أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > السقيفة

إضافة موضوع جديد  إضافة رد
 
أدوات الموضوع
قديم 19/09/2009   #1
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي يا ولاد محارب.. لووولو


وقت كنت صغيرة كنا بس يجي العيد نروح انا واختي على المراجيح بمنطقة قريبة على بيتتنا بالمهاجرين اسمها الشطة.. يمكن الشطة كانت بالجادة التانية بالمهاجرين.. وبذكر انو كنا نركب بكل المراجيح اللي هونيك وننبسط كتير .. وبذكر كانو العموات اللي يمرجحونا يغنو..
يا ولاد محارب
نحنا"بأعلى صووووت" : لووووووولووووووووووووو
شدو القوالب
نحنا :لووووووووووووولووووووو
قوالب صيني
لووولووو
شكل الفنيني
لوووولووووووو
علي ماماااااااات
لووووووووووووللللوووووووو
خلف بنااااااااااااات
لوووووولووووووو
بناتو سود
لووووووولووووووو
شكل القرود
لووووووولووووووو
بناتو بيض
لووولوووو
شكل العفريت
لوووولووووووو.. قويها منجدد ما مننزل الا بقتلة..

هلأ السؤال.. مين علي.. ومين اللي مات.. وليش مامات... وين بناتو هل معقول أنو يكون للكلام خلفية معينة ولا الاسم مجرد مصادفة.. وحدا بيعرف انو هي الغنية لسا عم يغنوها بالعيد لحد هلأ ولا لأ...!!؟؟
وكل سنة وانتوووو سالمين

طائر واحد يكفي لكي لا تسقط السماء
فرج بيرقدار
  رد مع اقتباس
قديم 19/09/2009   #2
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


هلأ انا ما بحياتي ما سمعت عن شي اسمو " لولو "
بعرفا " يووووووووياااااا"
اقتباس:
علي ماماااااااات
لووووووووووووللللوووووووو
خلف بنااااااااااااات
نحنا عنا
ومحمّد مااااات
يويااااااا
خلف بنات
يووووووووويا
بناتو سووووود
يوووووووويا
متل القرووووود
يووويا
قومو نزلو
ما ممننزل
غصب العنكن
ما مننزل
..

اي اي .. لساتا مستخدمة بس ما كتير

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 19/09/2009   #3
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


عن جد عم تحكي.. يعني عندكون بيقولو "محمد مات"!!!
يعني الشبيبة كانو عم يعلمو الولاد تكره بعضا من الصغر ونحنا مو دريانين..... قلي أنك عم تمزح..
  رد مع اقتباس
قديم 19/09/2009   #4
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : Nay عرض المشاركة
وقت كنت صغيرة كنا بس يجي العيد نروح انا واختي على المراجيح بمنطقة قريبة على بيتتنا بالمهاجرين اسمها الشطة.. يمكن الشطة كانت بالجادة التانية بالمهاجرين.. وبذكر انو كنا نركب بكل المراجيح اللي هونيك وننبسط كتير .. وبذكر كانو العموات اللي يمرجحونا يغنو..
يا ولاد محارب
نحنا"بأعلى صووووت" : لووووووولووووووووووووو
شدو القوالب
نحنا :لووووووووووووولووووووو
قوالب صيني
لووولووو
شكل الفنيني
لوووولووووووو
علي ماماااااااات
لووووووووووووللللوووووووو
خلف بنااااااااااااات
لوووووولووووووو
بناتو سود
لووووووولووووووو
شكل القرود
لووووووولووووووو
بناتو بيض
لووولوووو
شكل العفريت
لوووولووووووو.. قويها منجدد ما مننزل الا بقتلة..

