شو يعني علمانيّة؟؟؟

[ليندا]

كاتب النص الأصلي : امرأة من ورق

بكلامك هاد ليندا عم تفترضي انو كل الناس متفقة على الدين السماوي وعذرا منك بس هاد افتراض خاطئ جملة وتفصيلا...... اول شي في ناس مانها مؤمنة اصلا باي دين سماوي وحتى اللي مؤمنين بدين سماوي فعندك تلات اديان وفي اشخاص مؤمنين بدين منون وناس مؤمنة بدين تاني وكل دين منون الو طريقة مختلفة بمعالجة المشاكل وطريقة مختلفة بالتفكير..... يعني الرجوع لدين سماوي حتما مارح يحل مشكلة الاختلاف بالعكس رح يتسبب بفرض احد الاديان السماوية على الناس الغير مؤمنة بهاد الدين...... بينما العلمانية وظيفتها انو تلاقي حد وسط يناسب الكل

شوفي ياعزيزتي ...لو تكلمنا عن الملحدين او من ليس لهم ايمان بديانة ما مع ملاحظة انا نتكلم عن المجتمع العربي وليس الغربي فستجدين انهم اقلية....ومن المفترض الاخذ براي الغالبية ....
وصحيح الديانات عم تختلف في طرقها واساليبها لكن مصدرها واحد يلي هو (الله) اذا هي عم تتفق في مضمونها
والله لا ينزل نظام الا وكان في مصلحة البشرية والديانات تصب في نقطة واحدة ولكن لم تجد من يطبقها تطبيقا سليما فالرجوع للعلمانية ليس هو الحل .................

شكرا الك

[The morning]

كاتب النص الأصلي : hanny dagher

هلأ لو كل الناس بتتفق بطريقة التفكير انا معك ما بيصير مشاكل
بس كل واحد عندو طريقة تفكير شكل وطريقة تعبير شكل بتختلف عن الانسان التاني
هاد الشي اللي بيسبب هالمشاكل هاي

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟
بعدين هيك قلت راجع و سهرتني للصبح و انا عم استنا ردك ..
شكرا

[امرأة من ورق]

كاتب النص الأصلي : ليندا

شوفي ياعزيزتي ...لو تكلمنا عن الملحدين او من ليس لهم ايمان بديانة ما مع ملاحظة انا نتكلم عن المجتمع العربي وليس الغربي فستجدين انهم اقلية....ومن المفترض الاخذ براي الغالبية ....
وصحيح الديانات عم تختلف في طرقها واساليبها لكن مصدرها واحد يلي هو (الله) اذا هي عم تتفق في مضمونها
والله لا ينزل نظام الا وكان في مصلحة البشرية والديانات تصب في نقطة واحدة ولكن لم تجد من يطبقها تطبيقا سليما فالرجوع للعلمانية ليس هو الحل .................

شكرا الك

وشكرا الك عالرقي بالرد والحوار
بس برأيي انك للمرة التانية عم تغلطي بافتراض شئ مانو دقيق...... لانو القول انو الملحدين بالمجتمعات العربية اقلية هاد مجرد افتراض لانو مافي اي دراسة او احصائية عن هالموضوع وبفرض في احصائية فانا مو كتير بوثق فيها لانو في كتير ناس ملحدة بس مابتصرح بهالشي علانية خوفا من رفض المجتمع الها لانو مجتمعانتا لسه مابتتقبل الاختلاف
وصدقيني الملحدين اكتر مابتتخيلي بكتير وفي ناس ملحدة مانها قليلة وانا على معرفة شخصية فيها بتروح عالجامع او الكنيسة وبتصلي وبتصوم وكلها مجرد تظاهر بالدين لمجرد الخوف من حكم المجتمع عليهم
ومابدي اتوسع بالحكي عن هي الظاهرة لحتى مانطلع عن الموضوع زيادة

[اب حمرا]

كاتب النص الأصلي : كهربجي مثقف

مين نوركن وصحح أفكاركن؟؟؟ لك ريتك تطلع على قبر أب حمرا شو فتح.. يا زلمة من وين لوين.. أنا زتيت فتيشة، شفت الموضوع ما قلب علاك ولا مشاكل قلت برجع بشارك لكن... إي شو كفرنا؟؟

بعدين انا خالص فحوص قومية وثقافة من زمان شريك.. وما بقدر ساعدك بهاد الموضوع.. مع انو على علمي في نوع واحد بس من العلمانيّة... إلّا إذا كان قصدك أوجه العلمانية فهاد شي تاني

وحمى تنتعك ليش على قبري اسا ناقصني انا

شو شكلو منظر جديد ماهيكي

[وائل 76]

