ظاهرة نور

[الباحثة عن الحرية]

ييييييي علينا مهند مش غاي اول شي اذا كان غاي ما كان بخطب بنت مش متزكرة شو اسمها بس هيك قلتلي صاحبتي
المهم المسلسل حلو و انا حبيتو وما في داعي لكل هاد الهبل كل مسلسل بطلع بصير "ظاهرة" او بصير مسلسل سفطفائي يا هيك شي بعرفش شو هي الكلمة.......... المسلسلات للترفيه مش اكتر وما في داعي لكل هاد الحكي.......................................� �عدين على فكرة المسلسل حلو ومهند حلو لشو الكزب شب حليوة .....................هلق انا ما بفهم بهاي الاشياء بس كل مسلسل بصير الو فتاوى عنجد؟ ما قصدي اي شي بس انا بستغب يعني انا اذا ما كنت احضر نور بعد كل هاد الحكي بصير احضرو يعني قاعدين تناقشو مسلسل نور عنجد؟؟؟؟ مع احترامي للجميع

[phoenixbird]

وجريمة لو كان مثلي ؟

[fernanda bachchan kfoury]

لك علمانية شو اللي عم يحكو عليها؟؟
هنن بينولنا انو في صداقة بين الرجال والمرا بس بحدود لانو بالاخير بينولنا انو مش كل تنين صديقين بتضل هالصداقة >> قصدي بين الرجل وامراة
خصوصا وقت بالاخير بينولنا نية عابدين الزفت



احسنلن يروحو يفتولن بشي اهم مو يفتو عالمسلسات

[MaTyA]

كاتب النص الأصلي : asakli

وما في داعي لكل هاد الهبل

برايك لما نتساءل حوالين نقطة تثير التساؤل بيكون اسمو هبل؟

بحب قلك اذا انتوا مش شايفين في مطرح للتساؤل ما بيعني انو هبل غيركن يشوف في داعي للتساؤل

[الباحثة عن الحرية]

لا انا مش هيك قصدي واذا هيك فهمتو انا بعتذر المسلسلات للترفيه بس وما في داعي لكل هاي الضجة ..................انا كل الي قصدتو انو مو معقول رجل دين يفتي على مسلسل وهاد الشي بالنسبة الي هبل مع احترامي لكل الاديان
يمكن انا غلطت لما استعملت كلمة هبل وبعتذر عن هاد الشي رح قلك رايي ببساطة انا ضد انو الناس تعطي كل هاي الضجة على مسلسل وفي قضايا اهم من هيك للنقاش بس هاد ما بيعني انو النقاش هاد مو مهم بس انو مستغربة للقصة

[MaTyA]

كاتب النص الأصلي : asakli

انا كل الي قصدتو انو مو معقول رجل دين يفتي على مسلسل وهاد الشي بالنسبة الي هبل مع احترامي لكل الاديان

ايون.. يعني الهبل عن هالنقطة

فكرت انو لانو صرنا نتساءل قلتي التساؤل هبل

هيك حريتك تقولي انو الافتاء على هيك شي هو هبل..

ما الي علاقة بهالشي..بس كنت مفكرة الحكي موجه الي

[Ichigo]

المسلسل لا باس به لكنه لا يستحق كل هذا الاهتمام والضجة ففي النهاية قصته عادية لم تات باي جديد ولم اكن اتصور المجتمع التركي هيك واعتقد ان سبب نجاح المسلسل هو كون الدراما التركية ظاهرة جديدة اظافة الى اعجاب البنات المبالغ فيه بالبطل مهند ويال السخرية ففي هذه اللحظة امي تشاهده في الغرفة المجاورة واسمع صوت نور تبكي ههههههه...

[الباحثة عن الحرية]

كاتب النص الأصلي : matya

ايون.. يعني الهبل عن هالنقطة

فكرت انو لانو صرنا نتساءل قلتي التساؤل هبل

هيك حريتك تقولي انو الافتاء على هيك شي هو هبل..

