--- أرشــــــــــــــيف الحــــــــــــــــــــــ ـب ---

[Hus]

{{{ الحب }}}

متل كثير من المواضيع اي مناقشها بشكل دائم ,, ودائما منرجع مناقشها تاني,,لسبب انو هال المواضيع مالها جواب نهائي ,, لكن مع تطور تفكيرنا منلاحظ انو وجهة نظرنا بمواضيع كتيرة عم يتغير مع الوقت ,, ومن هون كانت فكرة هال الموضوع ,, الموضوع هذا هوي ارشيف لتفكيرك ,, يعني اليوم انت ابتفكر بطريقة ,’, بعد فترة ,, لما تتزكر انت كيف كنت اتفكر ممكن تتضحك ,, ممكن ترجع تعيد التفكير بالفكار ,, ممكن تبكي ,,

" من الضروري ان نفكر ,, ومن الضروري جدا ان نعيد التفكير في افكارنا"

الأسالة

الشباب بيقرو هوووووووووووون

1- فتاة صارحتك انها تحبك ,, ما ردة فعلك .. ؟

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟

4- انت معجب بفتاة ,, ولديك شعور انها معجبة بك ,,ما موقفك .. ؟

5- انت مع فتاة في حالة حب ,, لكنك تحس انها باردة ,, ما موقفك .. ؟

6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟

7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟

واجهتك حالة لم تذكر ,, اذكرها لنفكر سويا بها

البنات بيقرو هووووووووووووووون

1- شب صارحك انه يحبك ,, ما ردة فعلك .. ؟

2- انت معجبة بشب ,, لكنه ليس من اصدقاءك او من داخل دائرتك ,, كيف تتقربين منه .. ؟

3- انت معجبة بشب ,, لكنك تعلمين انه معجب بفتاة اخرى ,, ما موقفك .. ؟

4- انت معجبة بشب ,, ولديك شعور انه معجب بك ,,ما موقفك .. ؟

5- انت مع شب في حالة حب ,, لكنك تحسين انه باردة ,, ما موقفك .. ؟

6- انت مع شب في حالة حب ,, لكن اهلك غير مقتنعين به ,, ما موقفك .. ؟

7- انت مع شب في حالة حب ,, لكن مع اكتشافك اكثر له اكتشفت انه لا يناسبك ,, على الرغم من انه يحبك ,, ما موقفك .. ؟

واجهتك حالة لم تذكر ,, اذكريها لنفكر سويا بها

انسخ الأسالة في ردك و اكتب الرد على كل سؤال على حدى ..

[Hus]

كتابة الردود :
1-ان تكون صادق ,, هدف الارشيف هو (انت) .. يعني شقد حلوي بعد كام سني تدخل على الارشيف هون ,, وتشوف كيف كنت اتفكر من كام سنة ,, اتغيرت يا ترا ,, ولا ...
2- السوال الي بتحس حالك متردد بالاجابة عليه اتركه فارغ ,, وما تجاوب احسن ,,
3- خلي اجابتك واضحة ,, وخليها بالطريقة التالية
مثال :
1- فتاة صارحتك انها تحبك ,, ما ردة فعلك .. ؟
<<< الاجابة >>>>

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟
<<< الاجابة >>>>

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
<<< الاجابة >>>>

الخ ... يعني انسخ الاسألة وجاوب على كل سوال وحدو ,’,

وعلى سيرة الحب ,, مع كل حبي :P

[Mr.com]

أنتم السابقون ونحن اللاحقون

<يعني بلش لنبلش>

[keko]

شكلكن مستحيين ....!!!!!!!!!!

ماشي الحال رح بلش بس كتبوا لنتو كمان ..............!!!


1- فتاة صارحتك انها تحبك ,, ما ردة فعلك .. ؟

هلق إذا كنت أنا عم فكر فيها من قبل وهيي صارحتني يعني بشكرها لانها إختصرت الطريق و إذا كنت ما عم فكر فيها من قبل هون يا بصير فكر بالموضوع وممكن اتجاوب أو ممكن قلها بطريقة معينة أنو هيي مشكورة بس أنا ما عندي شعور تجاهها بس ابدا ما بينقص من قيمتها عندي شي بالعكس و ع الغالب رح تصير علاقتها معي أقرب من أول (عن تجربة)

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟

هاي صارت معي .....هههههههههههه
جربت أنو هيك يعني تطليعات و ما بعرف شو فهمتو شلون يعني ... الموهم والله البنت تجاوبت مع النظرات فتشجعت أنا و رحت سلمت عليها وردت السلام و عرفتها عن حالي و قلتلها ممكن اتعرف عليكي وحزروا شو جاوبت "والله ما ممكن" قمت فقعتها بهدلي ومشيت طبعا هالطريقة غلط كمان عن تجربة كان لازم شوف طريقة تانيي .... بس وقتها يعني ما حدا كان بيعرفها لها البنت تقولو نزلت من السما ....!!!!

