هل ترضى أن تتزوج فتاة كنت على علاقة معها ؟

[ابو ريتا]

كيف علاقة عن طريق التليفون أو النت ، كيف زبطت معك هي

[Damask Rose]

كاتب النص الأصلي : ابو ريتا

كيف علاقة عن طريق التليفون أو النت ، كيف زبطت معك هي

مو علاقة عن طريق التلفون او النت
بس اظن انو فيها نت وتلفونهيك بظن اناانو فهمت شلون عمو؟؟؟؟؟؟؟؟؟؟؟؟

[ابو ريتا]

كاتب النص الأصلي : سميه

مو علاقة عن طريق التلفون او النت
بس اظن انو فيها نت وتلفونهيك بظن اناانو فهمت شلون عمو؟؟؟؟؟؟؟؟؟؟؟؟

أي علاقة فيها بعد وعدم اتصال مباشر مع الحبيب فهي علاقة محكوم عليها بالفشل

[Damask Rose]

كاتب النص الأصلي : ابو ريتا

أي علاقة فيها بعد وعدم اتصال مباشر مع الحبيب فهي علاقة محكوم عليها بالفشل

صح معك حق عمو ابو ريتا بس ليش زعلان ومعصب؟

[awsayed]

أغلبنا ما رح يرضى بهذا الوضع بس هو لازم يعرف انو هو مالازم يحكي مع أي بنت قبل الخطوبة إلا بلوازم العمل أو الدراسة أو ما شابه لأنو مو معقول الشب يحكي مع مين ما بدو والبنت ممنوع

[fofo besset syria]

متل ما قالت مرسيل...السؤال كلو عبعضو المفروض ينعكس....

انه كيف بدو يتجوز البنت ازا ما عرفها وعرفتو وحكى معها وحكت معو...

هلأ من زمان كانت هالشغلة مقبولة لأنه المهم انه البنت تنستر وتتجوز وتربي الولاد..مو مهم تحب وتنحب..المهم تتجوز وتربي ولادا..حتى انو الفجوة جوا العيلة كانت كبيرة..والتفاهم قليل...

بس هلأ صار فيه اشيا مهمة..صار الحب مهم والتفاهم اهم..ومو غلط ابدا انو الشب والبنت يكون بيناتن علاقة حب..حتى لو ما استمرت..حتى لو افترقو لأي سبب...هاد ابدا ما بعيب البنت..لأنه متل مو الشب ما بعيبو انه يعرف بنت وتنتين ومليون..كمان البنت نفس الشي...

[*Marwa*]

يعني ليش هالشاب بيسمح لحاله يحكي مع البنت ويكون علاقة ويتجوزها او يتجوز غيرها بكل بساطة ..بينما البنت (اللي بشكل عام) بتكون عاطفية ومخلصة محرم عليها تكوّن علاقة ( شريفة طبعا ) وتتجوز من حبيبها؟

شو هالفكر المتخلف؟ ازا كان لا بد من المنع..فليحّل المنع على الطرفين!!

[Moonlights]

كاتب النص الأصلي : *Marwa*

يعني ليش هالشاب بيسمح لحاله يحكي مع البنت ويكون علاقة ويتجوزها او يتجوز غيرها بكل بساطة ..بينما البنت (اللي بشكل عام) بتكون عاطفية ومخلصة محرم عليها تكوّن علاقة ( شريفة طبعا ) وتتجوز من حبيبها؟

شو هالفكر المتخلف؟ ازا كان لا بد من المنع..فليحّل المنع على الطرفين!!

من مبدأ المساواة في الظلم عدل !

أهذا هو الحل أم هي صرخة عاطفية تتردد في صدى نفسك فقط

[cuty]

حب عالنت او عالتلفون حكي فاضي بصراحة...

يعني ازا بدو يرتبط ببنت ارتباطط جدي لازم يكون اللقاء و الحكي عارض الواقع (كاي علاقة طبيعيه) بعدها بيصير في حكي مو العكس


و اكيد ازا البنت حبت شخص معين ما رح تحكي مع اي حدا تاني ابدا...

و ازا حكت و لابد..فهي ما بتكنله المشاعر المطلوبة و بالتالي علاقة فاشلة و بجدارة


بس الي بقهر بالشباب و بيعل انو بيسمح و محلل لحالو يعرف الف و بالاخر يتزوج وحدة ابدا ما بعرفها

بتروح امه بتخطبله اياها قال يعني هاي حتجسد البراءة و النقاء و الصفاء ..(يا عيني)

تـــــــخلف..


