التــــــــــــــحـــــــ ـــــــــرش...؟؟؟؟؟؟

[sweetangle]

هيي عادة التلطيش سيئة كتير..لكن في شباب إذا شافوا بنت حلوة.. أنيقة.. إلخ..
ما عندون القدرة على كبت انفعالون..أبداً وهي حقيقة يعني بتكون التلطيشة عندون متل ثناء أو هدية للبنت حسب اعتقادون..
أما بالنسبة للغرب فما عندون هالكبت اللي عم يعاني منو معظم الشباب العرب.. ومع ذلك طرق التحرش عندون فظيعة.. فلازم نحمد الله عالتلطيشة اللي عم نسمعا

[ماريا78]

ياشباب بدي أرجع للعنوان
التحرش
والتحرش مابيشمل بس التلطيش بالكلام الحلو متل تقبري عضامي وتشكلي أسي وماإلى ذلك يعتبر بحد ذاته أمرا مزعجا
ولكنه كذلك يشمل الكلام البذئ اللي صرنا عم نسمعو من الكبير والصغير والختيار ...
ومو بس هيك منتشرة ظاهرة التحرش الجسدي ورح أروي هالحادثة
أنا لا أرتدي ثياب غير محتشمة
ولا أمشي بخلاعة
ومع ذلك مشي شاب ورايي وأنا انتبهت أنو ماشي وراي. ولكن مافكرت ( بسبب ضحالة تفكيري إلا أنو بدو يشمط الجزدان من أيدي) ولكن الذي حصل أنو لما لفيت على زاوية بيتي قام قرب عليي وعمل حركة أنا بخجل حتى أنو أذكرها ركض بعيدا في حين لم يستطع أحد من الموجودين اللحاق به ومافيكن تتخيلو الرض النفسي الليي صابني بعدها
اللي عم يبررو للتحرش يفكرو أنو هالحادثة ممكن تصير مع أي حدا من أخواتكن بأي مكان ولا تقولو البنات هن عم يلبسو ويعملو
عندي صديقة سيدة صارت جدة هلق تعرضت للتحرش من قبل شاب من عمر ولادها الصغار
وصبية أخرى من رفقاتي في غاية الحشمة تعرضت للتحرش وهي تمشي مع خطيبها
وكانت رح تصير مجزرة لو ماسكو الخطيب
المهم بعرف أنو صرعت راسكن بهالقصص بس هاد اللي عم يصير
وللأسف البنات إما عم تخاف تحكي مشان ما تنفضح وتصير سيرتخا على كل لسان
وإما للأسف إذا فاتت على قسم شرطة ممكن تتعرض لتحرش من نوع آخر
أسفة على هالكلام بس هاد هوي الواقع فرجاء لما تحكو عن التحرش وهو موضوع مهم لا تاخدو بس من جانب التلطيشة المهضومة

ولكم الشكر

[Marooshe]

التحرش هو دون ادنى شك اعتداء على كرامة الفرد ..
هو موجود بكل المجتمعات، بس ظاهر بالمجتمعات العربية بشكل خاص وبالمنغلقه منها بشكل أخَص ..
والسبب طبعا هو تربية الكبت والحصر ..


احيانا الشب ما بيقدر يفصل ويميز بين التلطيش والتحرش الكلامي، وما بيعرف انو عواقبو في بعض الأحيان بتكون مؤذية للصبية،
بس بالحالتين عادة التعبير الكلامي سوقية جدا ومقرفة لابعد الحدود وبتدل على المستوى الاخلاقي لي متربي علية الشب ولي بعيد كل البعد عن الاحترام والرقي ..

[sweetangle]

نحنا عم نتحدث عن مشكلة كبيرة وإلها حيز كبير بالمجتمع..
القضاء عليها أو التقليل منها بيرجع للتربية المنزلية بالدرجة الأولى..
وكمان بيرجع لتأثير جماعة الأقران أنا هيك بشوف
يعني للأهل تأثير كبير عالشخص وخاصة بمرحلة المراهقة ..
لذلك العلاج لازم ينطلق من المنزل..
وغير هيك في كتير شباب يعني... ممكن يكون عندون مشكلة مرضية .. وهيك مشكلة لازملا علاج فوراً...
ما بعرف أنتو شو رأيكون..

[boozy]

جووووووووووووووع
الجنس صداعنا الكبيييييييييييييير

[مغرم سوريا]

مممم هلأ انا استغربت وقت قلتلي انو ما سمعت عن اي تحرش ببلاد الغرب

مع او كل يوم بصير في حالة اتغصاب عندهن ... يعني هذا يلي هن بيقولوه

ما بعرف غريبة

المهم انا بصراحة بالنسبة الي ... التحرش مرض نفسي ولازم يتعالج

وانا اتعرضت للتحرش ( رغم اني شب ) يعني هذا الموضوع ما بيطبق على البنات فقط

على الشباب كمان بس بنسبة اقل.... وطبعا كنت صغير وقتها وما كنت افهم!!

على كل حال انا طلعت من حالة الي كنت فيها

يعني الحزن والكائبة وكل هدول الاشياء طبعا بعد عناء طويل

بس بشكل عام التحرش مرض نفسي .. وغلط واستحقار للنفس ( طبعا المتحرش بيستحقر حالو )

وكمان اكبر دليل على عدم الثقة بالنفس ... وكمان حرام بالدين والشرع ... يعني مافي اي جانب ايجابي

شكرا على الموضوع

[الماسة الشامية]

هلاء انتو ليش زعلانين ....

بجد التلطيش طب و فن وصناعة ورياضة وعلم نفس وعلم أجناس وثقافة




عيونك دوخوني000 ( طب )

يسلملي هالطول متل عرق الفول000 ( زراعة )

تقبشيني وتقبريني 000 ( تضحية وايثار )

يا أرض احفظي ما عليكي 000 ( دعاء )

سبحان الخلاق 000 ( دعاء )

تمشي على رمشي 000 ( جمباز )

تهدي على خدي000 ( أزمة

يا ريتني علكة بين أسنانك 000 ( تحفيز للصناعة الوطنية )

ما يبلى وما يتخ 000 ( دعاية للنسيج الوطني )

نورك ولا نور مهنا 000 ( دعوة للتقنين الكهربائي )

صباحك ولا صباح فخري000 ( تشجيع للطرب الأصيل )

دخيل أمك على هالخلفة000 ( مؤشر تحسين النسل )

فشرت هيفا ودانة000 ( جبران خواطر )

دخيلو000 ( حرف للتمني )

ع الندا الندا وجبال العالي لهدا000 ( تحدي ومراجل )

يجعل أمك حماتي000 ( تخطيط )

أخوكي خال ولادي 000 ( استراتيجيا