بحق من أخطأت ؟ و يمكن أن تقول له: أعتذر

[رضوان ابو فخر]

كلنا يخطئ ويصيب .
ولكن إذا أخطأنا بحق شخصٍ ما
نشعر بالذنب والشعور بالذنب مؤلم لنا
فيأتي الإعتذار- الصادق - كشكل من أشكال الاعتراف بالخطأ وتعبيرًا عن قوة الشخصية و وسيلة لغسل الروح مما علق بها من شوائب تجاه الآخر.
بحق من أخطأت؟ ويمكن أن تقول له: أعتذر !!!

[whiterose]

لاتعتبروها غرور اذ قلت اني ما اخطات يوم بحق احد

ممكن كتيرقول اسفة ومابقصد بس اني اسيء او اخطىء او اجرح للأسف مابقدر

[homam85]

حلو هالكلام يا وردة..بس لاتتأسفي انو ما بتقدري تخطئي بحق حدا!!
لأنو غيرك كتار بيتأسفوا انن ما بيقدروا ما يخطئوا بحق حدا
فانتي حالة فريــــــــدة

وبالنسبة الي لما بخطئ بعتذر بكل صراحة وبحاول عوّض..وكتار بخطئ معن لأني عصبي شوي

[حيفاويه]

غلطت بحق حالي .. بقول لحالي انا اسفه كتير

انا دمرتك بعرف

[رضوان ابو فخر]

كاتب النص الأصلي : whiterose

لاتعتبروها غرور اذ قلت اني ما اخطات يوم بحق احد

ممكن كتيرقول اسفة ومابقصد بس اني اسيء او اخطىء او اجرح للأسف مابقدر

معقوووووووووول
ولا مرة زعلت حدا منك
عن قصد او دون قصد؟
إذا هيك فأنت ملاك

[اللامنتمي]

أعتذرُ من وطني لأني غريبٌ عنه وَ أنا به

أعذرني يا وطني .. يا حُزني ,.

[توم و جيري]

لم اخطىء بحق احد ولا اندم على شيء فعلته بقناعتي .........

[رضوان ابو فخر]

كاتب النص الأصلي : اللامنتمي

أعتذرُ من وطني لأني غريبٌ عنه وَ أنا به

أعذرني يا وطني .. يا حُزني ,.

لا تعتذر لا تعتذر لا تعتذر
فيفرح من غرّبك عنه وغرّبنا
وقطع لنا تذاكر من الدرجة الأولي
كي نسافر فيه الى صمت قصيّ
لا تعتذر كي لا يفرح و ينتصر
هذا الذي تسميه حزنا
مازلنا نشذّ أزرنا به رغم الفقر.

[Reemi]

ما غلطت بحق حدا .. بنوب..

بس غلطت بحق حالي.. حطيت ثقتي بعالم .. خيبولي ظني جداً جزيلاً وطلعوا ما بيستاهلو شي ... خاب املي بحالي ...

[whiterose]

كاتب النص الأصلي : Reemi

ما غلطت بحق حدا .. بنوب..

بس غلطت بحق حالي.. حطيت ثقتي بعالم .. خيبولي ظني جداً جزيلاً وطلعوا ما بيستاهلو شي ... خاب املي بحالي ...

لاتزعلي ابدا هي الاشياء يتقوي شخصية الانسان وبتخليه يفهم ويستوعب فكرة نحنا ليش عايشين
مرت بهالتجربة وسعيدة فيها تعلمت كتير اشيا
وانا هلىء احسن من اول بكتيروصباحو

[Reemi]

كاتب النص الأصلي : whiterose

لاتزعلي ابدا هي الاشياء يتقوي شخصية الانسان وبتخليه يفهم ويستوعب فكرة نحنا ليش عايشين
مرت بهالتجربة وسعيدة فيها تعلمت كتير اشيا
وانا هلىء احسن من اول بكتيروصباحو

فعلا معك ... ع قد ما انا زعلانه ع حالي ع قد ما انا مبسوطه ... هالشغله فتحتتلي عيوني ع كتييير قصص..وتعاملي مع الناس صار كتير مختلف

[بنفسجة]

كل الاخطاء تغفر لاصحابها اذا عرفو انها اخطاء وتجنبو الوقوع بها مرة اخرى
الاعتذار اول خطوة على طريق عدم الوقوع مرة اخرى بالخطأ
انا بالنسبة الي اخطىء كثيرا واتعلم من اخطائي
لكنني دائما اقدم اعتذاري لابي وامي لاني دوما اخطىء بحقهم وهم دوما يتحملون نزواتي وجنوني

[whiterose]

كاتب النص الأصلي : بنفسجة

كل الاخطاء تغفر لاصحابها اذا عرفو انها اخطاء وتجنبو الوقوع بها مرة اخرى
الاعتذار اول خطوة على طريق عدم الوقوع مرة اخرى بالخطأ
انا بالنسبة الي اخطىء كثيرا واتعلم من اخطائي
لكنني دائما اقدم اعتذاري لابي وامي لاني دوما اخطىء بحقهم وهم دوما يتحملون نزواتي وجنوني

ايام بفضل اذا حدا اخطىء بحقي مايعتذر مو دائما الاعتذار حل لكل الامور

ايام الاعتذار بيجرح كتير

انا بحب الافعال كتير سمعنا نخبة عظيمة من الكلام
ننتظر الافعال

[Reemi]

اي صح نسيت قول... انا كتير بكره العالم تعتذرلي... بحس الاعتذار بيجرحني بزياده انو اي وغلطنا شو هالقصه اسفين .. ما بحبو بنوب

[وشم الجمال]

غلظت!!!
اي يمكن غلطت مو يمكن اكيد

بس اللعنة على كل من غلط بحقي متل ما انو اللعنة علي اذا غلطت بحق حدا

اعتذار!!!شو رح بيفيد؟

[nour333]

انا اللي غلطت بحقها للأسف توفت
نفسي يجيني رسالة من العالم الآخر تقلي انها سامحتني

[Sun Shine Art]

غلط بحق حالي كتير كتير ..وغلطت بحق ناس بس بدون أذى

[fernanda bachchan kfoury]

الحمد لله ماغلطت بحق حدا