هل نغفر لهم ؟

[phoenixbird]

كلما ذكرت اسمائهم امامي اشعر بشئ من الرجفة في جسدي كيف لا وهم طواغيت هذا العصر والامة الانسانية الواحدة
لكن ومنذ فترة وانا الاحظ عددا غير قليل من الناس في كل المجتمعات واخوية منها ان الحديث عنهم احياء كانو ام اموات ياخذ مناح ايجابية كثيرة
فبحجة ان ما قاموا به من اضطهاد و ابادة وقتل واعتقال كان ضروريا في مرحلة من المراحل لايقاف فتنة او خطر يهدد البلاد وان نتائجه باتت اليوم واضحة بشدة من خلال الابعتاد عن المشروع الطائفي او الديني ( رغم اني ارى العكس) او بهدوء تام من بعد ذلك وامن واستقرار
ومن جهة اخرى ياخذ الدفاع عنهم منحى اخر باتجاه تامين الماء والكهرباء والخبز والخدمات والامن
اتساءل بيني وبين ونفسي : هل الحرية وحقوق الفرد اهم ام المء والكهرباء والخبز
وهل نغفر لهم ما قاموا به لانهم وفروا لنا الخدمات والامن في البلاد

PHOENIXBIRD

[اممي]

اذا كانت قصص الاعتقالات والمجازر الي صارت ضد الاخوان فانا بشد علي ايد كل مين اطلق رصاصة حمت سوريا من اصحاب عقول عفنة كانت راح تحول البلد ولاية اسلامية وانا بشد علي اي ايد اليوم بدها ترجع اسلوب الترهيب الكان متبع سابقا ضد هالعصابة الي عم تتزايد هاليومين بالبلد
الاخوان وكل الاشكال السرطانية الي بتحمل فكرهم لو وصلوا للحكم كانوا راح يرتكب جرايم ابشع بميت مرة من الي صار بحماة
الفكر الديني لما بيوصل لسدة الحكم مابيتحول غير لاداة قمع ملبسة بثوب الله وعفكرة ويمكن راح تستغرب الي راح اكتب هلق
بس انا بتمنى لو كنت عايش بهديك الفترة لكنت شاركت بالاحداث شخصيا وكنت لحد هاليوم افتخر اني خلصت البلد من هالحركة الرجعية وحميت اولادي منن

[phoenixbird]

طيب واللي بقلك انو صدام حسين مثلا قمع الاكراد لانون كان في فتنة وممكن دولة كردية وانو مثلا قمع انتفضة 90 لانو كان ممكن يصير دولة شيعية وانو اعتقل الناس وقتلهون اوكي بس كان عم بامن كهربا ومي وخبز وتعليم وصحة

[اممي]

كاتب النص الأصلي : phoenixbird

طيب واللي بقلك انو صدام حسين مثلا قمع الاكراد لانون كان في فتنة وممكن دولة كردية وانو مثلا قمع انتفضة 90 لانو كان ممكن يصير دولة شيعية وانو اعتقل الناس وقتلهون اوكي بس كان عم بامن كهربا ومي وخبز وتعليم وصحة

صدام لايقارن لا من قريب ولا من بعيد مع قائد متل حافظ الاسد وبعيد عن ان صرماية الاخير بتسوا شوراب الاول
بس والانتفاضة الي صارت بالشمال او بالجنوب ماكانت تهدف لاقامة دولة لا شيعية ولاكردية علي قد ما هيه كانت تهدف ان يوقف كل بترول هالشعب يروح لمجوعة صغيرة هاد غير الحروب العبثية الي قام فيها النظام والي كان وقودها ابناء الجنوب تحديدا اضافة الي ممارسات كانت بتحسس ابناء هالمنطقتين انن مواطنين درجة ثالثة
الثورتين ماكان هدفهن فرض ايدولوجية علي الشعب علي قد ماكانت ثورة من اجل القضاء علي حكم ظالم ماعرف الارض الو اي مثيل
اما الاخوان ماكانت حركتهم من اجل تحسين معيشة او ايجاد مقومات جديدة للهاشعب بل انا من نظري كانوا راح يزيدو الممنوعات ومنن الهامش الموجود من الحرية بل فرض ايدولوجية دينية علي شعب مكون من مزيج معقد ولكن متجانس ممن الاديان والطوائف وهاد الي كان راح يكون فتيل لمشاكل ما اقل منها حرب اهليه ناتجة لقمع الطوائف الاخري

[phoenixbird]

مع ملاحظة اني لا بقصد بالموضوع لا صدام ولا حافظ الاسد وكلامي موجه لكل الطغاة بالعالم

بقصد اعتقاالات البشر اللي عمن تصير
انتهاك حقوق الانسان
قمع الاحتجاجات الشعبية
ولسا كتير

[jano.]

