أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 31/07/2007   #1
شب و شيخ الشباب الحاج متولي
عضو
-- زعيـــــــم --
 
الصورة الرمزية لـ الحاج متولي
الحاج متولي is offline
 
نورنا ب:
Sep 2006
المطرح:
بين الصين و سوريا
مشاركات:
1,091

Lightbulb مشكلة الكهرباء


الكل بيعرف إني 99.99% من أهل سوريا بيحبوا سوريا وتراب سوريا
بس إلى متى رح يكون المواطن السوري ما إلوا أي إعتبار أو إحترام...............
الكل شايف وعارف أزمة الصيف و الحر يلي إجا على سوريا هال كام يوم ...طيب ....وبعدين .....هادا شي من عند ربنا وربنا أعلم فيوا مننا نحنا
طيب ....بنجي على الشغلات يلي عم بتصير بإيدنا نحنا
اليوم نحنا في بدايات القرن ال21 وإلى الآن المواطن ما إلوا اي قيمة ....يعني خود مثلاً
الكهربااااااااااااااااااا اااااااااااء
أول شي من حوالي شهر تقريباً إنقطعت الكهرباء لمدة ساعة واحدة ....هيك طم غم بدون ما حدا ينبه او يذيعوا عنا أو حدا ياخد إحتياطاتوا ....ولو تشوفوا بس شو بيصير لما الكهربا بتنقطع فجئة شو بيصير وقديش بيخسر المواطن......لإني في كتير مكنات حساسة
طيب مو مشكلة قطعوها فجئة لوجود عطل فني ماإلهن خبر فيوا لإني المحولات الكهربائية المستخدمة عنا من على زمان فرنسا إزا مو أكتر
طيب بعد يومين صار القطع ساعتين ...وبعد جمعة صار 3 ساعات ...وإذا حكيت مع شركة الكهربا ...بيطلعلك واحد نفسيتوا أحقر من هيك مافي بيقلك شو سويلك هادا كلوا تقنين ...طيب بتقلوا ممكن نعرف بأيا ساعة رح تقطعوا الكهرباء بقلك ..أنا بنفسي ما بعرف.......تفضل على هيك جواب بيجيب الجلطة
إذا تأخرت عن دفع فاتورة الكهرباء بيجي عامل الكهرباء بدون ما يعزب حالوا ويحط الإنزار على الباب ليشوف الناس أصحاب البيت موجودين ولا مسافرين ...بيقطع الكهرباء عن البيت ولا تقول أصحاب البيت كلاب ...وإذا كانوا مسافرين فعلى المونة و الأكل يلي بالبراد السلام ...وياما صايرة هالشغلة مع كتير عالم
بنجي على المنطقة الصناعية ...ويلي كيلوا الكهربا فيها سعروا أكتر من كلشي ممكن الواحد يتقبلوا وخاصة عنا بحلب.....
المنطقة الصناعية بحلب اكبر منطقة صناعية بسوريا كلها ومع ذلك عم تنقطع عندهن أكتر من 8 ساعات باليوم .....يعني خربان بيت....للعامل وصاحب المصنع
لإني العامل بهادا الوقت بتكون ورديتوا ما إلها لزمة فبالتالي مارح يقبض إجور عليها
بتروح بتشتكي بيقلك تكرم عينك ومابيصير غير تكون رضيان ....وياريت الحكي بيصل
لسا ما خلصنا من الكهربا .....صاروا يقطعوا كمان الماء....ولي كهربا ومي ...كملت معنا
ممكن حدا من حبايب القلب يفهمني شو لازم نساوي
أرجوا ما حدا يطلع ويقلي النظام و السيد الرئيس بشار الأسد ......
نحنا مشكلتنا مع هالكام واحد موظف بدوا حرق عم بيوصل الصورة الجميلة للبلد لأصحاب النفوذ ومن تحت لتحت نازل السلخ فينا
يعني خود مثال
مكان سكن رئيس مجلس الوزراء عنا ...مابتنقطع الكهربا....ومكان السيد فلان نفس الشي ....طيب ليــــــــــــــــــــِش
أرجوكن حدا يقلي إلى متى
تحياتي
الحاج متولي
  رد مع اقتباس
قديم 31/07/2007   #2
شب و شيخ الشباب الحاج متولي
عضو
-- زعيـــــــم --
 