كاتب النص الأصلي : امرأة من ورق

وشكرا الك عالرقي بالرد والحوار
بس برأيي انك للمرة التانية عم تغلطي بافتراض شئ مانو دقيق...... لانو القول انو الملحدين بالمجتمعات العربية اقلية هاد مجرد افتراض لانو مافي اي دراسة او احصائية عن هالموضوع وبفرض في احصائية فانا مو كتير بوثق فيها لانو في كتير ناس ملحدة بس مابتصرح بهالشي علانية خوفا من رفض المجتمع الها لانو مجتمعانتا لسه مابتتقبل الاختلاف
وصدقيني الملحدين اكتر مابتتخيلي بكتير وفي ناس ملحدة مانها قليلة وانا على معرفة شخصية فيها بتروح عالجامع او الكنيسة وبتصلي وبتصوم وكلها مجرد تظاهر بالدين لمجرد الخوف من حكم المجتمع عليهم
ومابدي اتوسع بالحكي عن هي الظاهرة لحتى مانطلع عن الموضوع زيادة

اسفين كتير يا جماعة تاخرنا عليكم

راح بلش من عند العزيزة امراة من ورق وبعدين ارجع لباقي الشباب

ما راح كتر حكي بس يلي فهمتوا من كلامك انهم اقلية لانهم عاجزين يصيغوا انفسهم في تنظيم معين ليحافظوا على حقوقهم ومصالحهم
يعني عم تناقضي نفسك انتي بتحكي انهم اكثر مما نتصور
ومع ذلك عاجزين انهم يعلنوا عن انفسهم
شغلة تانية
بما انهم مقتنعين بايديولوجيتهم وفكرهم الاتستحق تلك الفكرة ان يموتوا ويضحوا لاجلها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟



تحياتي الك

[اب حمرا]

كاتب النص الأصلي : The morning

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟

له له له له له له له له له له لهههه

ليش يعني ازا شي دولة اجت وجمعتلا شي مدري كم واحد شيوخ وفهمانين ومتنويرين ومنهدول يعني ناس عنجد فهمانة مو منظرة ما بيساو احلة دولة

[وائل 76]

اول شي عزيزي كريم اقسملك انني لم اقصد الاساءة حين كتبت في مشاركة كلمة اذا بالعكس شفت الموضوع شوي جاف حاولت نطلع شوي من هزا الجو لنضحك شوي مو اكتر وانا كتير بحترمك وبحترم ثقافتك وكتير سعيد باني عم اتحاور من انسان رائع متلك وعم استفيد من ثقافته
هلاء بنرجع للقصة

هي الاسرائيليين متدينين،

في عندي تفسير حقيقي للتوراة راح انزله بالمكتبة يمكن نفهم شو يلي عم بيصير لانو الصهيونية هيا يلي عم تحكم وليس الدين

قبل حمورابي بآلاف السنين

شاكر كتير للمعلومة هاي لانو بجد راح تفيدني في بحث عم بعمله هلاء

اي شغلة الثواب و العقاب، هي موجودة من قبل ما يبلش الله يبعت انبياؤو

تمام كتير لكن شو عمل الثواب والعقاب بالبشرية عبر مراحلها المختلفة بعتقد انو فطرة الانسان يلي بتجمع في ثناياها كتير اشيا متل الطمع وحب الذات وووووو كتيرررررررر اشيا عجزت القوانين انها تحاربها لانو ببساطة لو توفر لاي شخص فرصة ليعمل الشي الممنوع اكيد راح يعمله لكن لو انتشرت ثقافة الدين ورجع الانسان ليعرف معنى الدين الحقيقي ويعرف انو الله مراقبه بكل تصرف بعتقد انو راح يقدر يحارب الانا بداخله
بس هون في شغلة مهمة انو عم بقرا شغلات هون بتوحي انو الانسان كامل وممكن الضمير الانساني يكون رادع اله من اي شي غلط بعتقد انو هذا الكلام بعيد عن المنطق لانو الانسان بطبيعته مخلوق بعيد عن الكمال وبحاجة لشيئ به من القوة متل الدين ان يحكم تناقضاته ويجبره على اسلوب معين في الحياة وهو ما عجزت كل القوانين الوضعية عليه

و بالتالي التحدث عن امور ميتافيزيقية (غير مثبتة علميا)

