دورها دور دور ... حشيش ( 2 )

[راديا]

كاتب النص الأصلي : Abu ToNi

فكرنا شوي ابعد من انفنا وهاد اللي طلع معنا
انه انا حياتي يعني ما خصني فيها ولا خصا فيني
يعني عبارة عن وكيل لهي الحياة اللي اهلي سلموني ياها
هلق آدم مين سماه بهالاسم ؟!
هوي اجا قال انا بدي اسمي آدم ؟!
اكيد لا
انت طيب مين سماك او سماكي بهاد الاسم ؟!
بمعنى او بآخر لا انا مسؤول عن حياتي وانت كمان شرواي الحال مانك مسؤول عن حياتك
يا زلمة اذا اسمك مافينك تقرره فلا تقعد تقسّم على ربي انك مسؤول ومواطن شريف واعطنا خبزنا كفاف يومنا ، هس ولا كلمة

فانه يعني كل اللي بدي اكتبه هوي عن الحياة اللي انا ماني مسؤول عليها
بالعادة بتكون القيادة العليا المنزلية ( الوالد والوالدة ) هنن المسؤولين عن هي البزقة اللي اسما حياة
فهنن بيرسموا خط البني آدم وهنن بقرروا فين بده يدرس وبأي مدرسة وبأي مشفى بده يولد وشو اسمه وشو لون جراباته وإلى ما هنالك من امور حياتية

فجينا سيادتنا على حظنا المشحور اللي سيادة الوالد راسملنا ياه
- انه انا هلق شو ؟!
- طالب
- يعني طول عمري بدي ابقى طالب ؟!
- لا اكيد الا ما تتخرج وتشفلك شي شغلة
- طب شو هية الشغلة اللي بدي اشتغلا
- شبعرفني اشتغل اللي بدك ياه ، بوياجي ، حميماتي اب حاتم ، خدام بشي فندق ، رقاصة بشي مطعم ، عكروت ، اللي بدك ياه روح تبحتر بهالنعمة

هالحديث لسع ما صار بس هيئته بده يصير بعد شي 3 سنين
فانه جينا بدنا نعمل ضربة استبقاقية للواقع ونسبقه قبل ما يسبقنا وقعدنا نفكر
وشفنا انه لو كان سيادة الوالد معه مصاري وعنده 6 بنايات شو كان صار ؟!
واضحة كنت هلق ماني بهالحيرة تبع شو بدي اشتغل وكنت بعد ما تخرجت من تاني يوم بديت شغل ، لك قبل ما اتخرج بقدر ابدا بالشغل
لا تسالني شو هوي الشغل لأن اللي عنده 6 بنايات ما بيعتل هم الشغل اللي بده يشتغله ، خيو بأضضضضضضضعف الايمان وبأبشع الاحتمالات
بيشتغل حويسة درج وبيفتل على البنايات الستة كل يوم بناية وبيصفاله يوم ويك آند عطلة بيتبحتر فيه على كيفه

فبعد ما شفنا الحل الشافي لمشكلتنا رحنا عند سيادة الوالد قلناله
خيو انا آكل هم حالي وما بعرف شو بدي اشتغل مع الايام ، شو رايك تعمرلي 6 بنايات مشان اذا جار علينا الزمان ما نتخوزق متل ما متهيئلي هلق بده يصير فيني ـ يعني بحركة من حضرتك انو عدم المؤاخذة يعني اذا حضرتك ما تحركت بتبعدنا عن الخازوق سفر سنة وبتقرب اللقمة من تمنا مشاور 10 دقايق
فاجا الجواب الشافي من قبل القيادة المركزية انه هوي ما معه يعمر 6 بنايات ، بالاصل اذا نفضته نفض ما بده يطلع معه مصاري بتعمّر6 اراكيل حتى
فيعني من هلق ورايح لا حدا يقلي انت ليش بتحب تاركل وليش بتحب تشرب وتحشش
خيو انا عيني ديقة وماني شبعان آراكيل ببيت اهلي وما صدقت مسكوني اركيلة حتى بدي شفط بسما ربا الك عندي شي ؟!