الصورة الرمزية لـ الحاج متولي
الحاج متولي is offline
 
نورنا ب:
Sep 2006
المطرح:
بين الصين و سوريا
مشاركات:
1,091

افتراضي


شو الظاهر ما حدا عم بيحس بقطع الكهرباء غيري؟؟؟؟؟؟
  رد مع اقتباس
قديم 31/07/2007   #3
شب و شيخ الشباب syrianheart
عضو
-- أخ لهلوب --
 
الصورة الرمزية لـ syrianheart
syrianheart is offline
 
نورنا ب:
Jul 2007
المطرح:
اللاذقية
مشاركات:
105

افتراضي


يا حاج متولي الكل فقعان قلبه من انقطاع الكهرباء مو بس أنتا

بس شو الفائدة من الحكي ؟

إذا وارة الكهرباء حتى هاللحظة ما عندها الجواب الصحيح والمواطن ضايع

بين القيل والقال .

الله وكيلك عنا بالحي اللي أنا ساكن فيه صار اسم الكهرباء ( سانتاكلوز)

لأن الكهرباء لما بتكون مقطوعه وبتجي بيكون استقبال الأولاد متل استقبالهم

لبابانويل ، ما بتسمع غير أصوات الـــ هيييييييييييييييييييييييي يييييييييه أجت الكهرباء

وشوي تانيه النسوان رح تزلغط و . . .و . . و

متل مابقول زياد الرحباني :

" يا خيي شو بدي قلك شي متل الكذب "

يلا حالياً ناطرين الأمل لأنو آخر خبرية أنو درجات الحرارة بدها تنخفض وبالتالي

اعتباراً من السبت المقبل رح يتخفض تقنين الكهرباء ليوصل لساعه وحده باليوم

قووووول انشاء الله

"The true revolutionary is guided by a great feeling of love "

Che Guevara
  رد مع اقتباس
قديم 31/07/2007   #4
شب و شيخ الشباب الحاج متولي
عضو
-- زعيـــــــم --
 
الصورة الرمزية لـ الحاج متولي
الحاج متولي is offline
 
نورنا ب:
Sep 2006
المطرح:
بين الصين و سوريا
مشاركات:
1,091

افتراضي


اقتباس:
كاتب النص الأصلي : syrianheart عرض المشاركة
يا حاج متولي الكل فقعان قلبه من انقطاع الكهرباء مو بس أنتا

بس شو الفائدة من الحكي ؟

إذا وارة الكهرباء حتى هاللحظة ما عندها الجواب الصحيح والمواطن ضايع

بين القيل والقال .


قووووول انشاء الله
إيه و الله يا حبيب القلب
الكهربا صاريت متل بابا نويل لما بتجي ومتل عمتنا الغولة لما بتنقطع
بس عنجد لإمتا رح نتم ساكتين على المشاكل يلي عم بتصير ضد المواطن السوري
الله بعين
يسلموا على مرورك الكريم يا غالي
تحياتي الحاج متولي
  رد مع اقتباس
قديم 31/07/2007   #5
شب و شيخ الشباب brave heart2
عضو
-- قبضاي --
 
الصورة الرمزية لـ brave heart2
brave heart2 is offline
 
نورنا ب:
May 2007
المطرح:
طريق الحرية
مشاركات:
705

افتراضي


هاد هوة الاصلاح والتطوير

وهي البنية التحتية يلي متغنى ومنتباهة فيها

لسى المازوت اول الشتا

والقادم اعظم


عوجة

يا دامي العينين والكفين
إن الليل زائل
لا غرفة التوقيف باقية
ولا زرد السلاسل
نيرون مات ولم تمت روما
بعينيها تقاتل
وحبوب سنبلة تجف
ستملأ الوادي سنابل.
______________________

We ask the Syrian government to stop banning Akhawia
  رد مع اقتباس
قديم 31/07/2007   #6
شب و شيخ الشباب الهجان
شبه عضو
-- أخ لهلوب --
 