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟

يعني بتخيل أنو رح ضل معجب فيها هاي شغلة بتخيل بدها وقت لحتى تبرد بس أكيد بحاول أنو شوف طريقة لالفت نظرها .. هلق وقت بفقد الأمل يعني ما في حل غير الوقت .. وانو حاول شوف انو في غيرها بنات يعني ما ضل مغمض عيوني وقول هيي أحلى البنات و هيي اللي عم دور عليها من زمان يعني هالحكي اللي ما لو طعمي بهيك حالات ....

4- انت معجب بفتاة ,, ولديك شعور انها معجبة بك ,,ما موقفك .. ؟

هلق هون المشكلي ...

5- انت مع فتاة في حالة حب ,, لكنك تحس انها باردة ,, ما موقفك .. ؟

صراحة ما مريت بها المرحلة يعني .. بس بتخيل أنو أساس العلاقة الناجحة هوي التجدد و عنصر المفاجأة و التغيير هادا الشي اللي بيعطي الحركة والديناميكية للعلاقة وهادا أخطر شي بتتعرض الو العلاقة لذلك هون لازم يكون في تفكير طويل قبل ما اعمل شي ... حتى مصارحة البنت بهادا الشي بدها تفكير بالطريقة و الهدف ...و الحل لازم يكون عندي قبل ما اطرح المشكلي و لازم فكر إذا أنا كنت يمكن ما عم ساعدها لانو تكون حركة أكتر وديناميكيي لانو عادة بالحب الصحيح بيكون الاتنين منطلقين بقى هون لازم شوف شو الخلل (سؤال حلو حسام!!)

6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟

بتخيل أنو ما تصير معي لحد هلق أنا ما صار أنو تدخلوا أهلي بهيك موضوع أو أي موضوع شخصي متعلق فيي هلق أكيد بحترم رأيون بس بالنهايي هادا الشي متعلق فيي أنا بس

7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟

والله ما بعرف .....!!!!!!

[Anmar]

والله يا أبو خليد مو موضوع مستحيين بس حسام مصعب الأسئلة شوي...

(والله يا شريك أصعب من أسئلة الفحص اللي عم نقدمو سوا -شريك كيف الحيط من جهتك-)

[sally]

شكراً KeKo على التشجيع.

1-شب صارحك انه يحبك،،ما ردة فعلك..؟

انا مستحيل اقبل احكي مع شب اذا ما كنت بحبه حتى و لو كان هو بحبني.وانا عندي طبع ما بعرف اذا كان منيح و لا لأ بس انا بلاقيه كثير منيح (بعد تجربة).و بوفر الاحراج على الشب طبعاً.
انو اذا شعرت انو في شب معجب فيي و انا لأ او عم يحاول انو يلمحلي بصير بحسسو انو انا ما عم فكر فيه الاكصديق مثلاً وبصير بحسسو بعدم اهتمام يعني بخليه لحالو تقريباً يغير تفكيره طبعاً بدون مايحس اني فهماني و عم عاملو هيك قصداً.و اذا ما كان في معرفة سابقة كمان ما بخلي اي مجال انو يحكيني و الا ما يحس انو انا ما عاطيتو وجه. وبهل الحالي ما بيطلع الشب بالخجلة ولا بحط حالي بهادا الموقف.((يعني مثل الحالي يلي صارت مع KeKo )).و اذا ما صار و ما فهم وصارحني برفض بذوق.

2-انت معجبة بشب ،،لكنه ليس من اصدقائك او من داخل دائرتك،،كيف تتقربين منه..؟

بصراحة انا ما بتصير معي لأنو انا ما بعجب بالشب الا اذا هو بادر بالتقرب مني(طبعاً مو اي شب)
واذا هو ما حاول، الموضوع بينتهي هون.

3-انت معجبة بشب،، لكنك تعلمين انه معجب بفتاة اخرى ،،ما موقفك..؟

برجع وبقول انو اذا هوي ما عم يفكر فيي انا ما بهتم ،وفرضاً انا بس معجبي فيه وقتا بينتهي الموضوع لانو الاهم هو بمين معجب و خصوصاًاذا كانت هاي البنت هي كمان معجبة فيه.

