أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > رسم و تصوير

إضافة موضوع جديد  إضافة رد
 
أدوات الموضوع
قديم 12/07/2008   #19
صبيّة و ست الصبايا MaTyA
عضو
-- مستشــــــــــار --
 
الصورة الرمزية لـ MaTyA
MaTyA is offline
 
نورنا ب:
Dec 2007
مشاركات:
2,055

افتراضي


اسم الله يا ئمرنا ، بدنا ندء ع الخشب يابا

كتير عم تفيدنا بهالموضوع..
يعني انا بحس انو عندي فن التصوير لهيك حابة فوت بهالمجال خاصة اني بحبو

بتسمحلي بسؤال سألتو لحدا "ما مختص تصوير" لهيك ما لقى اجابة اكيدة

فـ بسألك ياه بـ حـُـكم معرفتك بالتصوير :

في كاميرا الديجيتال ، الواقي للعدسة من اشعة الشمس ،
بس من شأنو حماية العدسة من اشعة الشمس (نظراً الى انو الاشعة بتخربها) ، ولا كمان الو تأثير معين على الصور ؟؟؟

يعني اذا كنا عم نصور واشعة الشمس جاية على العدسة بشكل حاد وما حطينا الواقي للعدسة ،
ممكن تطلع الصورة ما مزبوطة او فيها مشكلة نتيجة هالشي ولا ما بيأثر على الصور " كـ شكل وهكذا..."

وطولت عليك..عم نعذبك معنا

الك

دائمًا في امل .
  رد مع اقتباس
قديم 13/07/2008   #20
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


ش
واقي العدسة .. يعني فيكي تئولي .. انو ماكتير بستهضمو . هاذا من لفة .

من اللفة التانية .. بئلك .. اذا حطيتي الإعدادات والقيم المناسبة .. وبلوئت المناسب . ( الوئت المناسب . يعني حسب الساعة . 12 الضهر 2 الضهر 10 الصبح . ) يعني لازم يكون عندك . فكرة . عن الوضعيات . و القيم المناسبة .

بس


هون بتجي نئطة . ( و هون أنا ماتطرئت لـ موضوع الواقي بتاتاً . شنو لأنو مابستعملو ) مو تاخديا عادة . يعني مو والله . ايمت ماعن عبالك تصوري الشمس . تئومي طوالي طاجيتيا صورة . هئ . لأنو وبهذة الطريقة . بتكوني عمـ تئصري من عمر الحساس / حساس الضوء . لأنو بمعلومك . هيـ شمس . والجو حرائي برا . وشوب . فا ركبي كوندشن . نسيحة .

هادا عداكي عن انو . اذا صار نتوفة غلط .. فا منو العوض وعليه العوض . باي باي ماي كمرا . وئعدي عاد عـ شجب وندب .

وطبعاً . ولازم تكون سرعة الشتر سريعة . وفتحة العدسة ضيقة . أو صغيرة . وكلو بيرجع للوئت . ضهر أو صبح . يعني حسب المنظر .

وو

بئلك من هون

ولااااااااو .

اقتباس:
كاتب النص الأصلي : matya عرض المشاركة
الك
وووصلت


إذا أنصت قليلاً ........ فسوف تسمع صوت السنافر

عفكرة ... حمص أنا حاميها
  رد مع اقتباس
قديم 13/07/2008   #21
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : The morning عرض المشاركة
فاللي جايه عبالو يجـبلي ياها يراسلنـي بخبرو كـيف
نسيت ئلك

حلّي عني

وبلإضافة انو

أحلامنا بئت دخّان ..

دخّاان

.
  رد مع اقتباس
قديم 13/07/2008   #22
صبيّة و ست الصبايا MaTyA
عضو
-- مستشــــــــــار --
 
الصورة الرمزية لـ MaTyA
MaTyA is offline
 
نورنا ب:
Dec 2007
مشاركات:
2,055

افتراضي


اقتباس:
كاتب النص الأصلي : شوط ياقمر عرض المشاركة
يعني مو والله . ايمت ماعن عبالك تصوري الشمس . تئومي طوالي طاجيتيا صورة .



يا ئمرنا..ما عم قلك صوّر الشمس..عم قلك صور بالشمس


يعني لاشرحلك قصدي..لما انا بدي صور حدا برا البيت..بالساحة..بالبستان الخ...
والتصوير بفترة الظهر ، وبهالفترة اشعة الشمس حادّة ومافي ( اي سي ) برا ..

بهيك حالة ، اذا ما بحط واقي للعدسة هل ممكن اشعة الشمس تنعكس على العدسة بطريقة تخرّب الصور ؟!

