حول الاعتراض .. والمعارضة ..

الموسيقار · 02/02/2008

"لا سلطة بلا مناهض للسلطة" قالها أفلاطون .. وهو يحصي على السلطة الديمقراطية صفاتها ..

بدون الدخول والجقجقة والتنظير .. هناك بعض الأفكار عن المعارضة .. أود فلشها للنقاش ..

كل فكرة مع اسقاطها على واقع العالم الثالث .. وخاصة العالم العربي .

أول فكرة :

1_من هو المعارض ؟ :

المعارض هو من يتعاطى السياسة .. من خارج السلطة .. ويطمح لأن يخوض في السلطة لكي _نظريا ً_ يصلح الأخطاء اللي تشوب ممارسات السلطة

اسقاطها العربي .. هو عبارة عن أفراد أو مجموعات او أحزاب .. تطمح للسلطة .. والسلطة فقط .. بكل معنى التسلط .. وغالبا ً وعم قول غالبا ً يكون للمعارضة أهداف شخصية بحتة .. وأبرز شكل للمعارضة في البلاد العربية هو المعارضة الدينية والاسلامية تحديدا ً ... وتكون موجهة بأمير حرب ..

2_ما هي المقومات الفكرية للمعارضة ؟

المفروض أن يكون للمعارضة أجندة تنموية .. أي أن تعني بمراقبة أخطاء السلطة في الممارسات الاقتصادية والسياسية والإدارية والتربوية والثقافية والعسكرية .. ومحاولة تقديم الحلول للمشاكل القائمة في الأمور المذكورة .

والإسقاط العربي .. برنامج ديني اسلامي على الغالب .. بنضوي تحت شعار احقاق الحق وتطبيق الرسالة الإلهية في البلد الموبوء بها .. وإن لم تكن فإنها غاليا ً تتبع لأجندة شخصية ..

التتمة بعد مناقشة الفكرتين آنفتي االذكر .

أرجو المشاركة .. بـ مسؤولية .

yass · 02/02/2008

عندي مآخذ على الموضوع بكامل أفكاره لأنني أعتقد انه غير دقيق و ظالم جدا لفكرة المعارضة السياسية و خالط للأفكار.... سأحاول مناقشة الفكرتين

تعريف المعارض, مع احترامي الشديد, ليس صحيحا. من مساوئ اللغة العربية أنها تضع لفظا واحدا لنوعي المعارضة المختلفة تماما.. قد يكون السبب كامنا في أن تراثنا السياسي "العربي" يحمل نوعا واحد من أنواع المعارضة في فكره و ذاكرته.

المعارضة 1 أو المعارضة البرلمانية (Opposition ): هي معارضة برلمانية مؤسساتية في داخل نظام الحكم. يصطلح على أنه في نظام ديمقراطي برلماني حر متعدد الأحزاب عندما تقام انتخابات حرة و نظيفة فان الحزب أو ائتلاف الأحزاب أو أحزاب+مستقلين (في حال كون النظام الاقتراعي ذو لوائح مفتوحة) الذي يفوز بالنصاب الكافي المقرر في الدستور لتشكيل حكومة فان باقي الأحزاب, أي باقي القوس البرلماني هو المعارضة البرلمانية. هذه المعارضة البرلمانية هي جزء أساسي من نظام الحكم و هي جزء من جهاز الحكم و هي شريكة بالحكم كون صوتها البرلماني ضروري لانجاح القوانين و تستطيع حجب الثقة و المشاركة في اللجان البرلمانية المشتركة الخاصة بالأمور الأساسية للدولة ( لجنة شؤون اقتصادية -لجنة شؤون علاقات خارجية ....الخ) و هي على كامل الاطلاع على كامل حيثيات الشؤون و المعلومات السياسية و الاقتصادية و من حقها المسائلة و الاستجواب و حجب الثقة في حال توفر النصاب الكافي.

المعارضة 2 أو المعارضة الغير برلمانية (Dissident): هي معارضة مشكلة من جماعات أو أحزاب أو تيارات أو مستقلين , غير معترف بها من القوى السياسية المشكلة لنظام الحكم ( غالبا نظام ديكتاتوري أو غير ديمقراطي... لكن يوجد حالات لهذه القوى في بعض الأنظمة الديمقراطية) و هي معارضة مناهضة لنظام الحكم و غير مشاركة فيه و تسعى لتغييره. أغلب الأحيان هي معارضة "مخوّنة" من قبل النظام الحاكم لأنها تطعن في الشرعية المزعومة التي يعتبر النظام أنه يمتلكها للاستئثار بالحكم. و أغلب الأحيان هي خليط لا متجانس فكريا و عملياتيا و عدم التجانس يعرّضها لدرجات متفاوتة من الملاحقة و الاضطهاد بحسب درجات قربها من النظام أو تقبلها له. عادة تصب جهودها في مجال الحريات السياسية و العامة. كذلك يتم ادراج بعض تيارات الدفاع عن المجتمع المدني و حقوق الانسان التي قد يكون نشاطها منصبّا بشكل حقيقي على هذه النشاطات أو قد تكون لها اهتمامات سياسية و تستتر بهذه النشاطات

مطالبة النوع الثاني من المعارضة بنشاطات النوع الأول هي مطالبة غالبا ديماغوجية سلطوية يقصد منها الطعن في مصداقية المعارضة و اظهارها كمجموعة "علاكين". لكل نوع من النوعين مقومات عمل خاصة بهما و حتى داخل النوع الواحد هناك اختلافات تبعا للحالات

أما بخصوص الاسقاط العربي للفكرتين , لا أستطيع الرد بطريقة أرضى بها على ردي على هذه النقطة لسبب أساسي: الدول "العربية" مختلفة جدا في ما بينها ولكل دولة حالة خاصة جدا و حتى لو حملت أوجه شبه فان الحالات متباينة.. لذلك لا أستطيع الحديث عن الاسقاط العربي لمفهوم المعارضة و لمقومات عمل المعارضة لأنني لا اعتبره واقعيا و لا عمليا. فقط استطيع القول أن الأغلبية الساحقة من الحالات بالنسبة للدول "العربية" هي معارضة غير برلمانية من النوع الثاني

خيالات واوهام · 02/02/2008

خلني احكي عن سوريا

1_من هو المعارض ؟ :
اسقاطها العربي .. هو عبارة عن أفراد أو مجموعات او أحزاب .. تطمح للسلطة .. والسلطة فقط .. بكل معنى التسلط .. وغالبا ً وعم قول غالبا ً يكون للمعارضة أهداف شخصية بحتة .. وأبرز شكل للمعارضة في البلاد العربية هو المعارضة الدينية والاسلامية تحديدا ً ... وتكون موجهة بأمير حرب ..