هاموش :
اللي ما جاي على باله يقرا مخلفاتي اللي فوق بنصحه يقراها ، انا شخصيا قريتا وصحيحة جدا كتير وهيك يعني .

الله يعينك يا غابي بشو عايش ؟؟اي و الله اللي حكيتو جواهر قال 6 بنايات قال لو معو الوالد 6 بنايات كنت شفتو قدامك يعني؟؟كان ما عرفك بنوب انو ابنو بالاول و بالاخير بدنا نشتغل بالتهريب

[Abu ToNi]

- شو كان المصطلح اللي بيجي مرافق لكلمة الاسطرلاب بالعربي ؟!
- اسطرلاب العربي ولا الاجنبي بتقصد ؟!
- ليش الاسطرلاب مانه عربي ؟!
- لك فين طاحش بالعبطة انت ؟! قال عربي قال لك اسطرلاب يا سيادة المحشش كلمة يونانية
فيها شقين (( بلا معنى .. و .. بعيد الشر عنّك )) الاول استو يعني نجم لاب يعني لابوروجري يعني العمل يعني بعد المفاصلة وتنقيص قيمة الرسمال بتطلع الكلمة خالصة مخلصة معك هية : التعامل مع النجوم
- هاااااا اي يعني كان كان المرافق العربي للاسطرلاب التعامل مع النجوم
- لك بهيم انت بهيم لك هاد مصطلح بقولوه للتعبير النحوي للـ " ناضور " شيت تقريب تبعيد بصبصة على الجيران على عيون مريم فارس وهالقصص ..
- ناضووووووووووور عليك نوووور (( شيت الصيدلة ما غيرا .. )) صرلي ربع ساعة ما عبفهم الجملة بسبب هالمصطلح هاد
- عليّ نور ؟! الله يسامحك الله يسامحك .. الايام بيناتنا يا واطي .. بلا معنى

[Sarita]

ويني انا؟
انو ليه هيك الناس لابسة
العما بعز الصيف وعم تشتي
والله في برد كتير ع البحر
عموما مابعرف شو بدي قول الطلمات انقطعت ما عدت اسمع شي منوب
عم اسمع غنية حسنا لعمر دياب بتجنن هالغنية

[LiOnHeArT.3LA2]

شو مشان؟

فراشي سنان عالكهربا

هههههههههههههههههههههه

ليش لاء

[Abu ToNi]

قصتي قصة وحكايتي جرصة

ما عما اعرف من فين بدي ابدا بسرد الاحداث لأن رحنا بين الرجلين وما عدنا نعرف من فين عما يطلع الضو

انا زلمة مواطن عايش عالة على المجتمع دخلي الاساسي هوي شقد بقدر نتمسكن ونتبكبك قدام الوالد سعدو يطوللنا بعمره (( قول آمين ولاك ))

منفوت على النت ببطاقة اكسترا ام الاسبوعين مفتوحين وكفانا المولى ووحياة اخته عطيني ايدي لأبوسا نص البطاقات عمنلطش حقا براني من السيدة الوالدة سعدو يطوللنا بعمرا (( العمى بعيونك لسع ما قلت آمين ))

محسوبكم اضافة على انه عالة حاليا من النواحي الاقتصادية والاجتماعية ما بيحمل غير شهادة السواقة اللي لسع ما استعملا من وقت ما طالعا من سنتين لهلق غير صفر مرة وعلى قولة ساتو 000

قلنا انه الوالد عاش عمره وعيشنا احسن عيشة فلازم نحن كمان نعيش ولادنا احسن عيشة انه مسؤولية علينا اي مسؤولية

ولذولكا مشينا على خطا الوالد باننا نسعى نحط الشهادة بجيبتنا

حذرونا كتار انه الشهادات هالايام ما عبتنحط بالجيبة .. عبتنحط بغير محل

قلنا بمعية ابو ويلم وبعد البضاعه المئلئة اللي دقناها ما عادت تفرق معنا بغير محل او بغير محلين المهم نشيل هلشهادة وما بدنا غير شي

ذهبتو إلى الجامعة وكلي املن باني احسن شوي من مستقبلي المحنشل (( حنشل يحنشل فهو محنشَل اي ب*ري بالعامية ))

