|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
12/07/2007
|
#1 | ||||||
|
شبه عضو
-- اخ حرٍك --
|
بيــــــــــــــــــاع الـــــــــــــــــــــــ ـــورد
وأنا بتمشى ع طريق الكورنيش شفت بياع الورد يلي ديمابيهديني بسمي حلوي ديما بسأل حالي ياترى يابياع الورد بتعرفني..؟؟؟؟ ولما شفتو ها المرة ركضت لعندو وسلّمت عليه وقلتلو .. يا بياع الورد إنت بتعرفني .. قالي يابنتي أنا بعرف عيونك قلتلو ووشو بتعرف عنهم قالي عم أنطرهم قلتلو شو خلاك تنطرهم قالي يجوني بيوم ويطلبو مني وردي من ورودي قلتلو ما بدي منك ورود لمين بعطيها ماعندي حدا أهديها ضحك وقالي أنا ناطرك بيوم تجيني قلتلو لاتنطر ما بتخيل حالي إجيك أنا ورودي بشوفها من بيتي تحت شباكي بشوفها وبفرح فيها وبسقيها ما بتصور إشتري منك وردي و تحت شباكي ورد الدني كلها قالي يابنتي أنا ناطرك تجيني ورح تجي .. والوردي مني رح تطلبي .. بس بستنى لأعرف لون الوردي اللي ح تختاري ضحكت وقلتلو أنا رايحة ع بيتي وأُوقف ع شباكي وشوف ورودي وح إتزكر حكياتك وبشكرك ع بسماتك .... وروحت بيتي ووقفت بشباكي وإجيت إيام وراحت إيام وأنا بنفس الشباك بس يمكن أتغيرت فيني الحال.. ومرة والدني بتشتي وشعري إتبلل تحت الشتي.. إيديِّ التنتين ملّيهم من مية الشتي وإمسح فيهم وجهي.. وإركض..وإلعب ويمكن ماكان ركض يمكن كنت عم أُرقص رقص ..... ولمحت من بعيد بياع الورد ركضت لعندو وبأعلى صوتي ناديتلو يابياع الورد .. يابياع الورد .. ضحك ولعندي إجى .. وقالي نطرتك وهي إنتِ جيتي.. قلتلو وشو عرفك إني جاي قالي ماقلتلك عيونك يابنتي قلتلو ودخلك شو قالو عيوني قالي عيونك لونها من لون الورد خبريني... شو لون الوردي اللي بدك ياها...؟ قلتلو بدي وردي بيضا .. قالي ليكها إلك مخبيها.. قلتلو طيب عطيني ياها قالي بس مية الشتي ح تبلّلها قلتلو ماهو أنا .. بدي إسقيها من مية شتي قلبي بدي خليها ترقص مع رقصات روحي بدي علّمها كيف الفرح لما يدخل قلبي عطاني وردتي وركضت ركض ع بيتي وقبل البيت بخطوات لمحت حد تحت الشباك قلت شو بيعمل ها الولد تحت شباكي روحت لعندو لأعرف شو بدو طلع فيني وضحك وقالي ليكي شعراتك مبللين وإيديكي من مية الشتي مغسلين خجلت كتير وقلتلو .. ليش أنت ما كنت معي تحت الشتي وماشفتني وقت كنت برقص مع مية الشتي قالي شفتك من بعيد وسبقتك لبيتك بدي منك الوردي اللي بإدك طلعت فيهو قلتلو كل ورودي وبتطلب مني ها الوردي قالي هي ورودك لما كنت عنك بعيد أنا بدي الوردي اللي بإيدك هي من بعد ما شفتك قلتلو أنا عطاني ياها بياع الورد قالي أنا خبيتها عندو ليعطيكي ياها قلتلو وبدك ترجع تاخدها قالي ماأنا كنت بدي ياها بس تلمس إيدك وتتبلّل من مية الشتي وهي بإيدك قلتلو طيب وشو ح تعمل فيها قالي عطيني ياها.. ورح نلتقي السني الجاي متل اليوم ورجعي إساليني عنها عطيتو ياها وضحكتلو .. وقربت لعندو وشوشتو ...وقلتلو إستناني لما بتشتي الدني متل اليوم إطلع فيني .. وبإيدو مسح المي ع شعري وضحك وقالي أنا بعرف إيمتى رح إجي طلعت ع بيتي ودخلت غرفتي فتحت شباكي وقلت لحالي إستنيه يابنت وأكيد ما ح تخسري بس شو قولتك..؟ معقولي رح يجي..؟؟ |
||||||
|
|
23/07/2007
|
#5 | ||||||
|
شبه عضو
-- اخ حرٍك --
|
كود PHP:
بس ما يتاأخر ولك ماد الشوق انا ولا حرقتو ح إستنى وبس يجي ح تزكر كلمتك وقتها وقولك عندو حق حماده نورت حماده  كود PHP:
ولو قعدت سنة ع مفرق الطريق لشوفو اول ما يطل وإلمحو من بعيد وياريتو يعرف اديه الشوق بيحرق بقلب المشتاق نورت ويسلمو ع الصورة كتير لزيزي |
||||||
|
|
|
23/07/2007
|
#7 | |||||||
|
شبه عضو
-- اخ حرٍك --
|
اقتباس:
بس ضيف الها ال ل بتصير لزيزي اي؟ |
|||||||
|
|
|
28/07/2007
|
#8 | ||||
|
مسجّل
-- اخ حرٍك --
|
انشاء الله يرجع
مشكورة على قصتك الحلوة
 
فش توقيع ما تحاول فش يعني فش
|
||||
|
|
|
02/08/2007
|
#10 | ||||||
|
عضو
-- أخ لهلوب --
|
عسى أن يأتي وبيده وردة يقدمها لكِ بينما المطر يروي شوقك للوردة
"The true revolutionary is guided by a great feeling of love "
Che Guevara |
||||||
|
|
|
02/08/2007
|
#11 | ||||
|
عضو
-- قبضاي --
|
حلوة كتير بس قصتك احلى اكيد جاي انت انطري ونحن ناطرين تقليلنا اجا
|
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 08:50 (بحسب عمك غرينتش الكبير +3)