4- انت معجبة بشب ،،و لديك شعور انه معجب بك؟ ما موقفك..؟

موقفي معه بكون عادي ممكن اذا حاول انو يتقرب مني بعطيه اهتمام والا ما يبين عليي انو انا عم بادلو نفس الاعجاب.بس المهم هو يلي يبادر ، لانو انا ما بضمن اذا كان شعوري صحيح وهوي معجب فيي.وعلى كل حال انا بحب الشب الجرئ و الذكي يعني بذكاه راح يعرف انو اناكمان معجبة فيه بأي طريقة والجرئ راح يختصر كثير لانو مني ما راح يلاقي شي اذا كان مستني المبادرة مني حتى ولو بالتلميح.

5-انت مع شب في حالة حب،، لكنك تحسين انها باردة،، ما موقفك..؟

بهل حالة بكون في شي غلط لحتى وصلت لهون ممكن يكون في اسباب بحاول انو حلها.او ممكن يكون ما في انسجام بينا مثلاً اختلاف الطبيعة او الافكار و بهاي الحالي الحب وحده ما بكفي لازم العقل يكون العامل الاساسي بهادا الحب والا ستكون النتائج غير مرضية على جميع الاصعدة.

6-انت مع شب في حالة حب ،،لكن اهلك غير مقتنعين به ،،ما موقفك..؟

اول شي بعرف سبب عدم الاقتناع و بحاول اقنعن يعني يا بقنعن يا بيقنعوني.و على كل حال انا متأكدي اهلي بيعطو رأين و بخلو القرار الي.وحتى ولو كانو من النوع كلمتن لازم تمشي وما كان في سبب مقنع مستحيل اتخلى عنه ولو شو ما صار.

7-انتى مع شب في حالة حب،، لكن مع اكتشافك اكثر له اكتشفت انه لا يناسبك،، على الرغم من انه يحبك،،ما موقفك..؟

هون لازم يوقف الواحد وياخد خطوة قوية لاني انا عقلانية بهيك موضوع.واذا كنت واصلي لدرجة كبيرة من الحب و العشق يمكن ما اقدر اخد هاي الخطوة القوية.
بس ما بروح بهل الحب اكثر من هيك يعني ما بتوصل للزواج.لانو اذا فكرت بعاطفتي و اخدو راح يتحول الحب لكره و........و......و الله اعلم لوين راح تنتهي.
ولانو برأيي من اسس الحب الصحيح التفاهم المتبادل النابع من العقل و ليس من القلب.

*واجهتك حالة و لم تذكر اذكريها لنفكر سوياً بها؟

انا حابي احكي شوي عن حلي وبتمنى تعطوني رأيكن:

قبل كنت فكر انو خلص الواحد ما مجبور يبلش بعلاقة حب تاخد منو اكتر ما راح تعطيه وخصوصاًبالنسبة للبنت و اقول لحالي مافي شي بيستاهل انو اسمي يرتبط بأسم شب على الفاضي.ومشان هيك كنت دايماً اقوى من انى خوض هاي التجربة و كنت اقدر انو ما خلي مشاعري تطلع اكثر من انو توصل لعقلي و يرجع عقلي يخليا تندفن لحتى تموت.
و قول بلا حب وبلا حكي فاضي.يعني مثل ما بقولولي اني كثير قاسي على حالي.
بس هلأ بحس انو يمكن مو غلط انو الواحد يدخل التجربة و مثل ما يمكن انو تاخد منو راح ياخد منا مع المحاولة انو ما تاخد الا أقل ما يمكن.و بما انو العقل موجود رح تكون الخسائر لا تذكر ادام الربح حتى ولو ما كانت النهاي مثل ما بدنا. اكيد الحب ما ربح و خسارة بس انا عم حلل النتائج.
وممكن هل الشخصين بحبن يعطو لبعض دوافع تساعدن وتوصلن لشي. لانو الانسان بحاجة لكلمة صدق و احساس بالحب الحقيقي و شعور بشخص معك،بخاف عليك،وبهمو مصلحتك بدون مقابل،لمجرد الحب.واكيد التجربة راح تعطيه شي لشخصيتو.
وهيك بيكون الواحد طلع من الحب بربح اكثر من الخسارة .
و هيك صار رأيي و ما بعرف اذا صح .بس وقت لي بجد الجد شو بعمل ما بعرف يمكن ارجع لعملية الدفن ما حدا بيعرف.
يعني عندي رأيين كل واحد بيناقض الثاني وانا ضايعة بيناتن احيانا بقول موقفي الاول عقلاني و هو الصح و احيانا بحس انو مجرد تعذيب وكلشي رايح يعني بالحالتين في عذاب بس الثاني بكون الواحد لقى شي حلو وحلو الواحد يعيش كل مرحلة بكلشي فيا.و برجع و بقول لأ هيك الواحد عم بيضحك على حالو لانو شو هاد و لا شي كذبة.
أوووووووووووووووووووو شغلي ما مستاهلي كل هاد.ما
انا مملة . بس مو كثير.
و هلأ شو رأيكن