هلأ السؤال.. مين علي.. ومين اللي مات.. وليش مامات... وين بناتو هل معقول أنو يكون للكلام خلفية معينة ولا الاسم مجرد مصادفة.. وحدا بيعرف انو هي الغنية لسا عم يغنوها بالعيد لحد هلأ ولا لأ...!!؟؟
وكل سنة وانتوووو سالمين
كل سنة وأنت سالمة ناي
هاي الغنية من عهد الإنحطاط العربي اللي ما يزال مستمر لليوم ويبدو مطول والغنية كتير فظيعة وحقيرة وبلاها أحسن ، ومين علي مبينة متل ما خطر ببالك , وياحزرك مين كان أحق بالسلطة وكلمة بابا حسن اللي بنستخدمها مسبة جايي من نفس الموقع وسلميلي على الخلافة التركية وعلى السلطان عبد الحميد خليفة المسلمين

أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
  رد مع اقتباس
قديم 19/09/2009   #5
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
افتراضي


لك ملعون شرفو يلي عمل هالغنية علي مامات لكن لك أذا أصدون على الأمام علي فهدول بيكونو أتفه من التفاهة يلعن أصلون ومتل ماقال مجنون كلمة بابا حسن وفي كتير شغلات بنستخدمها ماحدن عرفان معنناها الله يلعنون على هالتفرقة هيدي يتوصلو لغبرة صباط الأمام علي هنين

تحياتي للكل حياااااتي أنتو

أنا دائماً لوحدي ,,, بعزفي ,,, ونزفي ,,, وأحتراقي ,,, وجبروتي ,,, وسعادتي..
أشياء غير قابلة للتفاوض (قـــلــبـي ,, هــــي ,, و أنـــــا)
  رد مع اقتباس
قديم 19/09/2009   #6
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : LiOnHeArT.3LA2 عرض المشاركة
هلأ انا ما بحياتي ما سمعت عن شي اسمو " لولو "
بعرفا " يووووووووياااااا"

نحنا عنا
ومحمّد مااااات
يويااااااا
خلف بنات
يووووووووويا
بناتو سووووود
يوووووووويا
متل القرووووود
يووويا
قومو نزلو
ما ممننزل
غصب العنكن
ما مننزل
..

اي اي .. لساتا مستخدمة بس ما كتير
هلق يووووووووووووووويا.. طبعاً.. (من وين جبتيلنا لوووووووووووووولو يا ناي؟)

هاد تراث.. إزي بتريدي


هلق تراث أخو شحطة متل ما قالو الشباب؟

أي نعم..

طائفي وبغيض وكذا مذا؟

أي نعم..



بس ملحوظة توضيحية:

"علي ما مات" تكافئ بالمعنى "ومحمّد مات"

لإنو شو بيقول بعدها؟

"خلف بنات.. الخ الخلخ"


طيب هيدول البنات (اللي شكل العفاريت.. وشكل القرود) معروفين مين.. مو؟


فـ المسبّة.. راكبة على هالبنات بالحالتين..

إذا قلنا "ومحمّد مات" أو قلنا "علي ما مات"



إه..

تراثنا.. آآآآآآآآآآآآآآخ على تراثنا..


تراثنا ضخم يا زلمة.. شو بدك بالحكي

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 19/09/2009   #7
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
افتراضي


يلعن هالتراث يلي عملو بنات محمد او بنات الأمام علي عفاريت
بس عادي ماوقفت هون يلعن روما
  رد مع اقتباس
قديم 19/09/2009   #8
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


هلأ هيي بتبلش من اول الغنية بالطائفية ... وكتير ناس بتقول انو هيي من عهد الامويين :
عندك يا ولا محارب ... جد معاوية بن ابي سفيان .
وعندك علي ما مات ... هون منشان يكمل موضوع الطائفية .

هل بالنسبة لالي ما بحاول كتير فكر بالقصة لأنو غالباً بيغيرو الاسم "علي" .. وبيحطوه .. "اسكندر " ... اسكندر ما مات .. خلف بنات .. وهيك

وبالنسبة لـ يوووووويا .. اول مرة بسمع فيها ... الشوام بيقولوا "لووووولووووو " مو "يووووويا "!

