|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/06/2009
|
#91 | |||||||||||||
|
عضو
-- مستشــــــــــار --
|
اقتباس:
حبيب وحتى ولو عدلوه . بالنسبة الي ماعندي مشكلة طالما مابيمس عقيدتي . وأنا مع اي حدا بيشوف انو هالقانون بيمس عقيدتو هاموش تاني من فترة وبعد وفاة ستي الله يرحمها . عملو عمامي حصر الارث مشان الورتة . ماعندي معلومات عن كيف هيك بس الي صار أنو بقانون الدولة (شي الو علاقة بملك زراعي على ما اعتقد ) طلع أنو لازم يورث فيها البنت متل الشب . وهاد ضد عقيدتنا . بالنتيجة الورتة صارت حسب الشرع . وعند الدولة حسب القانون .
الفهيم بيريح
لك تاري الحمار لو شو ماسلموه بيصدق حالو وبدك تناديلو سيد حمار |
|||||||||||||
|
|
15/06/2009
|
#92 | |||||||
|
عضو
-- مستشــــــــــار --
|
اقتباس:
لاتهجم عليي ها والله ماعم إكفر 
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
|||||||
|
|
|
15/06/2009
|
#93 | |||||||||||||
|
مشرف متقاعد
|
اقتباس:
و بخصوص الثلاثائيات, كلو ع بعضو هو موضوع رأي, مانو موضوع اخباري بأي شكل من الأشكال, و بعمر ما ادعيت الحيادية تجاه قضية بعتقد انها تمسني... بالعكس الله يبعدنا عن الحيادية اقتباس:
انت عم تقلي "ضحّكتني".. سو, أنا ضحّكتك (النص له قداسته ع قوله الهداك) و أنا كمّلت معك الضحك و قلتلك بيسعدني اني ضحّكتك... و ليش رحتلي عالاتحاد النسائي؟ سيبنا منو هادا, أنا عم قلك انو هدول قالو انو ما حدا طلع من عندون (و كان قصدي بالتحديد ممثلي الطوائف), انو هلأ بيقولو العكس... بعتقد انو كلمة الحق سبّاقة لأنو مو معقول يقولو ما انأخد برأينا لما انأخد.. لو بقيو ساكتين كان فهمناها! اقتباس:
للأمانة, وقت بيننالك انو حسب هالقانون المرأة فينا تصير وزيرة بس بيظل أخوها بيؤمر عليها بما يخص الزواج انت حكيت انو هالشي "لازم يوضحوه"... اقتباس:
شكلاً القانون مش ملائم لدولة تطمح تكون عصرية (حتى لو ضمن إطار عقائدي ما.. ), يعني فيو مصطلحات كان ممكن التعبير عنها بصيغة أكثر أناقة.. و هالحكي لا يصب في خانة التشدّق كما تقول... حتى الشكل نتركو... أخي المضمون! و مو صحيح انو القانون ما تبيّن عيوبو لحتى يتطبّق, لأنو وقت يتطبّق و يبيّن عيبو بالتطبيق لبين ما يتغيّر في حدا تطبّق عليه, و هالحدا مظلوم... و معروفة سوابق قوانين مشابهة متل مصر و كيف تم استخدامها بتحالف السلطة مع مشايخها لمضايقة أناس محددين اقتباس:
اقتباس:
القانون للكل... و أنا ما عندي مانع, بالعكس ادعم و بشدة انو يكون في احتواء قانوني للشرع الإسلامي و لأي طائفة دينية... انو كل واحد يكون فينو يمارس معتقداتو بحرية مطلقة... بس بدي قانون يحتويني أنا كمان لأني مواطن لهالبلد متلي متل غيري.. و هالقانون مش بس ما يحتويني, هالقانون أنا بحسو تهديد لألي! شو يكون في سلطة قانونية لحدا لحتى يقدر يقوم بإجراءات ضدي بناءً على معتقداتي من عدمها؟ القانون ما يمنعني كون ملحد, و ما يمنعني جاهر بإلحادي, و لذلك مش منطقي انو يمنعني من الزواج اذا المحروسة قبلانة! و مش منطقي ما يخليني قرر أنا مين بدو يورثني و كيف! خلي كل واحد يورّث ع كيفو خيو وين المشكلة؟! اقتباس:
تعا احكيلك قصة تانية... واحد جارنا, شركسي (مسلم يعني)... صرلو عشرين سنة ما يحكي مع أخواتو, متخانقين, توفى (و للامانة توفى بين إيدين أبوي - طبيبو-).. و الزلمة عندو 3 بنات و كان عندو ولد من جيلي توفى بالسحايا و هو صغير... اجو الأعمام رفعو دعوى انو مات و ما عندو ورثة ذكور, يعني الأعمام الهون حق بوراثة أخوهون, و أكلو قسم منيح من ورثة بناتو كون مرتو كمان ما ورثت لأنها ليست مسلمة (هو راح ع يوغسلافيا درس هندسة كهربا و تزوج هنيك).. طيب بهالحالة شو مشان؟ هو لو يعرف انو رح يموت كان ما رضي اخواتو يورثوه.. كان التف عالقانون و عمل عقود بيع وهمية لبناتو ( و هالعقود كمان مشكلة... اسألني لألي, عيلتي لليوم في مشاكل بيناتهون بسببها). أنا متأكد انو هو كرغبة كان بدو مرتو تورثو.. و من مرتو لبناتو... مو تروح لأخوتو! طيب ليش ما فيو؟ مع العلم انو مرتو نالت الجنسية السورية و تعمل (أو كانت تعمل) لدى الحكومة السورية. ليش مافي احتواء قانوني لهالشخص انو خلال حياتو يقرر مين بدو يورثو؟ أو في قانون أحوال شخصية مدني بجانب قوانين الطوائف و المذاهب؟ بتروح بتسجّل بالمحكمة أو بالنفوس أو بشو ما كان انو انت شخص بدك تحتكم للقانون المدنى الوضعي, و اللي حابب يبقى عالمحكمة الشرعية الخاصة بمذهبو يبقى... انت خسران شي اذا أنا تزوجت مدني و ورثت أو ورّثت مدني؟ قانون محتويني و انت عندك قانون يحتويك.. وين المشكلة بالضبط؟ بستغرب هالتمسّك بقانون الأحوال الشخصية لما هو قانون من اسمو يخص الشخص! شو ما عمل بحالو ما يأثر على غيرو! و الله مو صعبة يحتوو الكل... بس بدها رغبة, مش أكتر, و هالمشروع عم يحكيلي انو هالرغبة غير موجودة... فقط لا غير
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||||||||
|
|
|
15/06/2009
|
#94 | |||||||
|
عضو
-- زعيـــــــم --
 |
طيب Champion يعني الحقيقة أنا ما قريت كتير تعليقات بخصوص الموضوع, لفت نظري طرح البعض بأنو مين حاطط هالتشريعات و مين مجتهد فيهن و ماهنالك .. حبيت وضّح بأنو التشريعات و القوانين هي مستقات من صلب التشريع الاسلامي يللي الدستور السوري آخدو مرجع بمايتعلق في الارث و الزواج و هالامور يللي حاطلها الشرع أساسيات و سنن و مقوّات.
إذا بدّك تاخد الغرب رح تلاقي تقريباً تشريعاتهن آخدة على شكل تحديث و تطوير من التلمود عالانجيل على تشريعات الآباء الاولين _ انت مسيحي لازم تعرفها_ بما يتعلق بامور الزواج الكنسي و بعض الامور الحياتية, يللي ماعجبهن استبدلو أو همّشو و عملو تشريع بيناسب أهواءهن و مزاجاتهن . يعني السنة الماضية أقرّو زواج المثليين بكاليفورنيا .. زواج مدني بيعطوهن في شهادة زواج .. بس الكنيسة ما إلها علاقة في و غير معترفة أصلاً في .. عندن ناس هيك أفكارهن و ميولهن .. طالبوا بمساواهن بغيرهن مع