ما بعد البكالوريا وما بعد ما بعد البكاوريا

[phoenixbird]

سنة البكالوريا تعد الاصعب والاخطر في حياة الشاب السوري فهي التي تحدد مستقبله
الاستعداد لها يبدأ قبل سنة واحيانا منذ انتهاء الشهادة التعليم الاساسي مباشرة
اساتذة خصوصيون ونهب بالالاف وبدون توقف في سبيل العلامة التامة
والقاعدة الذهبية بين الطلبة هي : ابصم تنجح والتي تؤكدها الوزارة كل سنة عبر مناهجها الشبه قاتلة للطلاب
فلا احد يفهم سبب هذا الحشو اللا منطقي بالمعلومات وبطعمة وبلا طعمة ولنا في كتب اللغة العربية والانكليزية والتاريخ والجغرافيا والفلسفة وعلم الاحياء مثال واضح
وحتى الموا العلمية لم تسلم منها من الرياضيات والفيزياء والكيمياء

لم يعد المتفوق من يستوعب انما من يبصم ويحفظ اسرع لان السئلة والاجابات اصبحت كوبي بيست

تنتهي الامتحانات لتنفتح مرحلة جديدة وهي مرحلة المعسكرات ( انتاجي / صاعقة) والتي تنظمها اتحاد الشبيبة
وهنا يبرز سؤال اخر
ما الجدوى من هذه المعسكرات غير اضاعة الوقت والمال وطق الحنك ناهيك عن الكارثة الاكبر وهي العلامات الاضافية والتي ننفرد بها عن كل بلدان العاتلم التي تعتبر الطالب مشروع علمي وليس سياسي فلا تميز بين طالب واخر على اساس انه حزبي واتبع دورة اعداد عقائدي ونضالي في اهداف الثورة والحزب
والامر الاغرب اكثر هو ما جدى هذه المعسكرات التي تتبع النظام العسكري ما دام بالاساس الغي النظام العسكري من مدارس سوريا
الم يكن من افضل توجيه هذه المعسكرات نحو امور اخرى اكثر فائدة للشباب والمجتمع ؟

تنتهي المعسكرات لتنفتح ابواب اخرى وهي النتائج ما بعد النتائج
فالقواعد التي تحكم مفاضلات الطلاب هي :

1- طب/طب اسنان/ صيدلة او عيد البكالوريا
2- فرع بيبجيب مصاري بسرعة
3- فرع ؟؟؟؟؟؟؟؟؟؟؟؟؟؟؟؟

وهنا يبرز سؤال غريب اخر
اذا كانت الجمهورية العربية السورية ليست بحاجة لعدد كبير من الاطباء فهل يعني انها بحاجة لعدد كبير من الفلاسفة او اخاصائيي التاريخ او علم الاجتماع؟( مع احترامي لدراسي هذه الفروع والتي ذكرتها على سبيل المثال)
وبالمقابل اين هي الاختصاصات التي ما زلنا بحاجة ماسة لها ونضطر لاستقدام خبراء من الخارج لها

مصارف / بورصات / تسويق/ نظم معلومات ادراية / هندسة وراثية/ هندسة طبية/ موارد بشرية / علاقات دولية / علوم دبلوماسية .........................................؟

وعلى الضفة المقابلة هناك حل اخر او حلين الاول هو الدراسة في الخارج والتي ان توفرت لاحدنا لا تتوفر للاخر
عدا عن ابواب الفساد التي تفتح ولا تغلق في جامعات لبنان ( مو كلها /) / اليمن ( مو كلها) روسيا ومولدافيا وارمينيا/ ودول اخرى كثيرة
رغم وجود دول محددة يقصدها السوريين رغم وجود جامعات شبهة مثيلة لهات في سوريا
كالاردن ومصر وان انخفضت نسبة الوافدين اليها مع افتتاح الجامعات الخاصة التي تتبع نظاما اغرب من اي نظام اخر
فتتبع المناهج الغربية متناسية ان الطالب سوري اقل من جيرانه باللغة الانكليزية وليس اساتذته باحسن منه
عدا عن ابواب النهب التي تفتح ولا تغلق و تشويه بعض الكليات لمناهجها بحجة نظام الساعات الذي فشلت غالب الكليات في تطبيقه بشكل صحيح

امام هذه الحلول ما ذا يبقى للطالب السوري؟

phoenixbird

[sona78]

يبقى انو يدق راسو بالحيط

بس بهي بخالفك

فالقواعد التي تحكم مفاضلات الطلاب هي :

1- طب/طب اسنان/ صيدلة او عيد البكالوريا
2- فرع بيبجيب مصاري بسرعة
3- فرع ؟؟؟؟؟؟؟؟؟؟؟؟؟؟؟؟

لانو هي قواعد الناس والمجتمع من شان البروظة وبسبب الطلب عليها علاماتها كتتتتتتتتتتتتتتتتتتتير مرتفعة

[phoenixbird]

لا قصدي على فلسفة الطلاب انو والله هدول الفروع اللي بتجيب مصاري
او حتى الاهل هيك ببالون

[راديا]

عرزال براس الجرد..
و على الدنيا السلام...

[BL@CK]

من المنبر .

