أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا > أخبار العلوم و التكنولوجيا

إضافة موضوع جديد  إضافة رد
 
أدوات الموضوع
قديم 30/12/2007   #1
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
Thumbs up "الطير"... اسم عربي يحط على رمال القمر


مرحبا شباب، هالموضوع كان لازم حطو بمحطة أخوية الفضائية-آخر أخبار الفضاء، بس للأسف محدا بفوت على هالمحطة ولا بحط أخبار، وكمان هالموضوع ما لازم ينظلم ولا زم يعرف عنو أكبر عدد ممكن، مشان هيك حطيتو بموضوع مستقل.

الطير، هوي اسم مسلسل سوري من أكتر المسلسلات يللي بحبها، وكمان الطير "Altair" هوي ألمع نجمع في برج العقاب أو النسر الطائر "Aquila"، وترتيب لمعانو بين نجوم السما هوي الثاني عشر، والأحلى والأحدث من هادا كلو، هوي إنو الطير "Altair" اسم مركبة فضائية جديدة، اعتمدتو ناسا رسميا بتاريخ 18/12/2007 ضمن برنامج البروج "Constellation Program" (الترجمة بالعربي مو أكيدة، هي ترجمة من عندي ويا ريت تتأكدوا منها)، والطير رح يكون متل أبوللو، يعني رح تكون مهمتو إنو يحمل رواد الفضاء مع المؤن ووسائل الحياة إلى سطح القمر، ورح يكون الطير مكون من قسمين رئيسيين، العلوي ويللي بكون فيه رواد الفضاء الأربعة -المحظوظين- ، والسفلي يللي فيه قوائم المركبة يللي رح توقف عليهن على سطح القمر وكمان فيها كل معدات الرواد من مياه وأكسجين وأدوات علمية...الخ. ويللي بميز الطير عن أبوللو إنو الطير رح تستخدمو ناسا بالمستقبل مشان بناء القاعدة القمرية على سطح القمر ويللي رح تكون انطلاقة البشرية نحو الكون وما وراء القمر ابتداءا بالمريخ، بالإضافة إنو الطير فيها شوية تقنيات أعلى ومحركات أحدث من مركبات أبوللو يللي قبلها. وحددت ناسا جدول زمني لوصول الطير حامل رواد الفضاء الأربعة لسطح القمر، ورح يكون هالحدث الضخم بال 2020 كحد أقصى، يعني في احتمالية كبيرة إنو يكون أبكر من هيك، وبالذات إذا كبرت الحكومة الأميركية عقلها وخففت تمويل الحروب والسلبطة على العالم والشعوب على حساب المشاريع العلمية والفضائية!!!

أما برنامج البروج "Constellation Program"(الترجمة بالعربي مو أكيدة، هي ترجمة من عندي ويا ريت تتأكدوا منها) فهوي عبارة عن المرحلة الأولى والأولية ضمن مشروع ضخم جدا لوصول البشر لأبعد ما منقدر بالكون، وبرنامج البروج نفسو بيتكون من مرحلة Ares I يللي رح تنقل Orion للفضاء , ومرحلة Ares 5 ويللي هوي الصاروخ الحامل ل"الطير"، ومرحلة كبسولة Orion يللي رح يكون فيها الطاقم، بعدها بتجي مرحلة مغادرة الأرض وأخيرا مرحلة إطلاق ووصول الطير -بإذن الله- إلى سطح القمر وجواتو الرواد الأربعة.

الجدول الزمني لهالمشروع مبلش من فترة، وهلأ هني بمرحلة تصميم نموذج أولي للطير ودراسة وافية للمركبة،و رح يكون إنو بين 2009-2011 كحد أقصى رح يتم بناء وتجربة الطير، وبعدها رح يغادر الطاقم مع Orion على متن Ares I عام 2015 كحد أقصى، وأخيرا رح يكون أول هبوط ل"الطير" على سطح القمر حاملا الرواد الأربعة عام 2020 كحد أقصى، طبعا كلو بإذن الله وإرادتو وفضلو.

