الأسد إلى الأبد أو إسقاط النظام

[VivaSyria]

خطابان متعصبان متشنجان خشبيان تخونيان..


الخطاب الأول يقول بوجوب إسقاط الأسدي النظام الديكتاتوري الفاسد و القمعي وإلى أخر تلك المواصفات دون رؤية تغيرية واضحة أو مشروع وطني للتغيير.. مدفوعين بمصالح شخصية أو بحقد أو برغبة بإستلام الحكم وهم من أحب أن أسميهم ( المعارضين لأجل المعارضه).

والخطاب الثاني يقول أن النظام القائم هو أخر قلاع الصمود و التصدي و هو أخر دولة مواجهة للمشروع الأمريكي الصهيوني في المنطقة.. و كأن هذا النظام الملائكي هو الأمل الوحيد باستعادة حقوقنا المسلوبة منذ 40 عاماً .. و سياسة الحكومة السورية داخلياً و خارجياً منزهة عن الأخطاء متناسين هموم بلدهم و مشاكله و كأنهم يعيشون في عالم أخر وكأن التهليل للقمع و الفساد هو الوطنية و هم من أحب أن أسميهم (جماعة المهللين) ..


خطابان أولهما مصيبة و الثاني كارثة... خطابان يأخذون الوطن نحو المجهول.. خطابان تخونيان جبانان لايعترفان بالآخر...


خطابان يحاولان تدمير الوطن و تدميرنا نحن الذين لاهدف لنا إلا وطننا.. نحن الذين لاهم لنا إلا حياة شعبنا الكريمة.. نحن الذين لاهم لنا إلا المعتقلين خلف القضبان دون ذنب.. نحن الذين لاهم لنا إلا رفع يد القمع.. نحن الذين لاهم لنا إلا حرية شعبنا.. نحن الذين لاطمع لنا لا بمال و لا جاه.. نحن الذين لانطمح بسحب بساط السلطه من تحت أقدام أحد لأننا نؤمن أنه بيوم من الأيام سنعود نحن السلطة.


جماعة المعارضين لأجل المعارضه و جماعة المهللين كيف نسيتم سوريا؟؟ هل نسيتم هذه الأرض الكريمة؟؟ هل نسيتم شعبكم المظلوم؟؟ هل أعمتكم مصالحكم الشخصية و حقدكم إلى هذا الحد؟؟


من سمح لكم أن تضعوننا بين خياران؟؟ إما استمرار القمع و الظلم و الديكتاتورية؟؟ و إما التغيير المدعوم من الخارج و ماأدراك ما الدعم الخارجي؟؟


ليتني رأيت منكم مايدل على خوفكم حلى حقوقنا المسلوبة بأيديكم أو أراضينا المحتله أو إقتصادنا الداخلي أو شعبنا المظلوم المقهور.


كلمتي لكما واحدة.. نحن منكما براء.

[ayhamm26]

اي كلامك حلو بس ما قلتلنا اذا تبديل النظام برايك مصيبة وبقاؤه كارثة شو الحل؟؟

[VivaSyria]

كاتب النص الأصلي : ayhamm26

اي كلامك حلو بس ما قلتلنا اذا تبديل النظام برايك مصيبة وبقاؤه كارثة شو الحل؟؟

يبدو انك مافهمت فكرتي أنا عم أوصف الخطابين بالكارثة والمصيبة وماعم ناقش مضامين الخطابين.. أنا مشكلتي مع طريقة الطرح و الطريقة النقاش.. أما بالنسبة للمضمون فأكيد بقاء طريقة الحكم الحالية بممارستها هي أكبر من كارثة و أعظم من مصيبة

[ayhamm26]

كاتب النص الأصلي : VivaSyria

يبدو انك مافهمت فكرتي أنا عم أوصف الخطابين بالكارثة والمصيبة وماعم ناقش مضامين الخطابين.. أنا مشكلتي مع طريقة الطرح و الطريقة النقاش.. أما بالنسبة للمضمون فأكيد بقاء طريقة الحكم الحالية بممارستها هي أكبر من كارثة و أعظم من مصيبة