الصورة الرمزية لـ الهجان
الهجان is offline
 
نورنا ب:
May 2007
مشاركات:
84

إرسال خطاب MSN إلى الهجان
Question في المجرفه والقبر


انو هيك

ال في ضغط بالصيف كهرباء
وبالشتاء مازوت ال عم يتهرب

ما بعد الصبر غير المجرفه والقبر

وياما في الجراب يا حاوي؟؟؟؟؟؟؟؟؟؟؟؟؟؟؟؟؟؟؟؟؟

جون دارننك _سابقا_ **********
--------------------------------
dont ever kick sleep lion
  رد مع اقتباس
قديم 31/07/2007   #7
شب و شيخ الشباب SABE
مشرف متقاعد
 
الصورة الرمزية لـ SABE
SABE is offline
 
نورنا ب:
May 2004
المطرح:
حمصي عمبدرس بألمانيا
مشاركات:
1,965

افتراضي


آخر الصبر الفرج ... و فرج مدينة بمصر .. و مصر عاصمتها القاهرة .. و القاهرة آخر تلت حروف فيها "هرة" و الهرة بتشرب حليب ==> آخر الصبر هو الحليب ..


أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة

أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 31/07/2007   #8
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : SABE عرض المشاركة
آخر الصبر الفرج ... و فرج مدينة بمصر .. و مصر عاصمتها القاهرة .. و القاهرة آخر تلت حروف فيها "هرة" و الهرة بتشرب حليب ==> آخر الصبر هو الحليب ..

لأ والحليب بيجي من عند البقرة والبقرة معا جنون ...
وبيطلع أخرة الصبر الجنون

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 31/07/2007   #9
شب و شيخ الشباب الحاج متولي
عضو
-- زعيـــــــم --
 
الصورة الرمزية لـ الحاج متولي
الحاج متولي is offline
 
نورنا ب:
Sep 2006
المطرح:
بين الصين و سوريا
مشاركات:
1,091

افتراضي


اقتباس:
كاتب النص الأصلي : butterfly عرض المشاركة
لأ والحليب بيجي من عند البقرة والبقرة معا جنون ...
وبيطلع أخرة الصبر الجنون
و الجنون 72 باب ....وكل باب إلوا مفتاح ....و المفتاح عند الحداد ...و الحداد مسكر .....(مقطوعة عندوا الكهربا) عم يستنا لتجي الكهربا...معناتوا ما رح يبين معنا لتجي الكهربا.......................رجع ا من الأول....طارت التحشيشة
لاقولنا حل من شان الله ....رح يفصل الكومبيوتر عندي ......فضيت بطارية الUPS
لحقونــــــــــــــــــــ ـــــــــــــــــــــــــ ـــــــــــــــــــــــــ ـــــــا
  رد مع اقتباس
قديم 31/07/2007   #10
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


تعا أحكيلك شو عم ساوي أنا
يا سيدي بتقطع كهربة البيت .. بنزل عالكافي نت .. ( عندو خطين كهربا ) بتقطع عندو .. أي أي
عندو خطين واوقات بيصدف الخطين مقطوعين ... برجع بطلع عالبيت
وهيك .. كتير الوضع تسالي ...
لأ والمشكلة انو ما عاد فينو الواحد يتفائل
لأنو كل مالون عم يزيدوا
قريبا ً رح تصير تقطع 12 ساعة باليوم
بعدين ما عاد منشوف الكهربا ...
  رد مع اقتباس
قديم 31/07/2007   #11
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


اقتباس:
كاتب النص الأصلي : SABE عرض المشاركة
آخر الصبر الفرج ... و فرج مدينة بمصر .. و مصر عاصمتها القاهرة .. و القاهرة آخر تلت حروف فيها "هرة" و الهرة بتشرب حليب ==> آخر الصبر هو الحليب ..