وهل العلم توصل لتحليل كل المظاهر التي نراها ام ان العلك اقتصر على رفض فكرة الدين ورفض فكرة وجود الله
اعتقد ان اي منهج يجب ان ياخذ التدرج في بحثه ليصل للحقيقة
لذلك بعتقد يجب على العلم ان يتدرج في بحثه لتفسير كل الظواهر التي نراها وبعد ان يفسرها كلها ونقتنع بتفسيرها ياتي لتفسير فكرة الله والاديان
[quote][انت عم "تبحث" عن تفسير منطقي و حقيقي، لأنك لسا ما وجدتو، كيف عم تدافع عن شي ما عثرت على حقيقتو؟؟؟؟ او على الاقل على تفسير منطقي لحقيقتو؟؟؟؟
/QUOTE]
قصدت في كلمة تفسير اي تفسير للتطبيق لان الدين مفهومه قائم على شقين الاول عقلي نستطيع من خلاله ان نفكر في بعض الاحكام والاخر روحي لا يستطيع عقلنا العاجز ان يفسر متل تلك الاشياء لانها اكبر من مستوى تفكير البشر
اعطيك هنا مثالا فقط اثبت بعض الخبراء الامريكان حديثاً ان الانسان يستخدم فقط ما يعادل 18 بالمية من الحجم الحقيقي لقدرات عقله فما تفسير العلم والمنطق لذلك ؟؟؟؟؟؟؟؟؟؟؟؟؟؟؟؟؟؟؟؟
هذا سؤال مطروح الان امام كل العالم يبحث عن جواب له وعلى فكرة السؤال متعلق بالانسان وليس بالكون والكواكب

خيو، خليك عم "تبحث" ... لأ جد عم بحكي، بس بعقل منفتح على كل الاحتمالات، و خلي ببالك دايما انو العقل هوي الشرع الاعلى للانسان، و هالشي ما بيخالف ايمانك، لأنو حسب ايمانك الله هوي خالق العقل... انا كنت متلك، باحث عن الحقيقة.. و اسوأ شي ممكن يحصل معك انو تلاقي الحقيقة لأنو ساعتها رح ينتهي بحثك، لذلك، ادعي دايما لربك انك ما تلاقيها، صدقني معلم... ما في امتع من رحلة البحث عن الحقيقة، اوعى انك تنهيها

اخي العزيز كريم انا اقصد ببحثي انني ابحث عن التطبيق السليم للدين كجوهر يحكم اختلافاتنا
على كل حال الكلمة التي اوردتها من ان الانسان دائم البحث واسوء شيئ ان ينتهي البحث كلمة جدا رائعة ولا يقولها لا انسان صاحب تجربة ومثقف متلك انا بجد واقسملك معجب كتير بحوارك الرائع وبفكرك
بس هون في شغلة صغيرة انو عجز العقل البشري يستلزم بالضرورة ان نبحث في ما يستطيع العقل ان يفسره اما ما هو اكبر من مستوى ادراك البشر فنحن امام خياران اما ان نسلم ونؤمن بتلك الاشياء او اننا نلحد ونكفر بها
على فكرة اعتقد ان مسالة الايمان والالحاد مسالة متقلبة وغير ثابتة يعني ممكن الملحد يصير مؤمن والعكس
وهذا ليس لعيب في الدين وانما لان العقل البشري بطبيعته متلقب ويقبل وجهات النظر المتباينة
لذلك انطلق من ان العقل البشري يقف عاجزا امام ان يحدد منهج يحكم البشر باختلافاتهم

و الله يديم عقلاء هالبلد، ويبعت لاخواننا متلهم

امين وان شاء الله بيرسل ناس تعرف تقدر قيمة الانسان
بس سؤال هون كريم وارجو انك تفهم مقصد كلامي
هلاء التناحر يلي عم نشوفه مرجعه الطائفية والفكر المشوه اليس هذا دليلا على عجز العقل في كثير من الاحيان ان يصيغ مفاهيم يتعايش معها البشر ؟؟؟؟؟؟؟؟؟
اذن لماذا نداع عن العقل البشري الذي اثبت عجزه ؟؟؟؟؟
وما الذي يكفل ان هذا العقل يستطيع صياغة مفهوم او قانون او اسلوب حياة يكفل تحقيق ما عجز الدين عنه ؟؟؟؟؟؟؟؟؟

عموما بعيدا عن الحوار التاريخي، يا ريت (للمرة التانية عم اطلب هالطلب) انك تذكرلي العهد الذهبي يللي حكيت عنو اديش استمر؟؟؟ هاد تبع الدين الصحيح

