|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
26/11/2008
|
#1 | ||||||
|
عضو
-- قبضاي --
  |
النق
بالفرح بالزعل....منق وقت بنكره ولما منحب....منق لما منكون فاضيين أو حتى مشغولين....منق صبح ومسا وكل شي عنا بينتسى إلا النق بالجد وبالمزح..... منق ::: جذور النق::: الشاب السوري( شباب وصبايا) منين بيجيبوا هالنق؟ باختصار بجيب النق من بيت أبوه حبيبي.....لا عن جد عم أحكي ما عم أمزح فنحن جيل اعتاد على التربية النقاقة... قوم فيق صارت الساعة ستة تعال اتغدى جاي جاي يلا قوم اتغدى جاي بس دقيقتين يلا تعال اتغدى....قوم اتغدى هلأ بيبرد الأكل قوم اتغدى يلا.... وفي السهرة: تعال تعشا ما تغديت منيح لأنك... تعال تعشى...ما بدك تتعشى...يلا قوم ع العشا.... ::: حكاية نق::: في سنةالبكالوريا: إيمتى بدي خلص وفوت ع الجامعة بقا(( وبيضل بينق وينق وبينسى يدرس.....)) في السنة الأولى للجامعة: أووف شو عم حن لأيام المدرسة...إيمتى بدي أتخرج يالله هف لسه كم سنة هفف بعد التخرج: ييي شومشتاق لرفقاتي بالجامعة وكيف كنا....هفف ياريتنا ما تخرجنا ضاق خلقي من النوم للضهر والطلعات والفرجة عالتلفزيون بدي اشتغل واستقر بعد الشغل: تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر خطب بنت بحبها:هفف إيمتى بدنا نتزوج ونكون مع بعض لوحدنا... أتجوزوا:هفف منه الروتين والله شي بملل شو رأيك نجيب ولد صار الشب أبوالعيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....وقت كنا مو فاضيين غيرللحب ::: أعزائي الأعضاء كنتم مع مسلسل هفف من بطولة نقاق سوري::: ::: جاي على بالي نق::: صار النق في حياتنا حالة طبيعية اعتيادية وعفوية....فمن دون أن نقصد ننق فإذا التقت فتاة بشاب وأحببته( وصار في علاقة) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي) ومن كتر نق جوليت على رأس روميو...يقرر روميو يطنش ويعطيها حريتها وما هي إلا أيام حتى تعود جولييت إلى نقها ولكن بطريقة مختلفة ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم.. شو شايفة ما عاد فرقت معك إذا لبست هالتنورة...)) قلي فهمني شو بدك! :: نقاق شرقي::: شاب شرقي نقاق: أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندهاوجهة نظرها يلي تدافع عنها بعد الزواج من المثقفة والذي لم يستمرأكثر من3 أشهر الشاب شرقي النقاق: طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني... وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أنا بدي وحدة حنونة تسايرني بعد زواجه من الحنونة الذي لم ولن يستمر أكثر من شهرين)) الشاب شرقي النقاق: قرفتني حياتي دايماً بالمطبخ وشو ما قلتلها بتقول حاضر. كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولاكلمة يا زلمة..... لكأنا بدي وحدة حلوة ست بتفهم بالاتيكيت.... بعد زواجه من ست الصالون الذي لم ولن يستمر أكثر من شهر الشاب شرقي النقاق: هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدرغير عيش مع وحدة مثقفة يا زلمة)) ويستمر الشاب الشرقي النقاق بالنق إلى أن يأخذ الله أمانته أجمل ما في الأرواح أنها لاتملك لسان لتنق....أيوالله ::: شعب بنق ليوم النق::: والشعب السوري بشكل عام نقااااااااااااااااق..... ها ها سألتني ليش لأنو ياأخي نحناعلى طول بنقول شوف أوروبا ما أحلا شوارعها شوف العالم شلون.....شوف شوف السير عندهم شوف النظافة .... شوف........أي شفت(( شبك حبكت معك شوف شوف)) ما نحن هون بالبلد لم فرض وضع حزام الأمان للسائقين قمنا الدنيا وما قعدناها وصرنا نق ونسق والله بدفع الغرامة وما بحط الحزام...شو بدهون يتحكموا فينا وقال شو بدهون يقلدوا بلاد برا قال ...! آآيــه سكتنا ما عاد نق... هلأ دوركون لتنقوااا.  منقول من الايميل
كامشة !!!... الله يفك اسرا
إذا صنفنا من دول العالم الثالث فهذا خير I Love You, My Wife & My Son |
||||||
|
|
27/11/2008
|
#2 | ||||||
|
عضو
-- مستشــــــــــار --
|
حاج تنق ولو
The Best Or no Thing
====================== Its Hard To Defeat A King ====================== Feeling Doesn't Die ====================== Trust No One ====================== زبطولنا السيرفر ولو ... :) |
||||||
|
|
|
27/11/2008
|
#3 | ||||||
|
عضو
-- أخ لهلوب --
|
تسلم هالأنامل ...
فعلاً إنت حطيت إيدك عالجرح ... النق المشكلة من دون نق الحياة ما بتصير حلوى بس لا من طخوا ولا بنكسر مخه الشغلة بالمعقول طبعا 
Remeber the distance or colour does not matter but love matters alot in life
|
||||||
|
|
|
27/11/2008
|
#4 | |||||||
|
عضو
-- قبضاي --
|
اقتباس:
بس ما سمعتنا نقك على الهامش : كيفك تمام ؟؟؟؟؟؟؟؟؟ |
|||||||
|
|
|
27/11/2008
|
#5 | |||||||
|
عضو
-- قبضاي --
|
اقتباس:
 |
|||||||
|
|
|
27/11/2008
|
#6 | ||||||
|
عضو
-- مستشــــــــــار --
|
هلاء ياسيدي ع قولة علاء حاجتك نق
تاني شي عنجد كل هالحكي صح بس انو مافي احلا من النق لانو الواحد ازا مانق يا هالشخص مو طبيعي يا مدري شو قصتو 
لا تحمل هم الغد فقد لا يأتي الغَدُ**فتكون قد ضيّعت سرور اليوم
**ToDaY Is A NeW DaY **☠♥ believe in your dreams so they believe in you too |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 01:00 (بحسب عمك غرينتش الكبير +3)