شكراً أخوية

[rawad]

بعد أيام وسنين.. بعد صيف وشتاء.. بعد سفر وترحال.. بعر فشل ونجاح..وبعد وبعد....
تنظر إلى الخلف مسترقاً لحظة ذكريات
لتعيدك إلى أيام كانت حلوة بكل ما فيها.. لتعيدك إلى أيام اللهو الكثير والعمل القليل
لتعيدك إلى الطفولة ولامبالاة الطفولة.. لتعيدك إلى حقول الضعية وأصدقاء الضيعة وحب الضيعة
لتعيدك إلى مقعد المدرسة ودفاترك المدرسية..
وتعود من أسفارك الزمنية هذه لتتنهد وتقول ليت الزمان يعود..
فشكرا لأخوية لأنها فعلاً أعادت الزمان وجمعتنا في صف واحد أولاد ضيعة واحدة كبيرة بمحبتنا لها صغيرة على الخارطة,
أعادت جمع طلاب مشتتون في بقاع الأرض مجتمعون على المحبة.
أعادت شعور التلميذ في صف تعرف كل من فيه, فتصفق لهذا وتتقصد ازعاج ذاك..
تتقرب من هذه ولا تعجبك تلك.. تغضب لكلام هذا و وترد على كلام ذاك..تبدي سؤالاً هنا وجواباً هناك......
والاستاذ يصلح بين هذه وذاك وينبه هذا ويوضح لتلك......
فشكراً أخوية... وشكراً مشرفين أخوية.. وشكراً لمالك أخوية
ودامت المحبة

[Willi]

والاعضاء ما الهون شكر؟؟
انا من عندي شكر كبييييييييييييييييييييييي ير لكل اعضاء المنتدى

[layla]

كاتب النص الأصلي : Willi

والاعضاء ما الهون شكر؟؟
انا من عندي شكر كبييييييييييييييييييييييي ير لكل اعضاء المنتدى

ياويلي المنتدى بدون اعضاء مو منتدى وبدون مشرفين بيصير شوربا يعني كلنا سوا بتصير اخويـــــة وشكرا لرواد عالكلام الحلو

[Willi]

اي اكيد
بس هوي كتب شكر للمشرفين
قلت مافي داعي عيدها
لعمى شو طماعة بدك شكرين؟؟

[rawad]

كاتب النص الأصلي : Willi

اي اكيد
بس هوي كتب شكر للمشرفين
قلت مافي داعي عيدها
لعمى شو طماعة بدك شكرين؟؟

لك يا willi
هدا اسمو تمسيح جوخ تعلم بقا
انتو الشعب يعني ما بتفيدوني بشي بس هنن المسؤولين بفيدو يا أخي
وشكرا على مرورك لا تزعل

[Willi]

اي بس افترض حدا من الشعب صار شي يوم مسؤول
بتكون قلت يا ريتني عملت هيك

[hala]

شو ابو الرود صاير يطلع معك
بس لسا بدك كتير لتصير تكتب متلي