[keko]

أوووووووووووووووووووو شغلي ما مستاهلي كل هاد.ما

هلق لو كان هالشي صحيح ما في داعي تتعبي راسك فيه بس هوي مستاهل ومكتر كمان ....

أولا مشان السؤال لشو الحب برأيي وبغض النظر عن النظريات الفلسفية و هالحكي الفاضي اللي بيقول أنو ما في حب كامل .. بالرغم من هالشي الحب بيستاهل أنو نخوضو وابدا ما حدا بيعطي بدون ما ياخد وبالحب في أخد حتى لو كنت ما حاسس ...
يعني رح أعطيكي مثال كتير متشائم .. لو لا سمح الله حدا قريب منك مات رح تحزني وتبكي ويمكن ما تاكلي وما تحكي مع حدا .... بس مع هيك أنت استفدتي انت اختبرتي شي في غيرك ما اختبرو وأكيد انو رح يؤثر فيكي ...برايي في قمة الخسارة هناك ربح .. بقى كيف بالحب أكيد في ربح .. في مشاركة في حنان في مين يسمع في مين يزعل معي في مين يفرح معي في مين يحلم معي في مين بيسندني و بسندو في مين بيعطي المعنى لعملي لدرسي لتضحيتي لفرحي لحزني لكل شي في الدنيا حتى الميي بيصير الها طعم تاني .. كل شي بيتغير ..
وحتى لما بخسر هالحب هادا ما بيعني أنو ما كان .... أو كلشي من اللي عديتن و اللي نسيتون ما كان ...
بقى لسا بتقليلي مو مستاهل .....!!!!
خليها ع الله يا مخلوقة بس ...آخخخخخخ

[sally]

انشاء الله يا خالد الله بيبعتلك يلي تشاركك حبك و زعلك و فرحك و .........

و تكون هل بنت بتستاهل هل مشاعر الحلوة .

[zoher]

1-فتاة صارحتك انها تحبك ,, ما ردة فعلك .. ؟

لامانع انكانت صادقة

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟

احاول بل مقابلاات

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟

ابتعد عنها
4- انت معجب بفتاة ,, ولديك شعور انها معجبة بك ,,ما موقفك .. ؟
نتبا دل المشاعر سوية
5- انت مع فتاة في حالة حب ,, لكنك تحس انها باردة ,, ما موقفك .. ؟
اصبر عليها انكنت احبها
6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟

افعل المستحيل
7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
احاول ان انساهاوابتعد عنها

واجهتك حالة لم تذكر ,, اذكرها لنفكر سويا بها

[dimozi]

1- فتاة صارحتك انها تحبك ,, ما ردة فعلك .. ؟
هلاء في إحتمالين ..
الاول أنو أنا بحبا كمان , يعني وقتا رح كون أسعد إنسان بالدنيا كلها , شو بدو البني أدم غير بنت تحبوا و يحبا , يمكن بهديك اللحظة طير واو نط او اعمل شي جنوني متل انو احملها او .................... مدري شو
و التاني انو أنا ما بحبها , فبشكرها على مشاعرها .... و بعتدر منها لأنو ما في شي من ناحيتي ......... طبعا انا بنحب بسهولة

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟

أول شي رح يشتغل كوي النظرات من بعيد لبعيد , إزا كان في تجاوب يعني بغمق شوي ..... مع العلم انو ماني سبيح بهيك مواقف , يعني الواحد بيسعى .............. على الأغلب ما عندي الجرأة أنو روح اتعرف هيك خبط لزق
3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
يلعن اخت ها الشغلة .......... يعني حسب الشخص الاخر ..... إزا شفت انو مناسبا طبعا ما رح حاول اعمل شي بس إزا كان اهبل و هيي ما شايفي ها الشي يعني رح حاول اول شي حببها بحالي ( شغلة سهلة لانو انا بنحب بسهولة متل ما زكرت انفا) و بعدين منطقلوا كام برغي ..... على أساس