يعني خلينا نقول اذا بنحط واقي ممكن تطلع الصور احلى نتيجة انو اشعة الشمس ما وصلت للعدسة بنقاط معينة وباسلوب معين بسبب الواقي .. يعني هيك بقصد..انو الواقي الو تأثير معين ع الصورة..بغض النظر عن اهميتو لحماية العدسة ولا ما الو تأثير؟

وصل يابا؟
  رد مع اقتباس
قديم 13/07/2008   #23
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
سرعة الغالق shutter speed . وفتحة العدسة aperture (F-stop) .
الغالق هو حاجز ميكانيكي يفصل بين العدسة . والفلم أو حساس الضوء . ومهمته هي السماح للضوء القادم من العدسة بلوقوع على الفلم أو حساس الضوء . ومع إمكانية تحديد المدة والسرعة ( كم من الوقت سيبقى الفلم / الحساس معرضاً للضوء ) حيث يفتح ويغلق . لمدة زمنية يتم تحديدها من خلال سرعة الغالق .


وتقاس سرعة الغالق بـ الثانية أو أجزاء من الثانية .
سرعة الغالق 1/125 ث . سوف تعرض الحساس للضوء لمدة جزء واحد من 125 جزء من الثانية .
تعمل سرعة الغالق بكسور الثواني . تبداأ ( عادةً ) من نصف الثانية 1/2 والسرعات الأعلى تتوالى بنصف السرعة التي قبلها :
1/2ث . 1/4ث . 1/8ث . 1/15ث . 1/30ث . 1/60ث . 1/125ث . 1/250ث . 1/500ث . 1/1000ث . 1/2000ث . 1/4000ث . 1/8000ث .

أما سرعات الغالق البطيئة فتمثل في الثواني . مثل ثانية واحدة . ثانيتين . 4 ثواني . 8 ثواني . وحتى دقيقة كاملة .
سرعة الغالق المثالية تعتمد على موضوع التصوير . خيث عند استخدام سرعة شتر . بطيئة . ستحتاج إلى حامل ثلاثي أو نظام تثبيت الصورة is .

اذا أردت تجميد الصورة ( مثل التصوير الرياضي ) فتحتاج إلى سرعة 1/250ث . أو أكثر . لكن ليست كل أوضاع التصوير تحتاج إلى سرعات عالية . مثلاً : عندما تتابع سيارة منطلقة بآلة التصوير . فإن إستخدام سرعة شتر منخفضة . ستعطي للخلفية تأثير ضبابي يوحي بالسرعة
حبيب ... في مجال تشرح اكتر .. بالنسبة للسرعات

وهي لعينيك ازا ما شرحت رجعها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 13/07/2008   #24
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : matya عرض المشاركة
يا ئمرنا


اقتباس:
كاتب النص الأصلي : matya عرض المشاركة
وصل يابا؟
ميمو
عنجد انا معزور . ضياع انا .. وكتير .. وحالياً
بس
مافي أظبط من الصور النهارية . والي بتحدث بـ ضوء الشمس . وهون .
بيرجع كلشي لحسب المنظر المراد تصويره . واذا أشعة الشمس جايي مباشرة علعدسة .. بتعطي جمالية مابعدها جمالية للصورة . بس مع سرعة شتر بطيئة وفتحة ضيقة .
وانى بتئزي علمدا البعيد . فا اي بتأزي .. بس خدي عـ عمر ..
بتأزي الحساس . مو الصور . طبعاً .
الصور اذا كنتي حاطا سرعة شتر بطيئة . يعني في ضوء فايت علحساس زايد عن حدو . بتنحرق الصورة فقط لاغير .
واأيا واقي كان .. أو فلاتر .. بتأثر عجمالية الصورة . بس مابتنأفش بلسهل .

اي وهيك

  رد مع اقتباس
قديم 14/07/2008   #25
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : M i i i D O عرض المشاركة

حبيب ... في مجال تشرح اكتر .. بالنسبة للسرعات
شوف عم .

الكمرا عبارة عن مايلي :

عدسة . شتر . حساس . مو ؟

العدسة معروف شو شغلتا . بيجي بعدو قطعة بلاستيكية . تسمى الشتر shutter. بيجي الضوء الداخل من العدسة . لوين ؟ .. علشتر . مهمته . هوي انو يفتح ويسكر . مشان يسمح للضوء . بلدخول إلى الحساس أو الفلم . لتخزين الضوء ( الصورة ) الآتية من العدسة . وبمدة معينة . تتحكم فيها يدوياً . وبلنسبة للسرعات يلي كتبتا . فا ماتاخدا بعين الإعتبار و تعمما عـ كل الكمرات . كل كمرا وئلا دوزانا وعئليتا الخاصة للشغل . بس نفس المفهوم . ألا وهو وحدة القياس تقاس بالثانية وأجزاء الثانية . مثلاً فيني خلي الشتر مفتوح دئيئة . بهلحالة . تخيل كمية الضوء الداخلة إلى الحساس ( علغالب تستعمل ليلاً . وئت مابكون في ضوء كافي . فا الدئيئة مدة كافية للسماح لأكبر كمية للضوء بلدخول إلى الحساس ) . وفيني افتحو 1/8000 جزء من الثانية . يعني شي انو .