لن استشهد بالتاريخ بعد ذلك لانني بصراحة افتقر لمعلومات دقيقة بالارقام والاحداث التاريخية و كل ما لدي من معلومات انما من خلال دراستي الجامعية وكانت متعلقة بتاريخ القوانين وظروف وجودها ليس اكثر
بعتقد انو كلامي هذا راح يقدره انسان مثقف متلك
بس في شغلة هون كريم انو انا ما عم احكي واقصد بكلامي الاسلام مع اني اعتز باسلامي الا انني اتحدث بشكل عام لانني احترم و اؤمن بكل الاديان السماوية ( امؤمن ) كتبتها صح والله كتبتها اربع مرات مرة على سطر ومرة على واو

حاج لهون لأنو العولمة مش موضوعنا و يا ريت ما تغير المحاور

ما بغير المحور لكن العولمة يلي قصدتها هي الشركات متعدية الجنسيات يلي هدفها السيطرة على العالم وهي نتيجة منطقية لانو نترك العقل الانساني يحكم وقتها ما راح يقدر يتجنب كل النزعات يلي انجبل عليها ل الانسان
العولمة يلي بحكي عليها هي الشر وليس الخير الذي تحدثت عنه لاثبت لك ان كل الافكار الانسانية تحمل الخير والشر في طياتها لانها لا يمكن ان تتجرد من انسانيتها

طيب على فرض انو وجدنا اليوم هالملهم ... شو بيضمنلي انو بس يموت يجي واحد تاني، و اللا بدك ياني استنى كمان قرون ليجي واحد تاني، و بهالوقت بيتمقطعوا هدول تبع المصلحة الشخصية يللي مو طايقهم حضرتك فينا ؟؟؟؟

لذلك كله كنت عم دافع عن انو الدين الصحيح يحكم لانو هو فقط من يستطيع ان يتجنب كل ما نحن خائفين منه
لانه منهج وليس شخص
الدين منهج كامل بعيدا عن تقديس الاشخاص اي ان الفكرة تبقى بزوال اشخاصها وباتي من هو مطابق للمعطيات الموجودة
اما حين بنترك العقل يبحث ليوجد لنا نظرية تحكم حياتنا فما الدافع لكي اقتنع بوجهة نظر انسان متلي
وما الدافع لكي لا استنبط انا نظرية تحكمنا

و هي هيي الفضائل نفسها يللي قلت عنها انها بتودي للعولمة و ما عجبتك

معلش كريم ما فهمت مضمون هالجملة بتمنى توضيح منك
اما بالنسبة لعقلي فانا بعتبره متحرر الى حدا منا والدليل انو لدي اصدقاء من اديان مختلفة وحتى يهود وعندي كمان صديق واحد ملحد من هون من اخويا ومع ذلك بحترم افكار الكل وبناقش بموضوعية وفي الاخر لما ما اقتنع او اقنع بحتفظ بوجهة نظري وبحترم وجهات نظر الاخرين

العلمانية تعتمد على العقلانية بقوة، و بالتالي بتعتمد على العلم،

يا عزيزي العلم اثبت قصوره في مواطن كثيرة واثبت انه مفهوم نسبي متقلب فما الداعي ان ننحكم لشيئ غير ثابت
قبل 10 سنوات كان هناك مفهوم الديمقراطية هو ان الشعب يحكم نفسه بنفسه الان اصبح هناك مفاهيم اخرى متل الديمقراطية المتدرجة والمقننة والديقراطية المسنوردة والمحلية والخ
وكلها مفاهيم تحمل في طياتها تحقيق مصالح ما
يعني خلط السم بالعسل
كيف اعتمد على العقل البشري الذي وظف المفاهيم الجميلة في تحقيق غايات ومصالح

العلمانية يا حبيبي هيي انو تتخذ القرارات و تنسن القوانين و التشريعات بناءا على حاجة المجتمع بغض النظر عن النصوص المقدسة

وما هو السبيل امام تناقضات المجتمع
هل سيسمو الفكر الانساني لمرحلة تجعلنا نقدس افكاره ونقتنع باحكامه على تناقضاتنا ومصالحنا

مشان هيك لازم نحارب هالظاهرة .. و نفهم العالم (حتى الاميركان) انو ما حدا ع راسو ريشة و آخر نبي عمل خير و ختملنا هالطاقة يللي بتجي منها الريح

افهم من ذلك انك مقتنع بان الامريكان يطبقون الدين وانهم ليسوا علمانيين ؟؟؟؟؟؟؟؟؟؟؟؟؟

اي لا عاد تقول انو الاسلام ما عم ينتشر بحد السيف لكان

ما بدنا نطلع من الموضوع بس حبيت اسالك سؤال هون
هل الارهاب هدفه نشر الاسلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