ميساء الخير على قولة واحد حبيبنا كان بيحشش معي عالماسينجر مره .
نسيت اسئلك وين مدينة فرج (عنجد موضوع مهم جدا)؟؟؟
  رد مع اقتباس
قديم 31/07/2007   #12
شب و شيخ الشباب العاشق مننا
عضو
-- أخ لهلوب --
 
الصورة الرمزية لـ العاشق مننا
العاشق مننا is offline
 
نورنا ب:
Jan 2006
المطرح:
دمشق
مشاركات:
273

افتراضي


ولله انا هرباً من الوضع الرائع للكهرباء

رحت لعند صاحبي بالاردن يا عمي من سنين ما بيعرفو قطع الكهرباء

لعمى الاردن كنا نسمع انها بتاخد من عنا الكهربا

طب كيف عندون ما بتقطع وعنا هيك الوضع
  رد مع اقتباس
قديم 31/07/2007   #13
شب و شيخ الشباب العاشق مننا
عضو
-- أخ لهلوب --
 
الصورة الرمزية لـ العاشق مننا
العاشق مننا is offline
 
نورنا ب:
Jan 2006
المطرح:
دمشق
مشاركات:
273

افتراضي


مصادر وزارة الكهرباء : "لن يدوم الإنقطاع الكهربائي أكثر من ساعة في اليوم"

أعلنت وزارة الكهرباء أن" تحسناً كبيراً سيطرأ على واقع التيار الكهربائي بدءاً من يوم السبت المقبل مع اقتصار ساعات إنقطاع التيار الكهربائي على ساعات قليلة جداً بحيث انه لن يدوم غياب التيار في كل المناطق السورية لأكثر من ساعة في اليوم وقد يتجاوز التحسن برنامج ونظام التقنين الحالي"

