** قــصــة الـــصــنــدوق **

[Syrian__Angel]

هناك زوجان ظلا متزوجين ستين سنة كانا خلالها يتصارحان حول كل شيء،
ويتشاركان في كل شيء،ويسعدان بقضاء كل الوقت في الكلام او خدمة أحدهما الآخر،

ولم تكن بينهما أسرار، ولكن الزوجة العجوزكانت تحتفظ بصندوق فوق أحد الأرفف، وحذرت زوجها مرارا من فتحه او سؤالها عن محتواه، ولأن الزوج كان يحترم رغبات زوجته فإنه لم يأبه بأمر الصندوق، الى ان كان يوم أنهك فيه المرض الزوجة وقال الطبيبان أيامها باتت معدودة،
وبدأ الزوج الحزين يتأهب لمرحلة الترمل، ويضع حاجيات زوجته في حقائب ليحتفظ بها كتذكارات، ثم وقعت عينه على الصندوق فحمله وتوجه به الى السرير
حيث ترقد زوجته المريضة، التي ما ان رأت الصندوق حتى ابتسمت في حنو وقالت له: لا بأس ..بإمكانك فتح الصندوق،..

وفتح الرجل الصندوق ووجد بداخله دميتين من القماش وإبرالنسج المعروفة بالكروشيه، وتحت كل ذلك مبلغ 25 ألف دولار، فسألها عن تلك الأشياء فقالت العجوز هامسة: عندما تزوجتك أبلغتني جدتي ان سر الزواج الناجح يكمن في تفادي الجدل والنق ( النقنقة )، ونصحتني بأنه كلما غضبت منك،أكتم غضبي وأقوم بصنع دمية من القماش مستخدمة الإبر،.. هنا كاد الرجل ان يشرق بدموعه:
دميتان فقط؟ يعني لم تغضب مني طوال ستين سنة سوى مرتين؟

ورغم حزنه على كون زوجته في فراش الموت فقد أحسب السعادة لأنه فهم انه لم يغضبها سوى مرتين ...
ثم سألها: حسنا، عرفنا سر الدميتين ولكن ماذا عن الخمسة والعشرين ألف دولار؟

أجابته زوجته: هذا هوالمبلغ الذي جمعته من بيع الدمى!!!


كيف القصة .. ؟؟

[Daiski]

حلوة...
مشكورة اختي الكريمة

[Syrian__Angel]

العفو

شكرا لمرورك اخ خالدي ....

وسوري يا جماعة لانه الكلام لزق ببعضو ,, بس وقت كتبتها كان تمام ,, ولما نشرتها لقيتها هيك وكان خلص وقت التعديل

[hanny dagher]

يعني والله هالمرا ما في منا

يعني قد ما تكون معصبة لانا بتحب زوجا ما حبت تزعجو ولقت طريقة حلوة لتفش خلقا

منو ما بتزعج جوزا ومنو بتكسب قرشين

حلوة ديما مشكورة

[Syrian__Angel]

لك 100 اهلا بابو الهن ... نوّرت الموضوع

بس شو هي بتكسب قرشين !! لك هي كسبت 25 الف دولار !!!

[SABE]

شكراً عالقصة الحلوة .. ومشي الحالها زبطت و الكلمات ماعادت ملزقة ببعضها ..
بس أنا القصة كمان بعرفها غير هيك ..
سلامات ..

[Syrian__Angel]

شكرا سعيد لانك زبطتها

وشكرا لردّك ... يا هلا

[لاوديسا]

كتير حلوة يا عيني ع الصراحة و الاخلاص و الحب
بس و الله طريقة حلوة لفشة الخلق
شكرا

[Syrian__Angel]

و الله طريقة حلوة لفشة الخلق

اي كتير !!! وعلى قولة هاني ما بتزعج زوجا وبتكسب قرشين

اهلا وسهلا ببنت الاذقية

[hammoooza]

كاتب النص الأصلي : Syrian__Angel

ورغم حزنه على كون زوجته في فراش الموت فقد أحسب السعادة لأنه فهم انه لم يغضبها سوى مرتين ...

اذا باعت الدمية بعشرة دولار فأقله زعلت منو 2500 مرّة

[Kakabouda]

هلأ القصة حلوة و انحكت على عدة مواد يعني شي على رز و شي على حبوب فاصولية بس الغاية وحدي كانت ... شكراً عالقصة

[المستحيل]

مشكورة يا ديمة قصة حلوة ومؤثرة ياريت تكون كل النساء هيم مخلصات بس وين هللق بدها تعصبو بالاجباري شي بكره العمر لذا ما عم اتزوج
مشكورة يا ديمة

[Syrian__Angel]

له له يا مستحيل !! شو هي :

هللق بدها تعصبو بالاجباري شي بكره العمر

ليش لو كان هو عاقل وبيطوّل بالو عليها . ما بيصير شي .... ومافي وحدة بتحب تجيب العصبية والمشاكل لبيتها .. ما هيك ولا شو ؟!

على كل .. يا هلا بالمستحيل .. نوّرت

وشكرا لحموزة وكاكابودا ...

[المستحيل]

هلا بيكي يا ديمة ونورك اللي ضاوي بس اوقات النساء بخلو الواحد يطلع عن دينو بس مو الكل اكيد في المنيح وفي اللي مو منيح بقا الله يطعمنا من المنيح من شان ما يعصبونا
مشكورة يا ديمة

[Syrian__Angel]

اي انشالله يااااا رب الله يبعتلك وحدة بنت حلال وامورة وما بتعصبك ولا بتعوفك سماك
ولو .. كم مستحيل عنا

[المستحيل]

الله يخليكي يارب من تمك لباب السما مشكورة والله يبعتلك اللي بدك ياه انتي كمان ويوفقك مشكورة يا غالية

[Syrian__Angel]

عدنا

العفوووو .. ميرسي كتير المستحيل.. كلك زووووق

[sweetbaby]

حلوة كتير كتير
بس انا مابقدر
اذا مابفش يللي بقلبي بالحكي مابقدر