أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > على الطــــــاير

إضافة موضوع جديد  إضافة رد
 
أدوات الموضوع
قديم 20/01/2009   #1
شب و شيخ الشباب أإأبو العبد
عضو
-- زعيـــــــم --
 
الصورة الرمزية لـ أإأبو العبد
أإأبو العبد is offline
 
نورنا ب:
Dec 2008
المطرح:
بعيــــــــــــــــد..........
مشاركات:
1,904

Talking اللهجة االلادآنية


قواعد اللغة اللاذقانية:
(1) في اللهجةاللاذقانية يحذف دائما آخر حرف في الجملة أو الكلمة إذا كانت مفردة
(2) فياللهجة اللاذقانية تمد الكلمة دائما ثلاث حركات مد لازم
(3) في اللهجةاللاذقانية تشدد دائما الكلمات في أوسطها
(4) في اللهجة اللاذقانية الأفعالالضعيفة تضاف إليها كما ( نهنه ) في أخرها مثل (اخدوهنه) (اتلوهنه) (دبحوهنه) (أبوهنه) مع كسر الهاء.
(5) كافّة الكلمات التي تحوي حرف الألف تقلب إلى واوعريضة
الكلمات
: أهم كلمة في اللهجة اللاذقانية هي كلمة عيّن ، حتى انواللادقاني بينعرف من هالكلمة، لدرجة انو مرة كان شب بإيطاليا طالع بعثة مع الجامعة،فكان بدّو يسأل واحد عربي عن شغله، فقللو: عيّن!! فسألو الزلمة: أنت من اللاذقية ماهيك؟
عيِّن = انظر
زتـّا = ارميها اشْلفا = ارميها
ازْركو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقالأحياناً للشخص الغبي بغيابو
أبتول = غبي
كريم (تلفظ الكاف متل الجيمالمصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّةجداّ ، لأنو يستعمل بدل أي فعل، طبعاً وتشتقّ عنو الشايعة والشايع ولكن طبيعةهالفعل بتنقال في حالة الإشمئزاز من شي أو الانزعاج من شيء معيّن
مسكليتة = بسكليتةالدراجة
ريحة = بارفان
جاكيّة = جاكيت
باكيّة = باكيت
خفّافة = بوطرياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىى= تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = حجش
اشْكمو= اخذلوا
يبأبــِش = يلخْبــِص= يلعب بأصابعه
بالورب = بالمايل
عواءبك = شرف العيلة
آآآ ( مدلازم 12 حركة مع فتح الفاه ) = للتعجب و الإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي = للتعجبالكتير
مكن = قوي
عكّيد = أبضاي
عَمْشة = وسخة
سأرأ = علبةمعدنية
دَرْبَكو = دَعْتـَرو = اوقعه ارضا
زنزوءة = مرجوحة = شئليبة = قلّيبة
مْأنشِح = وسخ
ألشين = جرابات
ألْشِت = زحطت
لـْبيسة = تيابداخلية
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت = مات
طـَشّة = أهبل
إيش ياه = شو ياه
مَكـَـنة )الكاف هون متل حرف الجيمبالمصري) = موتور
ميتور = موتور
مشْنِص = نوع من الموتورات في عام ال 20 مشنص ( مصطلح ) = حظوحلو
دشّـو = تركو = سيبو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
كبّينة = تواليت
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ماعليّ (مع تسكين الياء) = للحلفان
و الحشا =للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أومربيش
فا = يوجد
إسّا = لسّا
يحمّك = دعوة بالشر و الحمة
فلوكا = مركبالصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعناجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شودخلك
أتـّورة = نـَتـّوسه = أتـّوسه = شوي صغيرة
فط = نط
خربر = مثقب وهوأداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عمتتطلع
مسأسئ = مليانة مي أو متشتش
شنتيانة = سيف طويل طري جدا للعلئة = مشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع
قرقوعة = مهرهرة
سيبو = تركو
شكودري = شاوي حجش
يطلع صوب برا = يذهب إلى دورةالمياه
كل يوم تعا = يا ميت اهلا و سهلا بس لا تعيدا
شكارة = شكيلة ، وهيكلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنت آخد وشعالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للإندهاش الشديد
بسّة = قطة
مريّة = مراية
شنتير = كبير
خو = خذ
الواح= ولها اكثر من دلالة اما الرقم 1 يعني " واح اتنين تلوتة " او الواحد أي الفرد
النّس= الشخص السيء الدنيء
جفلتك = خوفتك = رعبتك
لسين = لسان و تجمع لسينات و تلفظ الياء " ايه "
يا أمان = يا للهول سمّاوي = لئيم = وجهه غير مطمئن
يأنبز = يستيقظ
تَخِّر = بعد
ما فيتني = لا استطيع
الجرابيع = الجرذان
حايشك = ماسكك
التاسومة = الصرماية = حذاء
  رد مع اقتباس
قديم 21/01/2009   #2
شب و شيخ الشباب سيجارة
عضو
-- قبضاي --
 
الصورة الرمزية لـ سيجارة
سيجارة is offline
 
نورنا ب:
Oct 2008
المطرح:
IN HILL
مشاركات:
441

إرسال خطاب Yahoo إلى سيجارة
افتراضي


يعني صرت شايف هالموضوع شي الف مرة
خيو يسلمو

سوف أعلن عليك الحب
وأختم على ذاكرتي بالشمع الأحمر........

ادخلو بصمت واخرجوا بصمت حتى تنطفئ تلك الشعلة الزرقاء .
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:55 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.05577 seconds with 12 queries