بس موضوع حلو و مهم و الاهم من هيك انو موجود..مو بس موجود بس هاد حال فكر الشباب العربي للأسف


يسلموو عالموضوع

[سنفورة]

كاتب النص الأصلي : Moonlights

طبعاً عنصر الصدمة موجود وربما ما زلت تحت تأثيره, عندما قرأت عنوان الموضوع سررت وقلت هذا موضوع جدير بأن يناقش, هذا ليس فقط موضع لسبرالآراء انه موضوع معاش وتعاني منه المرأة في مجتمعاتنا الذكورية.

ولكن الموضوع يتحدث عن فتاة تتحدث تلفونياً مع شاب, فكيف سيرتبط بها.
حسناً:

رغم البون الشاسع من الناحية الشكلية بين الطرحين "كما فهمته" والطرح الحالي إلا أن لهما الجوهر ذاته والأبعاد ذاتها, والاختلاف الوحيد بأن الأول يتلبس لبوس الوعي والتحرر الزائفان والأخر يغرق بلبوس الجهل والتخلف الصريحان " مجتمع ذكوري بقشور حداثة, مجتمع ذكوري تقليدي ", لكن جوهر كل منهما واحد وهو كيف يتعاطى المجتمع الذكوري مع المرأة - ولا نستطيع أن نقول بوجود أمور تافهة وسطحية يمكن غض الطرف عنها – فكلها تنبع من نفس المنبع الآسن.

ليكن الرد بسيطاً متناغماً مع سياق الموضوع في البداية فأقول : ......... تكون قد تخلصت من مثل هذا الكائن ....

لكن الآن دعونا نناقش الموضوع ونضعه في سياقه, و نطرح بعض الأسئلة :

1 – ما هي العوامل الموضوعية والذاتية التي تكبل المرأة في مجتمعاتنا؟
2 – ما دور المرأة في التخلص من هذه الأصفاد التي تشلّها؟
3 – ما دور الرجل في تخليص المرأة من قيودها التي هي قيوده؟
4 – كيف نكسر هذه الحلقة المفرغة ونخرج منها نساءً ورجالاً ونمنع عملية التوالد الذاتي والاستنساخ القهري؟

أريد الاستنارة بآرائكم قبل إبداء رأيي وتقييمي لهذا الموضوع وبشكل خاص رأي صاحبة الموضوع .

الموضوع الاول الجهل والتخلف هي بحد ذاتة بتكبل المراة اولا وتانيا لما بيحكي مع البنت على التلفون وبالها انا بحبك وبموت فيكي وبغار عليكي ومافيني استغني عنك وبيعمل حالو ابو عنتر بس قالتلو اجاني عريس وانا مافيني استغنى عنك بقلا انا لسى مشواري طويل ولسى مابنيت مستقبلي.........الخ مو عرفان كيف يتهرب منا


ودور المراة في التخلص من الاصفاد يكون الها راي بالمجتمع الذكوري والها راي واضح وصريح يعتبر في كل الرجال والمساوة مو بس للبيت والترباية والطبخ والمطبخ وتنقبر بين اربع حيطان


يا جماعة انا بختصر ب الاخير وبقول الموساواة




والاخد براي المراة من جميع النواحي




وكمان اذا كان عم يحكي معا ولا ما عم يحكي وتركة هو الخسان انا هاد يلي بعرفو

[ناصرشكري]

حب على النت موجود لان الحب ما الو مكان ولا زمان
لكن انه بنجح فهاد نسبته قليله او شبه معدومه

[souriana]

والله فكرت شي مستاهل

انشالله تكون مع الف شب و فشلت علاقتها معهم
انا وياها اتفقنا ليش لا ...؟؟
لا تطلعو على الماضي اذا كان الاخلاص حاضر
ليش الشب معليش يعني يشفلو كم صبية و الصبية ما بيحقلها تشوف شباب
كبرو شوي مشان سعدو

[بـحــر]

حاسة هالسؤال من القرن الحجري ...!!!!!

[Moonlights]

كاتب النص الأصلي : سنفورة

الموضوع الاول الجهل والتخلف هي بحد ذاتة بتكبل المراة اولا وتانيا لما بيحكي مع البنت على التلفون وبالها انا بحبك وبموت فيكي وبغار عليكي ومافيني استغني عنك وبيعمل حالو ابو عنتر بس قالتلو اجاني عريس وانا مافيني استغنى عنك بقلا انا لسى مشواري طويل ولسى مابنيت مستقبلي.........الخ مو عرفان كيف يتهرب منا

ودور المراة في التخلص من الاصفاد يكون الها راي بالمجتمع الذكوري والها راي واضح وصريح يعتبر في كل الرجال والمساوة مو بس للبيت والترباية والطبخ والمطبخ وتنقبر بين اربع حيطان