[phoenixbird]

اسف كتبته بالمنبر لغرض ببالي رح اتطرقله لاحقا بس مو مشكلة بنوب

[Abu ToNi]

سنة البكالوريا تعد الاصعب والاخطر في حياة الشاب السوري فهي التي تحدد مستقبله
الاستعداد لها يبدأ قبل سنة واحيانا منذ انتهاء الشهادة التعليم الاساسي مباشرة
اساتذة خصوصيون ونهب بالالاف وبدون توقف في سبيل العلامة التامة
والقاعدة الذهبية بين الطلبة هي : ابصم تنجح والتي تؤكدها الوزارة كل سنة عبر مناهجها الشبه قاتلة للطلاب

هلق ما بعرف اذا انت كطلع على شي برات سوريا لكن بكل انحاء العالم في تيست او اختبار بحدد لك مستقبلك المهني وبدون رحمة والشي ما بينطبق فقط على سوريا لكن الفرق انهم بيشتغلوا على مبدا المنح الدراسية وعلى اشياء تانية نحن ما تعودنا عليها وبالأصل ما خرج تصير عنا بالوقت الحالي يعني ما فيني امسك حالي عن الضحك اذا فكرت مجرد تفكير بتطبيق فكرة المنح الدراسية المجانية شو بصير

بس بدي احكي على النقطة هي بعدين
في فكرة ان بكل دول العالم في شي اسمه " جامعات خاصة " والحالة الطبيعية انه الطالب يلتحق فيها بعكس سوريا اللي فيها الحالة الطبيعية الالتحاق بالجامعة الحكومية بحكي بالنقطة هي بعدين .

فلا احد يفهم سبب هذا الحشو اللا منطقي بالمعلومات وبطعمة وبلا طعمة ولنا في كتب اللغة العربية والانكليزية والتاريخ والجغرافيا والفلسفة وعلم الاحياء مثال واضح
وحتى الموا العلمية لم تسلم منها من الرياضيات والفيزياء والكيمياء

في شي بقول لك " من كل بستان زهرة
نظريا انا مع وبشدة تطبيق مبدا جميع المواد على طالب البكلوريا لأن صراحة شيء مؤسف انه يطلع مثلا طبيب ما بيعرف جدول الضرب او مهندس ما بيعرف شي عن جسم الانسان على مبدا من كل بستان زهرة
فنظريا البكلوريا لازم تمنح الطالب زهرة من كل بستان الها وبناء على تقبله لهي الزهرة بحدد شو مستقبله
يعني وظيفة البكلوريا تهيا الطالب لكافة العلوم بقواعد اساسية لا بد منها وبناء على مدى تقبله لهي العلوم فيه يتم القبول لكن المشكلة ما بصير هاد الحكي وبيبقى نظريا لسببين :
1- البكلوريا عبتكون كتير ظالمة وغير منطقية يعني مثلا طالب حلمه الطب وشاطر بالعلوم وجايب العلامة التامية ولنفرض سيء بالعربي وكب فيه عدد معين من العلامات عبينحرم من متابعة حلمه كطبيب بسبب مادة تعتبر " ادارية بالنسبة لمستقبله كطبيب "
2- البركة بالجامعة اللي نازلة نسف بالطلاب يعني وقت كنت سنة اولى التعن حظي من المواد اللي ما الها طعمة ثقافة .. عربي ... كيمياء ... لغة ... وما إلى هنالك من لعي فاضي ما بيلزمني بمجال عملي

لم يعد المتفوق من يستوعب انما من يبصم ويحفظ اسرع لان السئلة والاجابات اصبحت كوبي بيست

بحكيك من خبرة الوالد باعتبار انه من اول حاملي الشهادات بسوريا
الوالد جمّع بالبكلوريا 185
مجموعه سمح له يفوت طب " ومتل بقية الشعب ما بصدقوا العالم تنده لهم حكيم " فات على الطب ومع اول حصة تشريح كان فاقس عن الطب وعبقدم وراق انتقاله لهندسة
شو السبب 185
السبب انه كان يطلب من الطالب استيعاب الفكرة والاستيعاب فقط ولا شيء من بعده
بعكس هلق اللي مطلوب من الطالب يبصم يعني ما محبة بالبصم الطالب عبيبصم بس وقت بدهم يجبوا له مسالة بأرقامها اي بكون متخلف عقليا اذا ما بصم طريقة حلها " هي اذا ما بصم ارقامها بطريقه "
يعني هنن عبطالبوا الطالب يبصم هي من جهة
بعدين الجامعات من ايام ابي كانت نفسها
يعني الطب كان نفسه بنفس المخابر الهم مع شوية تحديث
يعني كان مسبقا تستوعب 400 طالب فكان اول 400 طالب مسجيلن اوطى مجموع كان مثلا 190
بس هلق طالبين بالطب 236 وفي 500 قرد بجامعة حلب يعني يوطوا المجموع بسجل عدد اكتر من 5000 وما عندك بناء بيستوعبهم فين بحطوهم على راسهم مثلا ولا شو بيعملوا فيهم ؟!؟!

تنتهي الامتحانات لتنفتح مرحلة جديدة وهي مرحلة المعسكرات ( انتاجي / صاعقة) والتي تنظمها اتحاد الشبيبة
وهنا يبرز سؤال اخر
ما الجدوى من هذه المعسكرات غير اضاعة الوقت والمال وطق الحنك ناهيك عن الكارثة الاكبر وهي العلامات الاضافية والتي ننفرد بها عن كل بلدان العاتلم التي تعتبر الطالب مشروع علمي وليس سياسي فلا تميز بين طالب واخر على اساس انه حزبي واتبع دورة اعداد عقائدي ونضالي في اهداف الثورة والحزب
والامر الاغرب اكثر هو ما جدى هذه المعسكرات التي تتبع النظام العسكري ما دام بالاساس الغي النظام العسكري من مدارس سوريا
الم يكن من افضل توجيه هذه المعسكرات نحو امور اخرى اكثر فائدة للشباب والمجتمع ؟