ما الي علاقة بهالشي..بس كنت مفكرة الحكي موجه الي

لحظة بس فيك تكملي باقي الرد انا كملت وقلت اني يمكن غلطت في كلمةهبل شوفي منيح شو ناويةتبلينا ؟ الحكي ولا لحدا هاد مجرد راي وانا قلتو وانا متاكدة انو في كتار مش عجبهن بس هداك رايهن و انا لازم احترمو وبدي اقول بس انو انا ما قصدي اي شي بهاد الحكي انا بس عم بحكي عن المسلسل ما تفوتوني في 5000 موضوع انا ما دخلني فيهن وبعيد مرةتانية مع الاحترام للجميع

[ابو الوديع]

كاتب النص الأصلي : boy freind

مو لهدرجة يعني نور عن جد بينشاف و فيه قصة حلوة

بس نحنا العرب روح قلبنا المبالغة و العلاك

اي بهاي معك حق

هو مسلسل ماشي حالو يعني بينشاف بس مو لهالدرجة يلي تخلي الناس مهووسين فيه

[Gazita]

مسلسل نور بلشت اتابعه من شي ثلات اسابيع وبالعكس ما شفتو انو نسخة عن المسلسلات المكسيكية
واللي عجبني فيه اكثر انك بتحس رغم الغنى اللي عايشين فيه لساتهم متمسكين بالعادات والتقاليد هالشي اللي مابشوفو ابدا ببعض المسلسلات متل اللبنانية اللي بكرهها عن جد .*بتجيبلي الضغط*
نور مسلسل اجتماعي حبيت كثير قصتو مع اني مو عارفة كيف كان الوضع بالحلقات اللي مرت .
الممثلين تاقنين ادوارهم مثلا مهند مع انو متل ماقالو gay ماحسيناه ابدا انو مثلي بالمسلسل.
وبالنسبة لحالات الهستريا اللي حصلت للبعض بسبب المسلسل هالشي راجع لعقليتهم اللي اتعودنا عليها من مسلسلات المكسيك .ومافي شي جديد بيظهر الا وبينتج عليه حالات بيتضحك وبنفس الوقت بتصدم.

[Reemi]

بداية انا بتابع المسلسل فيكن تعتبروني بتابعو تسالي تقطيع وقت فضول اي شي

بس المهم في كلمتين بحلقي

المسلسل دراما خفيفه جدا يعني ما في قصه بتبعت رساله مهمه للمجتمع ...بالدراما السوريه بيكون في قصه بيكون في رساله مهم توصل بنشوف بمسلسلاتنا انون اكتر من مره جابولك العراقيين وفوتتون عالبلد جابولك قانون العقوبات جابو قانون الاحوال الشخصيه جابو انو كيف مسيحي تجوز مسلمه واضطر يغير دينو بيجيبو عن الفقر الفساد وعلاقات الحب وتحديات المجتمع انو ببساطه بيحكو شي عم بيمثلو مو بس لانون بدون يقبضوا مصاري او لانون بس هالمشهد ويالله لالا ابدا من كاتب النص للمخرج كلو بيصور مسلسل الو هدف ..(طبعا عم بحكي عن الدراما المهمه بس ما بيخلا الامر انو مرق كم مسلسل من الي بصوروهن الخمسه بليره بس ما وصلو لدرجة نور يعني)

بعدين اكتر شي بيفلجني بنور الحور ركييييييييييييييييييييك ركيك جدا يعني شي بيفلج ...

ببساطه مجتمعنا تعلق بنور لانو مسلسل سخيف ما فيو قصه وشعبنا بحب الشي الفاضي .. بنتفرج عالمسلسل بنشوف تيابون بيوتون المناظر الحلوه وهيك
بعدين لا تنسوا انو يا حرام في تعطش كبييييير للرومنسيه خطي

[boy freind]

ببساطه مجتمعنا تعلق بنور لانو مسلسل سخيف ما فيو قصه وشعبنا بحب الشي الفاضي

كنت هيك عم قول

[بلاك 1]

انو مابعرف ماهينا عم بنشوف افلام أمريكية وبريطانية وهندية وكل الاشيا اللي بنشوفها بعيدة تماما عن مجتمعنا وعن تقاليدنا انو ليش نور بالذات اللي علقتو عليه كل هالقد بعدين كأنو هاي عاشر مرة ينزل تعليق على هالمسلسل ياعيني

[تالين]

علامكم تتهاوشون ترى ماهي بمستاهلة
افا افا افا يعني اذا العالم ماهي بمشغولة شنو تشتغل بحك يلدها يعني..
ورايي بريايل ونساوين المسلسل ماهو بزين . وكلهم طكاكين

[M@hmoud]

انا برأي

اللهجة السورية هي اللي عطتو حلاوة للمسلسل .....دخيل النباهة انا

هللق عن جد....