الرد: المعارض هو من يملك اعتراضا على الوضع القائم والطموح للسلطة ليس عيب ولاحظ انو كل رموز اعلان دمشق اللي بالحبس ما فيهون ولا واحد اسلامي. هادا الحكي عم تروجلو السلطة لتخويف العالم من المعارضة. هل ميشيل كيلو أمير حرب ولا عارف دليلة. معظم المعارضين السوريين رجال شرفاء نظيفي الكف لو أرادو بيع مبادئهم لعاشو مرتاحين مادياً ومعنوياً لكن ليست كل الضمائر للبيع.

2_ما هي المقومات الفكرية للمعارضة ؟
الإسقاط العربي .. برنامج ديني اسلامي على الغالب .. بنضوي تحت شعار احقاق الحق وتطبيق الرسالة الإلهية في البلد الموبوء بها .. وإن لم تكن فإنها غاليا ً تتبع لأجندة شخصية ..

الرد: خليني ارجاع احكي عن اعلان دمشق مرة تانية لانو اهم تجمع معارض في سوريا حاليا. اعلان دمشق طرح الانتقال السلمي للديمقراطية وتداول الحكم بشكل ديمقراطي ورفض التدخل الأجنبي ولولا النظام الديكتاتوري لكانو اجتمعوا ووجدوا حل لمعظم المشاكل اللتي تمر بها سوريا. طبعاً ما رح يكونوا مثاليين وما في نظام بالدنية مثالي بس عل الأقل اذا كانت الحكومة سيئة ستسقط عند اقرب انتخابات وهادا هو سر تقدم البلاد الديمقراطية. ولا تقلي ديمقراطية امريكا بالعراق، لا نو في 50 دولة ديمقراطية كلابون عايشين احسن مين عيشتنا بفضل الديمقراطية.

الموسيقار · 04/02/2008

اقتباس:

كاتب النص الأصلي : yass

عندي مآخذ على الموضوع بكامل أفكاره لأنني أعتقد انه غير دقيق و ظالم جدا لفكرة المعارضة السياسية و خالط للأفكار.... سأحاول مناقشة الفكرتين

تعريف المعارض, مع احترامي الشديد, ليس صحيحا. من مساوئ اللغة العربية أنها تضع لفظا واحدا لنوعي المعارضة المختلفة تماما.. قد يكون السبب كامنا في أن تراثنا السياسي "العربي" يحمل نوعا واحد من أنواع المعارضة في فكره و ذاكرته.

المعارضة 1 أو المعارضة البرلمانية (Opposition ): هي معارضة برلمانية مؤسساتية في داخل نظام الحكم. يصطلح على أنه في نظام ديمقراطي برلماني حر متعدد الأحزاب عندما تقام انتخابات حرة و نظيفة فان الحزب أو ائتلاف الأحزاب أو أحزاب+مستقلين (في حال كون النظام الاقتراعي ذو لوائح مفتوحة) الذي يفوز بالنصاب الكافي المقرر في الدستور لتشكيل حكومة فان باقي الأحزاب, أي باقي القوس البرلماني هو المعارضة البرلمانية. هذه المعارضة البرلمانية هي جزء أساسي من نظام الحكم و هي جزء من جهاز الحكم و هي شريكة بالحكم كون صوتها البرلماني ضروري لانجاح القوانين و تستطيع حجب الثقة و المشاركة في اللجان البرلمانية المشتركة الخاصة بالأمور الأساسية للدولة ( لجنة شؤون اقتصادية -لجنة شؤون علاقات خارجية ....الخ) و هي على كامل الاطلاع على كامل حيثيات الشؤون و المعلومات السياسية و الاقتصادية و من حقها المسائلة و الاستجواب و حجب الثقة في حال توفر النصاب الكافي.

المعارضة 2 أو المعارضة الغير برلمانية (Dissident): هي معارضة مشكلة من جماعات أو أحزاب أو تيارات أو مستقلين , غير معترف بها من القوى السياسية المشكلة لنظام الحكم ( غالبا نظام ديكتاتوري أو غير ديمقراطي... لكن يوجد حالات لهذه القوى في بعض الأنظمة الديمقراطية) و هي معارضة مناهضة لنظام الحكم و غير مشاركة فيه و تسعى لتغييره. أغلب الأحيان هي معارضة "مخوّنة" من قبل النظام الحاكم لأنها تطعن في الشرعية المزعومة التي يعتبر النظام أنه يمتلكها للاستئثار بالحكم. و أغلب الأحيان هي خليط لا متجانس فكريا و عملياتيا و عدم التجانس يعرّضها لدرجات متفاوتة من الملاحقة و الاضطهاد بحسب درجات قربها من النظام أو تقبلها له. عادة تصب جهودها في مجال الحريات السياسية و العامة. كذلك يتم ادراج بعض تيارات الدفاع عن المجتمع المدني و حقوق الانسان التي قد يكون نشاطها منصبّا بشكل حقيقي على هذه النشاطات أو قد تكون لها اهتمامات سياسية و تستتر بهذه النشاطات

مطالبة النوع الثاني من المعارضة بنشاطات النوع الأول هي مطالبة غالبا ديماغوجية سلطوية يقصد منها الطعن في مصداقية المعارضة و اظهارها كمجموعة "علاكين". لكل نوع من النوعين مقومات عمل خاصة بهما و حتى داخل النوع الواحد هناك اختلافات تبعا للحالات

