أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > الشعر

إضافة موضوع جديد  إضافة رد
 
أدوات الموضوع
قديم 27/10/2008   #1
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي الشاعر عريان السيد خلف


عريان السيد خلف:_

شاعر عراقي كبير ومعروف قيل عنه (فيه يجتمع الشعب العراقي).
*ولد في قلعة سكر في ناحية الغراف التابعة لمحافظة ذي قار.
*بدأ بنشر كتاباته في مطلع الستينات.
*حاصل على شهادة الدبلوم في الصحافة
*عمل في الصحافة العراقية والاذاعة والتلفزيون.
*عضو في نقابة الصحافيين العارقيين واتحاد الصحافيين العرب ومنظمة الصحافة العالمية.
*عضو في جمعية الشعراء الشعبيين
*عضو اتحاد الادباءوالكتاب العراقيين والعرب
*حاصل على وسام اليرموك من جامعة اليرموك في الاردن
*اصدر حتى الان ستة دوواوين وهي:_
_الكمر والديرة/طبع في النجف ولبنان
_كبل ليلة/طبع في بغداد
_اوراق ومواسم
_شفاعات الوجد(ديوان مشترك مع الشاعر الكبير مظفر النواب والشاعر كاظم اسماعيل الكاطع)
_صياد الهموم/طبع في لندن
_تل الورد/طبع مرتين

ان الله قريب من قلبي
ما التأنيث لأسم الشمس عيب..ولا التذكير فخر للهلال
  رد مع اقتباس
قديم 27/10/2008   #2
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي منهو انت؟


كأي غريب ، طرق الباب
فكان السؤال التقليدي
منهو انتــه (بغداد 1966 )

منهو انته .. ؟ منهو انته .. ؟
او جالغريب ... اعرضت عني !!
.. اوضيعت كَلبي .. اورجفته
آنه ، من جافاه خله .. او مانصح
.. وياه وكته
آنه زين .. او شين .. لأجلك
غلّست عنه .. او حملته
كورت .. حسرات كلبي .. او شوكَي
.. بين اجلاي ، جبته
اوجيتك .. ابتله دليل ..
المايعن .. واشكثر لمته
جيتك .. اوجرني الهوى ..
اوطاعة .. ذليل الشوك ،
طعته
اوجنت . اظنك .. طيب .. اوجفك
على الطيبات ، فلته
حسبّت لسه اعله حالك .. اريحي
اوذاك الوفي انته
حسبت .. غم الوكت .. يا رخص
الحساب الحسبته
جيتك .. او حسبالي اخو..
اوسمت الاخو .. يطلب
ابدرته
يا ونين المانفع .. جارد صخر من
مات ، لاخته
او ياحسرتي الطوّلت .. ومكَضي
ليل اجفاك .. سكته
صابر .. اوذوّب سواد العين ..
صبري .. او ما جزعته
وانته ابد .. ما جنك انته حتى
يومن كوضّت كَلبي اوبلايه
اوداع عفته ..!!
وآنه اجيتك .. واليجيلك ابزوم
عاني لشوفتك .. ليه ما عرفته ؟
لا تلكَيته ! .. بسلام احباب ..
ومحاضن حضنته
اولا بجيت الحالته .. اولا نشّفت
.. بايديك دمعته
اولا كَطعت النفس منه ، اوطردة
الضايع طردته
اولا نشدته ! .. هذا المتاني الوفه
.. هلبت يناهي .. اعرفت
قصته
يا ندمته ، يا فشلته اشكَد تعب ؟
تالي ابجحف مكسور .. بعته
  رد مع اقتباس
قديم 28/10/2008   #3
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا نذر




نــذر(ليس عندي غير روحي....وكانت .. وتبقى نذرا)


ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
.......
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره

آخر تعديل saba n يوم 28/10/2008 في 00:38. السبب: حجم الخط
  رد مع اقتباس
قديم 28/10/2008   #4
صبيّة و ست الصبايا ورده بغداد
عضو
-- مستشــــــــــار --
 
الصورة الرمزية لـ ورده بغداد
ورده بغداد is offline
 
نورنا ب:
Apr 2006
المطرح:
في قلب أخويـــــــه
مشاركات:
2,335

افتراضي


رووووووووووووووووووووووعه أختيارك للشاعر عرياااااااااااااااااااااا ان

مشكوره خيتو

ياريت لو عندك الو قصائد بعد

حياتي قبل تحياااااااتي
  رد مع اقتباس
قديم 28/10/2008   #5
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي


اقتباس:
كاتب النص الأصلي : ورده بغداد عرض المشاركة
رووووووووووووووووووووووعه أختيارك للشاعر عرياااااااااااااااااااااا ان

مشكوره خيتو

ياريت لو عندك الو قصائد بعد

حياتي قبل تحياااااااتي
مو تدللين..
على راسي..
  رد مع اقتباس
قديم 29/10/2008   #6
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا ردي..ردي