اول شغلة انو مهند جاي...طلعت كدب....لانو المجلة الفرنسية اللي طلع عا غلافها طلعت مجلة متخصصة بالموضة النسائية...ومن الطبيعي يكون عا غلافها صورة شب حلو....وليس لها علاقة بالمثلية واللواطة وهالعلاك
تاني شغلة....المسلسل انشهر لانو شعبنا ناقصو رومانسية ببيتو.....
تالت شغلة باعتبار انو اول مسلسل تركي مدبلج ...اخد هالضجة خاصة انو جمال احد ابطالو قدر يجذب شريحة الصبايا

من الناحية الفنية...المسلسل لا هدف له سوا تبادل الرومانسية.....بيجوز يكون الو تأثير عالعائلات والازواج...ويقوي العلاقات بيناتهون اذا تعلمو طرق جديدة من هالمسلسل

بس كمان ممكن يخرب بيوت عالم تانية.....حسب عقليات اللي عم بيتأثرو فيه

[لوليانا33]

هلأ في كتير نقاط انحكت بهالمجال حابة احكي فيها

1- شغلة الفتاوي : وبغض النظر عن الدين وتحييده عن هالموضوع بتصور أنو أي مسلسل فيو مشاهد مخلة للآداب أو بيهدم العادات والتقاليد أو يدعو للانحراف والفساد بالمجتمع لازم ينمنع وبظن أنو مو غلط إذا طلع شي شيخ أو خوري وحرم شوفة هيك مسلسلات بايخة ، أما شغلة تحريم لبس القمصان يلي عليها صور لأبطال المسلسل ففهمكون كفاية أنو عم يكون مهند معانق نور أو عم يبوسها أو شي منو وبظن أنو هيك مناظر مفروض ما تدخل على دور العبادة ، ما بعرف كيف بتزبط أنو واحد عم يصلي للرب ومخه عم يشتغل بالفيلم أو بالمشهد الرومانسي يلي أدامه ، في كنائس بعرفها بالشام كانت بتمنع البنات من الفوتة عالكنيسة إذا ما كانوا لابسين أواعي محشومة أو حاطين ميك آب تقيل على وجهون لأنو المفروض الوحدة رايحة عالكنيسة لتصلي مو منشان تعمل عرض آزياء ، وبظن بالجامع نفس الشي

2- شغلة العلمانية هي ما فهمتها أنا ، بعرف أنو العلمانية شغلة إلها علاقة بالسياسة وفصل الدين عن الدولة فشو جابها للفيلم وشو علاقتهون ببعضهون

3- يلي حكوا عن الناحية الفنية للفيلم الحوار ، الحبكة ، القصة بشكل عام أنا ما تابعت الفيلم بس يلي فهمته متل ما قال البعض أنو حبوا بعضهون تركوا بعضهم ، زعلت وصالحها ، رجعت زعلت ودلال وشو بيعرفني وآخر شي كأنوا اعتقلوها لنور ما بعرف ليش ،
ما لقيت كتير اختلاف عن الأفلام المكسيكية بس أنو مدبلج باللهجة السورية ويا ريت الدبلجة حلوة بتلاقي حالك حتطقي من السخافة ببعض المشاهد

[روح المها]

ييييييييييي هالمسلسل نازعلي مزاجي من كل التلفزيون

وين م بروح ما فيه سيرة إلا نور وشو صار معها ومع مهند
كل يوم بيوصلني كومة ايميلات بس مشان مهند ونور

لك دخيل الله ,, شو الحلوو اللي بالمسلسل بيخليهم هالأد متعلقين فيه
أنا شايفة انه ما اله قصة ولا هدف , هيك يعني بلا طعم

بس على رأي وحدة صاحبتي .. شعبنا يفتقر إلى الرومانسية ومصدق انه هاد رومانسية

امتى يخلص ونخلص من هالحكي الفاضي هاد

[honeya]

ya jama3a ! lesatko msh 3arfen shu il hadaf mn wra hay il mosalsalat ?
into shofo il damar ile 3m btsawe bl mojtama3at wbl atfal yle bystno il mosalsal abil il kbar ! bnat il mdrse il ibteda2ye by7lmo b 3rees mtl mohanad w shbab il tanwye bdhn rfe2a mtl lamees !!!
ES7OO YA 3ARAB !!! :@:@:@