يوميات معلاق حلبي ... الحلقة الأولى .

[sandra]

كاتب النص الأصلي : tiger

اي اكيد بدو هيك يرد عليكي
يعني كيف بدي اشرحلك الـ ( ازلة ) ..... ممممممممم ....

يا ستي كلمة ( ازلة ) بتكون بالترتيب تبع الوسخنة شوي اوطى من ( المعلاق المطجن ), اعلى مقاما من( الحوتري ) , موازي لمصطلحات : وخمة , طاروق , منشح , جنترحفا .....

أهااااا مشان هيك ما عرفتا
لأن ما بعرف هيك مصطلحات أنا
بس خلص تمت إضافتها بنجاح لقاموسي الحلبي

[روعة1]

يوب دخيل عينك .. حلقة رأم ستة..
مي حلوة هيك قيطعنا كل هل المدة..

[Government]

كاتب النص الأصلي : sandra

لا ما عرفت
قولولي بليز .... من شوي سألت رفيق حلبي الي عن معنى هالكلمة قال لا تكبري الحكي معي

يعني هيك بتشبه كلمة حشكل .. جاي من فروع كلمة حشكل

[LiOnHeArT.3LA2]

اانو يوب موسيكار

ابوس شنئات وشك شنئ شنئ

وين كان غايب هادا الموضوع عن بالي يوب


بعرضي عم بقراه .. مبستما ..

بس قلكون شغلة

خدو سمعو هي .. مشان تفوتو بالجو

هوي صحي محروس الشغري شامي ..

بس كلو بينفد على كلو

ولما تسمعو .. ابقا سبو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[الموسيقار]

الحلقة رأم .. ما بعرف شأد ..


كان تطور مدينة حلب المتسارع .. وافتتاح المقاهي الجديدة بما يعرف بـ سوليدير حلب ( العزيزية )

حيث يقبع هناكـ أكبر تجمع للكافييات بحلب .. stretto .. monroe .. in-out .. T-square...Oriento وآخرون ..

هناكـ تقليد .. لا يزال مستمرا ً ,, رغم هازا التطور .. وهو ؟؟
مبدأ العائلات .. والشباب ..

حيث ما في ابن مرا بيسترجي يقعد بأحد هالمحلات .. وما تكون معو .. (عائلته) ..

وهون .. كان المناخ المسالي .. لزكور قضيماتي .. والشلة الطيبة أنو يحاولوا .. يتصيدوا محل يقعدوا فيه ..

أجا ..


زكور قصيماتي .. وصاحبو بكري العفش .. وجيابون منفوخة .. ببزر الشمس .. وليبسين شحيحيط من ماركة (الصقر) ,,, هي ماركة الشحاطات الرايجة في شانزيليزيه باب النيرب . واقفين قدام (قهوة) الـ stretto .. و عيونون بيظظظة عالشقف(البنات) القيعدة .. فالمحل ..


المهم بيجي زكور قضيماتي .. بيفحص بريسطيجو .. و بيلمس ع شعرو ليشوف ازا الجيل مقرمد مظبوط ولا لأ ..

وبيتطلع ع كلابيتو ... أف .. شغلة . المهم بيطالع النوبايل من جيبتو .. وبيشيل الموبايل .. وباكيت الـ fisher ومفاتيح السوزروكي بأيد وحدة .. منشان أنو العالم يشوفوه أبن نعمة ..

وبيقللو لبكري العفش .. (شوف شلون بدنا نقعد جمب طاولة الشقف اللي هونيكـ ).

بيشيل حالو .. وبيفوت لجوا .. طبعا ً العالم بينصطلوا أنو .. أوف .. أشفي ؟

ومن صطلة العالم .. هو بيحسب أنو متشووصين بشعراتو الملظقين ببعض .. بضراوة .. وبيقول في بالو ..

(أبوسي ربكـ يا حدّو.. متل ما نصحطني بجيل هامول الأصفر ... لعمش شلون النسوان كلبانة علي ّ) ..

هون.. بيقطعلو الكرسون سلسلة أفكارو .. ( أسفين استاز الطاولات مخصصة للعائلات ) ..

هون بينبسط زكور ع كلمة .. أستاز .. لأنو من زمان .. ما سرخولو .. فيا .. من أيام الجيش يعني .

المهم بيقللو .. (أي أنا وأبو ئدّور //قصدو ع بكري العفش// عيلة وحدة .. عزكان مالكـ مسدئ بورجيكـ الهوية ترا ها !! )

الكرسون بيقلو .. ( لا عائلات استاز يعني شباب وبنات .. زكور وإناث يعني ) ..

هون بيعصب زكور .. وبيفز عندو عرئ الجحش .( أش بدكـ أجيب مرتي .. لتصير ملطشة للراي والجاي ؟؟ أش ما عندي ناموس .؟؟ ) ..

بيرجع بيفكر شوي .. (خيو مسيكـ هي خمسا عشرين ورأة.. بعرف كتير بس خلص دبرنا ) .. خربا .


المهم .. بعد شد وجزب .. كان زكور .. و بكري العفش ع المحلق ..قيعدين ع بسبوا صحاب الكافتريات أنهن قليلين ناموس وشرف ..وهنن اللي نيتن شريفة .









ببساطة ..

كتير مبررة شغلة فصل الجنسين .. في كافتريات موحافظة حلب .



دمتم .

[روعة1]

زكور قصيماتي .. وصاحبو بكري العفش .. وجيابون منفوخة .. ببزر الشمس .. وليبسين شحيحيط من ماركة (الصقر) ,,, هي ماركة الشحاطات الرايجة في شانزيليزيه باب النيرب . واقفين قدام (قهوة) الـ stretto .. و عيونون بيظظظة عالشقف(البنات) القيعدة .. فالمحل ..

ههههههههههههههههه لك والله و انا عم بقرأ عم بتخيل منظرون للتنين و هنن لابسين هيك لبس و اعدين عم يبحلئوا ع البنات..
لك اروح شنق ع زكور قصيماتي انا.. يعني مبين انو هو جميل جدا بس مافي شي عم يظهر جمالو كما يجب .. خصوصي الجيل يعني اكيد مضروب و نوعية سيئة

[بنوتة حلب]

بيشيل حالو .. وبيفوت لجوا .. طبعا ً العالم بينصطلوا أنو .. أوف .. أشفي ؟

ومن صطلة العالم .. هو بيحسب أنو متشووصين بشعراتو الملظقين ببعض .. بضراوة .. وبيقول في بالو ..

(أبوسي ربكـ يا حدّو.. متل ما نصحطني بجيل هامول الأصفر ... لعمش شلون النسوان كلبانة علي ّ) ..

هههههههههههههههه هي نهفة شلون النسوان كلبانة علي
يسلمووو وناطرين الحلقة الي بعد مابعرف شقد هههههه

وعاسيرة لحقلنا
ههههه اي لحقلنا