فكرة الموضوع كتير حلوة

انا معك انو المطالبة بس بتغيير النظام الحالي من دون التفكير بمرحلة مابعد التغيير هي غلط كبير بس كمان بظل استمرار الحكم الحالي والجمود الرهيب اللي عايشين في ما رح يتحقق شي

اكيد مرحلة مابعد التغيير رح تضمن مخاطر كبيرة , وهي شي طبيعي لشعب عاش 40 سنة تحت حكم دكتاتوري رهيب , بس المخاطرة بتستاهل برايي لانو من دونها نحني عم نرجع كل سنة عشرين سنة لورا بالمقارنة مع شعوب كنا متقدمين عليها

[VivaSyria]

كاتب النص الأصلي : ayhamm26

فكرة الموضوع كتير حلوة

انا معك انو المطالبة بس بتغيير النظام الحالي من دون التفكير بمرحلة مابعد التغيير هي غلط كبير بس كمان بظل استمرار الحكم الحالي والجمود الرهيب اللي عايشين في ما رح يتحقق شي

اكيد مرحلة مابعد التغيير رح تضمن مخاطر كبيرة , وهي شي طبيعي لشعب عاش 40 سنة تحت حكم دكتاتوري رهيب , بس المخاطرة بتستاهل برايي لانو من دونها نحني عم نرجع كل سنة عشرين سنة لورا بالمقارنة مع شعوب كنا متقدمين عليها

صدقني التغيير بدو مشروع وطني (( بحجم الوطن )) مشروع يضمن لكل الشعب حقوقه و كرامته.. ماتنسى انو هال 40 سنة يلي عم تحكي عنون خلو النظام و أجهزتو و فسادو يتجذرو بهيكلية الدولة كلها.. يعني أي تغيير لمجرد التغيير ممكن يجر ويلات عالبلد..

[ayhamm26]

كاتب النص الأصلي : VivaSyria

صدقني التغيير بدو مشروع وطني (( بحجم الوطن )) مشروع يضمن لكل الشعب حقوقه و كرامته.. ماتنسى انو هال 40 سنة يلي عم تحكي عنون خلو النظام و أجهزتو و فسادو يتجذرو بهيكلية الدولة كلها.. يعني أي تغيير لمجرد التغيير ممكن يجر ويلات عالبلد..

وانا ماني مع التغيير لمجرد التغيير لانو التغيير لمجرد التغيير ممكن يجيب واحد متل خدام او رفعت الاسد للحكم شو منكون استفدنا؟؟

انا قلت انو التغيير رح يكون في مخاطر , مثلا التغيير بيتطلب حكومة انتقالية يعني ناس نضاف قلبن على البلد مهمتن محاولة تاهيل الشعب ليقدر على الاقل يعمل انتخابات ديمقراطية توصل رئيس منتخب بشكل حر للسلطة , يعني متل ما صار مثلا بالمانيا الشرقية ب اواخر 1989 لما طلعت حكومة تكنوقراط اشرفت على تسيير امور البلد بعد سقوط النظام الشيوعي وعملت انتخابات قرر على اساسها الشعب ينضم لالمانيا الغربية

للاسف عنا القمع وصل لابعد من حدود المانيا الشرقية لانو بسوريا ما عد في شي اسمو طبقة سياسية همها البلد ومشاكل الناس, بالنظام كلو ما بتلاقي شريف واحد من راسو لرجلي وبرا يا بتلاقين معزولين عن الناس وماحدا بيعرف عنن شي الا انن عملاء وعم يتامروا على الصمود والممانعة يا اما بتلاقين منفيين وصوتن ما بيوصل لجوا

[VivaSyria]

كاتب النص الأصلي : ayhamm26

للاسف عنا القمع وصل لابعد من حدود المانيا الشرقية لانو بسوريا ما عد في شي اسمو طبقة سياسية همها البلد ومشاكل الناس, بالنظام كلو ما بتلاقي شريف واحد من راسو لرجلي وبرا يا بتلاقين معزولين عن الناس وماحدا بيعرف عنن شي الا انن عملاء وعم يتامروا على الصمود والممانعة يا اما بتلاقين منفيين وصوتن ما بيوصل لجوا

من أهم انجازات النظام القائم القضاء على طبقة السياسين و المثقفين بالداخل يلي ممكن تكون نواة أي تغيير..