أما بخصوص الاسقاط العربي للفكرتين , لا أستطيع الرد بطريقة أرضى بها على ردي على هذه النقطة لسبب أساسي: الدول "العربية" مختلفة جدا في ما بينها ولكل دولة حالة خاصة جدا و حتى لو حملت أوجه شبه فان الحالات متباينة.. لذلك لا أستطيع الحديث عن الاسقاط العربي لمفهوم المعارضة و لمقومات عمل المعارضة لأنني لا اعتبره واقعيا و لا عمليا. فقط استطيع القول أن الأغلبية الساحقة من الحالات بالنسبة للدول "العربية" هي معارضة غير برلمانية من النوع الثاني

هلأ .. فيما يخص تعريف المعارضة(العام مو العربي) بـ شقينو .. واللي حضرتكـ نورتنا فيه بحب قللكـ يا معلم ..
كل التعاريف (الأكاديمية) اللي ذكرتها .. هو تفصيل للفكرة العامة اللي أنا طرحتها .. ومو متعارض معها أبدا ً .

هون نحن متفقين . بس مختلفين ع نقظة زغيرة ألاوهي .. أنو المعارضة ما بتكون معارضة لما بتكون قادرة تأمن النصاب لتحجب الثقة عن حكومة .. بيكون في صفقة أكيد .. حتى في الدول الأشد ديمقراطية ..

بالنسبة للإسقاط العربي يا باشا .

أنت قلت أنو في خصوصية لكل دولة عربية .

بحب قللكـ أنو الدول العربية متطابقة بدرجة مدهشة .. من حيث التركيبة الاجتماعية والعقائدية .. و ترويكا الحكم المؤلفة من (زلمة هو الحاكم .. الجيش .. المخابرات) بس الفرق بين الدول العربية هي التبعية للمعسكرات مو أكتر ..

الموسيقار · 04/02/2008

اقتباس:

كاتب النص الأصلي : خيالات واوهام

خلني احكي عن سوريا

1_من هو المعارض ؟ :
اسقاطها العربي .. هو عبارة عن أفراد أو مجموعات او أحزاب .. تطمح للسلطة .. والسلطة فقط .. بكل معنى التسلط .. وغالبا ً وعم قول غالبا ً يكون للمعارضة أهداف شخصية بحتة .. وأبرز شكل للمعارضة في البلاد العربية هو المعارضة الدينية والاسلامية تحديدا ً ... وتكون موجهة بأمير حرب ..

الرد: المعارض هو من يملك اعتراضا على الوضع القائم والطموح للسلطة ليس عيب ولاحظ انو كل رموز اعلان دمشق اللي بالحبس ما فيهون ولا واحد اسلامي. هادا الحكي عم تروجلو السلطة لتخويف العالم من المعارضة. هل ميشيل كيلو أمير حرب ولا عارف دليلة. معظم المعارضين السوريين رجال شرفاء نظيفي الكف لو أرادو بيع مبادئهم لعاشو مرتاحين مادياً ومعنوياً لكن ليست كل الضمائر للبيع.

2_ما هي المقومات الفكرية للمعارضة ؟
الإسقاط العربي .. برنامج ديني اسلامي على الغالب .. بنضوي تحت شعار احقاق الحق وتطبيق الرسالة الإلهية في البلد الموبوء بها .. وإن لم تكن فإنها غاليا ً تتبع لأجندة شخصية ..

الرد: خليني ارجاع احكي عن اعلان دمشق مرة تانية لانو اهم تجمع معارض في سوريا حاليا. اعلان دمشق طرح الانتقال السلمي للديمقراطية وتداول الحكم بشكل ديمقراطي ورفض التدخل الأجنبي ولولا النظام الديكتاتوري لكانو اجتمعوا ووجدوا حل لمعظم المشاكل اللتي تمر بها سوريا. طبعاً ما رح يكونوا مثاليين وما في نظام بالدنية مثالي بس عل الأقل اذا كانت الحكومة سيئة ستسقط عند اقرب انتخابات وهادا هو سر تقدم البلاد الديمقراطية. ولا تقلي ديمقراطية امريكا بالعراق، لا نو في 50 دولة ديمقراطية كلابون عايشين احسن مين عيشتنا بفضل الديمقراطية.

هلأ يمكن موضوع إعلان دمشق هو الي ألهمني أنو أكتب الموضوع بالأساس ..

وهدول الشلة اللي اسما كيلو وسيف .. والترتيبة الباقية .. كان ممكن أنو ما حط عليهن نقاط لولا اللي صار بباريس هي من جهة .. ولولا ارتباطها الوثيق مع عبد الحليم خداام من جهة تانية .

حبيبي ما بعرف ازا سمعت أنو منسق أعمال إعلان دمشق بـ باريس(ما شالله صاروا وكالة عالمية) وهو محامي سوري معو جنسية فرنسية نظم مظاهرة بباريس كان لب المقصود من هي المظاهرة مطالبة الحكومة الفرنسية .. بالضغط على الحكومة السورية .. قال لأنو الوضع الانساني صعب بسوريا .. ولأنو سوريا عم تخلق فوضى بالعراق وبلبنان.... قال وشو سوريا عم تمنع الفلسطينين يعملوا سلام مع اسرائيل . أف .. شو بتشبه أجندة أميركا .. وشو مبرمجة و..أف شو ناقصها سوريا .

إعلان دمشق صديقي .. مع احترامي لرموزها ممولة منيح ..

ولا يخفى ع كتير ناس .. أنو في تلت أعضاء من إعلان دمشق .. مليارديرية .. وفي واحد منهون متورط بقضايا نصب ع تلاتين ألف مواطن سوري ..

والموضوع الاسلامي خطورتو أنو هو أكبر محركـ ... للعوام .. وبشدد ع كلمة عوام .. يمكن بسوريا مو ظاهر لأنو ممسوكـ منيح .. بس ما في حدا بيتعاطى المعارضة بالبلد .. إلا وبيشتغل إما بشكل غير مباشر أو بشكل مباشر على هاد الوتر بالذات .

yass · 04/02/2008

ما بعتقد انو الدول العربية نفس بعض أبدا, و لا حتى المتجاورة منها, يمكن في نقاط تشابه عديدة لكن مو أكثر من نقاط تشابه.. أما أنو الوضع نفسو... فما أعتقد....