انّها و برأيي وصمة عار عاجبين البشرية .. بس بالاخير أخد يللي بدهن اياه .. بأميركا أو بالغرب عموماً منهج التفكير الروحاني و الديني غير المنهج يللي عنّا نحن .. إذا بدك ترجع للتاريخ بتلاقي بأنو هالبشر نسيو التشريع اللاهوتي و نسيو الديانة و لأسباب بظن انت بتعرفها ... العبرة حبيبي مش بالنسيان "لأ " العبرة بقيادة بتمنهج فكر الشعب و بتسيطر علية لحقبة من الزمن .. هيك هيك لتترسخ أفكار هالقيادة بعقول الشعب. صار الغرب يتقبل الزواج المثلي و البعض يفضّل عدم التعليق لأنو أمر حاصل و بالمجمل الأمور ماشية بسلاسة لأنو الشعب الغربي هيك بدّو. إذا انتقلت للشارع الشرقي العربي الشرق أوسطي .. رح تلاقي لحد ما متديّن بمسحة من العلمانية و أنا هون بدي اشمل المسيحي مع المسلم .. يعني تذكر الله و تعاليمو .. أنا هون لما اتناقش مع الناس بلاقي مشكلة كبيرة لما بدي استشهد بمرجعيات .. مرجعياتنا نحن العرب او المسلمين او كمان المسيحيين العرب بتنحى نحو تذكر الالة و تشريعو بالطالعو و النازلة و حتى أثناء ارتكاب المعاصي .. الغرب تقريباً نسي الوازع الديني أو بالأحرى مابقى للوازع الديني أو الاله بقلبهن مطرح. باختصار نحن عنّا مسلّمات ماشين عليها مسلمين على مسيحيين أما الغرب فلأ عندهن العمل مقدّس العلاقات الأسرية يللي بتحث عليها الديانات مفككة منشان هيك بتلاقيهن يخترعوا شغلات ما انزل الله بها من سلطان .. منها زواج المثليين. اقتباس:
من اسبوع طلعت أخد KFC و لقيت طلاب مدرسة واقفين ليشترو لأ قاعدين عالطاولة .. فالشب ما حسيت و دريت إلا و عبطها للبنت و هات يا م....  العمة طبعاً من دون مبالغة طلاب شي صف تامن او هيك شي .. إذا صارك و زرت الغرب رح تشوف بنت لساتها بدها تتعلم الخجل و الحياء و الأنوثة بس للأسف رح تشوف يللي شفتو أنا ..بنت مع رفيقها بالسوبرماركت فاتحة رجلينها بطريقة مقززة .. رح تشوف بنت عمرها 15 سنة حامل سفاح. بعض الشباب هون بيمتعضو من الدور يللي آخدتو المراة يعني حاطينها بكل مكان و زمان ففي شب كل ما بينفتح نقاش و تنافس بيقول هالكلمة لحتى يدفع البنات ليعملو امور ما بيقدرو عليها بيقول: Equal Rights هي يللي تعنونت فيها ثورة المراة عالرجل أيام السفربرلك أنو احسن هلأ نسواننا و إلا نسوانهن .. أي نسوان منصانين اكتر يللي عندكن و إلا يللي هون؟ المسيحي على حد علمي آخد حرية كاملة بممارسة شعائره و صلواتو و كل شي .. موظف بالدولة مع المسلم .. ثيادي و كل ما هنالك .. ما بعرف انت عن شو عم تحكي و ما بعرف إذا سمعت بفارس الخوري و شو كان منصبو. أما عن تبديل الديانة فما بظن في خانة للديانة بالهوية السورية و ما بظن في بلد بالعالم بيعطي وثيقة رسمية للادينيين.
Flush it down the Loo
|
|||||||
|
|
|
15/06/2009
|
#95 | ||||||
|
عضو
-- زعيـــــــم --
|
يعني ما بالأول الملحدين او اللا دينيين يطالبو بصياغة عقيدة لإلهن و يأثبتوها بتشريعات الدولة و من بعدها بظن فيهن يطالبو بتزويجهن عالعقيده يللي بدهن.