ردي .. ردي (بغداد - 16/8/1967 )
ردي .. ردي
ياضعن شت عن هلة ، اوحدّاي
غربة .. البيه يحدي
ردّي .. ينباع العشك .. والياكَلب
تهوين صدّي
لا تهيجين الجروح .. اجروحي من تنلجم
... تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
واهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
او صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعلة ايوب تسدي
ردي ..وانة .. موطبعي العتب
عالما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيتة
ادموع وحدي
وانه .. من دم .. اولحم .. مومن
صخر جبدة العندي
انه خلاني الوكت
ناعور
بس .. اترس وابدي
  رد مع اقتباس
قديم 29/10/2008   #7
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا لاتجينه


لا تجيــنة

لا تجينه ..
لاتجينه .. جان كَلت ابوجه الابيض ..
غير معشركم لكَينة
جينة مشتاكَين .. وبلهفة ..
او تسد بابك علينه
جينه ايدفعنه الهوى .. اودمعاتنه
اتكَطر بدينه
اوجنت اظن عندك وفه .. اورحية
من فرد طينة
غمكَت جرح الجفة .. اوزدت ..
الكَلب ونه لونينه
اعتب اعله الروح .. جي لنها اعله ..
ريحتكم حنينة
واعتب اعله الشوك .. والعشرة ..
اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت ..
بيها اليجافي .. اشوكح عينه ..
او لاتجينه .. !!
- ما اجيكم واليدك
بابك ، بعد تنشل يمينه
او جينه .. مدري الجدم زل بينه
العه دربك .. لو عمينه
اوجيت ارد اروحي .. البكَت سنتين
بديارك رهينه
اوجني ضيف ! او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف ..
يوم الوكت .. .. بيدك رمانه
عفيه كَلبك هلبت ابساعه .. وفه
.. ابالك طرانه
او جينه نشجيلك .. عذاب اجروحنه
.. او لوعة هوانه
آخ .. يا دمعك فلا يبطل .. يهل ..
لمن عمانه
يا عفه اكَلوب التشيل .. الظيم
وشنحمل عفانه
او حتى اعز الناس من طحنه ..
ابهظم جاروا علينه
:او من وصلنه الدارهم كَالوا
اشجابك ؟. لا تجينه
عفيه صحبة هالوكت بيها اليجافي
اشوكح عينه
  رد مع اقتباس
قديم 29/10/2008   #8
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا كوة


كوه

كَوه .. كَوه اتريدني العذال ارد
للشوك واهوه
او ما دروني اضحك ضحك .. مجبود . جالمجبود كَوه
او مادروني .. اسحن سحن بالروح ..
واخزن هالعذاب ابسمل جلوه
خايف السان البطر ، واضحك .. جذب .. والنار جوه
او صابر .. او روحي ابملام اللايمين ..ابتلت بلوه
حارت اوياهم ، يذكروها .. المضه .. او كَالوا : اشدعوه ..؟
واصبحت مثل اليهد .. اوحيد ..
جدام الزلم .. وبعازة اخوه
ينولي .. او خالي الظهر ، مهظوم
بدموعه ايتجوه
ذكرت روحي ابتعبها .. الضاع .. جالهويه
ابشبج ، والراح فدوه
ونت .. او ونة توالي الليل .. للمالوم سلوه
بارت .. او جاري البزل .. شيفيد من يحرن ابعلوة .. ؟
او دورت صاحب كَلت : بلجي امن المجافينه اشوه
لنه ركَطة خيط .. وبسم الثعابين .. يتطوه
ارد اشج روحي .. ابرمح .. حسرات ، من تذكر الخوه
وارد اصيحن : تايب .. امن الشوك .. ما ظل عمر يسوه
  رد مع اقتباس
قديم 29/10/2008   #9
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا


ما افيدك
يالعز دمعك .. شلك بدموع عيني ؟
اتريد ازيدك
لا توصي الناس وتكلف كَلب .. تعبان
.. كفارة بريدك
لا تذوب شمعة العشرين .. والعشرين ..
جالزنجيل بيدك ..
لا تحط نفسك شكَص نوجات .. وانته
حجاية العاذل تصيدك
لا تحط كَلبك على الصوبين كل وصله
.. بكتر وتكَول : اريدك
يالشلت كَلبي.. اولظمت الخيط ..
بجروحه .. اعله جيدك
يالتظن .. حسنك ملك .. عالناس
.. والوادم عبيدك
ما افيدك .. ! آنه راضي ابحالتي
او حالك .. عله ويصعب مناله
مغتر .. او طبعك عَوَج .. متصلب
او يصعب عداله
انته دمعك بالمثاقيل انشره .. او دمعي
اليهل .. محد بجاله
انته عنبر . وآنه صم ادنان .. وانباع
ابرخص ، محد بحاله
يالسكن وسط الكَلب .. ويوك
متغاوي ابدلاله
انته فاله .. ركشت ابكَلبي .. اولجت
نابين .. واكَعدها الدهر للجنّة اجماله
واصبرت راضي ابعذاب الروح ..
والسكته .. اصبحت وياي
حاله
يلي جامع بين طبع .. الذيب ..
واوصاف الغزاله
حلو .. او عادات الحلو .. من كثر
ما يغتر .. يجط لوله اجماله
ماله وكتي او اياي ، ورطني ابعشك
جذاب ... ماله .. ؟
شَفِج .. بس ابدفكَة الدمعات ..
خلاني اعله باله
جالغريج الجرته الخورة .. لغميج
الماي .. واتعذر نتاله
يلي جنت اوياه .. متساوي السهم ..
والوكت حطني .. اوراح شاله
اتنزرت روحي .. او صفت تعرض عن
اسمك .. ما تريدك
يالحسرتي اتونسك .. ومجاذب
الحسرات عيدك
ما افيدك
  رد مع اقتباس
قديم 29/10/2008   #10
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
سوريا


