هل خلقت جباناً؟؟ أم نجحو في جعلي جبانا؟

[souriana]

كاتب النص الأصلي : gabriel

هوي بالأول الكل هيك بحس وبيستغب ليش العالم بتخاف وبقول ليكني عبحكي وما عبصير لي شي عبعبر بكل حرية وما صار لي شي لكن وقت بيتعمق اكتر وبشوف القصص بيتغير الحكي

سوريانا انت عبتوقعني بالحكي اذا صار لي شي الحلاوة على حسابك

ياسيدي انشالله ما تضطر تاكل حلاوة مشان ماتخسرني
لا عنجد الله لا يبلي حدا ويفك اسر كل مظلوم

[معرف]

موضوع كتير حلو وبيحكي عن واقع
بس ليش كل هاد الخوف
كمان لازم نبعد هذه الاوهام عنا شوي ومهما صار منضل احسن بكتير من غيرنا
واي بلد تدعي الديم وقراطيه فهيه من اخترعة سجون ليس لها مثيل واساليب تعزيب تفتك في جسم الاسان
بدون ترك اي اثر
فخليها على ربك

[مالك الحلبي2]

تسجيل متابعة

[VivaSyria]

كاتب النص الأصلي : simsima57

مبارح كنت عم ناقش فكرة انو ما من المفروض انو اكتب اسمي بالمنتدى او اعطي معلومات كاملة عني
بس بصراحة وئدت دخلت بياناتي ما فكرت بالموضوع يعني ما كان عندي هالخوف الي عم تحكي عنو , ما بعرف اذا هالشي اسمو جرأة , شجاعة و لا غباء ....؟؟

ماتزعلي مني بس الجرأه و الشجاعه بتكون بمواجهه كفتين الميزان فيها فيهن نوع من التوازن(نوع من التوازن و ليسو متوازنين) يعني بعد يلي عم نشوفو ماعد في معالجه منطقيه لأي موضوع.. و بكل الأحوال التسميه يتعتمد على طبيعة و مشاركاتك هون و محتواها

[VivaSyria]

كاتب النص الأصلي : yass

موضوع مهم جدا.. صدقني جدا معبّر عن شي موجود داخل كل واحد فينا...

الخوف بالنسبة لألنا اللي عشنا بالموزمبيق تجذّر بشكل رهيب... صار جزء أساسي من فكرنا و طريقة تفكيرنا لأنو ربينا اجتماعيا عن الخوف.. و هاد شي جدا مستغل (بضم الميم..)


شكرا

صدقني وضع حرية الرأي بموزبيق أحسن بألف مره من عنا

[VivaSyria]

كاتب النص الأصلي : souriana

صديقي ليش الخوف اذا عندك ثقة بانو انت ماعم تغلط
كمثال بريدي متل ماهوي اسمي الكل بيعرفو تقريبا وحتى صورتي ووين ساكن

أكيد الكل رح يعرف كل شي عندك طالما أرائك دائماً مع الحكومه و حاطط صور و أقوال بتوقيعك و ماضل غير تفيم و تحطلك كم أنطين ما تزعل مني عم امزح معك

بس ماعندي كبير غير الله , ولما مابكون غلطان مابخاف من بني ادم
بقا الخوف هاد مالو اي مبرر الا اللهم كان في شي تاني بالك

شفت إنو بتدينا بالشك و بهالكلام المخابراتي يلي ربونا عليه.. شوي تانيه بتقلي أكيد في شي تاني و متل ماقلت بافتتاح الموضوع بطلع عميل

[VivaSyria]

كاتب النص الأصلي : souriana

مابعرف كيف انتو بس انا من حالي عم احكي بعمري ماحسيت انو في كلمة بدي احكيها و وماحكيتها
دائما حسيت وعم حس بحرية اللي بدي قولو