اخوي في كتير امتيازات بمنح للطالب ومن غير العدل التوقف فقط عن امتياز الشبيبة مع اني معارض اله لكن الحق لازم يقال في امتيازات ابشع منه بكتير متل الامتياز الممنوح للطلاب العرب الغير سوريين او الامتياز الممنوح لابناء الطالب التدريسي في الجامعات من الدكاترة وفي امتياز ابناء الشهداء
المستوى المطلوب بالبكوريا من معدلات غير منطقية لا تتناسب تماما مع الامتيازات المنطقية الممنوحة بطرق غير شرعية يعني شو الميزة اللي حاصل عليها واحد والده بالجامعة ؟!!؟

تنتهي المعسكرات لتنفتح ابواب اخرى وهي النتائج ما بعد النتائج
فالقواعد التي تحكم مفاضلات الطلاب هي :

1- طب/طب اسنان/ صيدلة او عيد البكالوريا
2- فرع بيبجيب مصاري بسرعة
3- فرع ؟؟؟؟؟؟؟؟؟؟؟؟؟؟؟؟

ما بتفق معك بهي النقطة التصوير اللي قدمته بيوحي لك انه فقط في بسوريا طلاب طب وصيدلة بالوقت اللي فيه بتشوف اقتصاد في شي 2000 طالب بالدفعة و طلاب المعاهد ما عبيساعو بالقاعات وحتى المعهد " بيستأجر " قاعات من الكليات اللي مافي عليها اقبال كتير من الزراعة مثلا او الكهربا لهيك مافيك تعمم كتير
اوكي بتفق معك ك"حلم " لكل الطلاب هنن الطب والصيدلة لكن اغلبية الطلاب بيقتنعوا بالفرع اللي طالع لهم وبحاولوا يتاقلموا معه ...

وهنا يبرز سؤال غريب اخر
اذا كانت الجمهورية العربية السورية ليست بحاجة لعدد كبير من الاطباء فهل يعني انها بحاجة لعدد كبير من الفلاسفة او اخاصائيي التاريخ او علم الاجتماع؟( مع احترامي لدراسي هذه الفروع والتي ذكرتها على سبيل المثال)
وبالمقابل اين هي الاختصاصات التي ما زلنا بحاجة ماسة لها ونضطر لاستقدام خبراء من الخارج لها

ما بدي احكي كتير بس اذا بدك بجيب لك ارقام بتقول لك عدد طلاب كل فرع وعدد طلاب طلاب الطب لا يشكل نسبه بتستاهل ينحكى فيها قدام عدد طلاب الآداب اللي على فكرة مافيهم يعملوا فحص بنفس اليوم لأكتر من فرعين كون القاعات ما فيها تغطي العدد
بحب قول لك معلومة بسيطة
طلاب الطب في حلب بيحصلوا على علامتهم بعدد تقديم الامتحان بساعتين فقط !! كون النظام أتمتة
طلاب الادب الفرنسي في مادة مقدمينها ب 6 /6 ولهلق ما طلعت مع انها ماتمتة لأن الأعداد غير منطقية
لهيك تصوير ان الكليات اشبه للضيع الفاضية اما الطب فهو المدينة العامرة تصوير غير واقعي ابدا ولا يمد للواقع باي صلة .

وعلى الضفة المقابلة هناك حل اخر او حلين الاول هو الدراسة في الخارج والتي ان توفرت لاحدنا لا تتوفر للاخر
عدا عن ابواب الفساد التي تفتح ولا تغلق في جامعات لبنان ( مو كلها /) / اليمن ( مو كلها) روسيا ومولدافيا وارمينيا/ ودول اخرى كثيرة
رغم وجود دول محددة يقصدها السوريين رغم وجود جامعات شبهة مثيلة لهات في سوريا
كالاردن ومصر وان انخفضت نسبة الوافدين اليها مع افتتاح الجامعات الخاصة التي تتبع نظاما اغرب من اي نظام اخر

هلق خلينا نكون شوي واقعينن مافي اكتر من 1% من الطلاب المهاجررين للدراسة إلى الخارج مهاجرين بحثا عن مستوى تعليمي افضل
يعني كل واحد من الطلاب المهاجرين انا متاكد لو طلع له الفرع اللي بيرغب فيه ببلده ما كان هاجر باستثناء مجموعة قليلة وقليلا جدا جدا جدا جدا من الطلاب اللي بتطلع للدراسة بحثا عن مستوى ارقى
لهيك انا شبه متاكد " الشبه هي من باب عدم الحصر وفيك تشيلها اذا بدك " لو طالع له الفرع اللي بده ياه بسوريا ما كان طلع
اكبر دليل نسبة الطلاب المهاجرين بعد افتتاح الجامعات الخاصة نزل لأكتر من النص عبحكيك على نطاقي الضيق جدا بما لا يتعدى الأقراب والأصدقاء ..