تحياتي الك كريم وارجو الا تقبل كلامي وتبريري بخصوص المشاركة تبعت كلمة اذا
لاني لم اقصد شيئ
و سعيد جدا بحوارك وبفكرك وبتمنى انو الكل يكون بهاي الدرجة من الوزعي والمعرفة
يمكن لو صار عندنا ناس متل هيك يتغير حالنا ونعرف نحترم ونحب بعض

تحياتي الك

[Willi]

غلطان ياعمي العلمانيه شيىء والديموقراطيه شيىء آخر .... وشوف بعينك كم نظام علماني متزمت موجود بالسلطه الآن وهم ليسوا الديموقراطيين بل استئصاليين ... علمانيين مستبدين
الديموقراطيه تعني القبول بالآخر مهما اختافت معه شيوعياً ام اسلامياً اشتراكي ام ليبرالي
الشيوعي هو وطني
والاسلامي وطني
والاشتراكي وطني
وليبرالي وطني
مشكلتنا تكمن بقبول الآخر .. لو افترضنا ان ليبرالي وصل للحكم وفشل ونجح بعده اسلامي هل يقبلون بتداول السلطه ؟
عندما يفشل حزب او تيار بالبرنامج الذي قدمه للشعب سوف يسقط بالانتخابات القادمه هذا الامر مرفوض في آحزابنا

هلق اذا بدك تجي للمعنى الصحيح للديمقراطية فيهة: حكومة من الشعب, وللشعب.

اما بالنسبة لانو العلمانية شي والديمقراطية شي تاني.
كلام صحيح انا ما قلت انو العلمانية هية نفسها الديمقراطية.
لاكن قلت انو وجود الديمقراطية مرتبط كتير بوجود العلمانية
عطيني بلد علماني مانو ديمقراطي.


ما فهمت مين بتقصد بالنظام العلماني الموجود بالسلطة.
اذا بتقصد ببلادنا.
فهي بعيدة كل البعد عن العلمانية. اصلا الدستور السوري مسن على اسس دينية.

[Willi]

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟
بعدين هيك قلت راجع و سهرتني للصبح و انا عم استنا ردك ..
شكرا

مافي شي بيوقف العقل البشري عاجز قدامو.
القعل البشري قادر انو يعمل كلشي.

ومع تقدم الزمن عم يتم اثبات هالشي.
شوفي وين وصلنا العقل البشري. وين كان كل هالشي من 100 سنة؟؟
بلا 100 سنة 50 سنة؟؟
الطيارة, السيارة, الكومبيوتر, اجهزة الاشعة, القنابل النووية, والذرية, اجهزة التحكم عن بعد, المراكب الفضائية, المحطات الفضائية............

هدول كلون عملهون بفضل عقلو بدون مساعدة من الله او اي قوة خارقة تانية.

[ليندا]

كاتب النص الأصلي : Willi

هدول كلون عملهون بفضل عقلو بدون مساعدة من الله او اي قوة خارقة تانية.

اهلين willi.......
شوف اخي انا هلق معك انه العقل البشري وصل لمرحلة كتير متقدمة وصحيح انه كلما تقدم الزمان بيحدث تطورات على كافة الاصعدة ............اذا العقل البشري قادر على الاختراع والابتكار ....ولكن........ من صنع هذا العقل؟؟؟؟؟؟؟؟؟؟؟؟؟
من اعطاه الالهام ليصنع كل تلك الامور ...
ولاوضح اكثر ساطرح مثال ........
لو قارنا بين الذبابة والطائرة في إمكانيات وقدرات المناورة والالتفاف السريع .. وقد راينا ان المخترعين للطائرة المقاتلة استطاعوا في آخر تقنياتهم في مجال صناعة الطائرات تمكين الطائرة من القدرة علىٰ المناورة والدوران يميناً ويساراً أو إلىٰ الأعلىٰ أو إلىٰ الأسفل وفي كافة الاتجاهات بدائرة ذات زاوية حادة للإفلات من رشاشات ومدافع وصواريخ الطائرات المعادية التي تطاردها من مسافة قريبة وبشكل مباشر وفي زمن قياسي .. وأصعب صور هذه المناورات هي أن يكون الطيار خلفه طائرة معادية تطارده فيقوم بالانحراف يميناً أو يساراً بزاوية منقبضة حادة وهو علىٰ سرعة فائقة وخطيرة ولكي يجعل طائرته وفي ثوان قليلة تطير فجأة في الاتجاه المعاكس أي أنها كانت تطير في اتجاه الشرق فيجعلها فجأة تطير إلىٰ الاتجاه المعاكس من الشرق إلىٰ الغرب .. ولكي تتمكن الطائرة من تحقيق هذه المناورة للطيران السريع إلىٰ الاتجاه المعاكس فإنها تستغرق في أحدث الطائرات أكثر من سبعة ثوان ولا تستطيع أن تغلق زاوية انحرافها أقل من (30 ) درجة .. بينما الذبابة تستطيع القيام بهذه المناورة في جزء من (250) جزء من الثانية وبزاوية منقبضة لا تزيد عن (7) درجات .. ونحن يمكننا وبالعين المجردة مشاهدة وملاحظة هذه المناورة من الذبابة بشكلها العام ونضرب علىٰ ذلك مثلاً .. فحين نطرد ذبابة كانت تقف علىٰ حافة صحن يحوي طعاماً فإنها تذهب بعيداً لمسافة مترين أو ثلاثة أمتار وفجأة نراها عائدة في الاتجاه المعاكس لكي تنقض علىٰ الصحن مرة أخرىٰ ويتم ذلك بسرعة خاطفة إلىٰ درجة أننا قد نتخيلها تطير برأسين وفي الاتجاهين في وقت واحد ( مثل عربة الترام التي تسير في الاتجاهين دون الحاجة إلىٰ الدوران لأن في كل طرف منها غرفة قيادة تقودها إلىٰ الأمام).
: فهل بلغ ببني البشر وبكل ما توصلوا إليه من علم عَلّمهُم الله إياه أن يصنعوا في الطائرة من القدرات والإمكانيات التقنية التي تجعلها تنافس قدرات وإمكانيات الذبابة التي وضعها الله فيها بعلمه وقدرته ؟ ..


