|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/10/2006
|
#1 | ||||||
|
عضو
-- قبضاي --
|
ذكريات الفرع 979
هي ذكريات عالقة في زوايا الجمجمة كما هي عالقة أيضا في زاوية غرفة الانتظار على كرسي الثلاث أرجل في الفرع 979 / دمشق
الزمان : يوم شتوي موحل / 1999..... كنت قد حصلت على ختم (يراجع الفرع 979) وكنت آنذاك أسعى لتصحيح بعض الأوراق التثبيتية .. لم أستوعب ماهو المطلوب إلا أن أخبرني المقدم "سيف" بعد ان امعن النظر في شكلي وأوراقي أن أزور الفرع 979 ... - ايه سيدنا بس ليش .. - ليش ؟؟ والله ما بعرف بس لازم تراجع الفرع هونيك .. - اها ؟؟ حاضر سيدنا !! وبدأت الاتصالات مع فلان الفلاني وعلان وضرطان ..ومن باب مصلى للمهاجرين للميسات .. لكن عبث ما حدا قدر يخدمنا بالموضوع - على أساس انو عنا واسطة !!!!! ما علينا .. قلنا بنروح نراجع ال 979 وبنشوف شو القصة !! وهون بلشت القصة .. وصلنا للمكان المذكور صباحا .. على أساس انو بنخلص بكير !! ومن مكتب لمكتب .. ومن غرفة لغرفة .. وبانتظار الضابط " اسماعيل ..." لحتى يسمحلي بالدخول انتهى الدوام وبعدني ملطوع بزاوية بغرفة انتظار"نظارة" أنا وثلاث شباب أكراد أصغرهم سناً تبدو في وجهه تضاريس كردستان وكان اسمه "جومرد " او هيك شي !! وبقينا بانتظار الضابط المناوب لحين اجراء معاملاتنا والخروج بسلام .. وبعد علبة دخان .. وخمس وعشرين ليرة للحارس عشان نستعمل التواليت ..وصل صاحب السمو المسؤول عن شؤون اللاجئين في الفرع 979 " بالمناوبة " وفي لحظات يغلب فيها النعاس على الجوع .. كنت مازلت أشتم رائحة "المتة" تقرقع في المكان يأتيني صوت جهوري .. - يااا سلااااام جابينك لتنام هووون !!! (أه عفوا .. بس نعست سيدنا ) - اي قوم تلحلح دورك تفوت ..!! انو فوق اللطعة من دغشة الله الصبح .. وجاي تبهدلني .. بلعناها .. وسكتنا - اي يا ابني هات لنشوف شو قصتك - شيدنا ما قصة ولا شي بس ختمولي عالبسبور انو لازم اراجع الفرع 979 وهيني اجيت !! - اي وشو بدك هلاء ؟؟!! - اجيت !! - ايه ماشي ... (يستدرك غباءه ) .. خود هاي الأوراق عبيهن !! وحط طوابع - حاضر بدأت بشخبطة الفراغات في الاوراق (الاسم الثلاثي.... اسم الأب ... اسم الام والكنية ... العمر .... مواليد ... مكان وتاريخ الولادة ..... العنوان ... محل الاقامة الحالية ... محل الاقامة الأصلي ... الجنسية الأصلية ...الجنسية الحالية ....رقم القيد .. رقم الهوية/الوثيقة/ جواز السفر ..... المهنة .. مكان العمل .. الجنس .. الحالة الاجتماعية ....الجيران... الاصدقاء .. زملاء العمل ... زملاء الدراسة ...) ولووووه يا رجل ...... فوق ما انك عم بتجاوب عن السؤال مرتين وتلاتة ... اعطاني خمس أوراق اعبيهن.. !!!!!!!!!!!!!!!!!!!!!!!!!!!!!!!!!!!!!!! - سيدنا عبيت أول وحدة بيكفي ...!! - لا ما بيكفي .. وحط طوابع ... نسيت انو صارت الساعة 5.30 عصرا أو مغربا .. وصارت كل مسامات جلدي تكفر - من وين بدي أجيب طوابع ؟؟؟ - نحنا بنعطيك !!! ( للوهلة الأولى بتفكر انو ببلاش رح يعطيك ) يا محمووود : جيب طوابع وشوفلي ابو توفيق اذا وصل .. ويغيب محمود ..........وتغيب رائحة المتة ... وانا انتظر في غرفة خارجية .. أكاد اتوحد أنا والكرسي والهواء البارد ومنتصف الليل .. حتى يختم لي بالترحيل خارج القطر ..   ..اي شو بدك .. عنا بيروقراطية ولا أروع !! شكراً جداً جزيلاً -
إنني أرفض اختيار طريق ،، لأنه يقيدني
أفضل البقاء في مفترق الطرق .. أنني أعاني الحرية ولا أمارسها !! CHE* |
||||||
|
|
15/10/2006
|
#2 | ||||||
|
عضو
-- قبضاي --
|
انو اذا ما عجبتكو القصة .. فينا نحذفها ...
ولو حدا يشجع .. حدا يسب حدا يقول .. قولي انفعلي .. لا تقفي مثل المسمار ومسمار شكرا جدا جزيلا |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 05:14 (بحسب عمك غرينتش الكبير +3)