انحلال العرب فى مجله المانيه

[احلى دنيا]

صدرت فى احدى المجلات الالمانيه ان العرب وسط منحل اخلاقيا والموضوع بصراحه استفزنى جدا بيقولو ان بيحاولو يقلدو الدول الاوربيه فى كل حاجه وان العرب ده اصلا متخلفين مش عندهم ثقافه ولا اى احاجه والدول اللى ذكرو اسمائها فى المجله البلد الاول لبنان تليها مصر تليها سوريا تليها المغرب الى كل الاعضاء تفتكرو الكلام ده حقيقى وان احنا بلاد متخلفه انا احيانا بحس فعلا بكده لان انا خريجه مدرسه اجنبيه وبصراحه بفتخر ان دراستى كانت اجنبيه ولما بشترى اى حاجه تكون صناعتها اجنبيه بكون سعيده ممكن يكون ليهم حق ان احنا بناخد منهم ثقافه وبنفتخر بيها كمان على فكره المانيا من الدول اللى بتعتز بلغتها جدا جدا حتى لو عرفو لغه تانيه ومستحيل يكلموك الا بلغتهم لكن احنا كل مصطلحتنا كلها اجنبيهno comment

[*Marwa*]

هو من ناحية انحلال اخلاقي ..طبعا في انحلال اخلاقي لانو للاسف عم ناخد من الغرب كل الاشيا المضرة!!
بس غريب كيف تجرأت دولة غربية تحكي عن الانحلال الاخلاقي للعرب!! ما حنا اخدنا الانحلال الاخلاقي من عندهن
من ناحية تخلف نعم نحن الان في وضع متخلف للاسف!! تعرفي شو الفرق بيننا وبين الاجانب؟ انو الاجانب لما كنا احنا متطورين ورائدين في العلم والطب اخدوا مننا هالاشيا وطوروها اما نحنا فوئفنا عند امجاد جدودنا وما استمرينا وكأنو العلم عند العرب كان موجود لفترة معينة فقط اما بعد زوال هديك الفترة صار العلم ماضي منسي!! اما مسألة اللغة وانو تأثرنا حتى باللغة الاجنبية فيمكن معك حق بس انا شخصيا عن نفسي بحب اللغات ومش تأثرا بالحضارة الغربية بحكي فيها لا بس لانو حلو انو الانسان يكون ملم باللغات ويكون متل ما بقولوا multi-lingual
وشكرا عالموضوع الحلو

[KILLER011]

يعني احنا او خليني احكي الواجهة تبعت العرب صارت واجهة اجنبية
من خلال تقليدهم بالبرامج الماجنة الرقص والغنى ... (وبحكيلك هاي دراسة)

والافلام العربية حدث ولاحرج

احنا عنا ثقافة عنا حضارة مغطية بتراب ....... فلازم نرجع نزيلو ونبدأ من اساستنا المندثرة

[the_sea]

بداية انحلال العرب كان بالعصر العباسي شوي شوي اتطور
أنا برأيي انو أخطر شي عنا بانحلالنا الأخلاقي هوي انتشار الكذب بشكل موطبيعي
وهاد اللي أثر أكتر الشي علينا

[zahir]

كاتب النص الأصلي : KILLER011

يعني احنا او خليني احكي الواجهة تبعت العرب صارت واجهة اجنبية

من خلال تقليدهم بالبرامج الماجنة الرقص والغنى ... (وبحكيلك هاي دراسة)

والافلام العربية حدث ولاحرج

احنا عنا ثقافة عنا حضارة مغطية بتراب ....... فلازم نرجع نزيلو ونبدأ من اساستنا المندثرة

نفس الرد

[handsome]

خرج تفيدينا باسم المجلة لو سمحتي
وألي رجعي بعدين بركي

[wwq]

كاتب النص الأصلي : the_sea

بداية انحلال العرب كان بالعصر العباسي شوي شوي اتطور
أنا برأيي انو أخطر شي عنا بانحلالنا الأخلاقي هوي انتشار الكذب بشكل موطبيعي
وهاد اللي أثر أكتر الشي علينا