[fernanda bachchan kfoury]

هالبكالوريا صارت شغلة كبيرة بحياة الاجيال العربية

الله يعيننا

[Ichigo]

انا نجحت في الباكالوريا هاذا العام في العلوم التجريبة بميزة مستحسن والحمد لله وقد قدمت طلبات لمجموعة من المدارس العليا وانا في انتظار الجواب اي اني مقبلة على مرحلة جديدة من حياتي ولا اعلم فعلا ان كنت مستعدة

[Abu ToNi]

بالنسبة الي البكلوريا مرحلة ما بعرف كيف مرت فعلا ما بعرف كيف
ولو عرفت كيف مرت متأكد اني ما كنت مريت منها
السيناريو اللي اجت فيها كان الأفضل والأجمل بالنسبة الي
يمكن لأني ما كنت فكر كتير فيها قدرت اتخطاها بسهولة
بس هلق بعد ما مريت منها
بطلّع على حالي من بعيد كيف كنت
ما بيخطر على بالي غير كلمة " ولي "
انه شو هاد الضغط القاسي اللي كنت فيه ؟! وكيف قدرت اتخطاه ؟!
انا معروف عني مغرور جدا بس فعلا الشي اللي عملته جبابرة ما بتقدر تعمله خصوصا بالظروف اللي كنت فيها
ما بنكر دور اللي لعبه المجتمع سواء بشكل سلبي او بايجابي لان بتذكر صار معي التهاب اذن وسطى من كتر ما سمعت جملة " كيف البكلوريا معك " بس بنفس الوقت كان في مجموعة بعتبر ان " الله " وضعها في طريقي مجموعة من العالم حاليا صارت بأغلبيتها ذكرى جميلة تستحق الانحناء وتستحق القعدة معها كاسة ريّان مكسور ...
وفي شخص اوقات بفكر بوجوده بحياتي ما كنت هلق انا هون " والمفارقة انه من معارضي فكرة دخولي على الأخوية "
الغريب بالقصة انه بعد ما خلصت بكلوريا صرت شوف احلام عنها بالوقت اللي وقت كنت فيها ما كنت كتير حاسس بصعوبتها
بتذكر بهاد الموقف قول لزياد الرحباني كتير حلو بمسرحية بالنسبة لبكرا شو وقت بده يفسّر لنجيب كيف سمح لثريا انها تشتغل هاد الشغل بقول له " الفقر .. وقت كنا فقرا ما كنا حاسين ... كنا عايشين ... بس وقت بتطلّع عليه من بعيد ... الفقر بفزّع يا نجيب "
فعلا
وقت بتطلع على البكلوريا من بعيد
البكلوريا بتفزّع يا طارق

[phoenixbird]

هلق ما بعرف اذا انت كطلع على شي برات سوريا لكن بكل انحاء العالم في تيست او اختبار بحدد لك مستقبلك المهني وبدون رحمة والشي ما بينطبق فقط على سوريا لكن الفرق انهم بيشتغلوا على مبدا المنح الدراسية وعلى اشياء تانية نحن ما تعودنا عليها وبالأصل ما خرج تصير عنا بالوقت الحالي يعني ما فيني امسك حالي عن الضحك اذا فكرت مجرد تفكير بتطبيق فكرة المنح الدراسية المجانية شو بصير

وضيفلهالشي ماساة الدورات والدروس اللي ما خفيك بعرف عالم وحياة الخالق من وقت خلصت فحص التاسع راجت سجلت دروس للبكاولريا

في شي بقول لك " من كل بستان زهرة
نظريا انا مع وبشدة تطبيق مبدا جميع المواد على طالب البكلوريا لأن صراحة شيء مؤسف انه يطلع مثلا طبيب ما بيعرف جدول الضرب او مهندس ما بيعرف شي عن جسم الانسان على مبدا من كل بستان زهرة
فنظريا البكلوريا لازم تمنح الطالب زهرة من كل بستان الها وبناء على تقبله لهي الزهرة بحدد شو مستقبله
يعني وظيفة البكلوريا تهيا الطالب لكافة العلوم بقواعد اساسية لا بد منها وبناء على مدى تقبله لهي العلوم فيه يتم القبول لكن المشكلة ما بصير هاد الحكي وبيبقى نظريا لسببين :
1- البكلوريا عبتكون كتير ظالمة وغير منطقية يعني مثلا طالب حلمه الطب وشاطر بالعلوم وجايب العلامة التامية ولنفرض سيء بالعربي وكب فيه عدد معين من العلامات عبينحرم من متابعة حلمه كطبيب بسبب مادة تعتبر " ادارية بالنسبة لمستقبله كطبيب "
2- البركة بالجامعة اللي نازلة نسف بالطلاب يعني وقت كنت سنة اولى التعن حظي من المواد اللي ما الها طعمة ثقافة .. عربي ... كيمياء ... لغة ... وما إلى هنالك من لعي فاضي ما بيلزمني بمجال عملي

يعني مناهجنا معك انو المفروض تكون من بكل بستان زهرة بس اللي شايفه انو من كل بستان جايي شوكة

يعني منهاج العربي سوبر سخيف والانكليزي والعلوم وغيرون
طبعا ما تنسى التربية القومية الاشتراكية
والتاريخ والجغرافية

بحكيك من خبرة الوالد باعتبار انه من اول حاملي الشهادات بسوريا
الوالد جمّع بالبكلوريا 185
مجموعه سمح له يفوت طب " ومتل بقية الشعب ما بصدقوا العالم تنده لهم حكيم " فات على الطب ومع اول حصة تشريح كان فاقس عن الطب وعبقدم وراق انتقاله لهندسة
شو السبب 185
السبب انه كان يطلب من الطالب استيعاب الفكرة والاستيعاب فقط ولا شيء من بعده
بعكس هلق اللي مطلوب من الطالب يبصم يعني ما محبة بالبصم الطالب عبيبصم بس وقت بدهم يجبوا له مسالة بأرقامها اي بكون متخلف عقليا اذا ما بصم طريقة حلها " هي اذا ما بصم ارقامها بطريقه "
يعني هنن عبطالبوا الطالب يبصم هي من جهة
بعدين الجامعات من ايام ابي كانت نفسها
يعني الطب كان نفسه بنفس المخابر الهم مع شوية تحديث
يعني كان مسبقا تستوعب 400 طالب فكان اول 400 طالب مسجيلن اوطى مجموع كان مثلا 190
بس هلق طالبين بالطب 236 وفي 500 قرد بجامعة حلب يعني يوطوا المجموع بسجل عدد اكتر من 5000 وما عندك بناء بيستوعبهم فين بحطوهم على راسهم مثلا ولا شو بيعملوا فيهم ؟!؟!

