عن السرقة الرقمية

[Abu ToNi]

كاتب النص الأصلي : متمردة

هلأ بالإضافة لفكرة انو الأشياء الثمينة ما لازم تنكتب ، بس أنا نسيت موضوع المواضيع العلمية لفتلي نظري الها أبو طوني
لذلك ..وإكراماً لمواضيع أبو طوني المسروقة ، وخصوصاً موضوع الحيوانات الأسطورية قررت اني فكر بحل
طلع معي حلين :
1- انو تكتب تحت الموضوع " من أقوال السيد الرئيس "
2- واللي هو أكثر منطقية وجدية ، انو يصير في رتبة بالموقع اسمها "مخبر" ، يعني متل مخابرات الدولة ، بجد . وهاد الزلمة بس شغلتو انو يحافظ على أمن المواضيع ..يعني كل فترة بيعمل بحث وبشيك اذا في شي مسروق ، وفي حالو وجد ، بيفضح السارق و بحط الرابط تبع الموضوع الأصلي .

.
.
.
.
غريب ...

ما تعذبي حالك لأن قصة اللطش مانها على مستوى الأخوية بس
يعني كتب بحقوق نشر محفوظة عما تنسرق وتتنزل علنت فوقفت على كلمات لأقلام هاوية أو بحوث غير محفوظة الملكية ... صدقيني مافي حدا لا تندهي مافي حدا


بس شبيبة ملاحظين بأن الأخوية صايرة مركز بتنطلق منه الافكار

انه عملوا تشييك لأي موضوع قديم لعضو بالأخوية متأكدين من نزاهته وعدم سرقته للكلمات بتلاحظوا في نتائج مشابهة بحرفيتا وبتواريخ احدث من الموضوع الأصلي اللي هون \

عنجد شي بيرفع الراس انه بيتنا يكون شعلة حتى تفوت العالم تسرق من ضوه اتوسة وتشعل قناديلها " ليتا تنبلى بالعمى "

[i m sam]

حكينا مع ادارة الموقع وما قصروا لكن قال ما بيقدروا يحذفوا كل المواضيع وخاصة المؤرشفة لانها بدها شغل كتير ولبكة.
فاما انو كل واحد يدخل يشوف مواضيعوا ويحط انها منقولة ويحط الرابط
او اتفقوا شو بدكم تعملوا
هي آخر المفاوضات ناطرين تصويت الشعب هون

[personita]

كاتب النص الأصلي : i m sam

حكينا مع ادارة الموقع وما قصروا لكن قال ما بيقدروا يحذفوا كل المواضيع وخاصة المؤرشفة لانها بدها شغل كتير ولبكة.
فاما انو كل واحد يدخل يشوف مواضيعوا ويحط انها منقولة ويحط الرابط
او اتفقوا شو بدكم تعملوا
هي آخر المفاوضات ناطرين تصويت الشعب هون

فكرة، كل واحد يتابع شغلو و من هون و رايح ياخذ بالو من لغاليغو!!

[nour333]

كاتب النص الأصلي : i m sam

حكينا مع ادارة الموقع وما قصروا لكن قال ما بيقدروا يحذفوا كل المواضيع وخاصة المؤرشفة لانها بدها شغل كتير ولبكة.
فاما انو كل واحد يدخل يشوف مواضيعوا ويحط انها منقولة ويحط الرابط
او اتفقوا شو بدكم تعملوا
هي آخر المفاوضات ناطرين تصويت الشعب هون

انا برأيي هاد اقتراح لابأس فيه وحل مبدئي لهاي المشكله

[yass]

حكينا مع ادارة الموقع وما قصروا لكن قال ما بيقدروا يحذفوا كل المواضيع وخاصة المؤرشفة لانها بدها شغل كتير ولبكة.
فاما انو كل واحد يدخل يشوف مواضيعوا ويحط انها منقولة ويحط الرابط
او اتفقوا شو بدكم تعملوا
هي آخر المفاوضات ناطرين تصويت الشعب هون

و الله؟ بجد كنت مفكر رح يكون طناش...

