لامكان لا وطن, انتهت حقبة المسلسلات المكسيكية وحانت حقبة التركية

[bki]

لك نحن ماصدقنا ع الله لما خلص مسلسل سنوات الضياع و عملنا عرس لما بطلوا يعرضوا مسلسل نور, بس مو نحن شعب شغل هبة يعني اليوم الهبة ع المسلسلات التركية فرح يلعنوا سلافنا مسلسلات تركية لتطلع روحنا متل ماكانوا يعملوا أيام حقبة المسلسلات المكسيكية


بالله عليكن يا جماعة حدا يقلي شو بدنا نعمل, لأنو ولو ماتبعنا المسلسل رح نعرف قصتو ورح نشوف أبطالو بخلقتنا بكل مكان, فشو الحل؟؟؟؟؟؟؟؟؟؟؟؟؟؟

[اسيره الدمعه]

والله معك حق بس شوبدنا نساوي رح يحطوا لانوا المسلسلات التركيه
انتشرت واعجبت الناس كتير
وبريي التركي احلى من المكسيكي
وانا علي رح تابعوا ورح شوفوا لاني بحب الكل شي بيتعلق بتركيا
والحل يا تابعوا ياطنش يالاتفتح التلفزيون
هههههههههههههههههههههه
لانوا اذا فتحتوا رح يطلعلك دعايات عنهم
ههههههههه
الله يعينك

[اللامنتمي]

السؤال الذي يجول في خاطري

هل الدراما العربية لا تلبي رغبة المشاهد العربي ؟

وَ لهذا نلتجأ للمسلسلات المُدبلجة أو الأفلام الأجنبية

مع أنَ الدراما التي شاهدناها من خلال " سنوات الضياع " وَ " نور "

لا تـُمَثل الشارع وَ الواقع العربي

لماذا كل ما هوَ غريب عَنا نعشقه وَ نطلبه ؟

هل ذلكَ رغبة ً مِنا بـِ الانفتاح على العالم وَ المَلل منَ الواقع وَ سَوداويته

أم أنَ الفن رسالة فشلت الدراما العربية بـِ ايصالها كما يجب ؟

تحياتي

[bki]

كاتب النص الأصلي : اسيره الدمعه

والله معك حق بس شوبدنا نساوي رح يحطوا لانوا المسلسلات التركيه
انتشرت واعجبت الناس كتير
وبريي التركي احلى من المكسيكي
وانا علي رح تابعوا ورح شوفوا لاني بحب الكل شي بيتعلق بتركيا
والحل يا تابعوا ياطنش يالاتفتح التلفزيون
هههههههههههههههههههههه
لانوا اذا فتحتوا رح يطلعلك دعايات عنهم
ههههههههه
الله يعينك

إنتو الصبايا ع الغميضي بعرف إنو رح اتابعوه وبنفس الوقت عم تدوروا ع شي قناة عم تجيب مسلسلات نور وسنوات الضياع, والله موخارب بيتنا غيركن.

أما بخصوصي لك المشكلة ولو سكرنا التلفزيون رح يطلعو بخلقتنا, عطر باسمن, قمصان باسمن, قصات شعر باسمن, لك حتى فيديو كليب هن فيه, حتى بأخوية هن موجودين " فتاة سعودية تريد تعلم اللغة التركية لعيون مهند" ................................ فوتت حيط, بعينا الله

[هشام ابو شرار]

هيدا ابي في زمناتو حكالي انه الجهات الفنية استلمونا بالافلام الهندية والجيل اللي بعده استلموه بالمكسيكي عل طراز كساندرا واخواتها وبعدين اليوم موضة التركي..واسمعت من ابن الجيران بعدو عم يرضع والله انه الدفعة اللي راح يلاقيها بشبابه سلسلة مسلسلات ياباني لحتى تكمل الطبخة .....كونيتشي فاااااااااااااااااااااااا اااااااااااا!

[bki]

كاتب النص الأصلي : اللامنتمي

لماذا كل ما هوَ غريب عَنا نعشقه وَ نطلبه ؟

والله يا أخي أنا مابقتنع إلا بهالنقطة, نحن كلشي غريب عنا بقندسو وبنعبدو وبنمشي وراه,
رح قلك كم شغلة بعلم الإقتصاد وشوف تطبيقن عنا كيف.
لما بدك اتسعر منتج مستورد في بلد ما, بتسأل حالك سؤال بسيط هو بيحدد طريقة التسعير تبعك, هالسؤال هوي شو نظرة أو تقدير المستهلك المحلي بهالبلد للمنتج الغريب, فإذا كان تقدير عالي فحط السعر اللي بدك اياه ولا اتهاب, أما إن كان العكس فخفف السعر. وهيك نحن, بكلشي حوالينا, الموديل الأجنبي خارط مشطنا, وانسينا شخصيتنا, الله يسامحنا

[bki]

كاتب النص الأصلي : هشام ابو شرار

هيدا ابي في زمناتو حكالي انه الجهات الفنية استلمونا بالافلام الهندية والجيل اللي بعده استلموه بالمكسيكي عل طراز كساندرا واخواتها وبعدين اليوم موضة التركي..واسمعت من ابن الجيران بعدو عم يرضع والله انه الدفعة اللي راح يلاقيها بشبابه سلسلة مسلسلات ياباني لحتى تكمل الطبخة .....كونيتشي فاااااااااااااااااااااااا اااااااااااا!