حبيب حتى بالجامعة صارت هالقصة

يعني ابصم تنجح صارالقاعدة الذهبية

اخوي في كتير امتيازات بمنح للطالب ومن غير العدل التوقف فقط عن امتياز الشبيبة مع اني معارض اله لكن الحق لازم يقال في امتيازات ابشع منه بكتير متل الامتياز الممنوح للطلاب العرب الغير سوريين او الامتياز الممنوح لابناء الطالب التدريسي في الجامعات من الدكاترة وفي امتياز ابناء الشهداء
المستوى المطلوب بالبكوريا من معدلات غير منطقية لا تتناسب تماما مع الامتيازات المنطقية الممنوحة بطرق غير شرعية يعني شو الميزة اللي حاصل عليها واحد والده بالجامعة ؟!!؟

معك حق بس قصدت الشبيبة لانو كتير تخنوها والباقي مو احسن منون

ما بتفق معك بهي النقطة التصوير اللي قدمته بيوحي لك انه فقط في بسوريا طلاب طب وصيدلة بالوقت اللي فيه بتشوف اقتصاد في شي 2000 طالب بالدفعة و طلاب المعاهد ما عبيساعو بالقاعات وحتى المعهد " بيستأجر " قاعات من الكليات اللي مافي عليها اقبال كتير من الزراعة مثلا او الكهربا لهيك مافيك تعمم كتير
اوكي بتفق معك ك"حلم " لكل الطلاب هنن الطب والصيدلة لكن اغلبية الطلاب بيقتنعوا بالفرع اللي طالع لهم وبحاولوا يتاقلموا معه ...

لا غابي مو هيك
القصة انو طبعا الطالب بيتاقلم مع فرعه بس الاوركسترا المجتمعية بتقول : طب اسنان صيدلة هني المراكز الاجتماعية العليا
في عالم اقسم باللله بتعيد البكالوريا على علامة وما بتفوت هندسة او فرع تاني تعرف ليش والحخكي منون
هي الفروع بتجيب مصاري احسن
هلا في نقطة هون الحق عالدولة انو باقي الفروع بتمثل شبه بطالة مقنعة

ما بدي احكي كتير بس اذا بدك بجيب لك ارقام بتقول لك عدد طلاب كل فرع وعدد طلاب طلاب الطب لا يشكل نسبه بتستاهل ينحكى فيها قدام عدد طلاب الآداب اللي على فكرة مافيهم يعملوا فحص بنفس اليوم لأكتر من فرعين كون القاعات ما فيها تغطي العدد
بحب قول لك معلومة بسيطة
طلاب الطب في حلب بيحصلوا على علامتهم بعدد تقديم الامتحان بساعتين فقط !! كون النظام أتمتة
طلاب الادب الفرنسي في مادة مقدمينها ب 6 /6 ولهلق ما طلعت مع انها ماتمتة لأن الأعداد غير منطقية
لهيك تصوير ان الكليات اشبه للضيع الفاضية اما الطب فهو المدينة العامرة تصوير غير واقعي ابدا ولا يمد للواقع باي صلة .

حبيب مو هيك قصدي
بنوب وانت فهمتني غلط او يمكن انا ما عرفت عبر مظبوط
القصة انو بدل ما عم توسع الباب لكليات هي بالاساس ما النا حجاة كتير فيها
ليش ما بتفتحوا كليات نحنا كتير بحاجة الها

خود مثلا انو البنوك عنا المدراء فيها لبنانية مو سوريين لانو ما عنا كوادر منيحة
السفراء والسلك الدبلوماسي بيتعينوا انت بتعرف على اساس شو ؟ ولا واحد منون دارس علاقات دولية او دبلوماسية
شغلة تانية شو مشان الطرق والجسور عنا ما بدون تصميم وتنفيذ ؟
شغلة تالتة ما عنا كليات او معاهد للاخراج والتصوير وكله بنجيبه من العمل مع المخرجين
ولسا الخير لقدام

يعني بربك كلية الاداب فيها هالعدد اللهائل من الطلاب طيب وبعدين شو بيعملوا ربعون استاذة والربع الباقي هني شوفيرية او شي شغلة تانية

هلق خلينا نكون شوي واقعينن مافي اكتر من 1% من الطلاب المهاجررين للدراسة إلى الخارج مهاجرين بحثا عن مستوى تعليمي افضل
يعني كل واحد من الطلاب المهاجرين انا متاكد لو طلع له الفرع اللي بيرغب فيه ببلده ما كان هاجر باستثناء مجموعة قليلة وقليلا جدا جدا جدا جدا من الطلاب اللي بتطلع للدراسة بحثا عن مستوى ارقى
لهيك انا شبه متاكد " الشبه هي من باب عدم الحصر وفيك تشيلها اذا بدك " لو طالع له الفرع اللي بده ياه بسوريا ما كان طلع
اكبر دليل نسبة الطلاب المهاجرين بعد افتتاح الجامعات الخاصة نزل لأكتر من النص عبحكيك على نطاقي الضيق جدا بما لا يتعدى الأقراب والأصدقاء