|
||||||
|
|
|
15/06/2009
|
#97 | ||||||||
|
مشرف
|
اقتباس:
كأنو المتدينين لما بزورو الغرب .. بروحو على غير الحارات يللي بزوروها باقي الخلق اقتباس:
مسمحلون يصلو على كيفون و مع هالقانون الجديد ... صار مسمحلون ياكلو و يشربو كمان .. أنو غريب هالمنطق
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||||
|
|
الملاكمة|
15/06/2009
|
#99 | |||||||
|
مشرف متقاعد
|
اقتباس:
القانون طويل كتير و قراءتو مش سلسة, فما رح تكفيكي سهرة |
|||||||
|
|
|
15/06/2009
|
#100 | ||||||
|
عضو
-- مستشــــــــــار --
|
اقتباس:
بتخيل المسلمين اكثر ناس مابيقدرو يمارسو شعائر دينهم براحة تامة وهاد بسبب كتار اساءو لها الدين بتخيل المسيحيين الله يتم عليهم مرتاحين هاموش...أنو عم اقرا القانون هلىء شو مشان نصو مخالف للشريعة الاسلامية اقتباس:
 بتخيل هاد قانون تشريعي مرائي يعني متل مابدهم فئة من المسؤولين ومو شرط ابدا الاشخاص يلي اشرفت عليه معقول مطلقة او ارملة ما تتزوج مر تانية لبعد سنتين؟؟؟؟؟؟؟؟؟؟؟؟؟؟؟؟؟؟ لاء انو محششين على الاخير |
||||||
|
|
|
15/06/2009
|
#101 | |||||||
|
عضو
-- زعيـــــــم --
|
اقتباس:
منرجع للمنطق يا عمي انتو ليش حابين تعملو من قصة المسيحيين قصة كبيرة و انهن مظلومين و مافي عندهن حقوق متل غيرهن .. يعني ليش تشوية الحقائق؟ أي المسيحيين افللية و هاي الثغرة الوحيدة يللي عم يستخدمها البعض للصيد بالمي العكرة ضباط كبار و صارو و مازالو مدراء عاممين كمان .. وزرا رجال دين قضاة شو بدك كمان؟ ما بحب الحكي الفاضي |
|||||||
|
|
|
15/06/2009
|
#102 | ||||||
|
عضو
-- زعيـــــــم --
|
لازم يكون لكل طرف قانون أحوال مدنية مستمد من الشريعة الخاصة بالدين الخاص فيه مو معقول مسلم يطبق عليه قانون أحوال مستمد من الديانة المسيحية .. أو مسيحي بيطبق عليه قانون أحوال مستمد من الشريعة الاسلامية !! بتصير فوضى ... سؤالي هون : شو خطر عبالهم هالقانون بالوقت الحالي مو عاساس الحزب الحاكم مبادئه علمانية !! وبالنهاية الله يقدم لما فيه الخير للجميع ويعم الخير وحبذا لو يصلحوا النظام القضائي الفاسد اللي انتشرت به الرشاوي والفساد عم ينخر فيه لكن قاضي مابيمشيلك معاملتك الا برشوة 100 الف ليرة وبيعرف ان قضيتك عادلة والحق معك؟! عالهامش : عندي فضول كبير أعرف شو قانون الاحوال المدنية الخاص بتسيير أمور الملحدين اللي مابيعترفو بأي شريعة سماوية يعني بالمشرمحي شلون بدهم يزبطو أمورهم الحياتية ؟! 
يا ايها الرجلُ المعلمُ غيرهِ..............هلا لنفسكَ كانَ ذا التعليمُ
|
||||||
|
|
|
15/06/2009
|
#103 | ||||||||||
|
مشرف
|
اقتباس:
اقتباس:
أو بالأحرى كل الطوائف غير المذهب الحنفي ...مغبونة بهالقانون مين قال أنو من حق الاكترية ياخدو وكالة بالأقليات ... أو يكونو أولياء عليهون .. اقتباس:
بنفس المعيار هني و المسلمين بظل قانون مدني ..مو مستمد من أي دين أو طائفة اقتباس:
|
||||||||||
|
|
|
15/06/2009
|
#105 | |||||||
|
عضو
-- زعيـــــــم --
|
اقتباس:
الله يتم عليهم وعلينا ... |
|||||||
|
|
|
15/06/2009
|
#106 | ||||||
|
عضو
-- زعيـــــــم --
|
حارات عرب؟ .. بيكفي بأني هون آعد من دون Green Card يعني شي شغلة انا What goes around, Comes around أنت يللي دقيت الباب. على كلٍ .. عمو القانون لمّا بينحط بظن يحطّو للأكترية أصلاً التشريعات و القوانين منشان شو؟ آ أنا قللك منشان شو .. تسيير أحوال الناس بسيطة كتير, و لما الأغلبية بيكون في عندها صبغة دينية معينة فأكيد بدو يكون القانون بيعالج أمورهن من منطلق اعتقادهن. بيكفيك لحد هون. |