ورأى مدير المؤسسة العامة لتوليد الطاقة الكهربائية هشام ماشفج انه "مالم يعمل بإجراءات معينة بشكل جدي وعلى التوازي فسيصبح التقنين جزءاً من حياتنا ".
وأكد رئيس مجلس الوزراء المهندس محمد ناجي العطري في كتاب وجهه الى وزير الكهرباء محمد خالد العلي في جلسة مجلس الوزراء المنعقدة في الثالث من الشهر الجاري بحل مشكلة الانقطاعات الكهربائية خلال المدة المحددة سابقاً والمحددة بـ 15 يوماً في وقت رأى الوزير العلي إنه" لايمكن الحديث عن حل للازمة قبل شهر أيلول المقبل"وذلك بسبب "خروج بعض محطات التوليد من الخدمة".
وقال فنيون في وزارة الكهرباء حسبما نقلت عنهم صحيفة تشرين المحلية إنه" مع بداية آب القادم سيتم إستثمار مجموعات جديدة لتوليد الكهرباء في الخدمة ستؤدي بدورها إلى زيادة كمية الطاقة المولدة كما ان إجراءات تحسين واقع الكهرباء ستتوالى من خلال إصلاح الأعطال في محطات التوليد ووضع مجموعات جديدة إذ إنه في أيلول القادم لن يكون هناك أي تقنين ". ‏
وتعكف وزارة الكهرباء حاليا على إقامة ثلاثة مشاريع جديدة ستضيف 450 ميغا واط إلى الشبكة قبل نهاية شهر آب المقبل تتوزع في مناطق الناصرية وزيزون و المحطة الحرارية في بانياس .
وتكشف الارقام الرسمية لمعدلات الاستهلاك الطاقي انخفاض كفاية استخدام الطاقة خلال السنتين الاخيرة وارتفاع متوسط كثافة الاستهلاك الذي بلغ 8% مكافئ نفط/ دولار من الناتج المحلي الاجمالي بما يعادل 2.5 مرة المتوسط العالمي.
ويعزى ارتفاع قيمة هذه الاستثمارات الى تسارع النمو في الاستهلاك العام للطاقة والذي يقدر بنحو 10%.
وارتفع انتاج الكهرباء من 770 مليون ك.و.ت عام 1970 الى 30 مليار ك.و.س عام 2005 وبما يعادل 38 ضعفاً ومن المتوقع أن يبلغ الطلب على الكهرباء عام 2010 نحو 44 مليار ك.و.س وحوالي 70 مليار ك.و.س عام 2020.
وقال ماشفج في تصريح لصحيفة الثورة المحلية إن "تلافي النقص في الاستطاعة المتاحة لا يمكن تأمينه ما لم يتم إنجاز كافة مشاريع محطات التوليد الجديدة وهي مشروع الناصرية 150 ميغاوات ومشروع زيزون 150 ميغاوات ومشروع دير علي 750 ميغاوات, إضافة إلى إنجاز دراسة المشاريع الجديدة المعلن عنها وهي إضافة عنفتين بخاريتين في محطة توليد بانياس باستطاعة 2*150 ميغاوات, وتوسيع محطة تشرين الحرارية بإضافة بلوك دارة مركبة باستطاعة 450 ميغاوات, ومحطة ديرعلي بإضافة 750 ميغاوات.. فضلاً عن الإعلان عن المشاريع الجديدة وهي توسيع محطة تشرين البخارية بإضاة مجموعتين 2*200 ميغاوات, وتوسيع محطة الناصرية بإضافة بلوك دارة مركبة باستطاعة 470 ميغاوات, وحل موضوع محطة دير الزور ".‏
وحيال بدء أي عد تنازلي لإنهاء الأزمة قال ماشفج ما لم يعمل بهذه الإجراءات بشكل جدي وعلى التوازي ف"سيصبح التقنين جزءاً من حياتنا," مرجعاً أسباب التأخير في تنفيذ تلك المشاريع إلى "عدم تقديم العروض".
ونقلت صحيفة تشرين المحلية عن مصادر وزارة الكهرباء قولها إن" إنتهاء الوضع المناخي الاستثنائي الحالي المتمثل بالارتفاع الكبير لدرجات الحرارة المتوقع انحساره مع غروب شمس اليوم سيؤدي بدوره إلى حدوث تحسن كبير على واقع الكهرباء على اعتبار أن الارتفاع الكبير في درجات الحرارة يؤدي بدوره إلى ضياع جزء كبير من الطاقة التي يفترض توليدها من نفس كمية الوقود المخصصة لأي محطة توليد وكذلك بالنسبة للشبكات."
ويؤدي إرتفاع درجات الحرارة إلى فقدان حوالي 10% من الطاقة الكهربائية التي يفترض أن تنتجها أي محطة توليد إن كانت تعمل على الغاز أو الفيول..
وأدى ارتفاع الحرارة الكبير وغير المألوف في سورية بحسب المعنيين في وزارة الكهرباء إلى انخفاض كمية الطاقة المولدة في إحدى المحطات من 600 ميغاواط إلى حوالي 450 ميغاواط اي ان اعتدال الحرارة من شأنه زيادة كمية الطاقة المولدة. ‏
وعزا ماشفج مشكلة الكهرباء الى توسيع استطاعة الشبكات الداخلية إلى 800 ميغاوات وصعوبة توفير هذه الاستطاعة الواجب نقلها من الشمال إلى الجنوب مشيراً أن الشبكة التركية لم تربط بعد بشكل كامل مع الشبكة السورية وإنما تم الربط مع محطة برجيك المائية في تركيا والتي يتم عزل بعض مجموعاتها عن الشبكة التركية وربطها مع الشبكة السورية وفيما يتم حالياً تخفيض الاستطاعة التي يتم ضخها من هذه المحطة إلى الشبكة السورية إلى نحو 100 ميغاوات.
وتوقع ماشفج ربط الشبكتين السورية والتركية بشكل كامل بعد انجاز ربط الشبكة التركية مع الشبكة الأوروبية نهاية العام.‏
وكشفت وزارة الكهرباء مؤخراً عن مشروع لتعزيز شبكات الربط الحالية على التوتر 400 كيلو فولت بحيث تتمكن من تمرير 800 ميغاوات من شمال سورية إلى جنوبها لجهة إستقرار ووثوقية الشبكة, وتوفير الاحتياطي الدوار علماً أن أزمة الكهرباء الحالية تعود في جزء كبير منها إلى عدم وجود استطاعة احتياطية متاحة في الشبكة.
وتوقع ماشفج إنجاز مشروع إعادة تأهيل مجموعتي توليد بانياس الأولى والثانية ومجموعتي محردة الأولى والثانية نهاية الشهر الحالي ما سيؤدي إلى زيادة الاستطاعة المتاحة.