نفس الرد و بضيف انو الشعب بلدول اللي زكرتيها ما بس بيفتخر بشهاده بيفتخر اذا حصل الواحد على جنسيه اجنبيه ومعك حق تفتخري بشهاتك وشكرا الك

[muthanna 007]

شوفي يا احلى دنيا من ناحية انه عنا انحلال اخلاقي فهاد اشي اكيد واحنا اللي جبناه لحالنا مش الغرب اعطانا اياها يعني احنا مناخد من عندهم الانحلال الاخلاقي وهم بياخدوا من عنا الثقافة والحضارة ... اي ازا هلأ بدك تروحي تشتغلي بشي شركة ازا ما كان معك لغة انجليزية ما بيوظفوكي لانه اللغة الانجليزية صارت عنا اهم من لغتنا العربية........((((((( وعلى فكرة في جامعة بالمانيا مكتوب على بابها)))))) حديث للرسول (((صلى الله عليه وسلم)))
وكاتبين عنده انه حكمة عربية....طيب من غلطنا المفروض يعرفوا انه هاد مش حكمة انه حديث بس للاسف مافي حدا ممكن يوصللهم هاي الفكرة ................ وشكرا عالموضوع....

[obada ghost]

لا نقول أنه لا يوجد لدينا إنحلال أخلاقي لأنه بالفعل لدينا بعض التقليد للغرب لكن ليس كثيراً و هذا بسبب الترويج الهائل لأنفسهم لذلك أشيائهم سحرت نفوسنا
مشكورة على الموضوع

[اممي]

كاتب النص الأصلي : احلى دنيا

على فكره المانيا من الدول اللى بتعتز بلغتها جدا جدا حتى لو عرفو لغه تانيه ومستحيل يكلموك الا بلغتهم لكن احنا كل مصطلحتنا كلها اجنبيهno comment

هلق هنن معتزين بحالن لتقولو حاجة بس كل الي بتسمعو اشاعات هالشعب انا عايش بينات وكل محبة للتاني مادامك بتحترم القانون ماحدا بيغبر على صرمايتك ثم اللغة الالمانية الي هيه كتير كتير كتير صعبة فيها كتير مفردات فرنسية ولاتينية وانكليزية وبتستخدم ككلمات دخيلة
بدكن خبركن تسلسل الدول العنصرية هي من اوروبا وانتا وطالع(من الاقل للاكثر)
اسبانيا
انكترا
فرنسا
تركيا
ايران
بلاد العرب(يعني نحنا)
نحن اكتر شعب بالغالم عنصري وبتحكي عالكل بالعاطل يعني مرات نحن بنحكي عالعالم الي عايشين بيناتنا
وبنرفض ان دخل اي كلمة اجنبية للمراجع الدراسية والمناهج لك الطب الي هوة طب بندرس بالعربي
كل العالم كفرة وبس نحنا اولادين الله هي من طرف
من جهة تانية انا ماقريت هيك تقرير هون ياريت الرابط تبع المجلة
هلق هنن بيحكو عن انغلاقنا الحضاري والثقافي بالعادة بس حول هالموضوع ماسمعت قبل
اسف عالتطوالة
اممي

[brave heart2]

هلق اذا الموضوع عن الانحلال الاخلاقي فهو موجود بكل المجتمعات .....

وطبعا هاد الشي حسب عادات المجتمع بكون معيار الانحلال ....مثلا بالخليج في دراسات بتقول انو نسبة الشذوذ الجنسي عالية جدا بسبب الاتغلاق والعزل بين الجنسين ...وبكل مجتمع عربي او غربي الانحالال الاخلاقي موجود

اما بالنسبة للثقافة في عنا بعض المجتمعات العربية مثل سوريا مثلا مازال الوضع مقبول ... وطبعا بحاجة لشغل اكتر




تسجيل متابعة

[احلى دنيا]