غريبة/بغداد - مارس - 1965

يا غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين .. كت مهضوم .. كتت
ذكروّها .. واعادة اليذكر يحن .. والروح .. لاهل الروح حنّت
ونتّ ..
اوماظن مثل ونها .. الصخر .. خنساه ونّت
صبّرتها .. اوكابرت عالظيم .. والكابر .. يظل بسكوت .. ينهت
طاحت ، اوفوك الفشل .. بمصابها الشامت .. تشمت
شلون ذلت .... ؟
اخ ياروحي .. الكّبل جانت عزيزة شلون ذلت .. ؟.
ملت امن اونينها .. او عذّالها..امن اللوم ملّت
واصبحت .. مثل الرشة المتروك من يشله .. جليبة اوحنت..
اوعاداة المحبين .. لو حن المحب .. يطلب حبيبه
يالتريدين الولف .. ولف الجفاج .. امنين اجيبه
كافي غيبه .. كافي .. جلمات العتب عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات والخانه الوكت يرضه بنصيبه
او هذا طبع الناس .. بيهم بلاوفه اوبيهم وفي .. اتجيبه الحليبه
وانتي لا جف الينشف العين .. لا دار الولف .. يمج جريبه
يالحسرتج . حسرة المجبود .. وادموعج تبدّت
يالعلى اجروحج .. اعز الناس .. من شافت ، تشمت
يالتظنين الشمل .. يلتم .. شمل عزّج .. تشتت
  رد مع اقتباس
قديم 17/11/2008   #11
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي


من ديوان الكَمر والديرة

ادنانه /بغداد 1968

هذاك آنه .. الكَطعتي الماي .. عنه ..
او عاش باحزانه
هذاك آنه - الشراع .. الماكسر نوماس
سفانه
او هذاك آنه - الربط بالمستحة
اِلسانه
اعت روحي .. اويعتها الشوك ..
واشتلها اعله بنيانه
ابصبر .. بلجن ، يمرها الطيف
ياخذها اعله جنحانه
او يوديها لولف مامون .. تغفه ..
ابطيب ريحانه
او هذيج انتي اشمجالب بيج .. لنج ..
طالعه دنانه
اشرخص بيع الرخيص .. ايصير
لو ما ثكَل ميزانه
يسرّي الجزع كتمانه ..
او هذاك آنه - الونينه ايدلي ..
المتيهين .. لو ضيعوا عنوانه
او عذابه .. اولاعذاب ايوب ..
مر مره .. اعله بيبانه
او عتابه .. او يا عتب ، جندوب ..
متعلك عَلَه اردانه
ايعمت بيك .. ايتسله وياك
واترده اعله ديدانه
وجد .. واملاوح الدمعات ..
مل اعيون ندمانه
او هذيج انتي .. الخطيه .. المارضت
تغفر خطايانه
اورمتنه .. وحملتنه اهموم .. فوك
.. اهموم دنيانه
اوجفت .. لا بخّت الملهوب .. ولا وجّت
بكَايانه
او هذاك آنه .. هرش لوشح
عليه الماي .. كَوة ايعيش
باخزانه

  رد مع اقتباس
قديم 17/11/2008   #12
صبيّة و ست الصبايا boozy
عضو
-- زعيـــــــم --
 
الصورة الرمزية لـ boozy
boozy is offline
 
نورنا ب:
Mar 2008
المطرح:
العراق الحبيب
مشاركات:
1,410

افتراضي


الله الله
هذا الكلام الاصيل مو كلام هلوكت كله خربطة والله عاشت ايدك حبيبتي

لستُ بجسدٍ تسكنه روح.
بل
ثلاثة أرواحٍ
و عقولٍ
و قلوب
جزئها المرئيُّ الصغيرُ
جسدْ.
http://evandarraji.blogspot.com/
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 10:36 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.09450 seconds with 12 queries