ما بعتقد لاطشيلي شي لأنو المقالات مانا مادة تنلطش بسهولة (من حيث مانها مستحبّة و لازم يكون الواحد معلاقو كبير جداً ليلطش مقالة ) و خواطري و خربشاتي بيهوو... حتى للسرقة ما بدهون ياهون


بس فيما لو لاطشيلي شي أنا مسامحون, ليكو شو قلبي كبير

[اللامنتمي]

كثيرا ً ما تحصل يا أصدقاء

الأفكار وَ الكلمات وَ تنسيق الكلمات

حتى الأسماء

" تـُسرق "

وَ ليس لنا إلا أن نبتسمَ بـِ حُزن

[..AHMAD]

منقووووووووووول
أخـــــــــــويــــــــــ ـــــــة ســـــــــــــــــوريــــ ـــــــــــــا

كل المواضيع تم وضع هالرد فيها .. من الناقل حصراً

[i m sam]

كاتب النص الأصلي : yass

و الله؟ بجد كنت مفكر رح يكون طناش...

ما بعتقد لاطشيلي شي لأنو المقالات مانا مادة تنلطش بسهولة (من حيث مانها مستحبّة و لازم يكون الواحد معلاقو كبير جداً ليلطش مقالة ) و خواطري و خربشاتي بيهوو... حتى للسرقة ما بدهون ياهون


بس فيما لو لاطشيلي شي أنا مسامحون, ليكو شو قلبي كبير

لاطشينلك يا معلم تبع قراءة في رواية البحث عن الخالدي سامحني نسيت العنوان من كتر ما قارنت عناوين
وبذكر في مقالة تانية كمان لاطشينها

[i m sam]

كاتب النص الأصلي : ..AHMAD

كل المواضيع تم وضع هالرد فيها .. من الناقل حصراً

مو الكل والله بس يلي ردينا نحنا عليهم لنشوف رح يكملو ولا لا

[Marooshe]

آآآهاا ...انهم يكتبوا كلمة (منقووووووووول) ويضيفو كمان رابط الموضوع الاصلي (بكون أحسن)

في كل الأحوال... كن يقينا ان باريس و ايما اخر من يفكر بالسرقة او بأن يدعيا لنفسيهما شيئا لا يخصهما

راسل الإدارة وهي رح تقارن تواريخ طرح المواضيع (هذا أصلا إن كانت المعنيتان سارقتان وتدعيان ما لكما) وتضيف الهم كلمة منقول او يمكن تحذفهم

آل هادا صاحب البيت .. واثق يا حرام ..

[yass]

كاتب النص الأصلي : i m sam

لاطشينلك يا معلم تبع قراءة في رواية البحث عن الخالدي سامحني نسيت العنوان من كتر ما قارنت عناوين
وبذكر في مقالة تانية كمان لاطشينها

بحثاً عن عادل الخالدي...

أي هلأ لشفتا بس تارك توقيعي اللي بحطو بأخوية وقت مقالة شغلي (Yass) ففيني اعتبر انو مانا ملطوشة انما منقولة... و حاطين عليه إشارة مميز يعني كتّر الله خيرون للجماعة

ع كل حال, اذا اتفقتو معهون انو كل شي ينقلوه يحطو " منقول " و من عنا حصراً (يعني يشيرو للمنتدى) أنا شخصياً ما عندي مانع يستمروا بالنقل, فما بعرف... شو رأيكون؟ ع اعتبار تجاوبو و كذا نسمحلون و للا لأ؟


الرأي الكون

[yass]

كاتب النص الأصلي : Marooshe

آل هادا صاحب البيت .. واثق يا حرام ..

لك قولولو لصاحب البيت ازا حتى السمايليات وقت الواحد ينقر عليهون يطلع رابطون بأخوية... شو بدو كمان؟

يحرء حريش التناحة

[i m sam]

وانا من رأيك انو ينكتب انهم منقولين من أخوية واذا بينحط الرابط معلش
بس المشكلة انو في قصائد واعمال البعض ناوي يطبعها وينشرها فهي بدنا نحاول نحذفها ولا انتو شو رايكون
صحيح سؤال حذف المؤرشف بيعمل مشكلة ولبكة للدرجة يلي صورولي اياها؟؟

[yass]

بس المشكلة انو في قصائد واعمال البعض ناوي يطبعها وينشرها فهي بدنا نحاول نحذفها ولا انتو شو رايكون

هلأ وقت قالو الشباب انو ازا شي غالي عليك لا تنشرو أنا قلت انو لأ ينشر و هيك حتى لو انلطش لأنو غلاوتو أحياناً بانو الناس يقروه

لكن.. و هاي نصيحة من مجرّب, ازا بدك تنشر شي بشكل محترف أو تحاول تطبع شي لا تنشرو عالنت (و لا حتى بأخوية) لأنو مافي جريدة أو دورية أو دار نشر ترضى تنشر شي منشور سابقاً حتى لو ع مدوّنتك الشخصية ( و في كتّاب مقالات كتير عندون مدونات, بس مثلاً اذا كتبو مقالة و لنفرض لإيلاف أو لأي وحدة, بتلاقي هالمقالة ما تطلع ع مدونتون لبعد ما تكون انتشرت بايلاف بأسبوع أو هيك)

