السفن ...!! و ليش لما السفن بتغير وجهتا لتمشي مع الريح بتقوم الريح بترجع بتقلب وبتمشي بغير طريق ..!؟

هههههههههههه....وتسير معي كثير لما اكون اكنس قدام بيتنا ((ارض الديار)) وفجاة يهب الهوا ويطير كل الي كنسته وتبلش المعاناة..........احيانا ابسط عالارض وابكي

بس بدي اقولك انه الانسان بطبعه ينظر الى الامور السيئة دائما بحياته على الرغم من وجود الاشياء الرائعة الكثيرة فهناك الكثير من الامور تنجح معنا وتتفق الرياح مع سفننا وتساعدنا على التجديف واحيانا اخرى لا تتفق معنا وتفشل لكننا ننسى تلك الامور الرائعة فهمتي

هلا اختي والف شكر عالمرور

[عطر البرتقال]

[quote=suryoyo;924748]ليش الناس تكره الغراب في حين طير الزاغ من نفس الفصيلة و كله اسود
بس الناس ما تجيب سيرتو ؟!

لانه هاي صارت عادة عند الناس انه الغراب فال سيء....زي لما العريس يشوف العروسة قبل العرس بيوم قال انه فال سيء وغيرها كثير


شكرا للمرور اخي

[LiOnHeArT.3LA2]

ليش نحنا عايشين

مشان الله لا تساووني كافر

بس جاوبوني

[عطر البرتقال]

كاتب النص الأصلي : تائه فـــ النور ــــي

ليش نحنا عايشين

مشان الله لا تساووني كافر

بس جاوبوني

هسة هاد السؤال الي نفسك تعرفه..........انت اكيد عارف شو سبب خلقنا في الارض وشو الهدف من وجودنا

ما اعرف ليش جاي عبالي اضحك وانا اقرا مشاركتك

بس حط هدف وعيش مشانه

[suryoyo]

كاتب النص الأصلي : تائه فـــ النور ــــي

ليش نحنا عايشين

مشان الله لا تساووني كافر

بس جاوبوني

عقلنا ما يسع حكمة الله ابدا ...

كل انسان له دور بالحياة و مهما كان الدور صغير بس يؤثر في استمرارية الحياة بشكل او بآخر

[ِAbu Alzooz]

واطالب بجمع الجنة والنار مشان ما يكون في تمييز طبقي فوق بالسما

صندوق الشكاوي و الاقتراحات مغلق حتى اشعار اخر

عقلنا ما يسع حكمة الله ابدا ...

كل انسان له دور بالحياة و مهما كان الدور صغير بس يؤثر في استمرارية الحياة بشكل او بآخر

طيب ايمتا بتجي ساعتو للانسان و بيخلص من هالدور

[shymaa]

[quGolden_Skull_Jordan;923580]صح النوم حبيب ما همه هلأ متفقين على انهم ما يتفقوا..[/quote
صح صح صح صح صح كلامك صح

[مالك الحلبي]

ليش المدفوعات أكتر من المسحوبات ؟؟؟
ليش ضميرنا بأنبنا بعد أستلامنا الحكي ..الطرف الأخر بيسمع وبيرش دره مصري ونبدا بالتعفيس على البقلة؟
ليش ما عبقدر أفيق على صلاة الصبح ؟؟

[fida_k]

مرحبا
عندي سؤال واحد حاليا هوي ليش مدير الموقع فتح هالموقع الحلو كتير بس مالو مردو مادي لأنو مافيه دعايات وما بيجيه منو غير وجعة الراس بظن
أكيد مشكور عليه كتير لأنو كتير حلو وضخم بس هيك موقع في عليه مصروفات وحجز سيرفر وغيرو بس هيك .

[عطر البرتقال]

كاتب النص الأصلي : مالك الحلبي

ليش المدفوعات أكتر من المسحوبات ؟؟؟
ليش ضميرنا بأنبنا بعد أستلامنا الحكي ..الطرف الأخر بيسمع وبيرش دره مصري ونبدا بالتعفيس على البقلة؟
ليش ما عبقدر أفيق على صلاة الصبح ؟؟

انا احكيلك ليش ما تصحى على صلاة الصبح

لانه يا سيدي الشيطان يكون حاط الك ثلاث عقد
تقدر تحل الاولى اذا صحيت ودعيت الدعاء((اصبحنا واصبح الملك لله ولا اله الا الله والله اكبر))
وفي كمان عدة ادعية بس انا حافظة هالدعاء
ثاني عقدة تنحل لما تروح تتوضى
ثالث عقدة تنحل لما تصلي

ومثلا اذا صحيت يوم وعشرة لا الحل هو انك تعمل مشروع ولازم تنفذه
المشروع هو انه لمدة اربعين يوم تروح تصلي الفجر بالمسجد.....اربعين يوم ورا بعض....
بعدها احكيلي شو يصير معك


تحياتي........