4- انت معجب بفتاة ,, ولديك شعور انها معجبة بك ,,ما موقفك .. ؟
أخ ...... هاي صعبة
أول شي بفوت بكام حيط لقرر أزا اللي عم حسوا مزبوط ولا لاء ................. بعدين إزا كان القرار انو هيي كمان في شي عندها ...... فرح احكي معا أكيد ............ رغم صعوبة الموضوع :P
5- انت مع فتاة في حالة حب ,, لكنك تحس انها باردة ,, ما موقفك .. ؟
لاء هاي ما مشكلة ........
يعني منفهم ليش هيي باردة أول شغلة و بعدين منشوف شلون بدنا نزبط الوضع ........... يعني كل إنسان إلو طريقة بالتعامل و لحتا تنين يتفاهموا لازم يعاشروا بعض منيح ........ و الشغلة بدها صبر و طولة بال و عقل كبير و اهم شي الجدية بالعلاقة ...........

6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟
مبدئيا رح أسألهن عن رأيهن , بس إزا أنا بحب البنت و مقتنع فيها ... شو دخل أهلي بالموضوع ؟؟؟؟؟؟؟؟؟؟؟ يعني ما شايف انو إلهن اي تأثير على أي قرار رح أخدو

7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
يعني بنحب بعضنا بس ما بنفهم على بعض .......... المشكلة انو انا اول شي بدور على البنت اللي بتفهمني لأنو خلاقي صعبة شوي .......... فإزا ما نجحت كل المحاولات لتغيير الوضع فبتصور انو رح نترك بعض للأسف ........... مع التشديد على فكرة أنو انا بشوف انو ما في حدا بيتغير ........ يعني اللي بقول بعدين بيتصلح او بعدين انا بساوي اللي بدي ياه او حتى بتحمل ... هاد غلطان شوي لان كل شي بيضل على ما هو عليه و المشاكل بتزيد مع الوقت

و دمتم سالمين

DIMOZI

[Hus]

طبعا انا بنحب بسهولة

لأنو خلاقي صعبة شوي

هوي متل ما اتقول الفكرتين مرادفتين لبعض بقويي

[Hus]

1- فتاة صارحتك انها تحبك ,, ما ردة فعلك .. ؟
بضربها كف .. انو يعني شو ..
مفكرة حالها شب ... الشب وحدو هو الي بيصارح بالحب .. الشب وحدو هوي الي لازم يبادر .. الشب وحدو هوي الي لازم يسعى ليتقرب من البنت و يلتعن سلافو .. الشب وحدو هو الي لازم يتحمل انو يقول لوحدي انا بحبك واتقلو " مثل اختك انا "
نقطة تانيي لا ما بقتنع بالموضوع .. ما بينفع وحدي تصارح شب تقلو انا بحبك هيك عشان ما بنفع انو وحدي اتحب واحد ولا واحد يحب وحدي هيك .. يعني لو قالتلي معجبي او قلتلها معجب مبلوعة بس حب !!!
حب ايه الي انتا جاي اتقول عليه .. يا عمي هاي شغلي كتير معقدي الحب شو حب ما حب


2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟
بمسح جوخ لاقرب وحدي من رفقاتها بقدر وصلها .. وبعدها بمسح جوخ لباقي رفقاتها .. وبعدين بنسى موضوعها وبركز علي شي وحدي من رفقاتها .. وخلص على هيك ..
لو عاد كل رفقاتها ما عجبوني .. عاد بتصرف .. باخد رقمها من شي حدا لو ما عندي وبقلها هيك هيك القصة او باخد اميلها و بصير بنغملها عن بعد .. و هيك .. مندس نبضها يعني ..

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
بنعجب بهادا الي هيي معجبي فيه .. وبصير بينلها انو انا وهي هادا معجبين ببعض كتير .. عاد هيي بتفتكر اخونا بالله شاز
ههههههههههه بتسيبو .. وهيك انا بنسا موضوعها .. وخلص على هيك

4- انت معجب بفتاة ,, ولديك شعور انها معجبة بك ,,ما موقفك .. ؟
بيزيد اعجابي بنفسي بسبب انو الي معجب بيها لازم اتكون منيحة برايي ورايها مهم .. ومادام هيي كمان اعجبت فيي معناها انو راييها فيي اني انا كتير منيح .. وهيك بتدور الدويرة وبيزيد اعجابي بنفسي
هادا النص الاول .. النص التاني .. الوقت .. الوقت كفيل بكلشي انا ما مستعجل على شي لا على الحب ولا على الصحبي ولا على شي .. ومع الوقت يا هال الاعجاب حيصير حب وهيك شغلات .. يا هال الاعجاب حيخف لما نتعرف على بعض اكتر وبتخلص القضية

