ليييييييييييييييييييييييي ييييييييييييش؟؟؟؟؟؟؟؟؟

[hassan_ahmad]

ليييييييييييييييييييييييي يييش؟؟؟؟؟؟؟؟؟

ليش لما تروح على السوبرماركت مثلا أو أي مكان ويكون في أكم زبون على الكاش، وعشانك بتحترم حالك و بتحترم الناس بتوقف على جنب لحد ما يجي دورك الإفتراضي، بطلعلك واحد وهيك زي إلي عنجد بحط أغراضو وبدو يحاسب ، مش منتبه الأخ يعني ، وجع يخلع طواحينه.

ليش لما تدخل صبية محل من هالمحلات بقلبوا الشباب يحكوا لبناني، ويا الله ما انشطهم و شو بحبو يساعدوا ،غزلان ما شاء الله عنهم ، ولطيفييين كتيير ومزوقين على الآخر، بس لما يدخل شاب ولاحجه ولا زلمه كبيير يا دوب بعبروهم ، وملهمش نفس يحكوا ولا يبيعوا ، يا عمي أوكي خلينا نحكي طبيعي طبيعي تعاملوا الصبايا احسن شوي ، بس برضوا التانيين بشر ومن نفس الكوكب، قرد يحملهم إلي بعملوا هييك.

ليش قاعدة بتشدي بالبلوزة عشان تغطي ضهرك وإلي مش عارف شو إسمه....ما دامك مش مرتاحة هيك ليش بتلبسي بلوزة قصيرة ،آآآآه شربت مع الغسيل، ما إنتبهت انا, يسم بدنك زي ما سميتي بدنا.


ليش بجيبلك واحد أفندي كمبيوتر تصلحو ، وبتسمع منو قصة حياته وحياة إلكومبيوتر، للآخر، بتحكيلو أوكي ماشي هي بدنا نشوف، وبس تبلش تشتغل ببلش هو يحكي: بجوز الرام خربانه ، والله انا بحكي بلاش فورمات ، و إلا نفرمت احسن ، معقول الكهربا ، لأ لأ بجوز الهارددسك ضارب ، عشان هيك بطلع صوت فكرك ؟، ما بخلي كلمة بعرفها إلا بحكيها.
يا سيدنا مادامك أخو بل غيتس الكبير ، لييييييييييش جايبلي الكمبيوتر، ما تخترعلك كمبيوتر جديد احسن.روح انصرف صرفة تصرفك


ليش في ناس بس يكون بدو منك إشي بنزل عليه الزوق و الأدب: كيفك أبو حميد ؟ كيف الأهل ؟ الولاد مناح إن شاء الله؟كيف الدراسة؟ الله يوفقك يا سيدنا.،، وبعدين ببلش في المقطع الرئيسي والله بدي أغلبك بهالشغلة الزنخة بدي منك هيك هيك هيك......كل هادا الحكي بجنن وما في أحسن منو و إنتا بتعمل بأصلك وما بتقصر.
بعد أسبوع ..... اسبوووووووع بتصادفه بالسوق عينك بتخزق عينه وبتطلع من الجهة التانية وهو ولا عنده و لا على باله ... عند عمك طحنا.... بعد شهرين بحتاجك بيجي عندك: كيفك أبو حميد ؟ كيف الأهل ؟ الولاد مناح إن شاء الله؟ كيف الدراسة؟ الله يوفقك ياسيدنا.،،وبعدين ببلش في المقطع الرئيسي والله بدي أغلبك .....
حل عنا يا مش لها لدرجة الزناخة ما اسكع دمك

[باشق مجروح]

حلووووو
هالمرة جد حلو
حبيت اللهحة الي مكتوب فيها الموضوع
أردني قح

[black_iris]

بلدياتنا هاد
أحلا شي تبع البلوزه .. يا الله قديش بشوف هالمنظر .. قال شربت مع الغسيل

[القيصر]

كاتب النص الأصلي : black_iris

بلدياتنا هاد
أحلا شي تبع البلوزه .. يا الله قديش بشوف هالمنظر .. قال شربت مع الغسيل

ايه والله

[باشق مجروح]

كاتب النص الأصلي : hassan_ahmad

ليييييييييييييييييييييييي يييش؟؟؟؟؟؟؟؟؟

ليش في ناس بس يكون بدو منك إشي بنزل عليه الزوق و الأدب: كيفك أبو حميد ؟ كيف الأهل ؟ الولاد مناح إن شاء الله؟كيف الدراسة؟ الله يوفقك يا سيدنا.،، وبعدين ببلش في المقطع الرئيسي والله بدي أغلبك بهالشغلة الزنخة بدي منك هيك هيك هيك......كل هادا الحكي بجنن وما في أحسن منو و إنتا بتعمل بأصلك وما بتقصر.
بعد أسبوع ..... اسبوووووووع بتصادفه بالسوق عينك بتخزق عينه وبتطلع من الجهة التانية وهو ولا عنده و لا على باله ... عند عمك طحنا.... بعد شهرين بحتاجك بيجي عندك: كيفك أبو حميد ؟ كيف الأهل ؟ الولاد مناح إن شاء الله؟ كيف الدراسة؟ الله يوفقك ياسيدنا.،،وبعدين ببلش في المقطع الرئيسي والله بدي أغلبك

أنا حبيت هي أكتر شي كتير صايرة معي

[سارة$$$]

ليييش ؟؟؟ من غير لييييييييش

[المحارب العتيق]

ملعوبة
ولاتنسى انو هالشي بلا طول سيرة

[red rose]

يسلمو ايديك يا حسان كتتتتتتتتير حلو الموضوع.

[BnBooN]

كاتب النص الأصلي : hassan_ahmad

ليييييييييييييييييييييييي يييش؟؟؟؟؟؟؟؟؟

مش منتبه الأخ يعني ، وجع يخلع طواحينه.

قرد يحملهم إلي بعملوا هييك.

يسم بدنك زي ما سميتي بدنا.


روح انصرف صرفة تصرفك



حل عنا يا مش لها لدرجة الزناخة ما اسكع دمك

هههههههههههههه تعليقاااااااات من الاخر كل وااااااحد اكل نصيبوووو بمسبه
يسلمووووووو احمد