شوية مسائل عالسريع

[adel]

كاتب النص الأصلي : Willi

هلق لهون صح
بس كيف بدك تعرفي انو واحد من هدول الخمسة هوي الل فيه 9 كيلو ؟؟؟؟

بس معلم عادل الميزان كفتين ولا كفة وحدة؟

شكرا لمحاولاتكون يعني عم تقربوا للحل
الميزان ممكن يكون الكتروني

[Willi]

لقيت الحل

هلق بفرض انو الميزان ابو كفين

منحط خمس صناديق على كفة وخمس صناديق على كفة
طبعا وحدة من الكفات رح تكون نازلة لتحت اكتر من التاني
منشيل صندوق من جهة وصندوق من جهة تانية
وهيك لحتى نعرف انو واحد هوي ابو 9 كيلو

[Willi]

رديت بسرعة

رح نعرف انو منهون تسعة كيلو
مثال

شلنا اول صندوق من كل جهة
قام ضلت كفة من الكفات مرتفعة اكتر من التاني
شلنا صندوق من كل جهة قام اتساوو
الصندوق اللي كان بالكفة اللي مرتفعة اكتر من التاني هوي اللي بكون وزنو 9 كيلو


شو رأيك

اكيد صح

الله يحفظني ويحميني
وعين الحاسود فيها عود انشالله

[السورية المشتاقة]

بتوقع انه الحل صح ...
بس لا تنسى يا ويلي انه افتتاحية حلك استعرتها مني مو هيك

[hanny dagher]

ما بعتقد

لانو انتي بكل مرة كانك عم تزين الصناديق من جديد

يعني ما بعرف كلمة استخدام الميزان مرة وحدة يعني بدك من اول وزنة تعرف الصندوق

هيك عدولة ولا انا فايت بالحيط ؟

[adel]

كاتب النص الأصلي : hanny dagher

ما بعتقد

لانو انتي بكل مرة كانك عم تزين الصناديق من جديد

يعني ما بعرف كلمة استخدام الميزان مرة وحدة يعني بدك من اول وزنة تعرف الصندوق

هيك عدولة ولا انا فايت بالحيط ؟

كلامك سليم 100% أبو الهن
يعني الطريقة منزين وزنة واحدة وما منشيل ولا منحط ومنعرف الجواب
اذا ما توصلتوا لحل خبروني لأشرحلكون الحل

[hanny dagher]

كاتب النص الأصلي : adel

كلامك سليم 100% أبو الهن
يعني الطريقة منزين وزنة واحدة وما منشيل ولا منحط ومنعرف الجواب
اذا ما توصلتوا لحل خبروني لأشرحلكون الحل

اي طول بالك على شو مستعجل

انو اسعتنا عم نفكر

[LEONARDO]

منرقم الصناديق من 1 الى 10
1 2 3 4 5 6 7 8 9 10
مناخد من اول صندوق كيس ومن التاني كيسين ومن التالت تلاتة وهكذا
ومنزينهن كلهن سوا واذا كان النقص كيلو معناها من اول صندوق واذ اتنين معنها من تاني صندوق وهكذا.
ملاحظة الوزن لازم يكون 10 كيلو

[hanny dagher]

كاتب النص الأصلي : LEONARDO

منرقم الصناديق من 1 الى 10
1 2 3 4 5 6 7 8 9 10
مناخد من اول صندوق كيس ومن التاني كيسين ومن التالت تلاتة وهكذا
ومنزينهن كلهن سوا واذا كان النقص كيلو معناها من اول صندوق واذ اتنين معنها من تاني صندوق وهكذا.
ملاحظة الوزن لازم يكون 10 كيلو

يعدمني ياك

انا كنت عم فكر انو نشيل كيس من الاول وكيسين من التاني وهيك
بس بعدين ما عرفت شو بدي ساوي فيهن

يعني كنت عم فكر انو بادل بيناتن

بس كانو الحل صح مهيك عادل ؟

[LEONARDO]

كاتب النص الأصلي : hanny dagher

يعدمني ياك

انا كنت عم فكر انو نشيل كيس من الاول وكيسين من التاني وهيك
بس بعدين ما عرفت شو بدي ساوي فيهن

يعني كنت عم فكر انو بادل بيناتن

بس كانو الحل صح مهيك عادل ؟

وحياة العدرا ضحكتني
لكن ماعرفت شو بدك تساوي فيهن

[adel]

مبروك LEONARDO

فكرة الحل صحيحة بس في غلط بالأرقام يعني :
لازم الوزن يكون 55 كغ واذا نقص 100 غ بيكون الصنوق الأول
..............................واذانقص 200 غ بيكون الصندوق التاني .....وهكذا
شكرا لكل يلي شاركوا أحلى شباب
وشكر خاص للسورية المشتاقة لأنها الصبية الوحيدة المشاركة بالحل
ويلي عندو مسألة جديدة يحطها

[LEONARDO]

كاتب النص الأصلي : adel

مبروك LEONARDO

فكرة الحل صحيحة بس في غلط بالأرقام يعني :
لازم الوزن يكون 55 كغ واذا نقص 100 غ بيكون الصنوق الأول
..............................واذانقص 200 غ بيكون الصندوق التاني .....وهكذا
شكرا لكل يلي شاركوا أحلى شباب
وشكر خاص للسورية المشتاقة لأنها الصبية الوحيدة المشاركة بالحل
ويلي عندو مسألة جديدة يحطها

[hanny dagher]

ولك نادر والله طلعت مانك قليل

طيب هاي وحدة جديدة ركزو معي هيي مانا صعبة بالعكس اسهل مسألة انحطت

قال :

تقطع طيارة مسافة من المدينة أ إلى المدينة ب في ساعة واحدة و20 دقيقة
ولكنها بالاتجاه العكسي تقطعها ب 80 دقيقة فقط فكيف تفسر ذلك ؟

يللا انا ناطر الحل منكن

[LEONARDO]

يبلاك بقتلك ما الوقت نفسو يعدمني اياك

[hanny dagher]

ههههههههههههههههههههههههه ه
ما هاي هيي الفكرة

طيب رح حزركن هاي هلأ طلعت معي

انا سافرت من نقطة أ إلى النقطة ب

طلعت من النقطة أ الساعة تمانة الصبح وصلت النقطة ب الساعة تمانة الصبح

وبالرجعة طلعت من ب تمانة الصبح ووصلت عشرة الصبح


كيف صار هيك ؟

للتسهيل الطريق بدو ساعة وحدة بس

[LEONARDO]

رجعت من نفس الطريق?

[hanny dagher]

اي من نفس الطريق وبنفس الالية كمان

[LEONARDO]

المسألة فيها سحبة او نظامية
يعني ماتجي تقلي وقف عمل استراحة على الطريق