سد بوزك .. لعمى شو امبريالي وعميل ..

[Tarek007]

سد بوزك .. لعمى شو امبريالي وعميل ..





.. مقالات واراء

أدين توقيف المدعو فلان ، واشجب منع سفر علتان ، واقسم بان اصدر في اليوم اكثر من بيان ، وان ارفع بدل الأحمر والأسود والأبيض والنجمتان ، لافتة تنادي ( ولو في الصين ) بحقوق الإنسان ، واحتج حتى على المخالفة التموينية واقف مثل السنجق عرض لكل دورية ..وأناطح النظام عل الفاضي وعل المليان ..



ورغم أني اتكلم ليل نهار واطبع النشرات وارسل الفاكسات والايميلات .. سيول .. انهار .. شلالات اعلى من شلالات نياغارا واصبحت معْلَماً سورياً يؤمه الأجانب دعما للسباحة ضد التيار .. اطالب بحرية التعبير واخط العرائض واجمع التواقيع رغبة في دخول كتاب غينيس للارقام القياسية .. الشعب السوري يريد حقوقه المدنية ..



( متحدث 2 ): ليس مهمٌ ماذا تقررون ، لا يهم ماذا تفعلون .. تذهبون بمسؤول وتأتون بآخر .. تغيرون وزير وتعيدون تشكيل وزارة .. اشتراكيون .. كنتم ام تحولتم .. اصلحتم ولا عنكم ما اصلحتم .. اصبحتم او كنتم .. لا يهمنا نياتكم .. ولا يهمنا اعمالكم .. ولو جلبتوا لنا لبن العصفور .. الشعب السوري يريد تغيير النظام ..



( متحدث 3 ) :نحن الأكثرية وبدكن تعددية ، نحن يلي عنا تعددية سياسية واما عن ماضينا فعفى الله عما مضى ونحن اولاد اليوم .. ورغم اننا اسلاميون سنعمل على سورية ديموقراطية ونترك لكم الحرية في اختيار نوابكم في مجلس الشورى . .ورغم اننا متشددون لكننا اليوم نذرف دموع التماسيح .. ولحتى نعيشكن احلى عيشة .. عيشوا حياتكن كلوا هبمرغر او حتى العبوا فيشة .. وبهذا الخطاب نكسب .. ومن اختيار خطنا ما في مهرب .. الشعب يريد دولة نعيش فيها إخوة مسلمين ..



( متحدث 4 ) :الفرد منا حر فيما يعيش ، الفرد منا حر فيما يعتقد ، وله ان يختار من بوذا الى نانسي عجرم ، وله ان يلعن من بوش الى جبران تويني ، الحرية الفردية مقدسة ، حتى ولو لبسنا الكنزة بنطلون .. وليس من احد يستطيع أن يملي على الفرد عكس ما يريد ويجعله يعمل بما لا يعتقد .. حتى ولو اعتقد بالشياطين .. الفكر والعقل البشري فوق كل شيء .. فوق النخل فوق .. ومدري طالع خدك او طالعة رجلك .. انا حر وانتِ حرة منجيب حر صغير .. الشعب السوري يريد الليبرالية ..



( متحدث 5 ) :سد بوزك .. لعمى شو امبريالي وعميل .. الغلط بالتطبيق ( يمكن بيقصدوا تطبيق البنات ) وليس بالفكرة .. وعطونا شي مائة سنة لحتى نثبت يلي فاتنا بالماضي .. بكرة . . ، والكل سواسية مثل اسنان المشط والمحراث والناكوشة ومكنسة الجيران .. والطويل نقصه بالمنجل او ندكه بالمطرقة ، والقصير منحط تحتو سنديان .. وابشروا طال عمركم وعمر اولادكن وليحيا ماركس ولينين وستالين .. واذا كان غرباتشوف فرط الاتحاد السوفييتي .. نحنا يلي رح نجمعو .. الشعب السوري شيوعي ولن يحيد ..



( متحدث 6 ) :ايه بلا علاك مصدي انت وياه الحكي ببلاش .. وطالبوا سيدي يا مرحبا بمطالبكن .. ولك .. سا وسي وسوف وسوف وسامي وسعسع .. ، وسا .. حلوة كتير بتحكي عن المستقبل ( يلي صار ضدنا بعد موت الحريري ), وباعتبار سا ننفذ كل مطالبكن بالمستقبل .. فالمستقبل الكن لشو زعلانين .. ونحن يادوب النا الحاضر .. وكل يوم رح نوعدكن بكره .. وهيك القسمة عادلة ، اليوم النا وبكره الكن .. طلعنا خالصين .. الشعب السوري يرد امة عربية واحدة ذات رسالة خالدة ..



وانا هلق فقت من النوم .. وباعتبار الحكي باسم الشعب السوري في بلدنا ما بدو تفويض .. وكل واحد عم يحكي على كيفو .. وانا هلق جوعان .. وصرلي شي تلاتين سنة ما اكلت لحمة .. اطالب باسم الشعب السوري .. باللحمة على ان تكون غير مستوردة ( يعني تكون لحمة وطنية ) .. والكل معزومين ..



نضال معلوف
syria-news.com

[gevara]

حلو كتير الحكي نسيت الحزب القومي السوري وحركةمناهضة العولمة لازم تشوف كيف بحكيوا باسم الشعب ........... والله يكون بعون هالشعب واكيد مش قصدي ميشيل عون قصدي الله يساعد هالشعب ويطعمي لحمة ليشبع
: جيفارا

[Tarek007]

تحياتي غيفارا...شكراً للمتابعة


الله يخلينا ناكل ....لنشبع :P