وهون انتا وعيتني عـ نئطة . اني ماشرحت فتحة العدسة وقيمها . وشغلتها علمزبوط

اقتباس:
كاتب النص الأصلي : M i i i D O عرض المشاركة

وهي لعينيك ازا ما شرحت رجعها
وهاتا

ولااه .
  رد مع اقتباس
قديم 14/07/2008   #26
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


وصلت الفكرة حبيب فا .... ثانكيو

اقتباس:
وهاتا

ولااه .
رجعها ... ما وصلت الفكرة
  رد مع اقتباس
قديم 18/07/2008   #27
صبيّة و ست الصبايا MaTyA
عضو
-- مستشــــــــــار --
 
الصورة الرمزية لـ MaTyA
MaTyA is offline
 
نورنا ب:
Dec 2007
مشاركات:
2,055

افتراضي


شكرًا يا ئمرنا ع الشرح


هلأ خلصت وبس؟ ولا لسّة في اشيا ما حكيتها؟
  رد مع اقتباس
قديم 18/07/2008   #28
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


هئ هئ .. ماخلّصت .. وأظنلّك .. انو مابتخلص ..

يعني في دسّة . تفتيئات تصويرية .. ناطرة الأوكي مني . لـ أشلفا . بس .. نشغلت نتوفة .

عدا عن ذلك .. بنئلك ..

أهلااان
  رد مع اقتباس
قديم 19/07/2008   #29
صبيّة و ست الصبايا الفيلسوفة
عضو
-- قبضاي --
 
الصورة الرمزية لـ الفيلسوفة
الفيلسوفة is offline
 
نورنا ب:
Jul 2007
المطرح:
::بعيون ستي وفوق القمر::
مشاركات:
458

افتراضي


اقتباس:
التصوير مو بس فئشة زر وتروك البائي لربك .
...it works sometimes you know

متابعة وبقوة بس انو لو فيك تدعم شرحك مع صور it will be great..

ثانكس معلم..شوط يامووون..

..HIJAB MY RIGHT MY CHOICE MY LIFE

..TERRORISM HAS NO RELIGION

عشنا قد ايه..?. باقي قد ايه..?. يبقى بس ليه نشغل بالنا ..!!
  رد مع اقتباس
قديم 19/07/2008   #30
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


عل عافية زعيم
شرح جميل و جيد و دقيق

"أوقفوا حجب أخوية في سوريا"
-------------------
يا نبع المحبه.... عينك عَ وطنا
-------------------
فلتحيا سوريا للأبد
واكسيرها للخلود سيكون دماء محبيها ..
-------------------
ساعدنا في الاشراف... استخدم زر المشاركة العاطلة
  رد مع اقتباس
قديم 19/07/2008   #31
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : الفيلسوفة عرض المشاركة
...it works sometimes you know

Yes i know .. That




اقتباس:
كاتب النص الأصلي : الفيلسوفة عرض المشاركة
متابعة وبقوة بس انو لو فيك تدعم شرحك مع صور it will be great..

ثانكس معلم..شوط يامووون..

يمكن لأنو لساتنا بلهين البسيط .. هيك صار .


بس .. آي برمس .. بشواربي .. نكست تايم .. رح يكون مفّصل بلصور .



كيفني معك .. أبهة ما .. أبهة .



  رد مع اقتباس
قديم 19/07/2008   #32
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : sezar عرض المشاركة
عل عافية زعيم
شرح جميل و جيد و دقيق
ضيعتك بتعرفا ...


عراسي


  رد مع اقتباس
قديم 28/07/2008   #33
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


أهمية قيمة سرعة الغالق وقيمة فتحة العدسة

لمعرفة هذين المفهومين والقيم المناسبة التي يجب استخدامها لكل منهما . أهمية جوهرية عند إلتقاط الصور . إذ تفرض عليك أوضاع التصوير المتنوعة إختيار قيم تسمح لآلة التصوير بتحقيق التعريض exposure المناسب لتكوّن الصورة .. كما يجب أن نعرف أن قيمة أي منهما تؤثر على الآخر .

فعندما تكون الإضاءة منخفضة في المشهد ( غياب الشمس .. الظل ) فإنك بحاجة إلى إستخدام فتحة أوسع للعدسة ( f2 .. f4 ) لتمكين أكبر قدر من الضوء للنفاذ . كما قد تضطر أيضاً . إلى تقليل سرعة الشتر الغالق ( مثل 60/1 ث ) وذلك لزيادة مدة تعرض الحساس أو الفلم للضوء .