شكرا الك ...............

[The morning]

كاتب النص الأصلي : Willi

مافي شي بيوقف العقل البشري عاجز قدامو.
القعل البشري قادر انو يعمل كلشي.

ومع تقدم الزمن عم يتم اثبات هالشي.
شوفي وين وصلنا العقل البشري. وين كان كل هالشي من 100 سنة؟؟
بلا 100 سنة 50 سنة؟؟
الطيارة, السيارة, الكومبيوتر, اجهزة الاشعة, القنابل النووية, والذرية, اجهزة التحكم عن بعد, المراكب الفضائية, المحطات الفضائية............

هدول كلون عملهون بفضل عقلو بدون مساعدة من الله او اي قوة خارقة تانية.

اي انا ما قلت انو عم يستنا قوه خارقه انا قلت انو انا بؤمن انو هالعقل الخارق اجا من عند لله و هو ما بيؤمن بهالشي ..
بعدين عفوا بس انت قريت مزبوط انا شو قايله ... انا قلت ما بتتفق العقول البشريه و بتم اسهل التعامل مع مجموعه الاديان من التعامل مع مجموعه غير متناهيه من العقول ....................... ما قلت عاجز... و ما قلت هلاختراعات اجت من عند لله
مشكور..
بس هل بفهم اني ما استنا رد هاني ........... ولله انا كنت سعيده بالحوار معو .؟؟

[Willi]

شوف اخي انا هلق معك انه العقل البشري وصل لمرحلة كتير متقدمة وصحيح انه كلما تقدم الزمان بيحدث تطورات على كافة الاصعدة ............اذا العقل البشري قادر على الاختراع والابتكار ....ولكن........ من صنع هذا العقل؟؟؟؟؟؟؟؟؟؟؟؟؟

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟

بعدين عفوا بس انت قريت مزبوط انا شو قايله ... انا قلت ما بتتفق العقول البشريه و بتم اسهل التعامل مع مجموعه الاديان من التعامل مع مجموعه غير متناهيه من العقول ....................... ما قلت عاجز... و ما قلت هلاختراعات اجت من عند لله

عيوني انا اقتبست الكلام اللي علقت عليه
وهاد هو

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟

اما بالنسبة للتعامل مع الاديان. فلاء ما بيمشي الحال. لانو مافيكي تستعملي حل وسط مع الاديان.
ومافي تستعملي حل منطقي مع الاديان اذا كان بخالفها.
مع البشر بتقدري

بس هل بفهم اني ما استنا رد هاني ........... ولله انا كنت سعيده بالحوار معو .؟؟

اي اسف لا تواخذينا. يعني اسكت؟؟
بكل الاحوال فيكي تنطريه وتكملي حوار معو, ما حدا قلك لاء

[The morning]

كاتب النص الأصلي : Willi

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟


قادر ... بس انا ما عم قول ما قادر يأسس بس بكل دوله نشأت كان في ناس ما بتوافق ع الحكم " المعارضه يعني" و بالدين كمان في معارضه بس دينيا اخف لانو المجموعات و الافكار اقل فهي بتتراوح بين طبيعه الدين و و جود او عدم الايمان بالدين ... بينما الدول ........ شو بدك تعد لتعد حركات و كل ما واحد عمل انقلاب بيجي مين يعمل عليه انقلاب و بيتم في ناس و جماعات كتير ..........



