|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
23/07/2009
|
#1 | ||||||
|
عضو
-- أخ لهلوب --
|
ضلّي بعد ..... عيسى أيوب
ضلّي بعد
ضلي بعد عنا اليوم بسنة .. اللفتة بدني وشو ما تمنيتي خدي منا فرحة الأم بطفلها أول ما سمعيتو حكى فرحة عروس بخد محبوبها ... على خدّا اتكى لون الزهر دمع العطر كل شي خدي منا وضلي بعد عنا ضلي بعد تشرين بيجبلك ورد تموز بيجبلك برد كانون بشتي دفا وشباط بينعم صفا وحتى بعز الصيف بيخلقلك رعد ضلي بعد ما شبعت الدني حلا ضلي بعد ما شبعت لعيونك صلا لأيمتى رح ضل يعني شي موسم يفل وبتزرعو بقلبي امبلا ... والله امبلا شو وعدتيني من زمان وعدك حلو بيغري تشنق قمر نيسان وتعلقو بصدري ويغفا على صدري ويحلم على مهلو بيدر غناني وان خوفو شي حلم شيطاني يسرق خيالو ويهرب بشعري مرت سنة وهاك الدني بعلمك دني غيرالحكي ما ضل ولأيمتى رح ضل؟ بكرا الدني بتسوى دني أجمل من حقول الزهر من رقصة مواج البحر أحلا من اليوم اللي كنت تلتخي بالولدني ؟؟؟ بكرا الدني بتسوا دني بغزلك بيوت الشعر غرّة وكم خصلة شعر شريطين ملايكة و مشطين ..
هي الحياة كل شيء فيها ممكن..ولا شيء فيها ممكن أن يكون.
..East..or.. west,,home is the best |
||||||
|
|
23/07/2009
|
#2 | ||||||
|
عضو
-- أخ لهلوب --
|
حبني أكتر حبني أكتر كلن خمس تيام وبيمرقوا أحلام وبخاطرك بعدا لا قلبك بيهدا ولاهالقلب أصبر ... حبني أكتر حبني أكتر وقف الوقت ورجعو وغمور صدري وجعو وخلي الغفا يسهر .. بعيونا ويسكر ع كم غمزة وحبني أكتر حبني أكتر تا ضل اتذكر وابكيلك طلّع بصدري وقول يا ويلك تذكر شو صدري ضمك اتذكر وحبني أكتر وسع البحر .. كبر الفضا والمرج..... والبيدر وســـــــــــــــــــــــ ـع المدى الأخضر وقد ما في بوستك سكر حبني .... ولك حبــــــــني ولك حبـــــــــــــني أكتر قديش بدك تكتب شعورا بالعمر كلّو .. للهوى كلّو كتبهن الي هلأ قديش رح تنده يا زغرورة انت الدني ...... ورزق السني قولن الي هلأ ما ضل بشراع الزمن نظرة .. ما ضل ليوم السفر والبعد كم ســــــــــــــهرة شدني بصدرك بمية إيد وزراع ع شفافي خوابي نبيد وحبني وسع البحر كبر الدني والمرج والبيدر وسع المدى الأخضر وقد ما في بوستك سكر ولك حبني اكتر بكرا شوارع غربتي بتبكي اغمرني بشعري وشد خصلاتو تكبّر ع غنجاتو خلي الخصل تحلم .. وتتغندر وبشدّتك تسكر أحسن ما خصلة تقول للخصلة طقي وموتي ... ولك شدّني أكتر وحبني ... ولـــــــــــك حبني أكتر |
||||||
|
|
|
23/07/2009
|
#3 | ||||||
|
عضو
-- أخ لهلوب --
|
ليش هيك يا امي
ليش هيك يا أمي
أمي _ _ _ _ بسلم عليك كتير يا أمي عيوني مشتاقة متل شجرة توت لوراقا ورح خبرك عني وعن همي 00000 صدفة يا أمي شب حاكاني وقلي: خدودك زهر أحلامي صارت يا أمي ترجف عضامي وتكتك سناني وما حل عني وما استحى مني وضل يتغازل تابكاني ما قدرت احكي وعاتبو سكت 00 وقبل مجاوبو رح أسألك ---- ليش هيك يا أمي 0000000 مبارح مبارح بعد ما طلعت من صفي شفتو قبالي هون بالصدفة 0000 واقف قبال الباب قلت: عم يقرا 000 طلع كذاب قلي: يا حلوي بتسمحي بمشوار؟ ! وشعلت بقلبي النار 0000 وقبل ما قلو: شي كلمة000وعاتبو سكت 000وقبل ما جاوبو رح أسألك ليش هيك يا أمي 00000000 عند المسا ، وكان الزهر غافي نقر على كتافي 0000 وقلي : ياحلوة """ مرحبا ويلي شو كانت ما أطيبا هدى ، وقعد حدي 000 وبين بدي وبين ما بدي شدني بجديلتي 000 وشو حيلتي !!؟ مالي مروة قوم من حدو 00 وأيدو حنونة ليش تا ردو وقلت: لازم أسألك ليش هيك يا أمي ؟ 00000000 ومرة إجا بعجقة الشتوية ملهوف صدرو 00 وخايف عليي روج يخبيني بعبو (( هيك )) وغطى السما ، عني بشمسية قالو برد ؟ وين البرد ؟! حسيت يا أمي ! تموز عم يغلي بأيديي وحسيت آب مشوب بصدري وطالع ببالو يحترق فيي وعم أسألك يمكن يا أمي 00 تعرفي00 وما تعرفي معليش((على هيدي اسألي بيي)) مبارح بعز النوم ياأمي شفتو حلم جاي وضمني ، وما عرفت كم ضمة شي متل الحكاية خفت ولعت طار الحلم مني تأخرت يوما ع المدرسة وهوي تأخر ليش؟ عم يحلم ! حلمو متل حلمي شو قولتك: ليش هيك يا أمي ؟ |