كمان بخصوص تعريف المعارضة, يعني ما بعرف.... النصاب اللي حضرتك عم تحكي عنو بقولك:

اقتباس:

أنو المعارضة ما بتكون معارضة لما بتكون قادرة تأمن النصاب لتحجب الثقة عن حكومة .. بيكون في صفقة أكيد .. حتى في الدول الأشد ديمقراطية ..

يعني بدولة ديمقراطية برلمانية فهمت الأمر و في حالات كتيرة تصير و هي جزء من لعبة السياسة. بس مثلا بدولة ديكتاتورية... مافي معارضة عندها امكانية نصاب, و ما عندها طريقة للحصول على هالنصاب (الشعبي) لأنو قنوات الاتصال مع الشعب مقطوعة سلطويا و في جهاز اعلامي كبير شغلتو هو الطعن بهالمعارضة... و حتى لو وصلت لهالنصاب لخلل أمني أو بتأثير ما من نوع أخر... مافي طريقة سلمية لاظهار هالنصاب... يعني انقلاب ان نجح بنفوت غالب الأحيان بديكتاتورية أخرى, و ان فشل يعني حرب أهلية.....

هاد بصدد حكينا عن النصاب... أما عن رأيك بأنو كلامي ما بيتعارض مع كلامك فأنا ماني متفق مع هالشي لأنو برأيي كلامك فيو تعميم.. و مو كل المعارضات نفس بعض و حتى ضمن الصنف الواحد في اختلافات.. و مو كل معارض هدفو السلطة... مو شرط

yass · 04/02/2008

معلوماتك عن اعلان دمشق الصراحة عم تفاجئني يعني... انو ممولة خارجيا؟ من وين؟ مين مراهن عليهون؟

ميشيل كيلو مرتبط مع عبد الحليم خدام؟ بشو؟ ما عبد الحليم خدام سافل ان كان بالحكم و ان كان "مستعرض" ... و الكل بيعرف هالشي, و ما بيحط ايدو بأيد خدام الا الغبي أو اللي متلو سافل أو كلاهما معا... و ميشيل كيلو ما عندو ولا وحدة من هالصفات

بدي اسأل كمان مين "منسق أعمال اعلان دمشق بباريس"

أنو في باعلان دمشق مليارديرية؟ أي في واحد ما بعرف اذا ملياردير بس مليونير أكيد... اسمو رياض سيف, و مشان كون صريح معك ما بعرف اذا مالو نظيف أو لأ... بس انو لما كان عضو مجلس شعب كان الو كذا سنة مليونير... ليش ما حدا تذكر انو نصّاب أو حرامي؟ و يا ترى نص مسؤولين البلد ان لم نقل أكثر أنظف منو؟

بعرف انو اعلان دمشق ارتكبو أخطاء و خطابهون شوي ضايع و ممكن حتى أفكارهون ضبابية... بس ممولين خارجيا؟؟ لأ ما بعتقد, بالأحرى ما بصدّق... أرفض التخوين, و التخوين اسلوب رخيص جدا... لو واحد ميت من جوعو وقال كلمة معارضة للنظام راح يعملوه خاين... هاي سنة الحياة بالبلد

الموسيقار · 04/02/2008

اقتباس:

كاتب النص الأصلي : yass

معلوماتك عن اعلان دمشق الصراحة عم تفاجئني يعني... انو ممولة خارجيا؟ من وين؟ مين مراهن عليهون؟

ميشيل كيلو مرتبط مع عبد الحليم خدام؟ بشو؟ ما عبد الحليم خدام سافل ان كان بالحكم و ان كان "مستعرض" ... و الكل بيعرف هالشي, و ما بيحط ايدو بأيد خدام الا الغبي أو اللي متلو سافل أو كلاهما معا... و ميشيل كيلو ما عندو ولا وحدة من هالصفات

بدي اسأل كمان مين "منسق أعمال اعلان دمشق بباريس"

أنو في باعلان دمشق مليارديرية؟ أي في واحد ما بعرف اذا ملياردير بس مليونير أكيد... اسمو رياض سيف, و مشان كون صريح معك ما بعرف اذا مالو نظيف أو لأ... بس انو لما كان عضو مجلس شعب كان الو كذا سنة مليونير... ليش ما حدا تذكر انو نصّاب أو حرامي؟ و يا ترى نص مسؤولين البلد ان لم نقل أكثر أنظف منو؟

بعرف انو اعلان دمشق ارتكبو أخطاء و خطابهون شوي ضايع و ممكن حتى أفكارهون ضبابية... بس ممولين خارجيا؟؟ لأ ما بعتقد, بالأحرى ما بصدّق... أرفض التخوين, و التخوين اسلوب رخيص جدا... لو واحد ميت من جوعو وقال كلمة معارضة للنظام راح يعملوه خاين... هاي سنة الحياة بالبلد

هلأ أنا كتير بندهش لما بيصير الحكي عن الديمقراطية .. كأنو مرهم بتجيبو من الصيدلية بيشفي قلب العليل وبيكتر القليل ..

صديقي ترتيبة الوصول للحكم بأي دولة معروفة .. دفع مصاري بالهبل لحملات انتخابية بتطبل وبتزمر للمرشح لأي منصب........
بينجح الأخ وماعاد حدا يشوف من برنامجو جراب بليرتين .. حاشا السامعين

يعني الديمقراطية لعبة .. ومكلفة .. وكاذبة ونهايتها هي السلطة لأصحاب النفوذ والمدعومين برؤوس أموال ..

فيكـ تقللي عن مرشح بأي دولة كبرى .. ما كلفت حملتو الانتخابية ملايين ؟

بوش اللي هو بوش .. طلع بالمصاري .. ساركوزي . نفس الحكي بالزبط .. لكـ حتى ميركل ما بتملكـ شي غير شركة براون الألمانية .. اللي بتصدر أجهزة كهربائية لكل دول العالم ..