5- انت مع فتاة في حالة حب ,, لكنك تحس انها باردة ,, ما موقفك .. ؟
عادي يعني .. باردي ما مشكلي .. خلص اتروح اتدور على واحد بارد متل شكيلتها .. او برشحلها شي تلاجي من اصحابي وعاد هني بكفو مع بعض .. انا عندي براد وتلاجي بمطبخنا بالبيت و ما مستعد دخل تلاجي تانيي على بيتي
لو على قطع رقبتي

6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟
ما بتظبط .. اهلي ربوني.. وعندون فكرة منيحة كتير كيف ربوني .. يعني ما بينفع انا اقتنع بشغلي وهني ما يقتنعو ,, كلنا منقتنع مع بعض .. عادا ..
بس يعني لو صار وخلص حبكت وما اقتنعو بسلطها عليون تقنعون بحالها .. ما مشي الحال عاد يعني ما بعرف تتصرف هيي من عندها ,, انا مالي علاقة
انو بديها هيي على اهلي لا ما حزرت .. اهلي اهم عندي من اي حد ..


7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
صعب اذا ما بتناسبني ادخل معها بحالة حب من الاول .. بس لو خلص هيك صار .. اي بكفي معها لوقت اديق خلاقنا من بعض و خلص كل مين بطريق يعني تسالي .. :P


هادا هلق رايي بهال الاسألة ... بيجوز مع الايام تتغير ارائي متل اي بشري .. ححاول ارجع بعد كام سنة اقرا شو كنت كاتب هون .. و اضحك شوي على حالي كيف كنت فكر وهيك ..
وحعاود اكتب رايي وهيك ..

[rashaqa]

حلوي هاي اللعبي بس صعبي شوي ما عرفاني شو بدي جاوب رح جرب ..

1- شب صارحك انه يحبك ,, ما ردة فعلك .. ؟
بعتزر منو لانو انا ما بحبو هلق لو كنت بحبو كنت انا صارحتو وقلتلو

2- انت معجبة بشب ,, لكنه ليس من اصدقاءك او من داخل دائرتك ,, كيف تتقربين منه .. ؟
ما بعرف كبف قصدكون بس ما فين اعجب بواحد ما بعرفو او ما شايفتو و ما يعني اذا كان واحد بعرفو بس من بعيد كمان ما بنعجب فيه لانو لسا انا ما بعرفو منيح منشان هيك ما قدراني جاوب على السوال

3- انت معجبة بشب ,, لكنك تعلمين انه معجب بفتاة اخرى ,, ما موقفك .. ؟
بزعل كتير لانو انا بدي انو هوي ينعجب فيي انا كمان بس ما بعرف شو وقتها بعمل بيجوز نسي حالي هاي الشغلي وبيجوز اذا كتير كنت معجبي فيه و حاسي انو البنت الي هوي معجب فيها ما منيحة وما بتستاهلو بيجوز جرب وقع بيناتون او ما بعرف شو

4- انت معجبة بشب ,, ولديك شعور انه معجب بك ,,ما موقفك .. ؟
بستنى لحتى شوف شو بدو يصير بعدين

5- انت مع شب في حالة حب ,, لكنك تحسين انه باردة ,, ما موقفك .. ؟
ما مشكلي كل الشباب باردين والبنات ابرد ما مشكلي كبيري هاي

6- انت مع شب في حالة حب ,, لكن اهلك غير مقتنعين به ,, ما موقفك .. ؟
بتركو ما بقدر اعمل شغلي اهلي ما بيحبوها هني بيعرفو اكتر مني و بيعرفو مصلحتي كمان اكتر

7- انت مع شب في حالة حب ,, لكن مع اكتشافك اكثر له اكتشفت انه لا يناسبك ,, على الرغم من انه يحبك ,, ما موقفك .. ؟
ما بعرف بحاول اتفاهم معو انو يتغير شوي او انا غير حالي واذا ما مشي الحال بطنش

[dimozi]

لاحظت الفكرة
يعطيك العافية يا باشا

هوي من جهة انو خلاقي صعبة . هيي صعبة
و من جهة انو بنحب بسهولة .. بنحب بسهولة

و من جهة انو في ترابط قوي ... في ترابط قوي

شايف شلون

[Anmar]

والله يا جماعة هاي من أحلى الألعاب الموجودة بالموقع مع اني ما بعتبرها لعبة أبداً لأنو فيها اختبار للذات والأهم أنو بيقدر الواحد يراقب تطور تفكيرو مع الوقت .. وهاي الفكرة كانت فكرة رائعة من الحكيم بس انطرحت بوقت كان عندي فحص ولهيك أجلت اشتراكي فيها و بعدين نسيتها .. وخطرت عبالي من يومبن ولهيك حبيت أكتب رأيي ...