[ayhamm26]

كاتب النص الأصلي : VivaSyria

من أهم انجازات النظام القائم القضاء على طبقة السياسين و المثقفين بالداخل يلي ممكن تكون نواة أي تغيير..

تماما هدا اللي بدو قولو يعني متل ربان السفينة اللي خرب كل قوارب النجاة مشان يضمن انو ركاب السفينة يضلو بحاجتو وهمو الوحيد انو يبقى هو وحدو الربان وبس

وهون الجريمة الكبرى اللي برايي ما قدر حتى الاحتلال الفرنسي طوال 25 سنة يحققها

[VivaSyria]

كاتب النص الأصلي : ayhamm26

تماما هدا اللي بدو قولو يعني متل ربان السفينة اللي خرب كل قوارب النجاة مشان يضمن انو ركاب السفينة يضلو بحاجتو وهمو الوحيد انو يبقى هو وحدو الربان وبس

وهون الجريمة الكبرى اللي برايي ما قدر حتى الاحتلال الفرنسي طوال 25 سنة يحققها

صدقني و لابيقدر احتلال يعمل هالشي.. لأنو الشعب مابيتقبل ممارسات المحتل.. بس المصيبة لما هي الممارسات بتطلع من ولاد البلد على أساس و بيحملو راية الوطنية و الشرف وممارساتن أبشع من أي إحتلال مر بالتاريخ

[..AHMAD]

الخطاب الأول يقول بوجوب إسقاط الأسدي النظام الديكتاتوري الفاسد و القمعي وإلى أخر تلك المواصفات دون رؤية تغيرية واضحة أو مشروع وطني للتغيير.. مدفوعين بمصالح شخصية أو بحقد أو برغبة بإستلام الحكم وهم من أحب أن أسميهم ( المعارضين لأجل المعارضه).

بالشق الاول معك قلباً وقالباً نظام دكتاتوري فاسد وقمعي ... مع احترامي لكل المؤيدين
بس الشق التاني نزعها .... همهم السلطة لمجرد السلطة ... ولمجرد ممارسة السلطة
ومتل ما قلت (( دون رؤية واضحة او مشروع وطني للتغيير ))
يعني ركدهن لمجرد استلام كرسي وممارسة صلاحيات ... طبعاً الصلاحيات المتعلقة بالشفط والعفط مو اكتر

والخطاب الثاني يقول أن النظام القائم هو أخر قلاع الصمود و التصدي و هو أخر دولة مواجهة للمشروع الأمريكي الصهيوني في المنطقة.. و كأن هذا النظام الملائكي هو الأمل الوحيد باستعادة حقوقنا المسلوبة منذ 40 عاماً .. و سياسة الحكومة السورية داخلياً و خارجياً منزهة عن الأخطاء متناسين هموم بلدهم و مشاكله و كأنهم يعيشون في عالم أخر وكأن التهليل للقمع و الفساد هو الوطنية و هم من أحب أن أسميهم (جماعة المهللين) ..

للاسف ....... المضخك المبكي بهالنص كلو ... هوي هالجملة

(( هذا النظام الملائكي هو الأمل الوحيد باستعادة حقوقنا المسلوبة منذ اربعين عاماً ))

المضحك المبكي بالموضوع انو هالنظام الي معلقين عليه املهن كمان صرلو 40 سنة

ومع انو هالجملة الي رح احكيها كمان رح تسبب حساسية بس يفترض انو تنحكى

(( وهالنظام نفسو اللي تسبب بهالحقوق المسلوبة ... ))
شو المفارقة هون


يعني بالنهاية هالخطابين مرفوضين رفض تام جملة وتفصيلاً ازا اسقط النظام ... اصحاب الخطاب الاول معروفين شو هني ومعروفة اهدافهن فلا يعزبو حالهن لانو ما رح يوصلو

وجماعة الخطاب التاني .... معميين ما بشوفو الا اللي بيحبو يشوفوه ... فلزلك كمان هدول شايلين ايدنا عنهن ( بحكي بصفتي مواطن سوري عادي ) وما بشرفنا يستلمو سلطة