عيوني انا اقتبست الكلام اللي علقت عليه
وهاد هو



اما بالنسبة للتعامل مع الاديان. فلاء ما بيمشي الحال. لانو مافيكي تستعملي حل وسط مع الاديان.
ومافي تستعملي حل منطقي مع الاديان اذا كان بخالفها.
مع البشر بتقدري


بس لاديان نوعا ما بتجمع حولها عدد كبير من الناس فهي بتكون اكتر قدره على الاقناع " بغض النظر عن منطقيتها"



اي اسف لا تواخذينا. يعني اسكت؟؟
بكل الاحوال فيكي تنطريه وتكملي حوار معو, ما حدا قلك لاء

لا بنوب ما تسكت ... لاني حبيت الحوار بكل الموضوع و مع كل المثقفين اللي متلكون
و انا بعتذر اذا فهمت قصدي غير هيك

[ليندا]

كاتب النص الأصلي : Willi

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟

+

انا اسفة كتير.........بس رح قلك انتي يلي فتحت النقاش بموضوع من صنع عقل الانسان؟؟؟؟
صحيح انك قلت ان الانسان بيخترع ويبيبتكر بدون مساعدة الله ...وهاد الشي بو اسطة شو ؟؟
(بواسطة العقل طبعا)
يعني لولا العقل ماخترع الانسان شيئا ................صحيح..
وبنرجع ونقول انه الله هو يلي خلق هاد العقل بادق تفاصيلوه.... وبالتالي رح يكون الله ساعد هالانسان على الاختراع .......ولا اقول لك انه الانسان غير قادر على صنع نظام دوله ولكن ستكون نتيجة هذا النظام دوله مهزوزة لانه نظام بشري واي نظام من صنع البشر هو نظام ناقص...النتيجة النهائية من وجهة نظري وجوب الاعتماد على الله.........


تحياتي .............

[krimbow]

كاتب النص الأصلي : Willi

مافي شي بيوقف العقل البشري عاجز قدامو.
القعل البشري قادر انو يعمل كلشي.

ومع تقدم الزمن عم يتم اثبات هالشي.
شوفي وين وصلنا العقل البشري. وين كان كل هالشي من 100 سنة؟؟
بلا 100 سنة 50 سنة؟؟
الطيارة, السيارة, الكومبيوتر, اجهزة الاشعة, القنابل النووية, والذرية, اجهزة التحكم عن بعد, المراكب الفضائية, المحطات الفضائية............

هدول كلون عملهون بفضل عقلو بدون مساعدة من الله او اي قوة خارقة تانية.

ملحوظة زغيرة ويلي

بتعرف اديش انا منحاز للعقل ...بس الحق يقال

ما تسجل بتاريخ البشرية كلها اي اختراع او اكتشاف تم غير عن طريق الصدفة

[Willi]

ملحوظة زغيرة ويلي

بتعرف اديش انا منحاز للعقل ...بس الحق يقال

ما تسجل بتاريخ البشرية كلها اي اختراع او اكتشاف تم غير عن طريق الصدفة

التجربة بحياتا ما كنت صدفة.
ومعظم الاختراعات والاكتشافات اجت من تجارب.

ما بظن انو شبكة الانترنت كلها وكل تعقيدها اجت عن طريق الصدفة
ولا حتى جهاز الكومبيوتر.
حتى السيارة. كل التطور اللي وصلتو, صار عن طريق الصدفة؟؟

مستحيل.
شو هالصدف هاي؟؟
حتى هاد الكوكب العاشر اللي اكتشفوه. اللي قالو انو لقوه بالصدفة.
كانو عم يراقبو الكواكب والفضاء لما شافوه. يعني ما اجا من ولا شي.
يعني ما هيك دغري الله نزل الالهام على واحد وقلو في كوكب عاشر هنيك, روح اكتشفو.