1- فتاة صارحتك انها تحبك ,, ما ردة فعلك .. ؟
في حال كنت أنا ببادلها الشعور رح كون بموقف لا أحسد عليه يعني رح أتلبك كتييييير ورح اسكت فترة وبعدين ما بعرف شو ممكن أعمل يعني رح كون غير مسؤول عن تصرفاتي .. أما بالحالة التاني فأكيد رح أتفاجأ (لأنو ما بتوقع في وحدي رح ينعمى على قلبا لهالدرجة ) وبعدين رح أعتذر منها بطريقة لبقة و رح حاول أنو نبقى أصدقاء ... لأنو أكيد احترامي الها كتييييييير كبير كونها تخطت حاجز كتير من الصبايا ما بيتخطو وهوي مصارحة الشب بعواطفهن ...

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟
والله المشكلة انو ما عندي الجرأة انو والله روح لعندا واتعرف عليها هيك دجني دجتك العافي .. لهيك اللي رح يصير انو رح اقعد واستنى الفرج ...


3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
اللي رح يصير هون انو رح أتخلى عن هالإعجاب ورح حاول انو ساعدن بعلاقتهن طبعاً اذا كنت بقدر ساعد ... هلأ يمكن تقولو هادا عم يزيدا بس هاد رايي وهاد اللي بعملو بهيك حالة وبكل صراحة


4- انت معجب بفتاة ,, ولديك شعور انها معجبة بك ,,ما موقفك .. ؟
هلأ هون المشكلة ........... لأنو رح يخطر ببالي شي 100 فكرة يعني انو يمكن اللي عم حسو ما مزبوط .. وهاي الأفكار رح تاخد مني وقت طويل (طبعاً بهالوقت هيي بكون داق خلقا مني وبطلت ) بس بعد هالوقت من التفكير اللي أنا أكيد انو ما الو طعمة رح صارحا بمشاعري.. بس بهاي اللحظة سدئوني رح كون بحالة لا أحسد عليها أبداً ..


5- انت مع فتاة في حالة حب ,, لكنك تحس انها باردة ,, ما موقفك .. ؟ بهالحالة أكيد انو في شي غلط صاير ولهيك منقعد قعدة طويييييلة ومنتناقش لحتى نعرف شو هاد الشي الغلط ومنعملّو قتلة مرتبة لأنو نزعلنا مرائنا يعني منلاقي حل مناسب للمشكلة ومنرجع متل ما كنا وأحسن .


6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟
والله هاد أسهل سؤال ... لأنو ما بتوقع أنو أهلي رح يفرضو رأين بموضوع إلو علاقة بمستقبلي لأنو عودوني آخد قراراتي بنفسي بس شي أكيد انو رح يقولو رأين بالموضوع بس رأيي وقناعتي هني الحكم بالنهاي .


7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
والله هاد السؤال حالياً ماعندي جواب عليه .. بس أكيد رح أكتب الجواب وقت بلاقيه ...

ولا تواخزوني طولت عليكن بحكيي وديقتلكن خلائكن ...

وآخر شي بحب أشكر الحكيم على هالموضوع الرائع وتحياتي للجميع ...

[Geeny]

1- شب صارحك انه يحبك ,, ما ردة فعلك .. ؟
إذا كان الشب عاجبني رح أفرح كتير أما إذا ما كان خارط مشطي رح أنزعج لأنو رح حطملو معنوياته

- انت معجبة بشب ,, لكنه ليس من اصدقاءك او من داخل دائرتك ,, كيف تتقربين منه .. ؟
هلا أنا شوي مجنونة يعني إذا كان كتير عاجبني بروح و بقله


3- انت معجبة بشب ,, لكنك تعلمين انه معجب بفتاة اخرى ,, ما موقفك .. ؟

إذا كان بحبها و بتحبه بقول الله يوفق أما إذا ما كان حب مو من الطرفين بحاول إلفتله نظره

4- انت معجبة بشب ,, ولديك شعور انه معجب بك ,,ما موقفك .. ؟
إذا ما صارحني بصارحه و بكون أسعد إنسانة


5- انت مع شب في حالة حب ,, لكنك تحسين انه باردة ,, ما موقفك .. ؟
بسخنه شوي
لا هو أنا ما رح حبّ حدا بارد بعرف حالي :P