وعلى دروب الهوا مشاني حبيبي .. وعلى دروب الجامعة طلعنا بالباص وفتنا على كلية الهندسة

اللي بشوف ردة فعل العالم وقت بتقلن (( هندسة )) بتقول ترآئتلن المجدلية او طلعلن شي مرسال بالمنام

طول بالك لئلك المئلئل اللي اكلنا ولا ابو ويلم ولا اللي جاب خبره سماع لقلك

فتنا هيك اول سنة بين الشوي والقلي على رياضيات فيزيا كيميا عربي لغة ثقافة قومية من مجميعوا يعني تسقفنا على قولة الجامعة

طلعنا على السنة التانية كملنا على نفس المنوال مع شمة شوية روايح من الفرع اللي دخلناله وكل دكتور منقله خيو عطينا شي متعلق بمستقبلنا شي متعلق بدراستنا وشغلنا

ما في ولا واحد الا وجاوبنا " ليش مستعجل لتعرف شغلك !؟ بالسنين التالية بتتعرف عليه كتير منيح ،، وهي دقني اذا ما بتطلع رجل مثقف وفهمان ومن احسن مهندسي العالم بمجال فرعك "

هوي صراحة لازم ابدي اعجابي بالموقف الموحد شيت الدكاترة عنا ، انه ولاد الكلب ما عبيعرفوا ينسقوا مقررات المواد بين بعضن بس عرفوا ينسقوا هلجواب الاخو حفيانة

المهم منرجع

كملنا بطلوع السلم مدفوعين بهاد البوري الشئسمو اللي عما يدفشنا من تحت لفوق

وصلنا للتالتة واذ بيطلع قدامنا مشهد عجائبي

كل موادنا فخمة انه كلها طالعة من صلب دراستنا ومستقبلها ، وهاد الحكي من حظنا لان دفعتنا بالتحديد ماشية على خطة حاطتها جامعة المانية وعما تتجرب فينا

انه اي اي مسكنا دبكة وحياتك في شباب دبكوا من كل قلبن علخبرية وسمعت انه صار خناقات مين بده يكون الراس

المهم داومنا بالجامعة على قولة جودة ابو خميس (( انا قاعد ببيتي فوق .. وقلبي مليان حب وشوق ))

انه واحد يحكي ضميره الجماعة درسونا شي متل عالم وخلق ، واخدنا شي حلو يعني حسينا حالنا بدينا نفهم بالفرع اللي نحن فيه

وصار عنا اطلاع كبير جدا جزيلا على مجال عملنا

جينا على الفحص كل واحد رافعلك انفه شكل على طلاب بقية السنين لأنو دفعة الحملة كان عندن اسئلة غير اسئلتنا
هع هع هع هنن متخلفين ونحن نظام حديث هع هع هع الماني عمي الماني مانك سمعان بالاودي والبي ام دبليو ؟! الماني خيو الماني معروف انه فخم وعلى مستوى

قعدنا هيك عمنستنى ورقة الامتحان وكل واحد خايف شكل فهذاكا عبصلب ايده على وجه وهذالكا عما يستشهد وهذوليك عبيستغفروا ربن - انه يعني المادة صعبة

وفجقة من دون علم ربك طراااااااااااااااااق الشعب دخل بالحيط
العمى بربك انه شو مطلوب مننا يابي مطلوب مننا نصمم فواشة تواليت
؟!؟! انه يا اخي انا بدي اصير مهنـ .. خراس ولاك مافي اسئلة الدكتور مانه هون
يا معلم انا ديرس انظمة هيدروليكية وكهرطيسية وما قربنا صوب فواشة التوالــ .. انقبر يقطع عمرك ، كني مانك دارس ولاك وعبتتحجج انه الاسئلة صعبة
لا يا دكتور بس انه انا ما كان طموحي دراسة السمكرة والتمديدات الصحية كنت مفتكر انه بدي اصــ ... هات بطاقتك الجامعية وانقلع لبرا.. لا تناقش .. بتعرف تحل حل ما بتعرف انقلع لبرا


÷÷ انه يعني سيادة العميد شيت الكلية والله العظيم انا ما سيئل على حالي خيو من الاخير جاييلك
جيلكم كان الدهبي بالعصور الشرمونية وكنتوا عبتفلقوا الحجر بدراستكم السرمدية ونحن عبيتقدملنا كلشي على البيرد المستريح ومتل جحيش ما عمنقدر شي - حفظنا الاسطوانة هي
بس والله عيب يعني سبق وقلتلك انا ما بتفرق معي بس والله عيب انه مع الايام شهادتي اللي بدي ادحشا بجيبي بدا تحمل اسمك وتوقيعك فانه ما حلو يكون اسمك موجود على شهادة مومدد صحية الاجلك مع احترام اكل الهوا .

