أنا واقعي ؟؟؟

[بروليتاري]

بهادا لزمن اللي نحنا عايشين فيه وانت وعم تحكي مع شي حدا عن أي شي او بأي موضوع شو ما كان,
أكيد رح توصلو وانتو وعم تحكو لنقطة ويجي ويقلك فيها هادا الحدا انو انا انسان واقعي.
طبعا هون حسب اعتباراتو بكون حط عليك وحدة وبيعتبر حالو قنعكوانو انت واحد بدك كتير لحتى توصل لمفهوميتو.
طيب يا جما عة بدون ما طول بالحكي عليكون فينو حدا يقلي شو يعني واقعي لانو هي الكلمة صار معي هوس فيا.
انا اكيد من جهتي فكرت كتير بهي الكلمةمو منشان شي بس لحتى اعرف يا ترى انا واقعي ولا ما بعرف شو.\\لانو اذا ما كنت واقعي فانت اكيد ما بعرف شو\\.
وصار عندي فكرة وعلى اساسا كونت رايي وصار فيني احكيا:
واقعي بالمفهوم العام يعني شو ظروف الحياة اللي عايش فيا وعلى اساسا بعيش وبفكر وبحب وبيكره وبيضحك وبعدين بيموت.
يعني بالمشرمحي على قد بساطك مد رجليك
انا اعتبرتو لليلي بيحكي هيك انهزامي أو استسلامي ما في فرق لانو ما عم يسعى اصلا لحتى يغير هادا الشي اللي عايش ولو حتى تفكير وبشو ما كان
وياريت في حدا منكون عندو معنى لهي الكلمة لانو بصراحة صرتعم جمع معاني الواقعية....

[THE_unforgiven]

حبيب القلب ... انسان واقعي ... يعني طنش تعش تنتعش .. عيش متل ما عايشة العالم مو متل ما انتي بدك أو متل ما انتي بتآمن انو مزبوط .. وأنا برأيي هادا شي غلط .. وأنا من النوع اللي ما بعمل شي إذا مو مقتنع فيه ... خود مثال .. الأركيلة أو الدخان ... إذا كل العالم بتدخن وأنت ما خرط بمشطك .. ما في داعي تدخن ولو قالتلك العالم .. انت واحد من العصر الحجري .. أو ما بتفهم .. أو مانك واقعي ومن هالحكي ... شكرا عالموضوع حبيب ...

[بنفسجة]

انا برايي انو يكون الشخص واقعي مش يعني انو يكون انهزامي او ماعندو احلام كبيرة لا
الواقعي برايي هو شخص بيستثمر الموجود للوصول الى هدف قد يكون بعيد المدى
يعني انا بحلم اني كون على قدر كبير من الاهمية لكن الظروف لاتسمح فانا بشتغل على الواقع يلي عندي لاوصل ليلي بدي ياه فكوني انسانة واقعية فهذا يعني اني اعمل على تحسين هذا الواقع الذي اعيشه انطلاقا من ظروفي وليس انطلاقا من اوهام انا اصنعها فاحصل بالنهاية على سراب

[حلم نور]

الانسان الواقعى هو اللى بيوزن الامور بعقلة قبل قلبة

يعنى الواقعية مش زى ما ناس كتير فاهمين انها انهزامية وعدم طموح

بالعكس انا عارفة امكنياتى وظروفى وبحاول اوصل لاهدافى من خلالهم

مش هضحك على نفسى واتخيل الدنيا وردى

يعنى شوية شوية وبلامكانيات المتوافرة وبمحاولة تطويرها ان شاء الله هنوصل وهنحقق كل طموحنا

شكرا على الموضوع

تحياتى

[توتايي]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

.لما بتكون عم تحكي بأشيا مانا موجودة ضمن هالمساحة اللي عايشين فيها
بيقلولك مانك واقعي ...بيقلولك خيالي ...لانو دايما لما بدنا نحلم ..ونفكر أكتر بطريقة جريئة
او بطريقة غريبه عن اللي حوالينا منكون ابتعدنا عن نطاق واقعنا اللي ممكن يكون بيئتنا والظروف اللي بتحيط فينا

[Beauty Angel]

أنا مابستعملا لهالكلمة بنوب

يعني بقصد لما بحكي عن حآلي

يعني مابتذكر شي مرة قبل إنو أنا وعم أحكي مع حدا قلتلو أنا واقعية

بس هادآ مو معناتو إنو مابحكيها يعني مابعرف معناها

ع العكس

أنا وعم أحكي مع حدآ أحياناً بقلوو خليك واقعي أو كون واقعي

هيك إذا كان عم يحكي شي مالو مزبوط أو شي ماخرج ينحكى بمجتمعنا أويصير

يعني كأنو عميحكي شي نحنا مابنساوية وهو كمآن مستحيل يسآوية

يعني بختصار

إنو واقعي يعني بيتفاعل بـالواقع يلي هو عايشو وبينظم حكيو وحياتو ع اساس هالواقع

هيك إذا كنت بحآول اشرحها لهالكلمة

لأنو أحياناً في بعض الكلام بينفهم بس مافينا نشرحو

[wild_angel]

أنا وحدة مو واقعية ولا بدي عيش بالواقع .... ولولا حياتنا وأحلامنا كنا جنينا من زمان ... بلا واقع بلا بطيخ ... أل واقعي أل ...