يا جماعة انا بختصر ب الاخير وبقول الموساواة

والاخد براي المراة من جميع النواحي

وكمان اذا كان عم يحكي معا ولا ما عم يحكي وتركة هو الخسان انا هاد يلي بعرفو

طبعاً الجهل والتخلف "الاجتماعيان" عاملان "موضوعيان" يعيقان المرأة عن وعي ذاتها وكينونتها الاجتماعية بعيداً عن الموروث.
لذلك لابد للمرأة من تكوين حالة وعي ذاتي ومعرفي ومن ثم البناء على هذا الوعي بالعمل على تحقيق ذاتها اقتصادياً واجتماعياً وتعميقه معرفياً .
إذاً هناك عامل ذاتي هام جداً لا تقوم به المرأة " بشكل كلّي أو جزئي " وهو تحقيق الاستقلالية الاقتصادية عن الأهل أولاً وعن الأخر " الرجل – الشريك أو الزوج " ثانياً, على أن يكون هذا الاستقلال حقيقي وملموس بالعمل بشكل فعلي على بناء حياتها المستقلة " بالمعنى الاجتماعي " بناءً على استقلالها الاقتصادي هذا, تماماً كما يبني الرجل حياته وتطلعاته المستقبلية, فإن تلاقت مع الشريك أياً كان هذا الشريك تستطيع مشاركته مشاركة فاعلة بنّاءه في صنع حياتهما المشتركة مع المحافظة على هذه الاستقلالية الاقتصادية بشكل صريح وواضح .
وهنا أتكلم عن المرأة التي تعي ذاتها كإنسان لها ما للآخر وعليها ما على الآخر, دون أن تقيدها الأحكام المسبقة أو تثني من عزمها صعوبات ولو كانت جسام .

الدور الحاسم الأخر الذي على المرأة الأم أن تقوم به هو تنشئة أولادها كي لا يتم اختراع العجلة من جديد " ليكونوا مستقلين يعون ذواتهم ويحترمون إنسانيتهم مسلّحين بالوعي والمعرفة .

إذاً لا يكفي المرأة أن تدرك بشاعة وجور المجتمع الذي تحيى في كنفه والدور الذي خصص لها, بل عليها العمل الجاد والمضني كي تحقق ذاتها وتكون ما تصبو إليه, لا المعرفة ولا الوعي يكفيان لا بد من العمل الهادف البناء دون خوف أو تراجع .
هو طريق لا تراجع عنه لمن بدأه, لأن التراجع والاستسلام يورثان مزيداً من القهر والظلم والانسحاق على الصعيدين الذاتي والمجتمعي .
وكلما كان العمل نابع عن وعي ومعرفة كان الطرق أوضح وأقصر وثماره أورف.
على المرأة أن تعيد رسم دورها وصورتها كأنثى التي صادرها المجتمع الذكوري وشوهها بما يتناسب مع رؤياه وأهدافه, وتبني تصورها للمرأة ودورها, وهي الوحيدة القادرة على إعادة الصفاء والنقاء لهاذا التجلّي الأنثوي .

[زوربا]

من ناحيتي ... بعتبر أنو وسائل الاتصال هيي فرصة للقاء والتعارف...وما بشوفها مشكلة أني البنت نا اتعرفت عليها عالهاتف..أو هيي قبلت تحكي..بالعكس أنا بشوفها نقطة إيجابية

[نائب الرئيس]

طبعا......

[طفوله]

بــعدين رضيــوا ولاا لســه..

[فايق ورايق]

هلا انا بعتبر العلاقة اللي عالتلفون او عالنت هيي علاقة صداقة مو أكتر....ونحنا مفهومنا للحب غلط ....يعني مو اي شب وبنت حكو مع بعضن عالتلفون أو عالنت صارو حبايب....وروميو وجولييت مو أدن.....كل هالعلاقات اسما صداقة.....بس في شغلة هون....انو ممكن هالعلاقة تتطور اذا التقو مع بعضن وتعرفو ع بعضن عن قريب....بس المشكلة انو اذا شب صادق_مو حب...بس صداقة_صبية عالنت أو عالتلفون متل ما عم تحكوا البنت ما بترضى انو تكون علاقتها بالشب قريبة أكتر من النت ....وهادا كلو نتيجة الضعف الاجتماعي والتخلف بمفهوم العلاقات بين الجنسين......المهم انو حب عالنت ما في ....وحب عالتلفون ما في ....في صداقة وبس....فهمتو عليي هلا؟؟؟