-I ليش البنات م بحطو صورن بالمنتدى ؟! I-

[أبو شريك]

يسعد مساكم يا رب شباب وصبايا ..

ولاد وبنات ..

كبار و صغار ..

ختايره وعجايز ..

زناGـيل ومعترين ..

أكابر ومبهدلين ..

ولاد عالم وناس .. و ولاد ............. .............. المهم

بصراحه أنا م بحب احكي كتير .. هيك الله خلئني ..

الله وكيلكم أحيانا بضل 3 و 4 دئايئ ساكت وبدون م افتح تمي بحرف ..

يعني هالهدوء والسكنيه والوقار شي مو بايدي ولا برجلي ..

ومشان هيك م بحب المقدمات .. و م بحب اللت والعجن .. مع أني بحب الفطاير ..بس هيك طبعي ..!

لذا رح فوت بالموضوع وبدون مقدمات .... بدون مقدمات ها ..

ورح اختصر كلامي كتير حفاظا على وقتكم الثمين والغالي والعزيز واللي بعتبرو متل أخي فرد شكل ..

[ الموضوع - السؤال - الاستفسار ] موجه بالدرجه الأولى للـ [ صبايا - البنات - الاخوات - المدامات - الستات - السبعات ... إلخ ] واللي هوه :

شو بيمنعك تحطي صورتك بالمنتدى أو بالمسنجر ؟

بس ئبل م حدا يئول عني نسونجي وعم بدعي للتحرر والانفلات الاخلاقي والامني .. بدي وضح أنو مو الهدف شي من هالشي .. كل الموضوع وما فيو أنو بدي أعرف رأي الصبايا بالموضوع .. والأساس اللي مبني عليه رأين ؟؟

طبعا الموضوع موجه للأخوات المسلمات بالدرجه الأولى .. وبالدرجه التانيه لجميع الاخوات .. بس بتمنى م يتم تهجم من حدا على دين حدا تاني .....وإلا

انتو م بتعرفوني إذا عصبت شو ممكن اعمل ...!

>>>> وشو ممكن تعمل يعني ؟

يعني ممكن اعمل ...... مممممم ممممممممم ....... لك خلص بلا إحراج من عند هالصبح

[فراشة]

يلله معلش استنى شوي عبين مايجيك المنسق او المشرف وينتعلك موضوعك على السقيفة
بلله هيك موضوع بينحط بالمنبر
عم اشتغل مساعد منسق انا ..لاتزعل

[أبو شريك]

آآآه .. عالسقيفه ؟؟!


هلىء السقيفه تعتبر قسم الكراكيب .. مو ؟


لا توخذينا فراشه .. بس لساتني عضو جديد .. و اسامي الاقسام غريبه شوي علي .. ومو بئصدي ............. دنا غلباااان

[marioma alghzayala]

هلق بشرفك ابو شريك .ايدي على راسك ......هادا موضوع عليه القيمة ؟؟؟

عم اشتغل مساعد منسق انا ..لاتزعل

الله يكتر من امثالك

[ظل جيفارا]

والله ما عندي غير اقتبس رد الاخت مريومة المدري شو بإنو

هلق بشرفك ابو شريك .ايدي على راسك ......هادا موضوع عليه القيمة ؟؟؟

بربك هيدا حكي بتحس انو خرج ينحط مع مواضيع المنبر الحر
حسبنا الشعب ونعم الوكيل
لا حول ولا قوة إلا بالشعب
أخوكم بحب
ظل جيفارا

[أبو شريك]

ايدي على راسك

.. واااااااو

هادا موضوع عليه القيمة ؟؟؟

[أبو شريك]

كاتب النص الأصلي : ظل جيفارا

بربك هيدا حكي بتحس انو خرج ينحط مع مواضيع المنبر الحر

لك يا عالم .. ياهوووو .. يا هوتميييل ... انا عضو جديد .. عضو جدييييييييييد .. شبكم !؟؟


يعني كفرنا وحطينا الموضوع بالمنبر .. وخير انشالله شو يعني منبر !؟؟



هلئ اعتراضكم على القسم ؟ ولا على الموضوع ؟؟ وعلى على التنين !؟؟

[marioma alghzayala]

سيدي اول شغلة : الموضوع مو بمحلو
تاني شي : شو هالموضوع ؟؟ ....ليش انت ما بتحط صورتك .....

[بيسان الحلوة]

انا الي بيمنعني اخوتي هيهيهيهيهي

[ظل جيفارا]

ههههههههههههههههههههههههههههههههههه
خيو ما عنا اعتراض على الموضوع كموضوع انتا حر نزل اللي بدك اياه والناس حرة بترد على اللي بدها اياه
بس الفكرة ليش هون يعني شو دخل الموضوع بالمنبر الحر
بربك أنتا قريان شي موضوع من المنبر الحر
بربي لو قريان ما كان إلك عين تحط هيك موضوع
ولو صحصح خيو انتا شربنا نسكافه اليوم الصبح اكيد لأ
اخوك بحب
ظل جيفارا

[فيروزة]

ليش بدك البنات يحطو صورهم ؟ ما في داعي
ليش انت حاطط صورتك ؟

[arwad_2000@yahoo.com]

لا تزعلو انابحط صورتي

[أبو شريك]

ولو صحصح خيو انتا شربنا نسكافه اليوم الصبح اكيد لأ

حطيت ايدك عالجرح ..
للأسف أنا م بحب النسكافيه .. يعني م رح صحصح ..
مافي أمل مني .. خلص