وبالنسبة لموضوع ممولين .. انا ما قلت أنو ممولين خارجيا ً .. رغم أني ما بستغرب هالشي

انا قصدي عالقاعدة المالية الضخمة اللي عند تلاتة منهن .. يعني ممولين ذاتيا ً بقوة .. وماسعنا لولا واحد منهون .. بأي مشروع استثماري بالبلد .. علما ً أنو كتير بيحبو البلد .. عين الله حولهن .

وانت ذكرت رياض سيف ورح نضل ع رياض سيف اللي وصل لمجلس الشعب متلو متل غيرو من الأعضاء (المستقلين)اللي وصلوا بالمصاري . وهو ملياردير بحب قللكـ .. وما عندو أي استثمار بسوريا لبشركـ أكتر .. والشغلات اللي اشتغل فيها بالبلد خرب بيوت عالم كتير .. و وصل الناس للسجن .

والفساد .. موجود .. خلاه يغطي تاريخه العريق بالنصب .. وبالجمعيات السكنية الوهمية .. واللي هي أنا على احتكاك مباشر فيها .. لأنو أكتر من شخص قريب مني كان ضحية .. لجمعية سكنية راحت باي باي وتزبطت مع مجلس مدينة دمشق ع أنو تصير عملية نصب مجهولة المصدر .. !!

ما بدي نحكي برومنسية كتير عن الديمقراطية .. وعن امكانية وجود معارضة .. ببلد أو بلدان ما فيها ولا أي قاعدة فكرية ..

غلط نقعد بالجاكوزي .. ونحكي عن (الديموكراسي)..
نزيل وشوف البشر ..اللي أكتر من 96 % ما عنهن شهادة فوق البكلورية ..

و بيعبدوا الشيخ الللي بيوقف يخطب خطبة الجمعة ..

حبيب ...

أفلاطون نفسو قال لا يمكن لأي شعب أن يحكم نفسه بنفسه إلا في قرية لا يتجاوز تعدادها الألف نسمة ..

يعني بس صاروا ألف وواحد .. ح تبلش بروباغاندا النفوذ والمصاري ..

yass · 04/02/2008

معليش بس رياض سيف "لمعلوماتك" هو وكيل شركة 400 للألبسة من أكتر من عشرين سنة...

و كلامك عن التمويل بالديمقراطية الغربية مو صحيح... يعني معليش بس تمويل الأحزاب بأوربا من الدولة حصرا و ما فيهون يقبلو فرنك واحد من حدا و لا انو حملتهون تكون على حساب حدا و لا حتى على حسابهون الشخصي... التمويل حكومي و بكشوف مفتوحة.. بأميركا الوضع غير, فيهون يقبلو تبرعات و يصرفو على حالهون

و بأوربا لما تعمل حملة انتخابية بوعود و ما تنفذها.. ما بتطلع بعد أربع سنين.. هيك بكل بساطة. يعني تنفيذ وعودك هو بداية حملتك الانتخابية التالية

و كلامك الثاني عن الديمقراطية بأنو كذبة و ما الى ذلك........ يعني شو بدي أحكي.. ماني معو, فكر شو ما بدك, ما خصني....

و كمان عن القاعدة الفكرية اللازمة لوجود الديمقراطية.. مين بيقرر وجودها و عدمو؟ مين قرر انو نحنا متخلفين و ما خرجنا يعني؟؟ ليش شو ناقصنا؟ عندنا علل؟ أي عنا و كتير منها محصلة "الواقع الذي نعيشه" الاقتصادي والاجتماعي و السياسي... بس ما بقبلها ع حالي انو حدا يقللي أنا حاكمك بالقندرة لأنك ما خرج تنحكم بغير طريقة..ما بقبلها, اهانة الي كانسان قبل كل شي. يعني ما بتزبط عندي انو اللي حاكمني بالقندرة لأنو هيك قدّر التاريخ علي لسا فوقها محمّلني منّية....

متل ما حكيتلك كلامي ليس دفاعا عن اعلان دمشق.. اساسا لما بحكي عن معارضة بحكي عن ناس متلي و متل غيري... مفلسة و مديونة و ما عندها لا مليارات ولا طل الخبر... بس عندها حلم... انو البلد يصير للكل و نعيش بحرية و ننتخب و نتهنّى بخيارنا كأفراد أصحاب سيادة... يعني ما بعرف... جريمة شي هالحكي؟ اذا مو جريمة ليش السجون السياسية معبية؟ ليش مافي حرية رأي؟ ليش مواقع الانترنت محجوبة؟ و ليش وليش وليش.... الخ

ما بقبل كون غنمة... و ما بقبل حدا يجرّم اني ما بقبل كون غنمة.. أنا معارض لنظام حكم بلدي.. و بدي هالنظام يتصلّح.. بدي نقطة انعطاف تصير و ينتهي كل شي سلبي بالبلد و ينتهي كل حرامي ان كان اسمو رياض سيف و ان كان اسمو ميرو أو خدام أو أو أو .... الخيارات كتيرة.. يا ترى أنا مجرم لأنو فكري هيك؟ ليش معناتو ما بقدر قول هالحكي بدون ما يكون في دورية شاحطتني؟ ليش؟

بعدين عندي هيك فضول اعرف تصنيف المعارضة عند السلطة و مواليها... يعني كلو خاين بسعر بعضو وللا كيف؟ لكل واحد سعر شكل؟ كل واحد معارض هو مشروع مسؤول فاسد فاشل مثلا؟

و كختام بصراحة قول افلاطون اللي ذكرتو أول مرة بسمع فيه

المحارب العتيق · 04/02/2008

الحقيقة كنت حابب ناقش بس متل ماتوقعت الموضوع للتخوين ومو للنقاش

المحارب العتيق · 04/02/2008

بستغرب كيف عشرين مليون سوري بالوطن
وعشر ملايين بالمغترب ولا واحد فيهم معارض وطني
لعمى كيف هي

الموسيقار · 04/02/2008

اقتباس:

كاتب النص الأصلي : yass

معليش بس رياض سيف "لمعلوماتك" هو وكيل شركة 400 للألبسة من أكتر من عشرين سنة...