فلزلك .................................................. ........... طز بالجماعتين المذكورين

[VivaSyria]

كاتب النص الأصلي : M i i i D O

(( وهالنظام نفسو اللي تسبب بهالحقوق المسلوبة ... ))
شو المفارقة هون

ياسيدي و بأحسن الحالات السكوت على سلب هالحقوق 40 سنة

متل العادة ردك روعة شريك

[LiOnHeArT.3LA2]

تسجيل دخول .. لي عودة

[بنفسجة]

كاتب النص الأصلي : VivaSyria

كلمتي لكما واحدة.. نحن منكما براء.

معك حق بكل كلمة قلتها
التطرف عم يصير من الجانبين
وانا من متطرفي البعث وموالي السلطة براء
ومن الجانب الاخر اصلا بالحقيقة مش شايفتهون ولابيهموني

[BL@CK]

أي محاولة لتخوين أي سوري . معارض أو موالي أو زبال أو دكتور .. ممنوعة في المنبر الحر ..

حذفت ألف مشاركة فيا خروج عن الموضوع و تخوين لعدة جهات ..

هازا و أعلمناكم ..

[حموي]

ياسيدي معك حق مية مية
الحل سهل وصعب
الحل انه الجيل الجديد يبطل جبن ويبطل يهلل متل الطبل
الحل انه نبطل نمشي الحيط الحيط
الحل انه يلتقا شريف يقول (((( تخنت )))
والاب يبطل يزرع الخوف بقلب ابنه و يعلمه الكدب
سهله مو هيك بس نبطل كذب منصير وعيش يا كديش

[سام صقر]

حلو حكيك ...
وانا عم اقراه فكرت بالف رد وتعليق ...... اجيت لأكتب ما طلع معي
انا مع حكيك ....... بس سواد الصورة وبشاعة الحالة ..... خلتنا نحنا الشباب مكبلين
لدرجة انو مافي رؤية واحدة ناجحة لتصحيح الوضع ...القضاء عالغلط ...... تعزيز الصح ......... توحيد الناس
يا ترى هيي الحالة صعبة ومستعصية ولا نحنا عاجزين لهالدرجة ؟؟؟؟؟؟؟؟؟؟؟
منقول .............. بكرا جايي

[VivaSyria]

كاتب النص الأصلي : حموي

ياسيدي معك حق مية مية
الحل سهل وصعب
الحل انه الجيل الجديد يبطل جبن ويبطل يهلل متل الطبل
الحل انه نبطل نمشي الحيط الحيط
الحل انه يلتقا شريف يقول (((( تخنت )))
والاب يبطل يزرع الخوف بقلب ابنه و يعلمه الكدب
سهله مو هيك بس نبطل كذب منصير وعيش يا كديش

ياعيني المشكل مو بالجيل الجديد المشكل بموروث 40 سنة خوف.. بدها حل جذري و منهجي

كاتب النص الأصلي : سام صقر

حلو حكيك ...
وانا عم اقراه فكرت بالف رد وتعليق ...... اجيت لأكتب ما طلع معي
انا مع حكيك ....... بس سواد الصورة وبشاعة الحالة ..... خلتنا نحنا الشباب مكبلين
لدرجة انو مافي رؤية واحدة ناجحة لتصحيح الوضع ...القضاء عالغلط ...... تعزيز الصح ......... توحيد الناس
يا ترى هيي الحالة صعبة ومستعصية ولا نحنا عاجزين لهالدرجة ؟؟؟؟؟؟؟؟؟؟؟
منقول .............. بكرا جايي

كل بكرا عم يجي عم بيكون أسوء من مبارح... صدقني ممكن نكون نحنا عاجزين

[ظل جيفارا]

هيدا الخطاب اللي صرلي فترة بدور عليه ........
بصراحة هيدا الحكي الصحيح....
واذا بدنا نحكي عن موقفي من النظام فأنا بشوف الحل بالتغيير في بنية النظام نفسه عبر اللعب على جملة التناقضات الداخلية فيه
تحياتي الحارة
ظل جيفارا