هلأ في شغلات كتير كانت طائفية ....... متل هالغنية ... عندك .. ازا وحدة شعرها قصير بيقولولها "حسن صبي " ... ازا وحدة او و واحد لابس شحاطة ابو اصبع .. بيقوللوها " زنوبا " يلي هيي اسم مشتق من" زينب " ... ازا واحد طالع بالزلط ... بيقولولا " عابدين " ...ونسبة لـ " زين العابدين " .. هلأ انا متل ما قلت ما بفكر بالقصة كتير .... لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 19/09/2009   #9
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


يعني من هالروايتين منخلص أنو يللي متل القرود .... يا السيدة زينب .. يا فاطمة الزهراء
و التنتين من أهم رموز الطهارة بالاسلام





نعم التراث ... و نعم التنشئة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 19/09/2009   #10
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : saman عرض المشاركة
لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن
ممممممممممم.. يعني.. في وجهة نظر

لإنو.. لما إبن إختي يروح يغني "يا ولاد محارب".. هاي تقريباً متل لما يقلي: "خالو.. جبلي راس العبد معك"

هلق.. بدّي إقعد قلو: "له يا خالو.. هاي كلمة عنصرية ضد السود.. عيب نقولها"؟

ما رح قلو..


إنو تقريباً.. هيك صايرة القصة


هلق بس يكبر.. لا رح يغني الغنية.. ولا رح يقول راس العبد

بدو يلاقي اسم تاني لهالأكلة.. ما خصني!..

(أنا عني مسمّي هالأكلة "عبد الغافر" على اسم اللي بجيبها من عندو)




بس هاد طبعاً ما بينفي.. إنو تراثنا ضخم
  رد مع اقتباس
قديم 19/09/2009   #11
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : saman عرض المشاركة
هلأ هيي بتبلش من اول الغنية بالطائفية ... وكتير ناس بتقول انو هيي من عهد الامويين :
عندك يا ولا محارب ... جد معاوية بن ابي سفيان .
وعندك علي ما مات ... هون منشان يكمل موضوع الطائفية .

هل بالنسبة لالي ما بحاول كتير فكر بالقصة لأنو غالباً بيغيرو الاسم "علي" .. وبيحطوه .. "اسكندر " ... اسكندر ما مات .. خلف بنات .. وهيك

وبالنسبة لـ يوووووويا .. اول مرة بسمع فيها ... الشوام بيقولوا "لووووولووووو " مو "يووووويا "!

هلأ في شغلات كتير كانت طائفية ....... متل هالغنية ... عندك .. ازا وحدة شعرها قصير بيقولولها "حسن صبي " ... ازا وحدة او و واحد لابس شحاطة ابو اصبع .. بيقوللوها " زنوبا " يلي هيي اسم مشتق من" زينب " ... ازا واحد طالع بالزلط ... بيقولولا " عابدين " ...ونسبة لـ " زين العابدين " .. هلأ انا متل ما قلت ما بفكر بالقصة كتير .... لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن
اي سامان شو هي يوياااا طلعوني ما بعرف من وين .. أهل الشام بقولو لولوووووو
بس انا ايمتى انتبهت لهي القص.. انتبهتلها لما من شي سنتين اجت تعليمات من الأمن لأصحاب المراجيح انو ممنوع يغنو هي الغنية.. ووقتها انتبها للقصة
  رد مع اقتباس
قديم 19/09/2009   #12
صبيّة و ست الصبايا saba n
عضو
-- قبضاي --
 
الصورة الرمزية لـ saba n
saba n is offline
 
نورنا ب:
Mar 2008
المطرح:
عالم الرؤى
مشاركات:
597

إرسال خطاب Yahoo إلى saba n
افتراضي


الى حد ما الحكي اثار استغرابي ..
ماراح اقول انو احنا تراثنا مثالي وما يحتوي مثل هيك شروخ .. بس لاسباب كثيــيرة أضمحلت مثل هيك ممارسات وما عادت حتى لما قدحت شرارة الطائفية عندنا كانوا الاهل يسترجعون الاحاديث عن هذيك الممارسات و المعتقدات المضحكة بأستهجان ..
ولهيك انا اتسآل ..ياترى بعد كل هلزمن مو لازم يتغربل الموروث الفكري ..