||||||
|
|
|
15/06/2009
|
#107 | |||||||||||||||||
|
عضو
-- مستشــــــــــار --
|
اقتباس:
حبيب كلمة عدم الموضوعية انا شفتها بالمثال يلي اسلفتو . وهاد رأيي بالنتيجة يلي . وأنت دافعت عن وجهة نظرك . مع ذلك أنا ماذكرت كلمة كذاب يلي أنت قلت كتير أني عم كذبك . وحتى كلام الحيادية هو من وجهة نظري . بيجوز أنت برايك بعيد عنو . بتضل وجهات نظر اقتباس:
تمام . أنا معك بممثلي الطوائف . أما قصة نقابة المحامين والأاتحاد النسائي . فهي يلي أنا ركزت عليها . اصلا بستغرب يكون عندهم الجرأة يحكو ( طبعا المحامين والنسائي ) بدون مايكونوا اخدين موافقة . لأنو ممكن يتحاسبو على كل كلمة اقتباس:
النيابة على حد علمي . ممكن كتير تساعد بدعاوة التفريق . وتسرع هالشي . أنا بشوف انو في قضايا كتير عم تاخد وقت طويل بالمحاكم . ممكن النيابة تسرع حلها . وهاد طبعا بيصب بصالح المرأة يلي عم تطلب التفريق . اما مثالك فكل يلي قلتو انا أنو من كلامك ممكن يفهم الواحد انها أنوجدت لهاد السبب بس . وانو انا مابعتقد أنها ممكن تدخل بهاد الشكل حتى ولو أعطيت صلاحية اقتباس:
غريب . من طول عمرنا من حط الغرب المتحضر كمقياس ( وخاصة فيما يتعلق بالمرأة ). ومنقول انو لازم نفرق بين الجيد والسيء بتجربتو اقتباس:
ماعم افهم عليك . كلمة موطوئة يلي أنذكرت كيف فينا نعملها أكثر اناقة ؟ . الكلمة أنذكرت باللغة العربية الفصحة ومكانها شرح حالة معينة بطريقة وافية حتى لاتقبل الأجتهاد . كيف فينا نعملها أكثر اناقة ؟ . نقول صحراوي مثلا اقتباس:
أنا برأيي صحيح . وحتى لو عملنا قانون وشفناه صحيح ممكن يطلع على التنفيذ في عيوب . هاد طبعا مع انو الشغلة نسبية فهو سيء لألك جيد من وجهة نظر غيرك . أما مثال مصر . فأنا مع انو في تحالف بين السلطة ومشايخهم . بس مابعتقد انو نظام شمولي متل مصر بحاجة يعدل قانون لدايق شخص . بسهولة فيه يعمل فيه يلي بدو ياه . ويلبسو اي تهمة بدو ياها اقتباس:
نفس الشي . أنا شايفك عم ترد بوادي تاني . متشدقين مالتها الك . التها لمثال أنا ذكرتو . اقتباس:
تمام أنا مع هاد . بس شو عقيدة اللادينيين . وقديش نسبتهم بسوريا ؟ . وشو جاب كلمة متشدقين لهون ؟ . أنا كلامي بيقول أنو اغلبية الشعب السوري مسلم والطبيعي انو رأيي الاكترية تمشي . طبعا هاد مع أحترام خصوصية وعقائد الديانات التانية . وهالشي موجود بالقانون . كل ديانة الها باب . وفي شباب كتير مسيحيين هون ماشفت حدا فيهم هاجم شي ضمن باب الديانة المسيحية . انو هاد غلط . وبينقض عقيدتي . أما انو نساوي القانون على قياس اللادينيين ( يلي هنن ما أتفقوا على عقيدة او فكرة لمذهبهم . وكل واحد الو وجهة نظر تختلف عن الاخر ) ويلي هنن مابيمثلو 1% من الشعب السوري . ونهمش الكترية . هاد يلي أنا عم قول عنو خطأ اقتباس:
اقتباس:
اقتباس:
طبعا برجع بقلك . انو انا حأشتغل حسب قناعتي وشرعي ز وهاد الشي بيخلي القانون فاشل لانو يلي حيلتفو عليه اكتر من يلي حينفذوه . بعكس الحالي  |
|||||||||||||||||
|
|
|
15/06/2009
|
#108 | ||||||||||
|
عضو
-- مستشــــــــــار --
|
اقتباس:
مرة نزل موضوع بأخوية أنو اذا كانو الملحدين متحررين من الضوابط الدينية فليش ما بيتزجوا أمهاتهم ( الامر يلي حرمتو الديانات السماوية ) . فالموضوع دغري طار ( يعني مو تسكر لحتا ينقرا ومايتجاوب فيه . طار ) . فصدقني مابعرف كيف بدهم يظبطو امورهم الحياتية |
||||||||||
|
|
