مقتل 25 سجين في سجن صيدنايا

[yass]

هوب هوب ... حذفنا ردين فيهون تبادل ورد و بوسات شوارب...


الرجاء البقاء في موضوع الخبر و عدم الخروج عنو الى هجوم شخصي أو ما شابه.. مشان ما نضطر نزعل من بعض


مشكورين

[THE_unforgiven]

خلص بقا ولو .. مابدنا ننزع الصحبة .. بس قاعدين عم نتناقش بروية .. شبك قلبتلي اياها انتا والشباب خناقة .. خيو فسرلي وجهة نظرك بصراحة ووبإيجاز .. وأنا ببقى بناقشك كمان بهدوء ... ماحلو الزعل مشان موضوع ..

[THE_unforgiven]

ومنبقى نحنا ولاد بلد واحد .. وانا كتير بحترم رأيك .. بس بتمنى ماتجرحني بالحكي وخلي المستوى يضل يليق بأخوية ... وانا من جهتي بعتذر إذا أذيتك بالحكي بس هديلي الوضع شوي ..

[VivaSyria]

كاتب النص الأصلي : yass

هوب هوب ...

عجبتني هي حسيتك عم تئشر لشي باص على طريق حمص..

[VivaSyria]

كاتب النص الأصلي : +++ THE PUNISHER +++

خلص بقا ولو .. مابدنا ننزع الصحبة .. بس قاعدين عم نتناقش بروية .. شبك قلبتلي اياها انتا والشباب خناقة .. خيو فسرلي وجهة نظرك بصراحة ووبإيجاز .. وأنا ببقى بناقشك كمان بهدوء ... ماحلو الزعل مشان موضوع ..

حبيب وجهة نظري وضحتلك ياها بالرد.. و هلأ برجع بلخصلك ياها.. المعتقلين غير المساجين.. يعني المعتقل هو الشخص يلي موضوع بمعتقل بسبب رأي أو فكر أو شي من هالقبيل.. عيب تطلق عليه صفة المجرم و تتمصخر عليه و تقول انو ملائكة و منهالحكي.. هاد بيجوز يكون انسان مثقف و واعي و بيحب بلدو ومن محبتو لهالبلد قال رأيو يلي ماعجب الحكومة..

[ayhamm26]

وينك يا ابو دريد , لو كان هلق بسوريا كان هلق حفرلوا شي قبر جماعي بصيدنايا وما طلع من السجن حدا يخبر

[phoenixbird]

مين ابو دريد؟

[مسطول على طول]

ما الذي حصل في سجن صيدنايا العسكري ؟

مصادر موثوقة تؤكد أن تسعة أعشار ما نقلته منظمات حقوق الإنسان السورية ووسائل الإعلام لا أساس له من الصحة

العصيان نفذه إرهابيون من جماعة " القاعدة " لجأوا إلى حرق مفروشات بتحريض من جهات خارج السجون

دمشق ، الحقيقة ( خاص) : تناقل بعض وكالات الأنباء والمحطات الفضائية عن بعض منظمات حقوق الإنسان السورية ، التي تعيش على الإشاعات ، أخبارا زعمت أن عصيانا وقع داخل سجن صيدنايا العسكري ( 25 كم شمال شرق دمشق) ، وأن عدد القتلى " بلغ العشرات ، وأن السجناء صعدوا إلى سطح السجن خوفا من القتل " .

غير الله مابيعرف شو عم يصير جوا السجن

بالنسبة لسجناء القاعدة وجند الشام هدول الهم اماكن مخصصة وممنوع زيارتهم او انو تسأل عنهم ,

اما الباقي من الي بيقلو عنهم ارهابيين هنن من الي طلعو ع العراق وفي نسبة كبيرة بمعرفة النظام وتشجيع منو , ولهلاء بتذكر قبل بداية الحرب على العراق كيف فتحت السفارة العراقية فجأة وستأجرة عشرات البولمانات ونظمت رحلات على ابو موزة ,

والشباب الي رجعو بعد سقوط النظام بلشو يشحطوهم ويستجبوهم شي طلع وشي ضل ,

ويلي ضل وجهولو تهمة "تعريض سوريا الأعمال عدائية" .. والاحكام كانت مخففة يعني مابين 3 لـ5 سنوات

[phoenixbird]

طب شباب شو مشان موضوع الاسلاميين وانو هدول من القاعدة حسب ما قال ياس بالموضوع؟

[ayhamm26]

كاتب النص الأصلي : phoenixbird

مين ابو دريد؟

له يا زلمي ما عرفتو, الدكتور رفعت الاسد سليل الحسب والنسب وقائد معركة سجن تدمر الشهيرة اللي اوقعت شي كم مية اخونجي رجعي انبطاحي عدو للثورة

مشان هيك تذكرتو هلق قلت لحالي لو كان موجود كان حل القصة بنص ساعة وقتل كل المساجين وخلص.

[ayhamm26]

كاتب النص الأصلي : phoenixbird

طب شباب شو مشان موضوع الاسلاميين وانو هدول من القاعدة حسب ما قال ياس بالموضوع؟

في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟

[phoenixbird]

كاتب النص الأصلي : ayhamm26

في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟

هوي هي اللي ما فهمتا

[THE_unforgiven]

مو هوي هادا اللي بيحط العقل بالكف ... لهيك عم قلكن روقو في إن بالموضوع ...

[مسطول على طول]

كاتب النص الأصلي : ayhamm26

في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟

المرة الماضية هيك صار طلعو موبايلات شرطة السجن , بقا اذا بجد ماسكين مدير السجن واربع ضباط فصار معهم كوشة موبايلات

[ayhamm26]

صارت من فترة قصة شبيهه بالاردن لما السجناء عملوا تمرد و مسكوا مدير السجن وصوروا فيديو ومدري شلون هربوا الفيديو لبرا وصار هلق على اليوتيوب

[phoenixbird]

بثت نيو تي في قبل شوي اتصال واحد من المعتقلين معها

[YaSeR]

كاتب النص الأصلي : phoenixbird

بثت نيو تي في قبل شوي اتصال واحد من المعتقلين معها

شو حكا ؟؟؟

[مسطول على طول]

لاتعليق رسمي الى الان

كأنوا الشغلة مو عنا ولحنا غلطانين اعلام خزيىء يئبر البي كلو شفافية

كاتب النص الأصلي : phoenixbird

بثت نيو تي في قبل شوي اتصال واحد من المعتقلين معها

اية شو حكا هاد الارهابي ؟