حبيب هاد قصدي انو الجماعات الخاصة حففت شوي عبئ والها بلاويها هيي التانية
هلا بس لسا في عدد كبير عم يطير لروسيا واخواتها

[Abu ToNi]

يعني مناهجنا معك انو المفروض تكون من بكل بستان زهرة بس اللي شايفه انو من كل بستان جايي شوكة

يعني منهاج العربي سوبر سخيف والانكليزي والعلوم وغيرون
طبعا ما تنسى التربية القومية الاشتراكية
والتاريخ والجغرافية

هلق القومية في الها هدف معين وهوي بشكل عام هدف حلو تماما متل الهدف من الكيمياء يعني كيف الكيمياء مثلا بتمنح الطالب معلومات عامة عن العضوية والمركبات المعقدة كمان القومية بمنتح الطالب نظرة او لمحة مشان وقت يقعد مثلا ورا التلفزيون يشوفهم عبيحكوا عن اليبيرالية او عن الراسمالية ما يسال " شو معناها " لكن تحولت المادة لأهداف تانية متلها متل بقية المواد .
هلق فكرة من كل بستان زهرة سبق وقلت لك بتعجبني نظريا لكن ما بحب الزهرة اللي مفترض اني شمها على الماشي تاثر لي على مستقبلي يعني انا شمينا مثلا العربي وفهمنا المذهب الابداعي والاتباعي والمسرحية ومقوماتها وما الى هنالك
شي عظيم اني كونت صورة عن الفكرة بس مانه عادل انه ابعاد المذهب الابداعي مثلا تأثر لي على دخولي لكلية علمية متل الرياضيات مثلا
انا مع فكرة يتعلم الطالب كل شي بس يتم قبوله بشكل فردي او بشكل متخصص في الكليات

هلق في نقطة انت غفلان عنها

مقارنتك بين جامعات سوريا وجامعات برا بهي المجال مقارنة ما بتزط
بدك تقارن جامعة حكومية مع جامعة حكومية تاني
لا تنسى الجامعات الحكومية برا زفت وعدم وسوريا متقدمة عليهم بأشواط كتير كبيرة ...
انت عبتقارن جامعات خاصة من برا مع جامعات حكومية عنا لهيك عبيطلع معك طريقة القبول غير عادلة مقارنة معهم وعبيطلع معك البكلوريا حلم صعب المنال وصعب يتحقق ومستحيل انه الواحد يتخطاها بالوقت اللي انت عبتحكي على مستوى جامعة حكومية ...

حبيب حتى بالجامعة صارت هالقصة

يعني ابصم تنجح صارالقاعدة الذهبية

انا مثال حي
عبحكي عن حالي انا هلق داخل بفرع ما بيعتمد ابدا على فكرة البصم وانا ما فيني ابصم حرفين ورا بعض وعبححق نجاحات باهرة جدا مع اني ما بصمت ولا حرف ولا بداوم على الكلية كمان
هلق في طلاب بيبصموا وعبينجحوا متلي متلهم لا بل هنن عبجيبوا علامات اكتر مني بكتير يعني انا وقت مسألة بقعد بالفحص نص ساعة عبحلل فيها لبين ما تنحل معي بيجي الحباب بيعمل لها past قبل ما يكمّل قراءة السؤال ويشوف شو المطلوب هوي اسهل له النجاح بس الفرق منطلع على الصف اللي بعده بيلزمنا معلومة انا بقدر ارجع بسرعة استرجعها هوي بده دهر حتى يقدر يفهم انا شو عبعمل

بالأيام بتفرق لابصم عن الفهم بالجامعة عبحكيك هلق
قاعدة اصم تنجح بتصير مفعلة بالجامعة اذا صارت بالشكل
ابصم بذكاء ... تنجح
لأن حتى البصم ما بينفعك .. شو بدك تعمل قدام 7 مواد كل فصل وكل مادة 300 صفحة على اقل تقدير ؟؟!؟!

معك حق بس قصدت الشبيبة لانو كتير تخنوها والباقي مو احسن منون

قلت لك الشبيبة متله متل غيره امتياز غير شرعي بيحصل عليه الطالب على حساب غيره متله متل ابناء الكادر التدريسي متله متل ابناء الشهادء حتى ...

القصة انو طبعا الطالب بيتاقلم مع فرعه بس الاوركسترا المجتمعية بتقول : طب اسنان صيدلة هني المراكز الاجتماعية العليا
في عالم اقسم باللله بتعيد البكالوريا على علامة وما بتفوت هندسة او فرع تاني تعرف ليش والحخكي منون
هي الفروع بتجيب مصاري احسن
هلا في نقطة هون الحق عالدولة انو باقي الفروع بتمثل شبه بطالة مقنعة