و كلامك عن التمويل بالديمقراطية الغربية مو صحيح... يعني معليش بس تمويل الأحزاب بأوربا من الدولة حصرا و ما فيهون يقبلو فرنك واحد من حدا و لا انو حملتهون تكون على حساب حدا و لا حتى على حسابهون الشخصي... التمويل حكومي و بكشوف مفتوحة.. بأميركا الوضع غير, فيهون يقبلو تبرعات و يصرفو على حالهون

و بأوربا لما تعمل حملة انتخابية بوعود و ما تنفذها.. ما بتطلع بعد أربع سنين.. هيك بكل بساطة. يعني تنفيذ وعودك هو بداية حملتك الانتخابية التالية

و كلامك الثاني عن الديمقراطية بأنو كذبة و ما الى ذلك........ يعني شو بدي أحكي.. ماني معو, فكر شو ما بدك, ما خصني....

و كمان عن القاعدة الفكرية اللازمة لوجود الديمقراطية.. مين بيقرر وجودها و عدمو؟ مين قرر انو نحنا متخلفين و ما خرجنا يعني؟؟ ليش شو ناقصنا؟ عندنا علل؟ أي عنا و كتير منها محصلة "الواقع الذي نعيشه" الاقتصادي والاجتماعي و السياسي... بس ما بقبلها ع حالي انو حدا يقللي أنا حاكمك بالقندرة لأنك ما خرج تنحكم بغير طريقة..ما بقبلها, اهانة الي كانسان قبل كل شي. يعني ما بتزبط عندي انو اللي حاكمني بالقندرة لأنو هيك قدّر التاريخ علي لسا فوقها محمّلني منّية....

متل ما حكيتلك كلامي ليس دفاعا عن اعلان دمشق.. اساسا لما بحكي عن معارضة بحكي عن ناس متلي و متل غيري... مفلسة و مديونة و ما عندها لا مليارات ولا طل الخبر... بس عندها حلم... انو البلد يصير للكل و نعيش بحرية و ننتخب و نتهنّى بخيارنا كأفراد أصحاب سيادة... يعني ما بعرف... جريمة شي هالحكي؟ اذا مو جريمة ليش السجون السياسية معبية؟ ليش مافي حرية رأي؟ ليش مواقع الانترنت محجوبة؟ و ليش وليش وليش.... الخ

ما بقبل كون غنمة... و ما بقبل حدا يجرّم اني ما بقبل كون غنمة.. أنا معارض لنظام حكم بلدي.. و بدي هالنظام يتصلّح.. بدي نقطة انعطاف تصير و ينتهي كل شي سلبي بالبلد و ينتهي كل حرامي ان كان اسمو رياض سيف و ان كان اسمو ميرو أو خدام أو أو أو .... الخيارات كتيرة.. يا ترى أنا مجرم لأنو فكري هيك؟ ليش معناتو ما بقدر قول هالحكي بدون ما يكون في دورية شاحطتني؟ ليش؟

بعدين عندي هيك فضول اعرف تصنيف المعارضة عند السلطة و مواليها... يعني كلو خاين بسعر بعضو وللا كيف؟ لكل واحد سعر شكل؟ كل واحد معارض هو مشروع مسؤول فاسد فاشل مثلا؟

و كختام بصراحة قول افلاطون اللي ذكرتو أول مرة بسمع فيه

هلأ أمانيكـ مشتركة عندي وعندكـ .. بس صدقني مو هيكـ صاروا الناس اللي صارو ديمقراطيين ..

مين هنن المعارضة .. ومين بيمثلوا ؟ وشو خرج يصلحوا ؟

ليش ما منناصر أو منناهض فكرة لفعاليتا ؟

ليش ما تكون فعالية الفكرة هي السبب لندافع عنها .. أو نعاديها ؟

أوروبا لما بلشت تقواا قويت بالمعارضة ؟؟
أكيد غلط ..

المجتمع قاعدة كبيرة .. هي اللي بتقرر شو بدها .. والعشب القوي بيفرز سلطة ملاحقة ..

غلط نحكي عن الديمقراطية للشعب العربي .

لانو كل التجارب أثبتت أنو مو على قياس العرب هالقصة .. والشغلة ح تخلص بمدابح ..

شعبنا مسير بالدين .. و تعاليم المشايخ عدا عن هيكـ.. ماحدا سائل عالبلد .. مخاخ مسكرة .. بح .

الله يخليكون خيو قاعدين بأميركا و بمدري وين لا تجوا تنظروا ع ربنا .. الشعب بيكفر هون .. بيكففففر ..

الله ما خرج يحكمو ويصلحو .. الفساد بيرضعوه رضاعة .. ما حدا خرج يغيرو .

بعدين شو مشان رياض سيف اللي دبقتللي ربو .. عندو قمصان أربعمية .. بعرف .. بس هي الوحيدة اللي هون بالبلد ..

طبعا ً غير الجمعيات السكنية اللي حكينا فيها .

شو رح يصير ازا انفتح المجال للـ (حريات) ؟ الاسلااميين رح يلعنوا دين البلد زائد أنو رح يبلش بقا كل واحد يلف عشيرته وطايفته حواليه .. ويعمل سياسي ..

حبيبي بعدين ازا أنت ... وشي ميتين ألف واحد بسوريا (الرقم متفائل ها) بيعرفو أنو الانترنت شي حضاري .. ومو لمواقع السيكس والتشات .. فااا البقية ما بيعرفوا غير هالشغلتين ..

اقراا وفسر بعقلكـ وناقش .. بس اقرا منيح .. شيللي هالجاكوزي ع طرف .

الموسيقار · 04/02/2008

اقتباس:

كاتب النص الأصلي : المحارب العتيق

بستغرب كيف عشرين مليون سوري بالوطن
وعشر ملايين بالمغترب ولا واحد فيهم معارض وطني
لعمى كيف هي

وين حكيت هيكـ ؟ ؟

بكره هالطريقة بالنقاش ولو ..