ميرسى حبايبى على ردودكم بجد بجد عجبتنى بس موضوع بجد بينرفز اى عربى وفعلا فى شذوذ كتير فى دول الخليج على فكره سواء ان اشتغل فى اى شركه اللغه اساسى وانا حاليا بحاول ان الانجلش عندى والفرنسى يكون مثل العاميه بالعربى لان هشتغل بطبيعه دراستى فى مكان له مميزاته اهم حاجه عنده اللغه للاسف المكان ده مصرى بس تعاملى هيكون مع الاجانب

[Willi]

يا ريت اسم المجلة

بس لما الواحد بدو يحكي الصراحة.
مين بالعالم متخلف اكتر من العرب؟؟ ما حدا.

[samsoum]

كاتب النص الأصلي : احلى دنيا

صدرت فى احدى المجلات الالمانيه ان العرب وسط منحل اخلاقيا والموضوع بصراحه استفزنى جدا بيقولو ان بيحاولو يقلدو الدول الاوربيه فى كل حاجه وان العرب ده اصلا متخلفين مش عندهم ثقافه ولا اى احاجه والدول اللى ذكرو اسمائها فى المجله البلد الاول لبنان تليها مصر تليها سوريا تليها المغرب الى كل الاعضاء تفتكرو الكلام ده حقيقى وان احنا بلاد متخلفه انا احيانا بحس فعلا بكده لان انا خريجه مدرسه اجنبيه وبصراحه بفتخر ان دراستى كانت اجنبيه ولما بشترى اى حاجه تكون صناعتها اجنبيه بكون سعيده ممكن يكون ليهم حق ان احنا بناخد منهم ثقافه وبنفتخر بيها كمان على فكره المانيا من الدول اللى بتعتز بلغتها جدا جدا حتى لو عرفو لغه تانيه ومستحيل يكلموك الا بلغتهم لكن احنا كل مصطلحتنا كلها اجنبيهno comment

اذا كان قصدك جريدة Bild Zeitung فهي الجريدة معروف انها صهيونية وكل يومين لازم تنزل موضوع عن العرب وتظهر فيه تخلفهن، وحتى لو كتبت عن العرب بشكل ايجابي، وهذا نادر، لازم يكون في بالمقال شي ما بين السطور، وهالجريدة صحيح قراءها كثر جدا في المانيا ، بس يعتبرو من الشريحة الغير مثقفة والغير متعلمة ومن العمال العاديين بالاضافة لنسبة من الاجانب.
موضوع انو الالمان بيعتزو بلغتهم، هذا شي طبيعي، كل شعب بالدنيا بيعتز بلغته، والدليل شوفو نحنا العرب شو بنحكي عن لغتنا، وبنعتبرها من أغنى واجمل اللغات
هللأ موضوع انو الالمان مابيرضو يحكو بغير لغتهم ، هالكلام غير دقيق، تحديدا لما بيعرفو انو هالشخص جديد بالبلد،بالعكس بيحاولو يساعدوه قدر الامكان، اما اذا هالشخص صرلو هون عشر سنين ولسا مابيعرف يحكي لغة البلد وبيطلب من اهلها يحكو معو بلغه تانية،وهالشي موجود في المانيا بكثرة، برأيي هون بيكون معهن حق لما بيرفضو يحكو معو لغة تانية.
في نسبة كبيرة من الالمان بيعرفو انو الحضارة العربية عريقة وبانو الدعاية عم تلعب دور كبير ضد العرب، ووسائل الدعاية سواء مرئية او مسموعة او مقروءة مسيطر عليها من قبل رؤوس الاموال اليهودية واللي بتتمتع بنفوذ كبير في جميع المجالات،وهون بقول انو بدل ما نحنا ننزعج منهم لأنهم عم يشتغلو ضد العرب اعلاميا، من خلال رصد أموال طائلة لهالموضوع، لازم نحنا نرصد جزء كتييييير بسيط من الاموال اللي بتصرف على الكازينوهات وملاهي القمار والدعارة و.... الخ و نستخدمها للدعاية المضادة.يعني بحسب المتل الشامي، بدل ما تقلها كش، اضربها واكسر رجلها....... وطبعا هالشي ممكن يحصل..... بس بالاحلام