لك والله صحيح راحت الحقبة الهندية من عبالي, والله ماتواخدني, بس بتعرف والله ياريت يحطوا أفلام أو مسلسلات يابانيا لأنو لسا هن أفضل منا بأخلاقن واحترامن للعيلة والكبير والنظام

[هشام ابو شرار]

كاتب النص الأصلي : hussienbki

لك والله صحيح راحت الحقبة الهندية من عبالي, والله ماتواخدني, بس بتعرف والله ياريت يحطوا أفلام أو مسلسلات يابانيا لأنو لسا هن أفضل منا بأخلاقن واحترامن للعيلة والكبير والنظام

هيدا ياسيدي المتنبئين الفلكيين بيقولو انه في العام 2222راح تغزو المسلسات العربية ساحل العاج وغانا وجزر القمر..ويمكن توصل لحدود الباكستان......والله اعلم

[bki]

كاتب النص الأصلي : هشام ابو شرار

هيدا ياسيدي المتنبئين الفلكيين بيقولو انه في العام 2222راح تغزو المسلسات العربية ساحل العاج وغانا وجزر القمر..ويمكن توصل لحدود الباكستان......والله اعلم

إي الله يعينن من هلا لكن, بس والله شوف أنا مو غاوي مسلسلات ولو كانت أمريكية بس يا أخي نا والشهادة لله مسلسلات سوريا أو عربية بالعموم, إي والله بتنحط ع الجرح بيطيب, أما الباقي فإنت عيني والله.

[اسيره الدمعه]

كاتب النص الأصلي : hussienbki

إنتو الصبايا ع الغميضي بعرف إنو رح اتابعوه وبنفس الوقت عم تدوروا ع شي قناة عم تجيب مسلسلات نور وسنوات الضياع, والله موخارب بيتنا غيركن.

كاتب النص الأصلي : hussienbki

أما بخصوصي لك المشكلة ولو سكرنا التلفزيون رح يطلعو بخلقتنا, عطر باسمن, قمصان باسمن, قصات شعر باسمن, لك حتى فيديو كليب هن فيه, حتى بأخوية هن موجودين " فتاة سعودية تريد تعلم اللغة التركية لعيون مهند" ................................ فوتت حيط, بعينا الله

ليش خاربين بيتكم لو الشب او الرجال مكفي مرتوا ومشبعها عواطف مابتدور وبتشوف هيك شغلات

بعدين مو شطر
دور على المسلسلات
لانوا ماصدقنا ايمتى تخلص لان الواحد لابيعرف يطلع ولايفوت وهو عم يتابع مسلاسلات مشان هيك مارح تابع هاد المسلسل
لاني رح شوفوا بعدين
عقبال الكل مسافره على سوريه رايحه روق يعني سياحه مو مسلسلات
ههههههههههههههههههههههههه ه
انت الصادق نسيت شغله هلا الشباب بحبوا لميس
والبنات مهند ويحي
ووين هالبنت الي بدها تتعلم لغه وصلها لعندي انا بعلمها
ههههههههههههههههههههه

[bki]

يا ستي الله يزيدك رواق, طاحشة وماحدا قدك. إلهي اتظلي مبسوطة دوم.

كاتب النص الأصلي : اسيره الدمعه

ليش خاربين بيتكم لو الشب او الرجال مكفي مرتوا ومشبعها عواطف مابتدور وبتشوف هيك شغلات

بس الله يسامحك, هلا الصبايا عم يتفرجوا لها السبب, يعني لو قبلنا للمتزوجات وهاد مرفوض فشو مشان العزابية؟؟؟؟

كاتب النص الأصلي : اسيره الدمعه

بعدين مو شطر
دور على المسلسلات
لانوا ماصدقنا ايمتى تخلص لان الواحد لابيعرف يطلع ولايفوت وهو عم يتابع مسلاسلات مشان هيك مارح تابع هاد المسلسل
لاني رح شوفوا بعدين
عقبال الكل مسافره على سوريه رايحه روق يعني سياحه مو مسلسلات

هلا إنتي هيك بتحكي, خلين شوفك بس ارجعتي, والله لتصيري من أشد المتابعين إلو

كاتب النص الأصلي : اسيره الدمعه

هلا الشباب بحبوا لميس
والبنات مهند ويحي

إي والله ظفر البنت السورية عندي بمال الدنيا كلو, مع احترامي للجميع وهني ع راسي, بس بنت البلد غير والله غير, ع الجمال عنا اللي أجمل من ألف نور ولميس وأرق منن وأعذب وأفهم فعشو ياحسرتي, أنا معك إنو في متل ماعم تقولي بس قدام عدد المحبات لمهند مابينجي رقم يذكر,
اشنالله ترجعي ع البلد بألف سلامة ونياللك, سلميلي ع سوريا وأهلا, أمانة