عم نحكي عالحالة العامة .

yass · 04/02/2008

في حكي كتير بردك عبارة عن رأيك بتطور الشعوب و هالأمر مالي علاقة فيه... كل واحد بيفكر بالطريقة اللي يريدها.ماني مع الكلام طبعا....

و انو الشعب شلة مخاخ مقفلة و فاسدة و الحمد لله عنا هالناس حاكمينو بالكرباج كمان ما راح رد عليه.... ما بدي

و مشان الانترنت.... انو مين حطهون رقيب فكري على شو لازم يشوفو الناس و شو لأ.... و من المفارقات انو مواقع السكس و التشات مو هي المحجوبة... غيرها, و هالموقع مثال.... أخوية محجوبة

أما بخصوص قولك

اقتباس:

الله يخليكون خيو قاعدين بأميركا و بمدري وين لا تجوا تنظروا ع ربنا

.... أنو أول شي ما بعتقد انو شي مهم وين عايش اللي عم يحكي معك, و معليش يعني اذا الفكرة أو الحكي اللي ما بيناسبك بتسميه تنظير على ربك معناتو لا تفتح نقاش بمنتدى حواري ممكن يفوتو عليه ناس من هدول اللي بينظرو... على كل هون راح نحط نجمة *

و كمان بما يخص قولك

اقتباس:

بعدين شو مشان رياض سيف اللي دبقتللي ربو .. عندو قمصان أربعمية .. بعرف .. بس هي الوحيدة اللي هون بالبلد

.. فمعليش بدي خالفك بالكلام.... أنا ما دبقت رب رياض سيف. أنت حكيت عن المعارضين الاغنياء و أنا قلت انو بعرف رياض سيف غني... و رجعت انت حكيت عنو و قلت انو ما عندو ولا مشروع استثماري و أنا قلت انو لأ عندو وكالة 400 للألبسة من 20 سنة و رجعت بنفس الرد قلتت

اقتباس:

"متل ما حكيتلك كلامي ليس دفاعا عن اعلان دمشق.. اساسا لما بحكي عن معارضة بحكي عن ناس متلي و متل غيري... مفلسة و مديونة و ما عندها لا مليارات ولا طل الخبر.."

يعني عم أركّز انو كلامي عن أفراد... أشخاص عاديين. ما عم احكي عن رياض سيف.. و ذاتا رجعت كمان حكيت ان"

اقتباس:

بدي نقطة انعطاف تصير و ينتهي كل شي سلبي بالبلد و ينتهي كل حرامي ان كان اسمو رياض سيف و ان كان اسمو ميرو أو خدام أو أو أو .... الخيارات كتيرة."

يعني أعتقد واضح انو ما عم رافع عن رياض سيف.. كمان منشان كلمة "دبقتللي ربو" راح نحط هون *

و بخصوص كلامك الأخير

اقتباس:

"اقراا وفسر بعقلكـ وناقش .. بس اقرا منيح .. شيللي هالجاكوزي ع طرف ."

فهون نحط النجمة الثالثة و نفتح سطر جديد عن النجمات:

يا سيد موسيقار, على اعتبار, لحسن الحظ أو لسوءه, ما بنعرف بعض بنوب لا عالنت ولا عالواقع... يعني مافي موانة ولا رفع كلفة بيناتنا, و على اعتبار أعتقد انو كلمتك حتى هذا الرد بمنتهى الأدب و الاحترام و رديت بكل لحظة من اللحظات على أفكار و ما تطرقت لشخصك و لا وجهتلك كلام شخصي فأنا اعتقد انو هالطريقة بالكلام مانها مناسبة معي و ما برضى ينحكى معي بهالطريقة, و ما بيهمني اذا هاد أسلوبك المعتاد بالحكي في حال كان هاد السبب... أنا ما حكيت معك بشكر "استخفافي" أو مهين.... فما برضى حدا يحكي معي هيك... مين من كان و لأي سبب كان

من ناحيتي النقاش انتهى هون. ما بيهمني اناقش حدا يعتبر كلامي "تنظير على ربو" ولا عندي أدنى استعداد احاور حدا ما عندو قدرة يحافظ يحافظ على سوية احترام معي ... يعني فيك ما ترد علي....

طاب مساءك, أو صباحك ..... حسب توقيت قراءتك للرد

تحية

الموسيقار · 04/02/2008

اقتباس:

كاتب النص الأصلي : yass

في حكي كتير بردك عبارة عن رأيك بتطور الشعوب و هالأمر مالي علاقة فيه... كل واحد بيفكر بالطريقة اللي يريدها.ماني مع الكلام طبعا....

و انو الشعب شلة مخاخ مقفلة و فاسدة و الحمد لله عنا هالناس حاكمينو بالكرباج كمان ما راح رد عليه.... ما بدي

و مشان الانترنت.... انو مين حطهون رقيب فكري على شو لازم يشوفو الناس و شو لأ.... و من المفارقات انو مواقع السكس و التشات مو هي المحجوبة... غيرها, و هالموقع مثال.... أخوية محجوبة

أما بخصوص قولك

.... أنو أول شي ما بعتقد انو شي مهم وين عايش اللي عم يحكي معك, و معليش يعني اذا الفكرة أو الحكي اللي ما بيناسبك بتسميه تنظير على ربك معناتو لا تفتح نقاش بمنتدى حواري ممكن يفوتو عليه ناس من هدول اللي بينظرو... على كل هون راح نحط نجمة *

و كمان بما يخص قولك

.. فمعليش بدي خالفك بالكلام.... أنا ما دبقت رب رياض سيف. أنت حكيت عن المعارضين الاغنياء و أنا قلت انو بعرف رياض سيف غني... و رجعت انت حكيت عنو و قلت انو ما عندو ولا مشروع استثماري و أنا قلت انو لأ عندو وكالة 400 للألبسة من 20 سنة و رجعت بنفس الرد قلتت