[sandra]

أبو طوني المبجل شو مستخف أنت بالفواشة


....................................
هاموش
الـــ بموضوعك جايي بمحلو تمام

[LiOnHeArT.3LA2]

.. دبرنا شغل ..

وما اجا الشغل ..

اتصلنا بالزلمي ..

وما اتصل الزلمي فينا ..

انو ..

اليوم .. يوم كامل .. عشت ..

بدون ما اشتاق لحدا .. خطوة رائعة

[Abu ToNi]

كاتب النص الأصلي : sandra

أبو طوني المبجل شو مستخف أنت بالفواشة


....................................
هاموش
الـــ بموضوعك جايي بمحلو تمام

لقد شُمٍسَ رُبنا

طلعتي مانك قليلة يا ام السوس

بالي بس شاطرة بعدعدة الاجرين طلعتي كمان بتنتبهي على السمايليات

وينك

خلص

الششبنة الك لعيونك ام السوس

من هلق عبخبرك (( قبل مدري كام عقد من الزمن )) مو مشان شي

بس مشان اتجيبي الهدية فساوية الفبركة


حيكم على حد علمي فواشات الحمام ما بتطعمي خبزة .. بتطعمي غير شي

ولا قلك هلق بتطالعي اشاعة انه عيننا جوعانة الهدية

لا بدنا هديتك ولا بدنا شي

كتير خير الكميون على معالق ال 1 يورو

صار بيتنا اشبه بمحتف اللوفر للمعالق

[Abu ToNi]

كاتب النص الأصلي : LiOnHeArT.3LA2

.. دبرنا شغل ..

وما اجا الشغل ..

اتصلنا بالزلمي ..

وما اتصل الزلمي فينا ..

انو ..

اليوم .. يوم كامل .. عشت ..

بدون ما اشتاق لحدا .. خطوة رائعة

معه معه بيجي انت بس (( فتاح تمك )) علخير بتلاقي كلشي اجاك لبين ايدك

[LiOnHeArT.3LA2]

يعني بتعرف عزيزي العزيز ..

اللي بدي قلك ياه

قلتو مسنجر ..

طبعا .. غير انو يحرء ربك ..

وطش ..

وبدي بخرك ..

....................................
هاموش
الـــ بموضوعك جايي بمحلو تمام

لعما .. وانا كمان

[Abu Guzef]

قالت فيروز باحد الأيام

اهواك بلا أمل

[a7la lolo]

منين تنصحوني جيب هالمرة لانو المرة الماضية طلعو مغشوشييين ..

[Abu ToNi]

المهم تفتحي مخك وقت عبتشتري
على قولة الشاعر وفق البحر الحلزوني :


ليش المهمو مصدرو الحشيشي 00000 فالحشيشو بالاشتعالي ي وليس بالمصدرييي

يعني عندك مثلا انا لاقيت تحشيشة بفواشة التاوليت
هيك يعني انه يأتيكم من حيث لا تعلمون .


والنبي يما .

[a7la lolo]

لك ما خليت مكان بالتواليت يحرم علي الا ودورت فيه .......لك مالقيت شي ..
شكلي رايحة دور بحمامات السوق

[a7la lolo]

.. بركي بلاقي هنيك متلك ..

[LiOnHeArT.3LA2]

لعمش .. . .

[Sarita]

هوي جورج وسوف عمل ديو مع هيفا؟
ما بعرف كيف قالولي انو نجوى هيي اللي عملت الديو؟
بعدين مين نجوى؟

[a7la lolo]

يمكن نجوى كرم
لك لتكون نجوى كرم اختو لفارس كرم