بالنسبة للنقطة المتعلقة بالماء والخبز الخ الخ الخ

ومن جهة اخرى ياخذ الدفاع عنهم منحى اخر باتجاه تامين الماء والكهرباء والخبز والخدمات والامن
اتساءل بيني وبين ونفسي : هل الحرية وحقوق الفرد اهم ام المء والكهرباء والخبز

اسمحلي ان اضيف الى تساؤلك: لماذا نجعل حصولنا على الماء والكهرباء والخبز مثل المنيّة التي تقدمها لنا الحكومات؟
وهل دفعو ثمن السدود واستصلاح الاراضي والمدارس من حسابهم الخاص؟
وهل ثروات بلدنا هي فقط ما يرمونه لنا من فتات؟
لماذا نعتبر الواجبات البديهية صدقات؟؟؟؟؟؟؟

[phoenixbird]

او عطاء او مكرمة انو شوف يابا تفضلنا عليك وعطيناك

[صياد الطيور]

على الرغم من أنو أنا مع قرارات القيادة بهيك حالات و بشكل أعمى و بدون تفكير لأنو أكيد هي عندها اسبابها من الاعتقالات و قمع الحريات ( الي ما بتناسب البعض )
و في كتير أمور بتصير بالبلد و بتاخد الحكومة قرار فيها ما بيعجب الشعب بس هو في الحقيقة الحل الامثل لحالات ما بتطلع للعلن و لو طلعت لكان رأي الشارع من رأي الحكومة ( وربما أكتر )

بس مع هيك .. بعتقد أنو القيادة السورية زادت من هالحركات القمعية شوي و و ربما فقد السيطرة على بعض المواقف و اضطرت للعمل بأسلوب بتعارضها عليه كل الناس

في قيادات و أشخاص تم اعتقالهم و من فترة منيحة لو أنو تعاملت الحكومة معهم بأسلوب تاني .. استفادت من خبراتهم من امكانياتهم من تضحياتهم من مبادئهم وخلتهم يصيروا لجانب الحكومة ( من باب معارضة مفيدة ) يمكن كان البلد صار أفضل بكتير و صار في محاسب لسياسة الحزب الأوحد
المعارضة الداخلية كتير ألها فوائد خاصة لم بتحضنها القيادة ...

أكيد رح يطلع معارضين لكلامي .. بس يعني هي وجهة نظر
تحياتي للكل

[سوري محشش]

واللهي شوف بالنسبة الي بشوف أنو دائماً تدخل هل اشخاص لحماية مصالحن الشخصية
واذا شي مرة تقاطعت مصالحن مع مصالح الوطن (متل الشي اللي صار مشان الاخوان المسلمين)
ومتل ماصار مع الشيعة بالعراق فهادا ما بيعني ابداً انو نغفرلن لانو بالنهاية هنة مابدن مصلحة حدا الا حالن
هلأ بالنسبة لصياد الطيور يلي عم يقول انو قمع الحريات الو اسبابو وانو هل اسباب خفية
اخي جيت معك طيب فيك تفهمني انو اذا واحد طالب بس بحياة افضل ونظام ديمقراطي افضل انو كفر حتى ينحبس
يعني الزلمة هاد شو رح يعمل بهل حالة غير انو يحسن البلد
اذا كان هادا سبب لقمعو فمابظن انو لازم اندافع عنن ولا بشكل من الاشكال
وبالنسبة لموضوع انو عم يوفرولنا الاكل والشرب اكيد هل شي كمان مابغفرلن يعني مو ناقص الا نسجدلن
لاني عم يخلونا نتنفس

[صياد الطيور]

كاتب النص الأصلي : سوري محشش

فيك تفهمني انو اذا واحد طالب بس بحياة افضل ونظام ديمقراطي افضل انو كفر حتى ينحبس

و أنا هي الي قصدت فيها انو الحكومة فقدت السيطرة على بعض المواقف

[سوري محشش]

لك انو بعض قول 99% ولاتخاف صرلنا من 40 سنة على هل حال ظلم وقمع وفقر وجهل مافي اي مبرر لندافع
عن النظام ونقول انو في اخطاء وانو السيطرة انفقدت ماهوة المشكلة انو في سيطرة وقمع زيادة عن اللزوم

[phoenixbird]

للمرة 10452 ما عم نحكي عن بلد محدد
وفي جزء من اللي قاله مازن معه حق فيه

[ayhamm26]