وهي صورة تصورية ل"الطير" أو "Altair":




وهلأ صار دور روابط الموضوع ومراجعو:

1) موقع ناسا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


2) ويكيبيديا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


3) ويكيبيديا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



بتمنى إنو تشوفو الروابط وتابعوا الموضوع وتتعمقوا فيه، لأن عنجد بشارة خير، وبركي العرب بيستحوا عدمن وببلشوا يهتموا بالعلم شوي وبينسوا الخرافات والتخلف والجهل، وبركي كمان بتزيد أو بالأحرى تتواجد القنوات الوثائقية الحديثة العربية بدل قنوات الرقص والعربدة والمشايخ وفتاويهن، حاكم هالقنوات التافهة صارت أكتر من الهم عالقلب وبلا طعمة بنوووووووووووووب!!!!!!!!!

سلام وآسف عالإطالة!!!

عفوا فيروز أقاطعك.. أجراس العودة لن تقرع
خازوق دق بأسفلنا ..
من شرم الشيخ إلى سعسع
من أين العودة والعودة تحتاج المدفع
و المدفع يلزمه كف و الكف يحتاج لإصبع
و الإصبع ملتذ لاهٍ .. في دبر الشعب له مرتع....

آخر تعديل oliver68 يوم 30/12/2007 في 23:24.
  رد مع اقتباس
قديم 30/12/2007   #2
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي


وهي نزلت الخبر ب"محطة أخوية الفضائية- آخر أخبار الفضاء" ضمن الرد رقم 29.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 31/12/2007   #3
شب و شيخ الشباب dav
مسجّل
-- اخ طازة --
 
الصورة الرمزية لـ dav
dav is offline
 
نورنا ب:
Dec 2007
مشاركات:
13

افتراضي


والله برافو عليهن
الطلعة عالفضاء أحسن من القعدة بلا شغل
  رد مع اقتباس
قديم 31/12/2007   #4
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي


اقتباس:
كاتب النص الأصلي : dav عرض المشاركة
والله برافو عليهن
الطلعة عالفضاء أحسن من القعدة بلا شغل
له يا زلمي، ليش في حدا قاعد عندهن بلا شغل؟؟!!!!
  رد مع اقتباس
قديم 02/01/2008   #5
شب و شيخ الشباب dav
مسجّل
-- اخ طازة --
 
الصورة الرمزية لـ dav
dav is offline
 
نورنا ب:
Dec 2007
مشاركات:
13

افتراضي


عندهن لا بس عنا
  رد مع اقتباس
قديم 06/01/2008   #6
صبيّة و ست الصبايا sweetyjojo
عضو
-- قبضاي --
 
الصورة الرمزية لـ sweetyjojo
sweetyjojo is offline
 
نورنا ب:
Jan 2008
المطرح:
في قلب حبيبي
مشاركات:
603

افتراضي


رح يبعتولنا اسم عربي عالقمر



قال سكان القمر بيصيروا يقولوا وين هدول العرب



يعني اتبهدلنا فوق وتحت



يسلمو عالموضوع ابو طريق



والاطالة كانت حلوة ومو مملة

احبك جدا وجدا وجدا وارفض من نار حبك ان استقيلا

وهل يستطيع المتيم بالعشق ان يستقيلا

وما همني ان خرحت من الحب حيا

وما همني ان خرجت قتيلا
  رد مع اقتباس
قديم 15/02/2008   #7
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي


اقتباس:
كاتب النص الأصلي : sweetyjojo عرض المشاركة
رح يبعتولنا اسم عربي عالقمر



قال سكان القمر بيصيروا يقولوا وين هدول العرب



يعني اتبهدلنا فوق وتحت



يسلمو عالموضوع ابو طريق



والاطالة كانت حلوة ومو مملة
شكرا سويت جوي على الكلام الحلو،
بس بتعرفي إنك نبهتينا على هالنقطة!!!! يعني ضروري هالبهدلة "القمرية" هلأ!!!!! رح قدم اقتراح فوري لناسا مشان تغير الاسم، بس شو نقترح عليهني اسم!!!!!
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:55 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.08116 seconds with 12 queries