يا أخي كلياتنا فينا نحكي يلي بدنا ياه إذا كان يلي بدنا ياه شكر الحكومه ليل نهار على كل شي و على عطائاتن التاريخيه و على الكهربا و المي و الخبز و الهوا (( لك حتى الانترنت البطيئ يلي عنا بالبلد عطاء رهيب من الحكومه و هنن يلي اخترعوه)) و كلياتنا منحس بهالحريه و قت بدنا نشكر الحكومه على رفع البنزين و المحروقات و الغلاء و البطاله و القمع و نحول هالشغلات لأسماء تانيه:
الغلاء: إعادة توزيع الدخل القومي
البطاله: توجييه الموارد البشريه
القمع : دولة الأمن و الأمان
لك صرنا نحمل حالنا مسؤولية أغلاطن ونقول أكيد نحنا يلي عم نغلط لحتى هيك عم بيصير.

[VivaSyria]

كاتب النص الأصلي : معرف

موضوع كتير حلو وبيحكي عن واقع
بس ليش كل هاد الخوف
كمان لازم نبعد هذه الاوهام عنا شوي ومهما صار منضل احسن بكتير من غيرنا
واي بلد تدعي الديم وقراطيه فهيه من اخترعة سجون ليس لها مثيل واساليب تعزيب تفتك في جسم الاسان
بدون ترك اي اثر
فخليها على ربك

يا عيني إمشي بشوارع الشام و تطلع حواليك بتعرف انو هي مو أوهام هي أقل شي لازم تحس فيه من هالواقع المرير

[ارسلان]

أنا مفلسٌ يا صديقِ وليس باستطاعتي أن أضع على روحك في كل يوم إكليل ورد
إحسم موتك الان

[مالي خايف]

أنا برأيي أي واحد موجود في ذرة خوف من هو وخلق بس المجتمع بيساهم بتنمية هالذرة هي والدولة والحكومة الهون الدور الأكبر بتنمية هالذرة لجعلها أكبر من حجم الإنسان يعني بتلاقي الدولة ما همها المواطن كيف ممكن نقضي عالفساد كيف ممكن نرفع إقتصاد بلدنا لفوق متل أوروبا ولا همون تحسين دخل الفرد هم الدولة الوحيد هو إيجاد عناصر مخابرات لحتى يضرب ويسب وإيجاد مخبرين مشان يضلو يكتبو تقارير ويروحو هالبشر يعني بالنهاية هم الدولة الوحيد هو إضعاف شخصية المواطن وسلبه ما أمكن من الأموال الخلاصة انون عاملين المواطن بقرة حلابة بيشتغل طول النهار متل الشئسمو لحتى يطلع حق رغيف الخبز والضرايب الي بدو يدفعها آخر السنة

[nabil4u]

بسم الله لا اريد ان انظر ، واكتب خطب عن الشجاعة ووو ، ثم اكتفي بالسكوت .اعجبني اعترافنا بالجبن ن والاعتراف بالمشكلة اول الطرق لحلها كما يقولون .مااحب ان اضيفه بمشاركتي الاولى ان الخوف ليس جبنا ً فنحن بشر ، ولكن الجبن ان اقف مكتوف اليدين امام مشهد تنتهك فيه كرامة الانسان ، الجبن أن يمنعني خوفي من السكوت عن الظلم ، الجبن أن يقدر الظلمة والمستبدون على دفي الى استخدام اساليبه القذرة في التعامل مع الاخرين .ربما الاجدى للتعامل مع الخوف هو العمل على ارض الواقع ، ولقد تعلمت من اكثر من موقف جرى معي ان الخوف ليس الا شعور طارىء ليس كقانون الطوارىء ، وبإمكاننا التخلص منه بالثبات في الموقف ..ولكن ان نسعى, ونحن نضع نصب اعيننا ان لا نلجأ الى اسليبهم الخسيسة ، ولا الى العنف ، وان نغير سلميا ً بكل ما اوتينا من قوة ، قوة الحق .. واعذروني اذا احسستم كلامي نظريا والسلام عليكم .. نبيل

[محمد ابراهيم]