كيفية إختيار القيم المناسبة

توفر آلات التصوير أوضاعاً modes . للتحكم عند التصوير . ويمكن التبديل بينها من خلال قرص في أعلى الآلة .. أشهر الأوضاع :



الوضع p : إختصار لـ program . وهو الوضع التلقائي . ( اوتوماتيك ) حيث تختار الكمرا القيم المناسبة من فتحة العدسة وسرعة الغالق الشتر . بناءً على المشهد المراد تصويره . وفي الآلات الرقمية تتغير القيم بإستمرار عند تحريك الكمرا نحو مشاهد مختلفة الإضاءة . ( اذا كنت مستعجل .. بيجي دوا .. أو خود تكسي )

الوضع A : إختصار لـ Aperture : وهو وضع أولوية فتحة العدسة . حيث يمكنك التغيير بقيم فتحة العدسة . بينما تقوم الكمرا بضبط سرعة الغالق الشتر بلقيم المناسبة . بناءً على إختيارك لـ قيمة فتحة العدسة .

الوضعS إختصار لـ Shutter : وهو وضع أولوية سرعة الغالق الشتر . حيث يمكنك تغيير السرعة بينما تتولى الكمرا . ضبط فتحة العدسة المناسبة للسرعة التي قمت بإختيارها .

الوضع M إختصار لـ Manual : الوضع اليدوي . حيث يمكنك ضبط القيمتين بشكل منفصل . ولكن يجب الأخذ بعين الإعتبار التناسب بين القيمتين . فمثلاً . لابد من إختيار فتحة عدسة كبيرة عند إختيار سرعة غالق شتر عالية .. وهيك .

وهناك أوضاع مسبقة الضبط بناءً على أوضاع التصوير المتنوعة . كالتصوير الليلي . والمشاهد الطبيعية ....

عمق الحقل depth of field

وهو المسافة داخل الصورة بحيث تكون الأشياء واضحة وحادة التفاصيل . وعندما تكون معظم الأشياء في الصورة ( بدءً من مقدمة الصورة ثم الوسط وإنتهاءً بلخلفية ) واضحة .. فإن عمق الحقل يسمى Deep .
وللحصول على عمق حقل كهذا . يمكن ضبط فتحة العدسة بحيث تكون صغيرة ( f 8 )مع الحرص على توفر إضاءة كافية وإستخدام سرعات متوسطة أو منخفضة للغالق .
كما يمكن تثبيت آلة التصوير بإستخدام حامل ثلاثي ( تراي بود ) ويستخدم هذا النوع لتصوير المشاهد الطبيعية . والمشاهد الواسعة التي يجب أن يكون كل شيء فيها بنفس الحدة والوضوح



أما عندما يكون جزء فقط من الصورة من الصورة واضحاً . سواءً كان في المقدمة أو الوسط أو الخلفية . وبقية الصورة ضبابية وغير واضحة ( فلو )
فإن عمق الحقل هنا يكون ضحلاً shallow . وأهم ميزة في هذا التأثير هو إبراز جزء محدد من الصورة . وتمويه الأجزاء الأخرى . ويمكن الحصول عليه بإستخدام العسات المقربة . أو الإقتراب من موضوع التصوير مع إستخدام فتحات عدسة واسعة ( f2 ) مع إمكانية استخدام سرعات عالية .
ويستخدم هذا النوع لتصوير الوجوه portrait وكذلك لإبراز أشياء محددة كما في التصوير الإعلاني .



اي والله

ومابزل عليكن بحرف

..........

بنكفي سون يائمامير

وشوش اذا لئيتي الصورة .. انو بيغ نوعاً ما .. فا عليكي بها

  رد مع اقتباس
قديم 28/07/2008   #34
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


اقتباس:
كاتب النص الأصلي : شوط ياقمر عرض المشاركة


أما فتحة العدسة فيضبطها حاجز ( شبيه بقرنية العين ) يقع بين العدسة وحساس الضوء . ويحدد مقدار الضوء الداخل من العدسة إلى حساس الضوء . وهذا الحاجز مضبوط على عدة قيم قياسية . يمكن التحكم فيها إلكترونياً . والرقم الأصغر يدل على أكبر فتحة للحاجز ( مثل f-2 ) بينما الرقم الأكبر ( مثل f-16 ) يدل على أصغر فتحة للعدسة . والفتحة الكبيرة تعني دخول كمية كبيرة من الضوء إلى الحساس . والعكس صحيح .








  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 01:24 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11951 seconds with 14 queries