عم قول هالحكي لأنو بعد قصة جائزة المدوّنات اللي طلعت فيها تاني (بفضلكون يعني, الصراحة ) اجاني كذا عرض عمل بدوريات (بالأحرى مو عمل انما تعاون) انو ينشرولي مقالات حول قضية معينة (انو بالمشرمحي شو بتكتب عن القضية الفلانية ابعتلنا) و أغلبهون ما تشجعت لأنو ما كان بدي سكّر مدونتي و هاد كان شرط لألهون, و حالياً فقط اتعاون أحياناً مع موقع نساء سوريا لأنو ما بيشترط هالشي.

حاصله, ازا مفكر بيوم من الأيام تنشر شي بشكل محترف لا تحطو عالنت, لأنو حتى لو ما انلطش, ما حدا رح يحط مصاري لينشرلك شي انت حاطو قدام الناس ببلاش.

[i m sam]

انت معك حق تماما من ناحية انو بدو ينسرق بدو ينسرق ومن ناحية النشر .
لكن المشكلة ماعنا مكان ولا مجتمع واقعي تقرأ قدامو وتتعلم من الخطأ وتصحح لذلك عم يضطر انو ينشر بالنت.
مافي تجمعات أدبية تساعد بهي الأمور فمافي حل الا هون هاد شي منحاول نتجاوزوا
بس هلق بدنا رأيكم مشان راسلهم ونخلص من المشكلة
يا حطو روابط أعمالكم هون ليكتبوا منقول يا شوفو شو بدكم تعملوا

[سوا ربينا]

انو شو هااد لاطشين كل شي .. مش ضايل غير يلطشو الاعضاء نفسهم ...

بس في اكتر من موضوع انكتب اليوم انو منقولين من اخوية ... في ان واخواتها بالموضوع...

بالنسبة للموضوع...
انا برأيي متل ما كتير ناس قالو انو ازا الشي اللي بتكتبو بيهمك كتير ومابدك حدا يلطشو ما ينزل ع االانترنت ...

[سوا ربينا]

هلأ قفشتلكم احد اللطيشة من اخوية ...
هلأ موضوع الرموز العالمية تبع ابوطوني .. هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

نفس صاحبتو عنا بالاخوية وحتى الصورة الرمزية نفس الشي تقريبا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاموش: ع فكرة اتزكرت شغلة هلأ موقع بلياردو (اللي فيه موضوع الرموز) لشخص هون باخوية اسمو اوديل (Odell).. اكيد معظمكم بيعرفو...
وفي كتير اعضاء اصحابو هون في اكيد في منهم عم بيلطشو ...

[i m sam]

أيها الشعب الكريم يا اهالي اخوية وضواحيها والمقاطعات التابعة لها تحية وبعد
هذه عودتنا الميمونة من ام المعارك منتصرين محفوفين بهالة العظمة التي انعم بها الاله علينا فاليكم ملخص المعركة

أهلا

تم حذف الموضوعين ونقل المواضيع الاخر لقسم المواضيع المخالفة والمكررة بعد إضافة المصدر للموضوع مبتوعا برابط (منتدى الاخوية)
وبالنسبة للعضو فلا يوجد أي مشرف أو مدير يقف بجانب العضو وهو يكتب الموضوع او ينقله او حتى يسرقه وفي كل الاحوال فقد تم حظر العضويتين "باريس" و "ema"

طبعا بعد شد ورد
وكر وفر
وبعد طول مداولات
وانقل لكم اعجابهم باخويتنا العزيزة على قلوبنا
ونقلت له الشكر والتمنيات الطيبة
طبعا مو كل المواضيع انحذفو
فيلي بيلاقي موضوعو وبدو يشير انو منقول مع الرابط مافي مشكلة.
من ناحية تانية هالعملية وهالهجوم يلي قمنا به بمعيتكم طبعا والشكر لبيرسونيتا على تنبيهنا عسى انو كل صاحب حق يطالب بحقو وهيك شوي شوي بيخف النسخ وسرقة التعب بلكي بعد كم سنة لما بتدور على شي موضوع بالنت ما بتلاقي الف واحد كلهم نفس النسخة منلاقيهم الف كل واحد متعوب عليه بشكل متميز
سلامي للجميع وتقبل التهاني في دار الفقيد