ولا اقول لك انه الانسان غير قادر على صنع نظام دوله ولكن ستكون نتيجة هذا النظام دوله مهزوزة لانه نظام بشري واي نظام من صنع البشر هو نظام ناقص...النتيجة النهائية من وجهة نظري وجوب الاعتماد على الله

ليش اوروبا مهزوزة بالوقت الحالي؟؟
انو مثلا الامبراطورية الرومانية كانت مهزوزة؟؟ (يعني اعتبارا انو كانو يأمنو بتعدد الالهة, يعني مو الاله اللي نحن عم نحكي عنو)
طيب الفراعنة كانت دولتون مهزوزة؟؟
طيب الاغريق؟؟
لك اميركا؟؟؟؟؟؟؟؟

[امرأة من ورق]

كاتب النص الأصلي : وائل 76

اسفين كتير يا جماعة تاخرنا عليكم

راح بلش من عند العزيزة امراة من ورق وبعدين ارجع لباقي الشباب

ما راح كتر حكي بس يلي فهمتوا من كلامك انهم اقلية لانهم عاجزين يصيغوا انفسهم في تنظيم معين ليحافظوا على حقوقهم ومصالحهم
يعني عم تناقضي نفسك انتي بتحكي انهم اكثر مما نتصور
ومع ذلك عاجزين انهم يعلنوا عن انفسهم
شغلة تانية
بما انهم مقتنعين بايديولوجيتهم وفكرهم الاتستحق تلك الفكرة ان يموتوا ويضحوا لاجلها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟



تحياتي الك

العجز عن اعلان نفسهم مو مشكلة فيهم بس مشكلة بالناس اللي ماسكين الحكم الرسمي وماسكين الحكم على قلوب كتير من الناس باغلب الدول العربية اللي كان حكيي عنها...... يعني صدقني بكلمة من احد رجال الدين انو هالشخص اساء لله رح يطلع الف متبرع لهدر دم هالشخص
اما انو ماعم يشتغلو ليعلنو عن نفسون كمان مانو كلام دقيق...... يمكن عم يشتغلو على مهل وبالخفاء غالبا لحتى ينشرو افكارون او يحاولو يصنع مجتمع يتقبلون بدليل تصاعد نداء العلمانية اللي رح توفرلون هالشي
اما الاستعداد للموت كرمال ايديولوجيتهم فبظن الموت كرمال الافكار بيجي كحل اخير واستسلامي نوعا ما لما بتنقطع السبل تماما ومتل ماقلت هني ماوصلو لمرحلة الاستسلام وعم يشتغلو بهدوء
وبالتالي الشئ اللي ظاهرلك هلأ انو عجز ماهوي الا مرحلة انتقالية وبتمنى تمر بسلام وياخدو حق التعبير...... ومافيك تحكم من خلال هالشي انون اقلية

[The morning]

كاتب النص الأصلي : امرأة من ورق

العجز عن اعلان نفسهم مو مشكلة فيهم بس مشكلة بالناس اللي ماسكين الحكم الرسمي وماسكين الحكم على قلوب كتير من الناس باغلب الدول العربية اللي كان حكيي عنها...... يعني صدقني بكلمة من احد رجال الدين انو هالشخص اساء لله رح يطلع الف متبرع لهدر دم هالشخص
اما انو ماعم يشتغلو ليعلنو عن نفسون كمان مانو كلام دقيق...... يمكن عم يشتغلو على مهل وبالخفاء غالبا لحتى ينشرو افكارون او يحاولو يصنع مجتمع يتقبلون بدليل تصاعد نداء العلمانية اللي رح توفرلون هالشي
اما الاستعداد للموت كرمال ايديولوجيتهم فبظن الموت كرمال الافكار بيجي كحل اخير واستسلامي نوعا ما لما بتنقطع السبل تماما ومتل ماقلت هني ماوصلو لمرحلة الاستسلام وعم يشتغلو بهدوء
وبالتالي الشئ اللي ظاهرلك هلأ انو عجز ماهوي الا مرحلة انتقالية وبتمنى تمر بسلام وياخدو حق التعبير...... ومافيك تحكم من خلال هالشي انون اقلية

يعني انت برأيك انو العلمانيه هي استيراد لمنتج عم يحاول ينشر افكار جديده بالوطن العربي
اللي من طول عمرو ماشي الحيط الحيط و قايل يا رب ليتحول لمجتمع علماني باستخدام ما
في العولمه من ايجابيات نحنا ما بنعرف انطبقها بيقومو هنن بيفصلو و نحنا بنلبس..
طيب اذا هيك معناتها العلمانيه اللي انا بحلم فيها بدها شي ميه سنه لتوصل للعالم و مدري قديش بعدو لتوصل
للوطن العربي ... هاد اذا عرفت طريقها
للتذكير العلمانيه اللي انا بحلم فيها هي علمانيه بأسمى حالات البشر .. يعني لما بنصير بنعرف نتعامل مع بعضنا اول بعدين خلينا نفكر نمارس الدين بس بالبيت
مشكوره