ليش انت حاطط صورتك ؟

اي .......... بس شو دخل سؤالك بالموضوع بالقسم ...؟! >>>>>>> انعديت من الشبيبه

سيدي اول شغلة : الموضوع مو بمحلو

خلص توبه ..
بوعدك المره الجاي أنو ئبل م طج الموضوع اعملي زيارة لكل الاقسام وشوف كل قسم شو فيو وشو مافيو ..
وبعدين بحط بعمل استفتاء وباخد رأي الجمهور بأنسب قسم ممكن حط فيه الموضوع ..
وبعدين ببعت رساله خاصة لكل مشرف وبسألو إذا هالقسم بينفع لهالموضوع ؟ ولا وجود هالموضوع بهالقسم رح يأثر على الوضع الامني لهالقسم ؟!
وبعد م اجمع آراء الشعب والحكومة .. رح صلي استخارة واطلب من ربي يرشدني للطريق الصح ..
وآخر شي رح رح ودّع اهلي واطلب رضا ابي وأمي .. ورح اتوكل على الله وحط الموضوع ..

بس الفكرة ليش هون يعني شو دخل الموضوع بالمنبر الحر

بربك أنتا قريان شي موضوع من المنبر الحر
بربي لو قريان ما كان إلك عين تحط هيك موضوع

لك الله وكيلك م عاد إلي عين اطلع بوش حدا ..... حطيت موضوع مو مناسب للمنبر ...... يا عيبووووووو
والله نــدمــــــــان



هلىء بالنسبة للموضوع .. خلص انسوه يا جماعه .. غلطة وندمان عليها ..
بس لحتى برّي ذمتي .. رح وضح ليه حطيتو للموضوع :
أول شي وحياة كل غالي عندي .. مو الهدف انو البنات يحطو صورن بالمنتدى ....... يعني بصراحه م بدي اطفش كل م فوت عالمنتدى ..
بس اللي صار أني كنت عم بحكي مع صديقه عالمنسجر .. ومن حديث لحديث .. ئالتلي انو م بصير البنت تبعت صورتها لشب بتحكي معو عالمسنجر معها كان نوع علاقتن ..
فلما سألتا عالأسباب .. وأنو شو الغلط مدام كانت هي الصورة نفس الصورة اللي كل الناس عم تشوفها بالشارع وفيديو كمان .. وين الغلط ؟

ناقشتني شوي .. وبعدين ...........






لك خلص شو بدكم بالئصه انتو ؟؟؟

الفكرة أنو : [ في كتير تصرفات الناس بتتصرفا بدون أي سبب ] .. سمعانين شي بئصه القرود والموزه ؟

عالعموم شكرا لكل اللي مروا : [ فراشه - مريومه - ظل جيفارا - بيسان - فيروزة ] .. ألف شكر ..

ولا حدا يزعل .. حئكم علي .. تسرعت وحطيت موضوع مو بمحلو ... يلعن الشيطان وساعتو ..




لك يلعن هديك الساعه اللي انفتح فيه هالموضوع بالمسنجر ..
ويلعن الساعه اللي حطيت فيها الموضوع بهالقسم .. كانت باطله ومحولة ..


أنا بفرجيها لهالصديقه .. إذا م بشرب من دما م بكون أبو شريك

[nen0us]

انا حاطط صورتي هههههههه
بس عنجد يعني تعاملو مع الموضوع بجدية اكتر يمكن هو بلشو في مزح عشان ميلقاش ردود قاسية..
مع انو لقيها هههههههه
يريت انا حابب اعرف شو اساسها كمان..
للبنت الي ما بتخاف يعني.. وبتستحيش من هاي الناحية..
قصدنا شريف واللهي..
ولي مش حابة.. زي مبدها.. لايش تعقدوا هل موضوع يا جماعة هههههه
(اما بالنسبة للقسم الي بنحط فيه الموضوع انا مدخلنيش بفهمش فيها ههههه)

[ميستي]

انا شايفه الموضوع غير التعليق هيك انا شايفه واذا اني غلطان نبهوني
شبكن على المنبر ولا على غيرو المهم الولد نزل الموضوع

خطي سامحوة بقا


المهم يا خيو المووضع بغايه البساطه ومو بغايه الاهميه زي ما ببتصور
البنت ما بتحب تحط صورتها على المسنجر ممكن بتخاف حد يشوفها من اللي ما بستاهلوا يشوفوها
او ممكن يجيه العقل الجناني وينشر صورتها بالنت وووووووووووو بعدين كمل لحالك

بس لازم البنت تخاف على حالها
هاي انا بوجه نظري

[nen0us]

وهاي جواب.. هيك من اول عشو طنطنطوها ورنرنتوها يا جماعة..
تسلمي اختي ميستي

[ميستي]

كاتب النص الأصلي : أبو شريك

ولا حدا يزعل .. حئكم علي .. تسرعت وحطيت موضوع مو بمحلو ... يلعن الشيطان وساعتو ..




لك يلعن هديك الساعه اللي انفتح فيه هالموضوع بالمسنجر ..
ويلعن الساعه اللي حطيت فيها الموضوع بهالقسم .. كانت باطله ومحولة ..


أنا بفرجيها لهالصديقه .. إذا م بشرب من دما م بكون أبو شريك

لك صالحوه مشان الله
الواد ده هلا بصير يبكي

حرام خطي

[ميستي]

كاتب النص الأصلي : nen0us

وهاي جواب.. هيك من اول عشو طنطنطوها ورنرنتوها يا جماعة..
تسلمي اختي ميستي

ما فهمت عليك بصارحه

بس على كل حال فهمت كلمة الشكر اللي بعتتها ليه وانا بحكيلك مشكور جدا عليها

وربنا يخليك