يعني عم أركّز انو كلامي عن أفراد... أشخاص عاديين. ما عم احكي عن رياض سيف.. و ذاتا رجعت كمان حكيت ان"

يعني أعتقد واضح انو ما عم رافع عن رياض سيف.. كمان منشان كلمة "دبقتللي ربو" راح نحط هون *

و بخصوص كلامك الأخير

فهون نحط النجمة الثالثة و نفتح سطر جديد عن النجمات:

يا سيد موسيقار, على اعتبار, لحسن الحظ أو لسوءه, ما بنعرف بعض بنوب لا عالنت ولا عالواقع... يعني مافي موانة ولا رفع كلفة بيناتنا, و على اعتبار أعتقد انو كلمتك حتى هذا الرد بمنتهى الأدب و الاحترام و رديت بكل لحظة من اللحظات على أفكار و ما تطرقت لشخصك و لا وجهتلك كلام شخصي فأنا اعتقد انو هالطريقة بالكلام مانها مناسبة معي و ما برضى ينحكى معي بهالطريقة, و ما بيهمني اذا هاد أسلوبك المعتاد بالحكي في حال كان هاد السبب... أنا ما حكيت معك بشكر "استخفافي" أو مهين.... فما برضى حدا يحكي معي هيك... مين من كان و لأي سبب كان

من ناحيتي النقاش انتهى هون. ما بيهمني اناقش حدا يعتبر كلامي "تنظير على ربو" ولا عندي أدنى استعداد احاور حدا ما عندو قدرة يحافظ يحافظ على سوية احترام معي ... يعني فيك ما ترد علي....

طاب مساءك, أو صباحك ..... حسب توقيت قراءتك للرد

تحية

حبيبي مو القصة هيكـ ... أنا معلش بيجووز حطيت كلام بغير مطرحو وهاد الشي ما اشتغل معي صح لتوصل الفكرة ..

أنا اسلوبي هيكـ وبعتزر ازا لقيت فيه شي يجرح ..

الاحترام شغلة بطالب فيها قبل غيري هون ..

بس مالكـ شايف معي .. انو في كتير .. كلام ما خرج يتطبق .. من اللي عم تطرحو ؟.

بتمنى ما تنفعل .. متل ما أنا انفعلت .. وتبلش تحط نجوم .

لأنو غلط ما بظن غلطت بحقكـ .

هي شغلة ........شغلة تانية ..

شغلة كتير واضخحة أنو المخ الشعبي ما خرج يتقبل يكون ديمقراطي لا شكلا ً ولا مضمونا ً والحكي من فوق ما بيحل المشكلة .. لأنو الحامل الرئيسي للديمقراطية هو الوعي العام ..

وهاد الوعي العام تحت الصفر ..

بتمنى ما كتير تاخد الأمور شخصية ..

وما تكون صورة حافظ الأسد ع بروفايلي حاجز بين فكرتي وفكرتكـ ..

لأنكـ لما بتاخد موقف مسبق من شي بيصير صعب تتعامل معو بحيادية

الموسيقار · 04/02/2008

أنا بسحب موضوعي .

لأسباب كتير . ما بدي أزكر شي .

ما عد ناقش..

لأنو كل مر بقول أنو بدي بق هالبحصة بس عبث ..

ع راسي الايكليب كلو .. تهنوا بمنبركم .

ayhamm26 · 04/02/2008

اقتباس:

كاتب النص الأصلي : الموسيقار

يعني الديمقراطية لعبة .. ومكلفة .. وكاذبة ونهايتها هي السلطة لأصحاب النفوذ والمدعومين برؤوس أموال ..

فيكـ تقللي عن مرشح بأي دولة كبرى .. ما كلفت حملتو الانتخابية ملايين ؟

فيك تقلي يا رفيق المرشح الوحيد تبعكن باستفتاء المهزلة منين جاب الملايين اللي انصرفت على الدبكة والمهازل الشعبية اللي صارت بالاستفتاء والاستفتاءات اللي قبلو ؟؟؟ على الاقل بالدول الغربية المرشح مجبر يعلن عن مصادر تمويلو واذا شكوا انو التمويل غير شرعي يعني مثلا رئيس مستخدم طيارتو اللي عم يدفعلو الشعب تمنها بالحملة الانتخابية لحزبو بتكون فضيحة كافية لاسقاطو

وعلى الاقل بالديمقراطية للانسان قيمة وهو محترم مو مدعوس على راسو وكل شي بصيرفيها وفقا للقوانين مو لاهواء الحاكم

وهالاسطوانة والله ملينا منها وصارت مكشوفة انو نحني شعب ما خرجوا الديمقراطية واحسنلنا نبقى متل ما نحني لا سيدي اذا انت معتبر نفسك اقل من باقي البشر وما بتستاهل الحرية اصطفل بكرا لما بشار الاسد بيهرب لبرا الحقوا وخلي يحكمك لاخر حياتك اما باقي الشعب فهو مو اقل من شعوب تانية حصلت على حريتها ورح تجي هالحرية قريبا انشاء الله

**BL@CK** · 04/02/2008

اقتباس:

كاتب النص الأصلي : ayhamm26

فيك تقلي يا رفيق المرشح الوحيد تبعكن باستفتاء المهزلة منين جاب الملايين اللي انصرفت على الدبكة والمهازل الشعبية اللي صارت بالاستفتاء والاستفتاءات اللي قبلو ؟؟؟ على الاقل بالدول الغربية المرشح مجبر يعلن عن مصادر تمويلو واذا شكوا انو التمويل غير شرعي يعني مثلا رئيس مستخدم طيارتو اللي عم يدفعلو الشعب تمنها بالحملة الانتخابية لحزبو بتكون فضيحة كافية لاسقاطو

رجاءا ً ,

الحملة الإنتخابيّة اندفع مصاريفها من التعويض العائلي ,

رح تسألني كيف أنا بشرحلك بشواربي

الأب القائد " بشار الاسد " بيطلعلو كل شخص تعويض عائلي مو كلنا أبنائوه .

و حسوب تعويض عائلي لهالعشرين مليون بني آدم ..