[fernanda bachchan kfoury]

لا والاضرب من هيك انو في مسلسل جديد رح يعرضوه عالام بي سي 1 بيحكي عالوطن والحب ومابعرف شو


الله يعينا
انا مابنكر اني تابعتن لهالمسلسلات التركية بس مش لدرجة التاثر

[هشام ابو شرار]

كاتب النص الأصلي : هشام ابو شرار

هيدا ياسيدي المتنبئين الفلكيين بيقولو انه في العام 2222راح تغزو المسلسات العربية ساحل العاج وغانا وجزر القمر..ويمكن توصل لحدود الباكستان......والله اعلم

بالزات المسلسلات السورية ما بتتكرر وشي عظيم على مستوى الدراما والكوميديا والتراجيديا وان من المدمنين عليها وفي بسوريا نجوم بستحقو الاوسكار وبالعشرات

[bki]

كاتب النص الأصلي : fernanda bachchan kfoury

لا والاضرب من هيك انو في مسلسل جديد رح يعرضوه عالام بي سي 1 بيحكي عالوطن والحب ومابعرف شو


الله يعينا
انا مابنكر اني تابعتن لهالمسلسلات التركية بس مش لدرجة التاثر

إي ديري بالك تكري ها متابعك ع الدعسة, مسا الخير وبيعينا الله

[bki]

كاتب النص الأصلي : هشام ابو شرار

بالزات المسلسلات السورية ما بتتكرر وشي عظيم على مستوى الدراما والكوميديا والتراجيديا وان من المدمنين عليها وفي بسوريا نجوم بستحقو الاوسكار وبالعشرات

والله أنا بشوف إنو أحياناً بيسعى البعض للكم وبينسى النوع, بس في البعض اللي بحترمو وبقدرو بيفضل النوع ع مية كم وهدول أنا بتفق معك بأنو بيستاهلو الأوسكار لأنو عندن شي بيعطوه وعم يعطوه مو ضابين اسم استاز وماشين يا أرض اشتدي ماحدا أدي.

[اسيره الدمعه]

كاتب النص الأصلي : hussienbki

يا ستي الله يزيدك رواق, طاحشة وماحدا قدك. إلهي اتظلي مبسوطة دوم.




بس الله يسامحك, هلا الصبايا عم يتفرجوا لها السبب, يعني لو قبلنا للمتزوجات وهاد مرفوض فشو مشان العزابية؟؟؟؟
والله اكترهم مشان هيك
للاسف هاد واقع محزن كتير
انوا بعد ماترتبط بشخص مايدللها او يحسسها بالحب قال يعني بيستحي
ههههههههههههههههه
عذر اقبح من ذنب
هلا إنتي هيك بتحكي, خلين شوفك بس ارجعتي, والله لتصيري من أشد المتابعين إلو



اولا انا بشوفوا ايمتى مابحب
لانوا عندي دش تركي
ههههههههههههههههه
إي والله ظفر البنت السورية عندي بمال الدنيا كلو, مع احترامي للجميع وهني ع راسي, بس بنت البلد غير والله غير, ع الجمال عنا اللي أجمل من ألف نور ولميس وأرق منن وأعذب وأفهم فعشو ياحسرتي, أنا معك إنو في متل ماعم تقولي بس قدام عدد المحبات لمهند مابينجي رقم يذكر,
اشنالله ترجعي ع البلد بألف سلامة ونياللك, سلميلي ع سوريا وأهلا, أمانة

ايوه ياعيني عليك اخيرا حد حكى شي بفش القلب اي هيك ها والله في كتير بنات احلى من ميه من الي عم يطلعوا ببلادنا

وصل شو بتحب جبلك شي معي
امانه ها لاتستحي

[bki]

كاتب النص الأصلي : اسيره الدمعه

ايوه ياعيني عليك اخيرا حد حكى شي بفش القلب اي هيك ها والله في كتير بنات احلى من ميه من الي عم يطلعوا ببلادنا

وصل شو بتحب جبلك شي معي
امانه ها لاتستحي

والله أنا بشوف إنو مو بس أنا بنشوف الصبية السورية غير, كل الشباب كمان مو مشان شي بس لأنها ملكة بكل ماتعنية الكلمة من معنى.

بخصوص رجعتك بالسلامة,الله يخليكي بس مبدي تعبك, لأنو لازم اتجيبي وترجعي تبعتي,, بس إذا مصرة, أنا كثير بحب المكسرات والموالح بس بعاني إنو بهالبلد مافي شي بيعبي العين فبضطر وصي رفقاتي من سوريا أو مصر ليجيبولي معن

بتصلي بالسلامة من جديد, بس أوعى اتقوليلي بعدين إنو عم اتابعي هالمسلسل الجديد

[باشق مجروح]

لا مكان لهيك مسلسلات من جديد . انا بشوف انو الدراما السورية اثبتت كفائتها و اهميتها . وهالدراما التركية الي غالبها ضعيف وردئ ومستهلك . انا ما رح ارجع شوفو من جديد .. لا مكان ولا وطن لمسلسلات الدرجة العاشرة .