6- انت مع شب في حالة حب ,, لكن اهلك غير مقتنعين به ,, ما موقفك .. ؟

بشوف ليش أهلي مو مقتنعين بركي معهم حق؟؟و إذا تأكدت أنو ما معهم حق بخطف

7- انت مع شب في حالة حب ,, لكن مع اكتشافك اكثر له اكتشفت انه لا يناسبك ,, على الرغم من انه يحبك ,, ما موقفك .. ؟
هلأالاحتمال أنو حبّ واحد ما بيناسبني كتير بعيد لانو لحتى حبّو لازم يكون بيناسبني
واجهتني حالة أنو حبيت و عشقت إنسان مانو موجود شو أعمل؟؟؟

[nana]

1- شب صارحك انه يحبك ,, ما ردة فعلك .. ؟
اول شي بقلو مذوق و يا بقلو و انا معجبة فيك يا اما بحاول ابعتو (طفشو) بشي طريقة بلا ما يتدايق بس قلو و انا بحبو كمان من اول لحظة ما يحلم فيا بس انا ما بطيق الشب يلي بيصرح باعجابو لبنت و مانو متاكد من انا بتبادلو نفس المشاعر

2- انت معجبة بشب ,, لكنه ليس من اصدقاءك او من داخل دائرتك ,, كيف تتقربين منه .. ؟
هلق هيدي من اسرار المهنة اسفة

3- انت معجبة بشب ,, لكنك تعلمين انه معجب بفتاة اخرى ,, ما موقفك .. ؟
انا بتصور انو ما رح انعجب بشب مانو معجب فيني

4- انت معجبة بشب ,, ولديك شعور انه معجب بك ,,ما موقفك .. ؟
مستحيل روح قلو بقا بنتظرو لهو يبلش

5- انت مع شب في حالة حب ,, لكنك تحسين انه باردة ,, ما موقفك .. ؟
بقلو و منبحث عن الاسباب و اذا ما لقينا حل منترك

6- انت مع شب في حالة حب ,, لكن اهلك غير مقتنعين به ,, ما موقفك .. ؟
اهلي اكيد ما رح يكونو مقتنعين فيه لسبب وجية بقا اذا ما اقتنعت معون و لا قدرت قنعتون منقتنع انا و يا سوا و على الله

7- انت مع شب في حالة حب ,, لكن مع اكتشافك اكثر له اكتشفت انه لا يناسبك ,, على الرغم من انه يحبك ,, ما موقفك .. ؟
لا يناسبني من ايا ناحية يعني ما فهمت بس عالاغلب منترك

[architecturer]

أي اخواتي منقوووووووووووووووووووول


1- فتاة صارحتك انها تحبك ,, ما ردة فعلك .. ؟

يعني اذا هيك خبط لزق وانا ماكنت بعرفا أو شايفا رح آخد الوضع تخويت وتسالي لأنو أكيد هي عم تتسلى
أما اذا كانت من المحيط يلي أنا عايش فيه فأكيد رح راعي مشاعرا وما اجرحا
فاذا كنت بميل الها ولو شوي رح اقعد معها ونتفاهم ومنشوف شو منطلع بنتيجة
أما اذا كنت ما بميل الها ولا شوي رح فهما بطريقة لبقة انو هادا الشي ما ممكن يصير


2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟

بروح لعندا وبقلا واذا ما رضيت بتكون هي الخسراني


3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
اذا كان هادا الشخص رفيقي فورا ببعد عنها وبحاول اتجنب شوفا
اما اذا كان مو رفيقي فبحارب لحتى احصل عليا :P


4- انت معجب بفتاة ,, ولديك شعور انها معجبة بك ,,ما موقفك .. ؟
كالعادة خبط لزق


5- انت مع فتاة في حالة حب ,, لكنك تحس انها باردة ,, ما موقفك .. ؟
والله هادا قوي كتير يا حكيم ...........................
يعني ممكن البرودة تكون ناتجة عن ضغوط هي عم تعاني فيا بالبيت وخصوصا اذا كانو الأهل ما بيعرفو بس ما بتصور تكون البرودة ناتجة عن ضعف أو تردد بالحب والا العلاقة ما بتستمر ابدا


6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟
والله لا أهلي ولا عشرة من شكالون بيقدرو يوقفو بيني وبين البنوتي


7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
هادا الكلام ما ممكن يصير لأنو الواحد لما بدو يحب وحدي لازم يحط كل التصورات للأشياء المستقبلية يلي بدا تصير معو أو معها والا بيكون الحق علي