مصطفى ميرو في ذمتنا

[gabo]

مصطفى ميرو هذا الشخص الصنديد البطل الذي أكل من لحوم أكتاف شعبنا وعاش على رؤوس شعبنا السوري لكن الحق لا يخفى بس وقت خلص نهب من الشعب إجا بدو يهرب لبرا عن طريق تركيا بس الشبيحة لقطوا على الطريق قبل ما يوصل بعد أن باع كل أملاكه بسوريا وهربان بالمصاري
معو مصاري بقيمة مليار وتسعمية وخمسين دولار أي تقريبا مليارين دولار يعني مليارين دولار اضربوهن بخمسين عل سوري وقسموهن على 18000000 نسمة (الشعب السوري ) بيطلع نصيب الفرد الواحد 5 مليون سوري
ولله في خلقه شؤون

[MR.SAMO]

هدول رجال حزبنا العظيم
حزب البعص

[sefo]

كاتب النص الأصلي : samolb

هدول رجال حزبنا العظيم
حزب البعص

ههههههههههههههههههههههههه هه

[sezar]

ممكن لينك يؤكد صحة الخبر

[MR.SAMO]

كاتب النص الأصلي : sezar

ممكن لينك يؤكد صحة الخبر

ايه خيي سيزار الخبر صحيح وكان بدو ينشق ويلحق خدام
بس الشبيحة وقفوه

[Daiski]

ايه يلا
خير ما عملو

[MR.SAMO]

كاتب النص الأصلي : Khaldi

ايه يلا
خير ما عملو

ايه خليه يروح بركة بنرتاح من هالشلة
القديمة كلها اللي حاجبة نور الشمس عن شعبنا

[sezar]

بس دورت بمواقع الأخبار ما لقيت شي

بس مشكورين عل خبرية



لك خمسة مليون هي من حرامي واحد كيف لو يطلع لكل مواطن خمسة مليون من كل حرمية بالبلد

[MR.SAMO]

كاتب النص الأصلي : sezar

بس دورت بمواقع الأخبار ما لقيت شي

بس مشكورين عل خبرية



لك خمسة مليون هي من حرامي واحد كيف لو يطلع لكل مواطن خمسة مليون من كل حرمية بالبلد

لو دولتنا بتصدر الحراميي اللي عندها
صدقني كنا صرنا اغنى دولة بالعالم
لووووو

[blade]

كاتب النص الأصلي : sezar

ممكن لينك يؤكد صحة الخبر

النهار 25/1/2006
اكد مصدر مطلع ان هناك قائمة بأسماء مسؤولين سوريين ممنوعين من السفر، على خلفية التحقيق معهم في قضايا فساد.

وقال لـ\"النهار\" ان مكتب الامن القومي في حزب البعث، وهو اعلى سلطة حزبية وامنية في سوريا، \"يتابع العمل في قضايا ذات علاقة بالفساد، وهناك اسماء لمسؤولين سوريين على قائمة الممنوعين من مغادرة القطر الى حين إنتهاء مساءلتهم\".

وكانت تقارير افادت في وقت سابق ان رئيس الوزراء السوري السابق مصطفى ميرو وافراد عائلته من الممنوعين من السفر، وانه حاول ذلك اخيرا من مطار دمشق الدولي، لكن سلطات المطار منعته. غير ان تقارير اخرى نقلت عن ميرو نفيه هذا الامر.

ومن الاسماء التي قال المصدر انها ستوضع على القائمة، محافظ سابق لدمشق كان مسؤولا عن ملف ترميم الجامع الاموي ومشروع ترميم دمشق القديمة. \"هذا المحافظ استدعته سابقا اللجنة المركزية للرقابة والتفتيش اكثر من مرة على خلفية قضايا تتعلق بالفساد، لكن ملفه طوي بسبب تدخلات من جهات معينة\".

ولا يزال جزء من الشارع السوري يتساءل ما اذا كانت السلطات السورية تنوي فعلا وتملك القدرة على محاربة الفساد بشكل جدي وحازم، على رغم تأكيدات من المسؤولين للمضي في هذا الطريق.

[MR.SAMO]

كاتب النص الأصلي : blade

النهار 25/1/2006
اكد مصدر مطلع ان هناك قائمة بأسماء مسؤولين سوريين ممنوعين من السفر، على خلفية التحقيق معهم في قضايا فساد.

وقال لـ\"النهار\" ان مكتب الامن القومي في حزب البعث، وهو اعلى سلطة حزبية وامنية في سوريا، \"يتابع العمل في قضايا ذات علاقة بالفساد، وهناك اسماء لمسؤولين سوريين على قائمة الممنوعين من مغادرة القطر الى حين إنتهاء مساءلتهم\".

وكانت تقارير افادت في وقت سابق ان رئيس الوزراء السوري السابق مصطفى ميرو وافراد عائلته من الممنوعين من السفر، وانه حاول ذلك اخيرا من مطار دمشق الدولي، لكن سلطات المطار منعته. غير ان تقارير اخرى نقلت عن ميرو نفيه هذا الامر.

ومن الاسماء التي قال المصدر انها ستوضع على القائمة، محافظ سابق لدمشق كان مسؤولا عن ملف ترميم الجامع الاموي ومشروع ترميم دمشق القديمة. \"هذا المحافظ استدعته سابقا اللجنة المركزية للرقابة والتفتيش اكثر من مرة على خلفية قضايا تتعلق بالفساد، لكن ملفه طوي بسبب تدخلات من جهات معينة\".

ولا يزال جزء من الشارع السوري يتساءل ما اذا كانت السلطات السورية تنوي فعلا وتملك القدرة على محاربة الفساد بشكل جدي وحازم، على رغم تأكيدات من المسؤولين للمضي في هذا الطريق.

في حدي بيحارب حاله
الله ماقالها

[صياد الطيور]

اذا كان الخبر صحيح ( رغم أنو حكومتنا نفت الخبر )
الله لا يردو .... ولا يرد أمثالو

[blade]

اي مو غلاط
كل مين بيطلع من تحت جناح البعث او ما بكون لاءلوء لحضرة فخامتهم بدو ياكل،،،، و ينداس بالصرامي

[WHITESNAKE]

يلعن أبو هيك حالة
لك آاااااااااااااااااااااااا اااااااااااااااااااااااخ

[blade]

كاتب النص الأصلي : صياد الطيور

اذا كان الخبر صحيح ( رغم أنو حكومتنا نفت الخبر )
الله لا يردو .... ولا يرد أمثالو

ليش من امتى حكومتنا عطتنا خبرا واحد صحيح

[blade]

كاتب النص الأصلي : WHITESNAKE

يلعن أبو هيك حالة
لك آاااااااااااااااااااااااا اااااااااااااااااااااااخ

لا تزعل و لا على بالك إلا ما يجي يوم للظالم ويكون عبرا لغيره هو و كلابه
ويكون بعلمك الحق بدو يظهر قد ما طال الزمان

[fady juventus]

هاي الصورة لما كمشوه بالمطار عم يهرب

[Willi]

هه مسخرة
لما تركهون وراح
لقطوه
ليش ما مسكوه وقت كان عم يسرق المصاري؟؟؟
ما كانو عرفانين؟؟
اي لا لانو هني حرامية اكتر منو
الله يلعن الشريف بيناتهون