كون قد حالك

[phoenixbird]

مرحبا
ليش دائما وقت بنوقع باغلاط وتخبيصات وبلاوي نحنا نعملا ما بنعترف فيها وبنرميها على زيد وعمر من الناس ؟
كل ما بنخبص بنقول والله الحق على هاد وهداك والمجتمع والنظام والطائفية والعنصرية وتخلف المجتمع وارتفاع اسعار النفط
ونطلع نحنا الملائمة البريئين وضحايا هالجمتع
طب شي نهار نكون قد حالنا ونقول اي سيدي عملت هالشغلة وانا غلطت ووقعت بهالغلطة وبدي صلح غلطتي وكون قد حالي وواجه المشكلة بنفسي

مو غلط انو نغلط ما حدا خلق عالدنيا وهوي معه دكتوراه وكل الناس غلطت وبتغلط بس المصيبة باللي ما بيعترف بغلطته وبيصلحها واللي بيرميها على النظام والجتمع والناس وهاد وهداك هاد اللي ما رح يظبط بنوب

phoenixbird

[نتالي سوريا]

ميرسي عالموضوع الحلو
والله لانو ما حدن بحب يقول عن حالو غلطان يمكن؟
او لانو مافي مبرر للغلط يلي عملو..........فاشو بدو يقول؟
ويمكن لانو اغلب الناس مابتحب تسمع انها غلطانة!
لهيك عاقولتك الحق اما عا زيد وعمر
او يلعن الشيطان

[THE_unforgiven]

لأان ما بقا في لا شرائع ولا قوانين .. كل واحد بيتصرف ع كيفو .. ووقت الحساب ... مش أنا .. المشكلة وخاصة الشعب العربي .. بيعتمد ع غيرو .. يعني بحياتو .. ما بيقول أنا عملت هيك .. بيقول .. عقولتك .. فلان .. عمل .. شوبدك تحكي لتحكي .. عوجا والطابق مكشوف ..

[وشم الجمال]

انا لما اغلط بعترف بس غالبا الغلط عالمجتمع ابن الكلب....ما في مذنب بالحياة مثل الشرق

[MaTyA]

اي بعتبر الموضوع مو موجّه الي صحيح؟!

باعتباري بعترف بـ غلطي.. وبعتذر عنّو قولاً وفعلاً..

هلأ القولاً صعبة شوي لانو بحس بالخجل ..بس الفعلاً دايماً يعني ما في مشكلة

so قد حالنا ما تعتل هم

[phoenixbird]

الموضوع مو موجه لحدا

[Reemi]

يا ريت لو كل واحد فينا بيعترف بغلطو وبيلبش يصلحو وما يرمي الذنب ع غيرو .. مع انو الي خلاه يغلط اكيد شي تراكمي باغلب الاحيان ... انا من العالم الي بحاول برر لحالي ولاقي مية مخرج ..وبحاول برر للعالم كمان ..

اكتر شي بيقهرني بالدنيا..الي بيقلك انا بس اغلط بروح بعتذر وحتى ولو لولد صغير بس بنفس الوقت انا ما بغلط وهوي هاد الشخص بذاتو ما بيعترف كمان بغلطو ..
يا ترى الحق هون عليه او ع كبريائو ...

طيب عمي ما الاعتراف بالحق فضيله يعني ع قولة مدري مين

[x52]

عنما نقف على مفترق طرق نحتار في اي طريق نتجه خائفين ان يكون اختيارنا مكللا بالفشل ونبقى منتظرين الى ان يمر شخص اخر ويختار طريقا ما فنمشي وراءه لكي نعلق اخطائنا على حباله اذا فشل,
وان كان اختياره صحيحا نبرر وقفتنا بـأنا كنا نفكر وان هذا الطريق كان من اختيارنا منذ البدايه وانه سرق افكارنا ولا نكتفي بذلك بل ننصحه -بالتفكير وعدم التسرع في المرات القادمة-

[مايسترو]

متاكد انو مو موجه لحدا؟

[wild_angel]

حسب الغلط .. أحيانا عدم الاعتراف فيه بينقذ من أشياء كتيرة مستقبلية ...
وجهة نظري مخربطة بهل الموضوع

[دؤدء]

الاعتراف بالذنب فضيلة

كل واحد بالحياة يغلط

نحنا مو ملائكة لحتى ما نغلط

ولا الغلط هو نهاية الحياة

يا ريت الواحد يكون عندو الجرأة والشجاعة انو يواجه اخطائه بنفسه وما يحملها لغيرو

ومشكووووووووووووووووووووو وووور كتير على الموضوع الرائع

[biomen]

الاعتراف بالغلط بيتوقف عشخصية الانسان يعني في انسان الو كبرياء ما رح يعترف بغلطو لو شو ما كان و في انسان بيعترف بغلطو لو شو ما صار....كمان في اعتراف يكون بالمواجهة يعني بالحكي و هذا اصعب اعتراف و في اعتراف يكون بالفعل يعني بتصليح الغلط بطريقة غير مباشرة من دون ما تحسس الطرف الثاني بوجود الغلط

و لما بنغلط هذا ما يعني نهاية العالم....الانسان بيتعلم من اخطاؤو العيب في الشخص اللي بيغلط 1000 مرة نفس الغلط و ما بيعتبر من غلطو....

موضوع حلو ..مشكور