كاتب النص الأصلي : VivaSyria

يمكن العنوان غريب شوي متل الأحاسيس يلي انتابتني أول ما بلشت شارك بهالمنتدى.. تخيلو أني شاركت بالمندى و أنا خارج سوريا و سجلت ببريد إلكتروني ليس بريدي الأساسي و لايحتوي على إسمي و مع هالشي بخاف كل مابدي حط مشاركة..
هل من الممكن أن أصبح بمشاركاتي عميل أو أنني احاول تغيير كيان الدوله الإقتصادي أو أنني احارب النظام الإشتراكي أو أنني أصيب الشعور القومي بالوهن؟؟ و هلل من الممكن أن يعتقلوني بالمطار؟
يمكن يكون خوفي منبعو ثقتي بقوة المخابرات ببلدنا و انو شغلون الشاغل المواطن(( المواطن و ليس مصلحة المواطن)) و شو حكا و شو عمل و وين راح و وين اجا..
أول مره فتحت موقع أخويه كنت بمكتبي بالشام بعد ما قريت شوية مواضيع فيه طلعت منو و محيت الكوكيز و نزلت البرادي و طلعت الناس يلي عندي لبرا و شوي تانيه رح فرمت الكمبيوتر أو كبو بالشارع(( بس خفت ياخدوه و يعملو باكب)).
يمكن ضوعتلكن وقتكن بهالمشاركه بس و الله صرلي أسبوع عم فكر اني معقول صرت جبان لهالدرجه؟؟

هو سؤال برسمكم.. هل خلقت جباناً أم نجحو في جعلي جبانا؟

موضوع متميز جدا يا عزيزي دول العالم التالت كله هكذا هو حالها .

بدي افرق الك بين الشجاعة والتهور
الشجاعة انو تعمل العمل وما يوقفك الخوف ممكن يوقفك شيئ تاني بس مش الخوف (تخاف بس ما تقف)
التهور انو تعمل العمل وتقف بعدو (لانو قلة ذكائك وسوء تقديرك للامور تسبب بايقافك)
الدنيا فيها متهورين وفيها شجعان . بس ياترى مين بيكمل للأخر وما بيقف !!!
الشجاع ولا المتهور ؟؟

وفي الحريص يللي بيكمل لابعد من التنين

هاد بيخاف وما بيتهور وبيكمل ابعد من التنين .

بعتقد الخوف في حدود معينة هو ظاهرة صحية لانو احد المشاعر الانسانية (طبعا بقصد الحدود الطبيعية)

[ayhamm26]

كاتب النص الأصلي : souriana

صديقي ليش الخوف اذا عندك ثقة بانو انت ماعم تغلط
كمثال بريدي متل ماهوي اسمي الكل بيعرفو تقريبا وحتى صورتي ووين ساكن
بس ماعندي كبير غير الله , ولما مابكون غلطان مابخاف من بني ادم
بقا الخوف هاد مالو اي مبرر الا اللهم كان في شي تاني بالك

طبعا صديقي ما لازم تخاف ما انت حاطط صورة المعلم وعم تدافع عنو بالحق وبالباطل يعني ليش لتخاف؟؟

بتتخيل يعني رح يشحطوك لانك حاطط صورة بشار؟؟

[ayhamm26]

انا رايي انو الخوف بهالحالة الو مبرراتو اللي ما بتقدر تتجاهلها يعني الجيل اللي تربى بفترة التمانينات والتسعينات مر بظروف صعبة, النظام خرج من معركتو مع الاخوان منتصر انتصار ساحق وبطريقو سحق كل انواع المعارضة الموجودة, تميزت هالمرحلة بترسيخ ثقافة الخوف وثقافة عبادة الشخصية

ثقافة الخوف هي اللي مكنت النظام من الاستمرار داخليا لحد الان, الخوف من كل شي , الخوف من بعضنا , الخوف من المخابرات والتعذيب والبهدلة , الخوف على المستقبل , لك حتى الخوف من انو شو رح يصير فينا لو الديكتاتور مات.
اكيد كلنا مرينا بهالمرحلة , اهالينا بخوفونا من كل شي الو علاقة بالسياسة او الشان العام وحتى لما كبرنا وتغربنا لسا الخوف ملاحقنا حتى لما الواحد بيصير ببلد غريب وايدين الامن بعيدة عنو بضل يفكر لو عرفوا اسمي ممكن يسببوا اذى لاهلي او يستنوني لانزل زيارة شي مرة او ....... والامثلة اللي منسمعها كل يوم بتعزز هالشعور اكتر و اكتر

لما نقدر نكسر حاجز الخوف منكون دقينا اول مسمار بنعش الدكتاتورية

بس لا حدا يسالني كيف لاني ما بعرف.