لألك ناي.. وشكرا" على الموضوع

ان الله قريب من قلبي
ما التأنيث لأسم الشمس عيب..ولا التذكير فخر للهلال
  رد مع اقتباس
قديم 20/09/2009   #13
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


اقتباس:
تراثنا ضخم يا زلمة.. شو بدك بالحكي
xxl
ما حدا يفهم غلط

قصدي اكسين لارج
  رد مع اقتباس
قديم 20/09/2009   #14
شب و شيخ الشباب Dndoshy
عضو
-- قبضاي --
 
الصورة الرمزية لـ Dndoshy
Dndoshy is offline
 
نورنا ب:
Jul 2008
المطرح:
بالبار..
مشاركات:
499

افتراضي


أنا بعرف الغنية غير شكل بس ماني حافظها مليح..يعني أنا سمعتها من رفيقي وقت كنت شي صف سادس
وبيقول فيها يوووووووووو يووووووووووو


حافظ منها هيك

...خلّف بنات
يوووووووووو يووووووووووو
بناتو سود
يوووووووووو يووووووووووو
زي البارود
يوووووووووو يووووووووووو...

merry christmas

لا تجحّش..محسوبك أجحش

"من كان منكم بخطيئة .. فليرمنا ببطحة فودكا":Marooshe

Sa'do I Trust In U
  رد مع اقتباس
قديم 20/09/2009   #15
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


بكرة العيد و منعيد و منبح بقرة السيد
و السيد مالو بقرة مندبح مرتو هالشقرا
و الشقرا ما فيها دم مندبح بنتو بنت العم

شو بدي قلك يعني؟ تراثنا كتير بيعبر عن .. جو حميم و دافي

سأكتب جملة أغلى من الشهداء و القبّل:
"فلسطينية كانت.. و لم تزل!"

طلقة حب و طلقة نار و نسّم يا هوا بلادي :)

you are unique, just like every one else !
  رد مع اقتباس
قديم 20/09/2009   #16
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : ritka عرض المشاركة
بكرة العيد و منعيد و منبح بقرة السيد
و السيد مالو بقرة مندبح مرتو هالشقرا
و الشقرا ما فيها دم مندبح بنتو بنت العم

شو بدي قلك يعني؟ تراثنا كتير بيعبر عن .. جو حميم و دافي
بما أنو سيرة و انفتحت


مين المقصود بالسيد .. و مين هيي البقرة بلا زغرة ..؟
  رد مع اقتباس
قديم 20/09/2009   #17
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


ما عمرو خطرلي اسال عن مين السيد صاحب البقرة و الشلة تبعو اللي بدهم دبح

شوف هالكركتير

  رد مع اقتباس
قديم 20/09/2009   #18
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


بحلب بيقولوها عالشكل التالي حسبما بذكر

يا حج محمد .... يويووووو
عطيني حصانك .... يويووووو
لشد وأركب... يويووووو
والحق اسكندر ... يويووووو
اسكندر ما مات .... يويووووو
خلف بنات .... يويوووووو
بناتو سووود ... يويووووو
شكل القرود .... يو يووووو
.............
عندي وزة ..... يويوووو
شكل الرزة ... يويووووو
والرز غالي ... يويووووو
حقو مصاري ... يوويووووو
مصاري العيد ... يويووووو
عمي سعيد .... يويووووو
سعيد ما مات ... يويووووو
خلف بنات .. الخ الخ الخ

والباقي ما عاد تذكرتو

من فترة انتشرت عالموبايلات غنية ... مطلعها هو نفس مقطع يا حج محمد ... إذا صرلي وقت بنزلها بهالموضوع

// وأنّ حضورك في دمي مسكُ الختام //
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:10 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13997 seconds with 14 queries