هلق البطالة ما بتدخل بمجال الدراسة يعني يا انا ما فهمت عليك شو بتقصد بكلمة " بطالة مقنعة " يا اما انت ما فهمتني متل عادة
بالأخير المفاضلة وعلامات القبول ليست مرتبطة ابدا ابدا ابدا ابدا بالمدخول المادي اللي حيجي مع الأيام من جهة ، يمكن مرتبطة مع " الاوركسترا الاجتماعية " متل ما انت سميتها بس دخيل رب هال اوركيسترا شو معزوفاتها معتة وما الها طعمة وأكل الدهر عليها وشرب .. متلها متل بقية العادات البتهوي الماشية عنا ....
بس عملية القبول بالجامعات بناء على العلامات غير مرتبطة ابدا بالمكانة او بالمدخول مرتبطة بمقدار الطلاب الراغبين بالدخول إلى الفرع ومقدار استيعاب الفرع للطلاب
خود مثلا هندسة الطيران
طالبين فيها اذا ماني غلطان 226
وكل سنة بفوت عليها اكبر عدد من طلاب الميكانيك
مع العلم انه مافي بسوريا غير 14 طيارة تخضع للصيانة داخل البلد
بس شعبك بيسمع كلمة " طيران " بحسب حاله بده يصير متل ممثلي هوليود وحيصير كابتن طيارة وشغلة عظيمة مع انه خلال دراسته وحتى خلال عمله قد يلمح طيارة وعلى الأغلب ما حيقدر يلمح باعتبار انه مخبر الطيران الاساسي موجود بالقبو تبع كلية الكهربا اللي بتبعد بالسيارة شي ربع ساعة عن مبنى الميكانيك

القصة انو بدل ما عم توسع الباب لكليات هي بالاساس ما النا حجاة كتير فيها
ليش ما بتفتحوا كليات نحنا كتير بحاجة الها

ومين مفترض يحدد شو اللي نحن بحاجة اله ؟!؟
ما شفت افتتاح الفروع الحديثة خلال 10 سنين لهلق ؟!؟!
حتى السنة الماضية اضيف فرع للالكترون ، فرع عالمي بكافة المواصفات اسمه ميكاترونيك انا صراحة لعنت حظي اني ماني فايت عليه لو اني متاخر لي شي سنتين 3 كنت لحته لأن فرع عالمي ومجالات واسعة جدا

شوق من 10 سنين لهلق شو افتتح ... معلوماتية ... تحكم آلي ... اتصالات .... بيئة ... حيوية ... ري وصرق بالمدني ... هندسة طبية ... هي على مستوى الهندسات لا اكتر .

خود مثلا انو البنوك عنا المدراء فيها لبنانية مو سوريين لانو ما عنا كوادر منيحة


السفراء والسلك الدبلوماسي بيتعينوا انت بتعرف على اساس شو ؟ ولا واحد منون دارس علاقات دولية او دبلوماسية

مع انه في فرع بالاقتصاد اسمه " ادارة " وفي رفيقي مختص علاقات دولية وهلق قدم السيفي تبعه عند بنك عودة والتنين القادم حيباشر بعمله بشكل رسمي براتب بحلم انا وعشرين واحد متلي وحامل شهادتي فيه ...
عبحكيك بشكل مأكد 200 ب 100

شغلة تانية شو مشان الطرق والجسور عنا ما بدون تصميم وتنفيذ ؟

شو عبيعمل فرع المدني معناها ؟؟!؟!؟!؟!؟!؟!؟!؟!

شغلة تالتة ما عنا كليات او معاهد للاخراج والتصوير وكله بنجيبه من العمل مع المخرجين
ولسا الخير لقدام

هي بدنا نسأل لك عليها

يعني بربك كلية الاداب فيها هالعدد اللهائل من الطلاب طيب وبعدين شو بيعملوا ربعون استاذة والربع الباقي هني شوفيرية او شي شغلة تانية

هلق ما عمندخل على شو بده يعمل على هاد الأساس شو بده يعمل الطبيب ؟!؟! اصغر عيادة بضيعة على مانها على الاوتوستراد صاير حقها مش اقل من مليون ..
اذا واحد معه مليون يفتح له مشروع خاص لبين ما يتخرج من الطب ويختص بده 10 سنين
لا يفتح فيها مشروع خاص خلال العشر سنين شو ما كان الشغل يكون اذا عرف كيف يتملعن فيه بيسحب اكتر من الطبيب يفتحا كافيه انترنت خلال عشر سنين بصير مليونير ....
بس الفكرة ما لازم تربط بين المستقبل المهني والدراسة لأن على هال حالة ما كان حدا فات على الجامعات

بعدين بتذكر اني قلت لك على الآداب مشان قول لك انه في اعداد واعداد هائلة بتفوت سنويا عليه بمعن ىآخر ما كل الشعب راكض على الطب والصيدلة فقط ولا شيء سوى الطب والصيدلة .

حبيب هاد قصدي انو الجماعات الخاصة حففت شوي عبئ والها بلاويها هيي التانية
هلا بس لسا في عدد كبير عم يطير لروسيا واخواتها

هلق مبدئيا الجامعات الخاصة قدمت حل بديل فقط وما قدمت حل جزري
يعني الطالب اللي كان بده يتشنطط مدري كان سنة بروسيا قدمت له حل بديل انه يبقى ببلده بكلفة اقل بكتير

بس مانها حل لأنها موجهة فقط للطبقة الغنية من المجتمع واسعارها ما بتسمح للطالب السوري العادي يفوت عليها
يعني الطالب اللي والده ووالدته موظفين ما بيحلم يفكر يفوت عليها وبعيد البكلوريا مرة ومرتين وعشرة وما بفوت لأن ما فيه يفوت بكل بساطة ... يعني الجامعات الخاصة بكافة اشكالها مانها اكتر من امتياز آخر يمنح للطبقة الغنية ...