يسلمو فيفا سيريا على طرح فكرة الموضوع

[W.E.G.A]

والله انا بدخل على اخوية

من سوريا ومن بيتي

وبشارك عادي بحرية

وما شفت حدا بعد

يعني انت مكبر الموضوع شوي

انا برايي انه هاد الشي الي حكيتو موجود وين ما كان

بس الطريقة بتختلف

وهو ضروري كمان لان يعني شعب بكالمه اذا كل واحد عمل الي بده ياه

بتصير البلد غابة

يعني نحن تعودنا ننتقد وبس وشعبك اذا فتح تمه بده قدرة الله لتسكره

يعني انا شايف ان الي نحن فيه سببه نحن مو اي حدا تاني

[zen]

نجحو في جعلي جبانا؟

[COSTA]

كاتب النص الأصلي : VivaSyria

يمكن العنوان غريب شوي متل الأحاسيس يلي انتابتني أول ما بلشت شارك بهالمنتدى.. تخيلو أني شاركت بالمندى و أنا خارج سوريا و سجلت ببريد إلكتروني ليس بريدي الأساسي و لايحتوي على إسمي و مع هالشي بخاف كل مابدي حط مشاركة..
هل من الممكن أن أصبح بمشاركاتي عميل أو أنني احاول تغيير كيان الدوله الإقتصادي أو أنني احارب النظام الإشتراكي أو أنني أصيب الشعور القومي بالوهن؟؟ و هلل من الممكن أن يعتقلوني بالمطار؟
يمكن يكون خوفي منبعو ثقتي بقوة المخابرات ببلدنا و انو شغلون الشاغل المواطن(( المواطن و ليس مصلحة المواطن)) و شو حكا و شو عمل و وين راح و وين اجا..
أول مره فتحت موقع أخويه كنت بمكتبي بالشام بعد ما قريت شوية مواضيع فيه طلعت منو و محيت الكوكيز و نزلت البرادي و طلعت الناس يلي عندي لبرا و شوي تانيه رح فرمت الكمبيوتر أو كبو بالشارع(( بس خفت ياخدوه و يعملو باكب)).
يمكن ضوعتلكن وقتكن بهالمشاركه بس و الله صرلي أسبوع عم فكر اني معقول صرت جبان لهالدرجه؟؟

هو سؤال برسمكم.. هل خلقت جباناً أم نجحو في جعلي جبانا؟

ما حدا بيخلق جبان وما حدا بيتحول جبان
بس كل ما تقدم العمر بالانسان كل ما زاد وعيو وحسب البيئة يللي موجود فيها بتلعب دور في شخصيتو
انت خايف كل هالخوف من مشاركتك بالمنتدى ورح تكب الكومبيوتر ومدري شو شو كمان ...... ليش كتبت الموضوع ؟؟؟؟؟
وطرحت اكتر من سؤال بالموضوع شي انو عميل وشي انو عم تحارب النظام الاشتراكي ووصلت للاعتقال بالمطار وشوي تانية رح تعيش بالقصة يللي كاتبها
احترنا معك

[zen]

مدري ليش بعد هالموضوع تذكرت شغلات كانت تصير معي بالجبل لما كنت صغير كنت أركض واطلع ع الجبل بكل جرأة و ماكنت خاف من شي بالمرة هلاء لما روح ع الجبل اللي حكيت عنو لو شو ما بسترجي أطلع بخاف من الحيايا (فوبيا )ما تضحكوا هه
ع كل حال هاد تاكيد أنو الانسان بيصير جبان ما بيولد جبان