كاتب النص الأصلي : اممي

اذا كانت قصص الاعتقالات والمجازر الي صارت ضد الاخوان فانا بشد علي ايد كل مين اطلق رصاصة حمت سوريا من اصحاب عقول عفنة كانت راح تحول البلد ولاية اسلامية وانا بشد علي اي ايد اليوم بدها ترجع اسلوب الترهيب الكان متبع سابقا ضد هالعصابة الي عم تتزايد هاليومين بالبلد
الاخوان وكل الاشكال السرطانية الي بتحمل فكرهم لو وصلوا للحكم كانوا راح يرتكب جرايم ابشع بميت مرة من الي صار بحماة
الفكر الديني لما بيوصل لسدة الحكم مابيتحول غير لاداة قمع ملبسة بثوب الله وعفكرة ويمكن راح تستغرب الي راح اكتب هلق
بس انا بتمنى لو كنت عايش بهديك الفترة لكنت شاركت بالاحداث شخصيا وكنت لحد هاليوم افتخر اني خلصت البلد من هالحركة الرجعية وحميت اولادي منن

يعني الغريب انو واحد عم يفتخر انو بلدو تخربت ووصلت للي هي في

انت هلق اختصرت كل معاناة هالوطن بمشكلة الاخوان واللي صار بهديك الفترة

طيب النهب المنظم للبلد و تهريب المليارات اللي ادى للحالة الاقتصادية اللي شايفينها شو الو علاقة بقصة الاخوان (هدا الشي اللي شرحوا الدكتور عارف دليلة وبسببو معتقل حاليا )

منع كل الاحزاب السياسية و منع حرية التعبير ومنع الصحف شو الو علاقة بالاخوان؟؟

اختفاء اكتر من 15 الف شاب بالمعتقلات وبسجون المخابرات شو دخلو بالاخوان؟

استخدام الطائفية والفساد كاهم وسيلتين لتثبيت حكم بيت الاسد شو دخلو بالاخوان؟

وهلق في بسوريا اخوان برايك , ليش الوضع اسوا من قبل؟؟؟ ليش لسا في ناس عم تعتقل على كلمة بتحكيها, وليش في ناس لسا عم تموت بسجون المخابرات والجلادين عندن حصانة وما حدا بيسترجي يسالن؟؟

وليش وليش..........................

النظام الديكتاتوري في سوريا ما كان عم بحاجة لجرائم الاخوان لحتى يعمل كل اللي عملوا بهالبلد لانو بدات جرائمو قبل قصص الاخوان بزمان



بالنهاية الطواغيت مصيرن الى مزبلة التاريخ

[روح المها]

هي سياسة العصا والجزرة
دون التطرق عن بلد بعينه فكل البلاد سواء
ايـــه ومن بلد لبلد يا قلب لا تحزن

ما بدي احكي كتيرر بلاها وجعة الراس بس كللللللل طواغيت هالعصر مصيرهم الزوااال وحتى مزبلة التاريخ ما رح تقبل هيك اشكال

والله ينصر المعارضة وين م كانت تكون

[صياد الطيور]

كاتب النص الأصلي : روح المها

والله ينصر المعارضة وين م كانت تكون

المعارضة أي معارضة ؟!!

[حموي]

موضوعك جميل وسؤالك رائع
لا لا ثم لا لن اغفر لهم

[حموي]

عقول عفنة كانت راح تحول البلد ولاية اسلامية
عفوا من حرر البلد من الروم اليس الاسلام , من صنع الحضارة فيها اليس الاسلاميين .....

وانا بشد علي اي ايد اليوم بدها ترجع اسلوب الترهيب الكان متبع سابقا ضد هالعصابة الي عم تتزايد هاليومين بالبلد
الاخوان لا يمثلون الاسلام وانا لست معهم و لكن اتمنى قبل ان ترد ان تعرف التاريخ


الفكر الديني لما بيوصل لسدة الحكم مابيتحول غير لاداة قمع ملبسة بثوب الله وعفكرة ويمكن راح تستغرب الي راح اكتب هلق
بس انا بتمنى لو كنت عايش بهديك الفترة لكنت شاركت بالاحداث شخصيا وكنت لحد هاليوم افتخر اني خلصت البلد من هالحركة الرجعية وحميت اولادي منن
انا حفيد لطبيب دخل المجرمون اللي تتمنا ان تكون منهم دخلوا البيت وانا ابن سنتين فقتلوه مع ابن له عمره 15 سنه امام امه و اخواته و ضرب الابطال ابن السنتين باخمص الروسيه على رأسه اللي هو انا
اتمنى ان تكون فخورا بما فعل اولائك الانجاس بقتل العزل و الاطفال و اغتصاب للنساء , لم يبق في ذلك الحي ذكر اكبر من 15 عاما
والمضحك ان الابطال سرقو كل شي في شقة والدي يال الفخر

[روح المها]

ليكون الحكي عام ودون تخصيص المعارضة ياللي بتكون على حق و واقفة بوجه أي نظام متسلط ظالم