[shaden_kad]

كانكن بقلبي انا ناطرة نتيجتي وابدا ماني خايفة انا حابة ادرس اقتصاد بس الكل بيقلي اي شو هالفرع

وبصراحةانا ما كلفت اهلي ولا فرنك مشان البكلوريا وضعنا منيح نشكر الله بس ماني مستعدة حط 200الف متل اصحابي وهادا اقل مبلغ بتدفعه مشان استاذ رايح استاذ جاي

وكلو نهببببببببببببببببببببب

[Reemi]

هالبكالوريا حكي فاضي .. بيرتعب الواحد وبتكون كل العيون عليه وعالفاي المعظم عمم يضطر يفوت فروع ما بحبها بس مشان اهلو يشوفو حالن قدام البشر ...

بالاردن عم يتبعو النظام البريطاني بدون بكالوريا وبدون بطيخ علاماتك من صف تاسع لصف 12 مجموعهن وبحسبه مدري كيف بيطالعولك معدلك وعلاماتك متل كانك درست بكالوريا وقدمت .. طبعا هالنظام مكلف جدا جدا جدا جدااااااا والطالب بدل ما يشد حيلو هالسنه تبع البكالوريا بدو يشد حيلو من التاسع بس بيضل الضرر النفسي اخف ... ومشكلة هالنظام انو مافينك تدرسلو بجامعه حكوميه ولا جامعية اردنيه خاصه كمان هيك النظام ...

[يمان Rooooonaldo]

بالاردن عم يتبعو النظام البريطاني بدون بكالوريا وبدون بطيخ علاماتك من صف تاسع لصف 12 مجموعهن وبحسبه مدري كيف بيطالعولك معدلك وعلاماتك متل كانك درست بكالوريا وقدمت

شو مشان ؟

ريمو انا مو هيك بعرف .. انو هون عندن نظام الفصلين بس مالو علاقة .. بانو من صف العاشر بدك تبلش تدرس .. انو هاد الحكي مانو مطبق هون .. بالكويت اي صح بس بالاردن نو ! ؟

[Reemi]

كاتب النص الأصلي : يمان Rooooonaldo

شو مشان ؟

ريمو انا مو هيك بعرف .. انو هون عندن نظام الفصلين بس مالو علاقة .. بانو من صف العاشر بدك تبلش تدرس .. انو هاد الحكي مانو مطبق هون .. بالكويت اي صح بس بالاردن نو ! ؟

الي عم تحكي عنو بالمدارس الحكوميه طبعا هاد نظام اي مطبق..

الي انا حكيت عنو بالمدارس الخاصه ومش كلها كمان ... لانو متل ما قلت مكلف جدا ومش كتير العالم الي بالاردن الي بتقدر تدفع هالتكاليف فهالنظام بتشوفو بالمدارس الهاي كلاس جدا

[Government]

والله سنة الجاي بدي انحت بالصخر انا مشان هالبكالوريا النحس .. مع انو ماكتير ناول كمل لبعد البكالوريا
بس مدري شلون ..
مابعرف عبحاول ما اوتر حالي كتير مشان موضوعا للبكالوربا انو في ناس بلشت دراسة من هلأ ومعاهد من هلأ وقبل بشهر .. ومن جهتي انا مسبح الموضوع مشان ماتصيبني حالة ملل اخر السنة ووصل لدرجة الضجر متل ماصار معي هالسنة .. بعدين انا اخدا شو برواق انو اخي لاسمح الله .. ماصار اللي بدي يا بعيدا ماوراي شي .. اكيد مارح امشي ع هالكلام بي فلنفرض مثلا .. وان شاء الله مارح يصير هيك .. انا بصراحة خاطري كتير اعلام وكتير بحب هالمجال واعلام رياضي وهيك شي .. بس مابعرف انو ازا الله راد وجبنا معدل منيح فرح ادخل هندسة لانو بحب كمل مسيرة امي وخوالي .. لانو ماشية هي بالتتابع وهلأ الدور علي .. بس بأسوا الحالات فيني ادخل اعلام
ومابعرف ازا بحقلي او شلون .. ع كلن بكير ع هالحكي هلأ

تاني شي والاصعب هون بقطر اي واحد بدو يدخل اي جامعة بقطر .. مايدخلوك الا لتقدم امتحان اسمو التوفل والسات .. هدول امتحان انجليزي ورياضيات .. عن كل اللي درستو بحياتك محطوطين بكتاب حوالي الالف صفحة او هيك شي ولازم تقدم فين امتحان هيك .. والن محلات مخصصة وبيعطوك شهادة فين وهيك بدخلوك ع الجامعة ومابدخلو ازا ماشافون .. او .. ازا ماحبيت تقدمن فرح تاخد سنتين تدريب بدالن ورح تروح سنتين من عمرك
بينما ازا قدمتن رح تختصر هالسنتين .. وبظن انو هنن درجاتن من 500 او 1000 ولازم تجيب 75% باللمية وهيك .. قريب من هالحكي مالي كتير متزكر التفاصيل
بقى هي كمان مشكلة كبيرة .. + مشكلة التفكير انو وين بدك تدرس يابسوريا يا اما هون .. وانا من جهتي مالي حابب الاحتمال الاول .. وازا بدي ادرس بقطر فرح صير تحت رحمة التوفل والسات
وموضوع طويل وقصة طويل ..
هالسنة رح حاول ابدا بطريقة جديدة وادرس اول باول .. وان شاء الله تزبط اموري معي وجيب معدل منيح .. لانو هون بقطر كمان اصحاب المعدلات الكبيرة بدخلو منحات مجانية وع حساب الحكومة وحتى بسفرن لبرا ..


اي وهكزا

[x52]

انا مثلا سنة رابعة هندسة وما كنت حاب كون مهندس

بس مع الزمن عرفت انو هاد هو طموحي

الهندسة اولا