منقول عن سيريانيوز في تاريخ 30\7
  رد مع اقتباس
قديم 31/07/2007   #14
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : butterfly عرض المشاركة
تعا أحكيلك شو عم ساوي أنا
يا سيدي بتقطع كهربة البيت .. بنزل عالكافي نت .. ( عندو خطين كهربا ) بتقطع عندو .. أي أي
عندو خطين واوقات بيصدف الخطين مقطوعين ... برجع بطلع عالبيت
وهيك .. كتير الوضع تسالي ...
لأ والمشكلة انو ما عاد فينو الواحد يتفائل
لأنو كل مالون عم يزيدوا
قريبا ً رح تصير تقطع 12 ساعة باليوم
بعدين ما عاد منشوف الكهربا ...
صارت ... لك اي صارت يا ميمو اليوم وحياة الغالي سعدو
انو اليوم عندي 12 ساعة انقطعت
شوفوني ما احلاني
كيف صارت الواني
لك اخخخخخخخخ

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 01/08/2007   #15
شب و شيخ الشباب syrianheart
عضو
-- أخ لهلوب --
 
الصورة الرمزية لـ syrianheart
syrianheart is offline
 
نورنا ب:
Jul 2007
المطرح:
اللاذقية
مشاركات:
105

افتراضي


يا جماعه . . . طولوا بالكن

ماسمعتو قال التنفيخ مفتاح الفرج


يلا كل واحد يشتري باكيت دخان أو hubble bubble ويروح ينفخ


يعني لا وزير الكهرباء رح يرد عليكون ولا حدا لهيك خلص

عوجـــــــــااااااااااااا ااااااااااااااااااااااااا ااااااااا
  رد مع اقتباس
قديم 01/08/2007   #16
صبيّة و ست الصبايا فيروزة
عضو
-- مستشــــــــــار --
 
الصورة الرمزية لـ فيروزة
فيروزة is offline
 
نورنا ب:
Jul 2005
المطرح:
قلب العاصمة دمشق
مشاركات:
3,171

افتراضي


الكل عم يشكي من قطع التيار الكهربائي بس ليش عنا ما عم تنقطع

وما العمر إلا لحظات تمضي كالأحلام
  رد مع اقتباس
قديم 01/08/2007   #17
شب و شيخ الشباب ما بعرف
عضو
-- زعيـــــــم --
 
الصورة الرمزية لـ ما بعرف
ما بعرف is offline
 
نورنا ب:
Feb 2006
المطرح:
بالمحل وجنب المحل
مشاركات:
1,676

إرسال خطاب MSN إلى ما بعرف إرسال خطاب Yahoo إلى ما بعرف
Cool


اقتباس:
كاتب النص الأصلي : فيروزة عرض المشاركة
الكل عم يشكي من قطع التيار الكهربائي بس ليش عنا ما عم تنقطع
ليش وين ساكنة بحارة ايا مسعول .... عفواً خطأ مطبعي مسؤول

طـــاب المجوز دكلُو يا بو عبـــود.............ماحلا رقص الحجية وتهز نهـــود

..<< لمن تشتكي حبة القمح اذا كان القاضي دجاجة >>..

"We ask the Syrian government to stop banning Akhawia"
  رد مع اقتباس
قديم 01/08/2007   #18
صبيّة و ست الصبايا فيروزة
عضو
-- مستشــــــــــار --
 
الصورة الرمزية لـ فيروزة
فيروزة is offline
 
نورنا ب:
Jul 2005
المطرح:
قلب العاصمة دمشق
مشاركات:
3,171

افتراضي


اقتباس:
كاتب النص الأصلي : ما بعرف عرض المشاركة
ليش وين ساكنة بحارة ايا مسعول .... عفواً خطأ مطبعي مسؤول
ليش لازم يكون بيتنا بحارة مسؤول حتى ما تنقطع الكهرباء
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 20:25 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13252 seconds with 13 queries