[تالين]

كاتب النص الأصلي : احلى دنيا

صدرت فى احدى المجلات الالمانيه ان العرب وسط منحل اخلاقيا والموضوع بصراحه استفزنى جدا بيقولو ان بيحاولو يقلدو الدول الاوربيه فى كل حاجه وان العرب ده اصلا متخلفين مش عندهم ثقافه ولا اى احاجه والدول اللى ذكرو اسمائها فى المجله البلد الاول لبنان تليها مصر تليها سوريا تليها المغرب الى كل الاعضاء تفتكرو الكلام ده حقيقى وان احنا بلاد متخلفه انا احيانا بحس فعلا بكده لان انا خريجه مدرسه اجنبيه وبصراحه بفتخر ان دراستى كانت اجنبيه ولما بشترى اى حاجه تكون صناعتها اجنبيه بكون سعيده ممكن يكون ليهم حق ان احنا بناخد منهم ثقافه وبنفتخر بيها كمان على فكره المانيا من الدول اللى بتعتز بلغتها جدا جدا حتى لو عرفو لغه تانيه ومستحيل يكلموك الا بلغتهم لكن احنا كل مصطلحتنا كلها اجنبيهno comment

بتعرفي انو استاز الماني مرة ال انو الشعب الفرنسي مستحيل يحكي غير لغتو ولو انو بيعرف غير لغات ... ممممم....
و على فكرة الشعب الالماني بعكس يلي حكيتيه لانو بيحب يبيض صورتو ادام العالم بعد الحرب العالمية و قصة هتلر....... ومنشان المجلة ورجينا

[ابو رحيق]

لا تعليق

[اممي]

لك اذا الBild هي الي مطلعة هالخبر فعبو بالخرج
هي مجلة افلام كرتون

[M@hmoud]

صدرت فى احدى المجلات الالمانيه ان العرب وسط منحل اخلاقيا

انا برأيي لازم توضيح معنى الانحلال الاخلاقي بمفهومهم .....
لانو الانحلال الاخلاقي بالمفهوم العربي بقدر بعتبر انو غالب الاوربيين منحلين اخلاقيا...من علاقات مشبوهة..الى مجتمع مفكك بالكامل اجتماعيا...ونفسيا كمان
اما بالمفهوم الاوربي بيكون الانحلال الاخلاقي كتر الكدب...سوء المعاملة..انتشار النصب والاحتيال ..الخ الخ

اللي عايش هون بيعرف انو المجتمع الالماني بليلة السبت الاحد ... بيصير غالبيتو لا يمت للانسانية بصلة..

بتشوف المانيا صارت بهاليوم من كل اسبوع من اوسخ شوارع اوربا
بتشوف هالعالم صارت همجية بين يوم وليلة.....
هادا بنعتبرو نحنا انحلال اخلاقي ..هنني بيعتبرو حرية

بس الصراحة والحق يقال...يوم الاتنين الصبح بتلاقي المانيا نضيفة متل أول ....والشعب عايش متل الليرة..

هللق نحن بمنظورهم...انو بنكدب كتيير..بنلف وبندور عا بعض
بنحب الاذى للي بينافسنا...مبدأ الغاء الاخر موجود بقوة عنا

هادا اسمو عندهم انحلال اخلاقي

لكن أولا واخيرا بذكرك بأية قرآنية

و ما يصيبكم من شر فمن أنفسكم

اما مشان المصدر اللي اجا منو هالمقال...مو ضروري لانو كل يوم والتاني بتتحفنا الصحف والتلفزة بدراسات ومقالات اسوأ وابشع

بس هنني بيعرفو تماما انو نحنا كان النا تاريخ طويل عريض وحضارتهون قائمة عليه....

والتاريخ ما رح ينتسى ...لذلك بيحبو دايما ينزلو من مقدار حضارتنا مشان نحنا نكره حالنا بالاخير ونصير عبيد لالهون

تحية للكل