||||||
|
|
|
23/07/2009
|
#4 | ||||||
|
عضو
-- أخ لهلوب --
|
الله الله.... يا حلوتي عليكي
صرلي عمر ناطر حدا يدق القلوب يرفع الغبرا وينشر الشمس ويذكرنا بعيسى أيوب 
.............................................. فلا يغر بطيب العيش إنسان
|
||||||
|
|
|
03/09/2009
|
#5 | ||||||
|
عضو
-- أخ لهلوب --
|
الأرض
الأرض بحبك يا ها الأرض بحبك أنا وسع الأرض0000 وأكتر مافي بين البشر رضى 000 وزعل وحب وبغض أنا بحبك يا هالأرض 0000 ------------ بغار عليكي أكتر من عاشق ضيعجي أبجديتو خبز التنور وأوف الرعيان وصبية سمرا ممشوقة وصلو جدايلها للأرض 0000 بغار عليكي غيرت جندي عَ بارودي مسمي طلقاتا ولادو وهوي وهي بأسم الأرض 0000 وعايشلك عيشة ناطور كروم العنب بعز الموسم وكرومو عناقيدا شهوه وعيونو من خوفو عليكي ما بيدوقو طعم الغمض أراضي كتير بها الأرض فيها حنطة و وجع وفرح وجبالا وصحرا و وديان فيها بيوت شي عم يبقى --- شي بيموت شي من رمل --- شي صوان لكن هالأرض اللي بنزرع فيها الإنسان بيطلع إنسان بتكون لألنا هالأرض يا هالأرض اذكري شو كنتيلي مخدة أنا وراجع من هدير العب البري ومن حنان الشمس الحدة وخدك ، ضمو ، على خدي ورعشة تمرق ، متل الما بعرف سميها بكرا بيسموها بعدي ويمشي ترابك بعروقي عالهدى يمشي، يسافر فيي وعند محطة قلبي يهدي يغار 00يجن، ويرجع يهدا لما يلاقي كمشة منو ربياني بقلبي من مدة بتذكر يا أرض بلادي قالولي : بعد الولادة الداية ( أم ---) الختيارة حتى يعيشو عَ إيديها ولاد الحارة تملحهن بتراب الأرض ولما نوقع ع المساطب كانو أهل الحارة يرشو عالجرح ، منتراب الأرض ولما الوجع، يشد ،ويمرق عَ سواعد أهلي المشقية كان الدوا، تراب الأرض بذكر- لاكن من زمان لما بو الياس الطحان سافر لأنو جوعان لملم حالو وهجر الضيعة صرولو : خبز التنور وشروال، وكمشة بخور وحتى يرجع ، ربطولو بطرف قنبازو (هالقد) من تراب الأرض كنت زغير ألعب ع مسطبة الضيعة بالدويخة ،، وبالفينيش ،،وبالمقليعة أمي تناديلي يا أبني خود الزوادة لبيك قلا، ليش وينو بيي تقلي، بالأرض وهي مهموكة تا تخلص شغلة وينك يا أمي ، عالأرض وتقعد هي وبيي تقعد هي تنشف عرقو 00 وهوي يحكيلا عن حب الأرض أمي تغار ، يقلا : اعقلي أنت حلوه لكن، بيني وبينك ،مافي مافي أحلى من الأرض وعند المسا لما يرجعو ع الضيعة يولد سؤال وسؤال كيفا يا بو فلان الأرض ؟ وكيفا يا أم فلان الأرض ؟ وأنا زغير كنت محير الأرض اسما أمي وبيي ولا هني أسمن أرض يا هالأرض يا سفر أهلي وأجدادي وشهدا بلادي يا نشيد تعلمتو أنا وصغير ورح ربي عليه ولادي يا أم الم بتعرف تزعل صدرا كبير ،وبالا أطول مافي طفل وما عمرو عَ صدرك بيت زغير متلو وحفر على شباكو أسمو مافي صبية ، وما حنت أيديها ب ليلة عرسا وحنت رفقاتا حتى رفقاتا ما ينحر مو ما في مهرة ، وما رقصت هي والعنبرة مافي شجرة ، وما راحت بترابك سفرة وسفرا 000 وسفرا ما في سيف وما تجلخ عَ حجارك مرة 00وألف مرة ما في جندي بوطني إلا يا بجيابو !! يا بالخوذة في شي من ريحة هالأرض وبعدو حدا عم يسأل: ليش وطني عم يندر ولادو شهدا لشبر من الأرض مرة قاعد أنا وجدي متكي وعامل كوعو مخدة وعمرو ، مابين الأرض، وبين الأرض يحكيلي أستغرب !! يزعل،، حتى صدق : يحلفلي بتراب الأرض يقلي : وحياة ال بالأرض وبمعزة ، كل اللي راحو كرمال محبة هالأرض ويا خدني الفرح من حالي لما جدي يضوج قبالي يحتد يقلي : يا أبني الأرض الأرض ما اسمعتن لما بيقولو : ( أنا ماشي بأرض الله ) ولك ياجدي ...... حتى الله عندو أرض !! |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 22:20 (بحسب عمك غرينتش الكبير +3)